Connect with us

تازه خبرونه

د افغانستان د اساسي قانون لویه جرګه په خپل وخت نه را بلل کیږي

Ariana News

خپور شوی

 په

(Last Updated On: غبرګولى ۳۱, ۱۳۹۴)

vlcsnap-2015-06-21-16h59m00s180

د افغانستان د اساسي قانون لویه جرګه چې د ملي یوالي د حکومت په سیاسي تفاهم لیک کې یادونه شوې، په خپل وخت نه را بلل کیږي.

د سیاسي تفاهم لیک د عملي کیدو څخه د څارنې د کمیسیون ريیس محمد ناطقي وايي چې د تر سره شویو کارونو څخه داسې ښکاري چې جرګه به په خپل وخت را ونه بلل شي.

د ولسي جرګې ځینې غړي بیا وايي چې د لویې جرګې رابللو ته لیوالتیا نلري او که حکومت جرګه را وغواړي ښایي جرګه حکومت ته د پای ټکی کیږدي.

د ملي یوالي د حکومت د جوړښت د هوکړه لیک له اساسي موادو څخه یوه دا ده چې د اساسي قانون د تعدیل او اجرايي لومړي وزارت د پوست رامنځته کولو لپاره به د اساسي قانون لویه جرګه رابلل کیږي.

سیاسي هوکړه: لومړۍ برخه:

ولسمشر ژمن دی چې لویه جرګه را وغواړي چې د اساسي قانون د تعدیل او اجرايي لومړي وزارت د پوست خبرې وکړي. ولسمشر له لوړې وروسته د اساسي قانون د تعدیل مسودې لپاره کمیسیون په دنده ګوماري.

د سیاسي تفاهم لیک د عملي کیدو د څار د کمیسیون رییس محمد ناطقي:

اندیښنې موجودې دي. نهه میاشتې کيږي چې د ملي یووالي حکومت رامنځ ته شوی. حکومت په یاده موده کې ځینې کارونه ترسره کړي او ځینې یې نه دي ترسره کړي؛ نو د حکومت تېر ته په کتو سره ویلی شو چې جرګه ښایي په خپل وخت دایر نه شي.

د ولسي جرګې ځیني غړي بیا وايي چې د سیاسي تفاهم لیک یوه ماده هم نده عملي شوې.

د ولسي جرګې غړی داوود کلکاني:

تر اوسه د ملي یووالي د حکومت د پرېکړه لیک په یوه ماده هم عمل نه دی شوی او زما د څېړنې له مخې هیڅ اراده شتون نه لري چې لویه جرګه دې دایر شي.

دوی خبرداری ورکوي چې د حکومت د بې غورۍ له کبله ښايي حکومت سقوط وکړي.

د ولسي جرګې غړی ذکریا ذکریا:

تر ټولو مهم اصل دا دی چې باید په دې باندې کار وشي چې؛ له هغه پرته به د حکومت غفلت او بې پروایي حکومت له سقوط سره مخ کړي.

د ملي شورا، ولایتي شورا، او ولسوالیو شوراګانو غړی د لویې جرګې اصلي عناصر بلل کیږي. په داسې حال کې چې د ولسوالیو د شوراګانو ټاکنې نه دی شوي د لویې جرګې رابلل به د کوم اصل له مخې وي؟

Continue Reading
Advertisement

تازه خبرونه

په فراه کې چاودنې ۲۶ کسانو ته مرګ و ژوبله اړولې

Ariana News

خپور شوی

په

توسط

(Last Updated On: زمری ۲۲, ۱۳۹۹)

کورنیو چارو وزارت ویلي، چې نن ماښام ۶:۳۰ د دغه ولایت د څلورمې ناحیې په اړوند سیمه کې  یوې چاودنې ۴ پولیس وژلي او ۲۲ نور کسان ټپیان دي.

د یاد بنسټ د څرګندونو له مخې:  یو بریدګر، چې زرنج یې له چاودیدونکیو توکو ډک و؛ د پولیسو پر رنجر یې چاودیدونکی برید تر کړی دی.

د فراه د پولیسو ویاند محب الله محب ویلي، چې په ځاني زیانونو کې ملکي وګړي او پولیس شته دي.

تر دې دمه هیچا د دې چاودنې مسوولیت ته غاړه نده ایښې.

Continue Reading

تازه خبرونه

طالبانو پر خوشې کیدونکیو ۴۰۰ بندیانو د داعش د برید شونتیا په ډاګه کړې

Avatar

خپور شوی

په

توسط

(Last Updated On: زمری ۲۳, ۱۳۹۹)

طالبانو ویلي، چې له خوشې کیدو پاتې ۴۰۰ بندیان مو له جدي ګواښ سره مخ دي.

طالبانو په یو اعلامیه کې څرګنده کړې، چې د دوی د دقیقو او مستندو استخباراتي معلوماتو له  مخې د حکومت د چرخي پله له زندان څخه د پاتې بندیانو د خوشې کیدو د بهیر پر وړاندې جدي امنیتي خطر متوجه دی.

د طالبانو په اعلامیه کې راغلي، چې یوه داعشي ډله د حکومت د استخباراتو، د ځينو نظامیانو او د زندان د امنیتي پوستو د قومندانانو په مرسته، همغږۍ او همکارۍ اراده لري، چې د ۴۰۰ طالب بندیانو پر لیږدوونکیو نقلیه وسائطو برید ترسره کړي.

طالبانو په ډاګه کړې؛ داعش غواړي، چې مذاکرات ګدوډ کړي او همدا راز له دغو بندیانو څخه خپل غچ واخلي.

طالبانو له ټولو ښکېلو خواوو غوښتي، چې د دغه خطر د مخنیوی لپاره خپلې هڅې ونه سپموي او د بندیانو د لیږد بهیر په پوره پاملرنه او ډاډ ترسره کړي.

دا په داسې حال کې ده، چې د افغانستان د ملي امنیت عمومي ریاست د طالبانو څرګندونې بې بنسټه بولي او وایي؛ د هېواد ملي امنیت عمومي ریاست د ولسمشر د حکم او رامنځته شویو هوکړو له مخې نه یوازې دغو بندیانو ته زیان نه رسوي، بلکې ساتنه یې هم کوي.

Continue Reading

تازه خبرونه

د سولې خپلمنځي خبرې باید د بندو دروازو تر شا ونشي

Avatar

خپور شوی

په

توسط

(Last Updated On: زمری ۲۳, ۱۳۹۹)

اطلاعاتو ته د لاسرسي کمیسیون په ډاګه کړې، چې د سولې خبرې باید د خبریالانو په حضور کې تر سره شي.

 په قطر کې د افغانانو خپلمنځي خبرې د پیلیدو په درشل کې دي؛ خو د دغو خبرو رسنیز پوښښ د محدودولو هڅو د افغان خبریالانو او مدافع بنسټونو اندېښنې را پارولي دي.

ویل کیږي افغان خبریالان، چې د پوښښ لپاره قطر ته د تلو هوډ لري؛ دغه هېواد ویزه نه ورکوي.

اطلاعاتو ته د لاسرسي کمیسیون غړي عین الدین بهادري ویلي، چې په قطر کې د افغانانو په خپلمنځي خبرو کې د افغان خبریالانو ګډون باید اساسي شرط وي، چې وکولی شي د خبرو جزئیات خلکو ته وړاندې کړي.

دوی وايي، چې د خبریالانو له حضور پرته به دغه خبرې سختې پوښتنې را پورته کړي.

ویل کیږي، چې د افغان رسنیو هغو خبریالانو ته د قطر هېواد ویزه نه ورکوي؛ چې غواړي د سولې د خبرو د پوښښ لپاره دغه هېواد ته ولاړ شي.

د خبریالانو د خونديتوب کمیتې مسوولین وايي، چې د سولې پرېکړې باید د تړلیو دروازو تر شاه ونشي.

د خبریالانو د خوندیتوب کمیتې اجرائيه مشر صدیق الله توحیدي هم په دې اندېښمن دي، چې ګواکي په قطر کې د افغانانو په خپلمنځي خبرو کې خبریالانو ته د ګډون او راپور ورکولو حق نه ورکول کیږي.

خبریالانو ویلي؛ افغان طالبانو او امریکايي پلاوي هم په قطر کې شاوخوا یو کال د تړلیو دروازو تر شا خبرې وکړې او خبریالانو په ډېره سختۍ له دغو غونډو معلومات تر لاسه کول.

عام افغانان هم په دې باور دي، چې باید د افغانانو له خپلمنځي خبرو څخه باخبره وساتل شي او پوه شي، چې د هېواد او خلکو برخلیک ټاکنه کوم پړاوونه وهي او پر کوم لوري روانیږي.

د رسنیو ملاتړي بنسټونه وايي؛ که څه هم له افغان دولت سره هوکړې ته رسیدلي، چې د خبرو او غونډو جزئیات به رسنیو ته وړاندې کبږي؛ خو حکومت تر اوسه څه نه وايي.

د سولې په برخه کې د دولت وزارت مسوولین د خبریالانو د سفر د ځنډیدو په اړه څه نه وايي؛ خو یو شمېر خبریالان دغه وزارت ته ورپېژندل شوي، چې د سولې د خبرو د لومړي پړاو د پوښښ لپاره به قطر ته ځي.

Continue Reading

Trending