Connect with us

تازه خبرونه

د افغانستان خلک د روانې جګړې قربانیان دی ـ عبدالله عبدالله

خپور شوی

 په

(Last Updated On: چنګاښ ۲۷, ۱۴۰۰)

د افغانستان د حکومت لوړپوړی پلاوی د طالبانو له استازیو سره د اوربند، د طالب بندیانو خلاصون او د انتقالي حکومت پر څرنګوالي خبرې پیل کړي دي.

د دواړو لوریو استازي د همدې برخلیک په اړه پرېکړې او جدي خبرو د پیل لپاره چمتووالی نیسي؛ د افغان حکومت مشري د ملي پخلاینې عالي شورا مشر عبدالله عبدالله او د طالبانو هغه سیاسي مرستیال کوي.

عبدالله په یو ډول طالبانو ته خبرداری ورکړ، چې د جګړې له لارې کوم ځای ته نه رسي او دوی باید د سولې خبرو ته غاړه کېدي.

هغه وایي؛ د جګړې زیان خلک ګالي. اوس د دواړو لوریو اووه کسیز پلاوي جدي خبرې پیل کړي دي، کومې خبرې، چې پر اوربند، د طالب بندیانو خلاصون او راتلوونکي انتقالي نظام را څرخي.

عبدالله عبدالله، چې په دې ناسته کې د حکومت د لوړپوړي پلاوي مشري لري؛ وایي، چې طالبان او حکومت د زور له لارې هیڅ تر لاسه کولی نشي او خلک به د دې جګړې بایلونکي او قربانیان وي.

د ملي پخلاینې عالي شورا مشر له طالبانو غواړي، چې مستقیمو خبرو ته مخه کړي او د سولې په بهیر کې نرمښت وښیي.

بلخوا د طالبانو سیاسي مرستیال ملا عبدالغني برادر ویلي، چې له افغانستان څخه د بهرنیو ځواکونو د وتلو له پیل سره طالبان خپلې موخې ته رسېدلي او د سولې په خبرو کې له خپلو ډېرو غوښتنو هم تېریږي. دواړو لوریو د سولې بهیر په اړه اووه کسیز پلاوی د سلا مشورو لپاره ټاکلی دی.

د ملي پخلاینې عالي شورا ویاند  فریدون خوځون وایي: خبرې د دواړو خواوو تر منځ پیل شوي؛ پر خپلمنځي خبرو ټینګار شوی او ښاغلي ډاکټر ویلي، چې راشئ له افغان حکومت او خلکو سره یوځای شئ.              

د افغانستان د سولې لپاره د امریکا ځانکړي استازي زلمی خلیلزاد ویلي: مونږ د پرېکړو نیولو لپاره د لوړپوړیو مشرانو په ګډون ناستې تر سره کړې،  له ډېر نږدې له نورو هېوادونو لکه روسیې، چین، قطر، پاکستان او له خپلو متحدینو سره د دې بهیر د چټکتیا لپاره کار کوو.

طالبانو ویلي، چې د بهرنیو ځواکونو د وتلو پیل یې لویه لاسته راوړنه ده، دا ډله افغان دولت ته هم ډېر شرطونه لري؛ خو په دې ناسته کې ملا غني یو شین څراغ ښکاره کړ او هغه دا، چې د بهرنیو ځواکونو د وتلو له پیل وروسته دوی له خپلو ډېرو غوښتنو تېر شوي دي.

د طالبانو د سیاسي دفتر ویاند نعیم وردګ ویلي: نننۍ ناسته په رسمي بڼه پیل شوه او پر ټاکلیو موضوعاتو بحث او خبرې وشوې.          

دواړه لوري کلونه کلونه په یوه او ګډه جغرافیه کې جنګېدلي؛ د تلپاتې سولې څرک نه لګیږي او سترګې د دوحې روانې ناستې ته ور اوښتي، چې د تړلو دروازو شاته روانه ده. تمه دا ده، چې د دولت پلاوی به د درې میاشتني اوربند خبر کابل ته له ځان سره راوړي.

د طالبانو د سیاسي دفتر غړی سهیل شاهین وایي: زمونږ تمه داده، چې ناسته پایلې ته ورسیږي او افغانستان د ټولګډونه اسلامي نظام لرونکی شي.

د یادونې ده، چې طالبانو له دې ناستې مخکې د درې میاشتني اوربند وړاندیز کړی و؛ خو شرط یې دا و، چې اووه زره بندیان به یې خوشې کیږي او د مشرانو نومونه به یې له تور نوملړه وځي، چې حکومت ته درانده شرطونه ښکاري. وبه کتل شي، چې له دوه ورځنیو خبرو وروسته  پایله څه راووځي.

تازه خبرونه

اروپايي ټولنې د اړیکو پراخولو لپاره په کابل کې د دفتر پرانستلو نیت څرګند کړ

خپور شوی

په

توسط

(Last Updated On: لړم ۳, ۱۴۰۰)

فایننشل ټایمز څرګنده کړې، چې اروپايي ټولنه غواړي تر یوې میاشتې په افغانستان کې د خپلې ډیپلوماټیکې استازولۍ دفتر جوړه کړي.

د سرچینې د څرګندونو له مخې؛ اروپايي ټولنې پرېکړه کړې، چې له طا لبانو سره د تعامل او له نوي افغان حکومت سره د محدودو اړیکو د پراختیا او د بشري مرستو د رسولو لپاره کار روان وساتي.

په راپور کې راغلي؛ بروکسل غواړي، چې په افغانستان کې د خپلو کارمندانو د امنیتي خوندیتوب پر لارو چارو هم غور وکړي.

یوه چارواکي فایننشل ټایمز ورځپاڼې ته ویلي، بروکسل د تېرې میاشتې په اوږدو کې له کابل سره د داسې هوکړې هڅه کړې، چې له مخې به یې د اروپايي اتحادیې دفتر د یوه خصوصي امنیتي شرکت او یا د غړیو هېوادونو د ساتونکیو لخوا وساتل شي؛ خو وروسته یې په نه زړه ومنله، چې امنیت به یې د نورو سیاسي استازولیو په څېر پخپله د افغانستان اسلامي امارت خوندي کوي.

د دغې ټولنې ویاندې ویلي، چې تر دې دمه د اروپایي ټولنې د دفتر د امنیت خوندي کولو په اړه وروستۍ پرېکړه نده شوې.

په عين حال کې د اروپايي ټولنې یوې ویاندې، نبیله ماسرالي ويلي، چې دمګړۍ په کابل کې یوازې د شتون په لټه کې دي؛ خو د امنیتي دلایلو له مخې پر جزئیاتو څه نه وايي.

هغې په ډاګه کړې؛ د دې ټولنې یاده هڅه د رسمیت پېژندنې معنا نلري؛ زمونږ موخه له نږدې کېدو دا ده، چې د افغانستان خلکو ته غوره مرسته وړاندې شي، خو له طالبانو سره له تعامل او اړیکو پرته نشو کولی خپلې چارې تر سره کړو.  

Continue Reading

تازه خبرونه

د بیات بنیاد د مرستو لړۍ بلخ ولایت ته ورسېده

خپور شوی

په

توسط

(Last Updated On: لړم ۲, ۱۴۰۰)

بیات بنیاد د ژمنیو مرستو په لړ کې دا ځل د افغانستان د بلخ ولایت په مزار شریف ښار کې پر سلګونه اړو کورنیو خپلې په پام کې نیول شوې مرستې ووېشلې.

د دې بنسټ مسوولینو ويلي؛ د ژمي د سړې څپې له خوریدو مخکې هڅه کیږي، چې په ولایتونو کې پر اړمنو کورنیو خوراکي توکي ووېشل شي.

د بیات بنیاد مرستیال حاجي محمد اسماعیل وايي، چې په دې مرسته کې پر اړو کورنیو اوړه، غوړي او وریجې ووېشل شوې.

دې بنسټ په خپله مخکنۍ سروې کې اړمنې کورنۍ د مرستو لپاره مستحقې ګڼلې وې.

په بلخ کې د بیات بنیاد مسوول یافث ثاقب ویلي؛ بیات بنیاد د مرستو له وېش مخکې د اړو کسانو د معلومولو لپاره سروې کړې وه، چې په کې د مرستو مستحق کسان وپېژندل شول او اړوند مرستې یې ترلاسه کړې.

د بلخ اوسیدونکيو ويلي، چې بیات بنیاد په داسې حال کې له اړو کورنیو سره مرسته وکړه، چې خلک له سختو اقتصادي ستونزو سره مخ دي.

دوی له نورو خیریه بنسټونو څخه هم د ورته مرستو وېشل وغوښتل.

د بیات بنیاد مسوولین وايي، چې د مرستو دا لړۍ یې د هېواد له سویل او سویل لویدیځو ولایتونو پیل کړې، چې په نږدې راتلونکې کې به یې د هېواد نورو ولایتونو ته هم وغزوي.

Continue Reading

تازه خبرونه

ملي او خپلواکه اردو د جوړېدو په حال کې ده – د ملي دفاع وزارت

خپور شوی

په

توسط

(Last Updated On: لړم ۲, ۱۴۰۰)

د افغانستان اسلامي امارت د ملي دفاع وزارت چارسمبالی ملا محمد یعقوب مجاهد په یوه غږیز پیغام کې څرګنده کړې؛ هڅه کوو داسې ملي او خپلواکه اردو جوړه کړو، چې د افغانستان له ځمکنۍ بشپړتیا او هوايي حریم ساتنه وکړي.

د افغانستان پخوانۍ ملي اردو، چې په شاوخوا پېنځلس کلونو کې یې شمېر دوه سوه زره ته رسیدلی و؛ داسې وپاشل شوه، چې نه یوازې افغانان، بلکې نړیوال یې هم حیران کړل.

د افغانستان اسلامي امارت د بنسټوال ملا محمد عمر مجاهد زوی ملا محمد یعقوب مجاهد د ملي دفاع وزارت د چارسمبالي دنده لري.

نوموړي ویلي، چې د نوې ملي او خپلواکې اردو پر جوړولو یې کار پیل کړی دی.

د اسلامي امارت تر ټولو ستر پوځي چارواکي د ملي دفاع وزارت چارسمبالي ملا محمد یعقوب مجاهد د سیمې او نړۍ هېوادونو ته ډاډ ورکړی، چې د افغانستان له خاورې به هیڅ ګواښ ورته نه پيښیږي.

د نوې ملي او خپلواکې اردو د تمویل د سرچینو او په کې د پخوانيو پوځیانو د شاملولو او نه شاملولو په اړه په دې غږیز پیغام کې څه ویل شوي ندي. 

د ملي دفاع وزارت چارسمبالی ملا محمد یعقوب مجاهد ویلي؛ مونږ نیت لرو، چې د ملي دفاع وزارت په چوکاټ کې ملي او خپلواکه اردو جوړه کړو، چې پر پوره لیوالتیا او ملي روحیې له دې هېواد ساتنه وکړي. مونږ هڅه کوو د اسلامي امارت ملي اردو پر بېلابېلو عصري وسلو سمباله کړو. داسې ملي اردو، چې له ځمکني او هوایي وړتیاوو برخمنه وي.

دې لوړپوړي افغان پوځي چارواکي په خپل غږیز پیغام کې د سیمې او نړۍ هېوادونو ته ډاډ ورکړی، چې له افغانستان څخه به هیڅ زیان ورته پېښ نشي.

له افغانستان څخه د نړۍ هېوادونو ته د ګواښ نه پېښيدو په اړه اسلامي امارت له نړۍ سره ژمنه کړې؛ خو داسې بریښي، چې ځينې هېوادونه پدې ژمنه باوري ندي.

پوځي کارپوه  محمد سرور نیازي په دې اړه خپل اند داسې وړاندې کړې: د نړۍ هېوادونه پوهیږي، دا اردو له نړیوالې مرستې پرته چمتو کېدی نشي. باید نړۍ له افغانستان او خلکو سره په دې اړه مرسته وکړي.

د ملي دفاع وزارت چارسمبالي د نوې ملي اردو د تمویل د سرچینو او دا، چې پخواني پوځيان به په دې اردو کې ځای ولري که نه؟ څه نه دي ویلي؛ خو د اسلامي امارت ځينو غړیو ویلي، چې په نوې ملي اردو کې به د پوځ پخوانیو صادقو بچو ته هم ځای ورکړ شي.

د کورنیو چارو وزارت ویاند قاري سعید خوستي ویلي؛ مونږ هغو کسانو ته، چې په تېر امنیتي بنسټ کې ول؛ هم کاري زمینې په پام کې نیولي دي.

په تېرو شل کلونو کې د افغانستان د ملي اردو پر جوړولو نړیوالو میلیارډونه ډالر ولګول؛ خو د پخواني حکومت له پرځيدو سره دا اردو وپاشل شوه او غړي یې اوس په دندو کې نشته او نه هم  اسلامي امارت د پخوانۍ اردو د غړیو د بیا جذبولو لپاره کومه کړنلار وړاندې کړې ده.

Continue Reading

Trending

آریانا نیوز: ټول حقونه خوندي دي