Connect with us

سوداگري

د افغانستان بانک  د ۳۲ میلیون ډالرو نغدي مرستې  ټولګه  یوه خصوصي بانک ته وسپارله

خپور شوی

 په

(Last Updated On: غویی ۱۹, ۱۴۰۱)
د افغانستان بانک په ډاګه کړې؛ هېواد ته د بشري مرستو په لړ کې نن( دوشنبه د غویی ۱۹ ) د ۳۲ میلیون امریکایي ډالرو یوه بله نوې نغدي مرسته را ورسېده او یوه خصوصي باک ته وسپارل شوه.

د افغانستان بانک د څرګندونو له مخې؛ افغانستان ته د بشرپاله مرستو پر نوم نغدي مرستې راځي او د افغانستان یو سوداګریز بانک ته سپارل کېږي.

د افغانستان بانک له افغانستان سره د نړیوالې ټولنې له مرستو د هر کلي تر څنګ له نړیوالې ټولنې غواړي، چې خپلې مرستې د بانکي سکتور له لارې تر سره کړي.

د افغانستان بانک ټولو نړیوالو مالي او بانکي بنسټونو سره د نیکو اړیکو غوښتونکی دی او تمه لري، چې نړیواله ټولنه به هم د افغانستان بانک سره د غوره بانکي اړیکو په پاللو کې مرسته وکړي او د بانکي اړیکو د آسانتیا په برخه کې به همکاري وکړي.

دا نغدي مرستې په داسې حال کې افغانستان ته راځي، چې د امریکا د افغانستان د خلکو ملي شتمني کنګل کړې او ترې سمې نیمې درې نیم میلیارډ ډالر یې د سپټمبر د ۱۱ قربانیانو ته ځانګړې کړې دي. 

سوداگري

افغانستان له روسیې سره صادراتي او وارداتي اړیکو ته لیوالتیا ښکاره کړه

خپور شوی

په

توسط

(Last Updated On: غویی ۲۶, ۱۴۰۱)
د افغانستان اسلامي امارت غواړي له روسیې څخه د ګازو او تېلو د پېرلو تر څنګ روسیې ته نه یوازې وچه میوه صادره کړي، بلکې غواړي د ترکمنستان، افغانستان، پاکستان او هند د ګازو پر نللیکه هم عملي ټینګار ښکاره کړي.

د بزنس سټنډرډ د څرګندونو له مخې؛ په داسې حال کې، چې د روسیې د انرژۍ لوی شرکتونه لکه ګازپروم د لویدیځ تر بندیزونو لاندې دي، په مسکو کې د اسلامي امارت نومول شوي استازي جمال ناصر غروال له روسیې سره د انرژۍ په برخه کې د همکاریو د پراخولو لپاره د افغانستان پر هوډ ټینګار کړی دی.

جمال ناصر غروال د روسيې دولتي خبري آژانس تاس ته ويلي: مونږ د سوداګرۍ او مالي چارو په برخه کې خبرې اترې کوو. مونږ له روسیې سره د اقتصادي همکاریو او اړیکو پراختیا غواړو او له روسیې څخه د تېلو اخیستلو ته لیواله یوو.

نوموړي زیاته کړې؛ دا مهال د روسیې او افغانستان د سوداګرۍ وزارتونو له لارې خبرې اترې روانې دي؛ ځکه کابل هوډ لري، چې ډېر ژر ځانګړي تړونونه لاسلیک کړي.

په مسکو کې د افغانستان د سفارت چارسمبالي ټینګار کړی، چې د اسلامي امارت حکومت د زیربناوو، ودانیو، سړکونو او نورو اړینو تاسیساتو په جوړولو کې پر روسیې تکیه کوي؛ ځکه روسیې په تېر کې له افغانستان سره په دې اړه ډاډمنې مرستې کړې دي.

هغه څرګندوي: مونږ له مسکو سره د خبرو اترو له پرمختګ سره علاقه لرو او په دې اړه غواړو په راتلونکي کې خبرې اترې ولرو.

د راپور په پای کې جمال ناصر غروال د ترکمنستان، افغانستان، پاکستان او هند (ټاپي) د ګازو نللیکې د پروژې د کار دوام تائید کړ، چې پر مټ به یې سویلي آسیا هېوادونو له مرکزي آسیا له هېوادونو سره  ونښلوي.

Continue Reading

سوداگري

د اسلامي امارت د کانونو وزارت په عوایدو کې ډېروالی راغلی

خپور شوی

په

توسط

(Last Updated On: غویی ۲۵, ۱۴۰۱)

د کانونو او پطرولیم وزارت وايي؛  د کانونود اسختراج  او د پانګونې د جذب لپاره په لوړه کچه آسا نتیاوې رامنځته شوې دي.

د کانونو او پټرولیم وزارت د چارواکو د څرګندونو له مخې؛ شاوخوا لس میلیارد افغانۍ عواید لرو، چې یوازې له کوچني اختر راپدیخوا په لس کاري ورځو کې له ۸۰۰ میلیون افغانیو ډېر عواید راټول شوي دي.

دوی زیاته کړې؛ یو شمېر هېوادونه لیواله دي،  چې د افغانستان پر لیتیم  او یورانیم پانګونه وکړي؛ خو د دې کانونو د استخراج  په اړه د کانونو وزارت اوس کوم پلان نلري.

افغانستان یو له هغو هېوادونو دی، چې طبیعي  زیرمې  او کانونه یې  تر اوسه  پخپل حال پاتې دي.

د کانونو او پطرولیم  وزارت  ويلي؛  د یو شمېر هېوادونو  شرکتونه غواړي، چې  د افغانستان د لیتیم  او یورانیم  په استخراج  کې  پانګونه و کړي؛  خو د دې وزارت مسوولین د یورانیم  او لیتیم  د کانونو د استخراج  په اړه تر او سه کوم  پروګرام نلري او له هیچا سره يي  د قرارداد او استخراج  خبرې هم  شوې ندي.

د کانونو او پطورلیم وزارت ویاند مفتي عصمت الله برهان وایي: د نړۍ د بېل بېلو هېوادونو شرکتونه غواړي، چې په افغانستان کې پانګو نه وکړي. ځینو يي ليوالتیا درلو ده، چې پر لیتیم او یورانیم  پانګونه تر سره کړي؛ خو اسلامي امارت د دې کانونو د قراردادونو د ورکړې په اړه کوم پروګرام نلري.

د افغانستان د خصو صي سکتور غړي هم  د کانو نو له وزارته غوښتنه کوي، چې د کانونو د قرار دادونو په برخه  کې د افغانستان خصوصي سکتور ته  باید لومړیتوب ورکړ شي.

دغه راز خصوصي سکتور غواړي؛  د هېواد په ټولو کانونو کې له بهرنیو پانګوالو سره ګډې  پانګونې تر سره کړي.

د صنایعو او کانونو خونې مشر شېر باز کمین زاده ویلي؛ مونږ غواړو، چې د هېواد په ټولو کانونو کې پانګونې تر سره کړو هغه که کډې وي او که ځانګړې.

د اقتصادي  چارو پوهانو د څرګندونو له مخې؛ د افغانستان د کانونو منظم استخراج  کولی شي د افغانستان په ملي اقتصاد کې  مثبت بدلونونه رامنځته کړي.

د سوداګرۍ او پانګونې خونې غړی خانجان الکوزی وایي: د هېواد د کانونو د استخراج  بهیر د کانونو وزارت لخوا پیل شوی او د افغانستان کانونه کولی شي د افغانستان روان اقتصادي بحران مدیریت کړي.

د اقتصادي  چارو کارپوهان هم  پدې  باور دې،  چې  د افغانستان د کانونو منظم  استخراج به افغانستان له اقتصادي پلوه پر ځان بسیاینې ته ورسوي.

Continue Reading

سوداگري

اسلامي امارت د ۱۴۰۱ مالي کال خپلواکه بودجه تصویب کړه

خپور شوی

په

توسط

(Last Updated On: غویی ۲۴, ۱۴۰۱)

د افغانستان اسلامي امارت د ویاند مرستیال انعام الله سمنګاني د شنبې پر ورځ په ډاګه کړه، چې د سږني مالي کال بودجه تصویب شوه.

هغه څرګنده کړې؛ دا بودجه د تېرو کلونو پر پرتله په بشپړه توګه له کورنيو عوايدو جوړه  او پرته له کوم بهرني مالي ملاتړ تصویب شوې ده.

د مالیې وزارت د څرګندونو له مخې، دغه بودجه د وزیرانو شورا او د اسلامي امارت د مشرتابه ملا هبة الله اخوندزاده لخوا تصویب شوې ده.

د ۱۴۰۱ لمریز هجري مالي کال بودجه ۲۳۱ میلیارد افغانۍ ده، چې ۲۰۳ میلیارده افغانۍ یې عادي او ۲۷.۹ میلیارد هغه پراختیايي ده.

د اسلامي امارت ویاند ذبیح الله مجاهد ټویټ کړی؛ د ۱۴۰۱ لمریز هجري کال بودجه په بشپړ ډول له کورنیو عوایدو جوړه شوې ده.

په همدې حال کې د مالیې وزارت ويلي، په بودجه کې ۴۴ میلیارد افغانۍ کسر شته؛ خو د افغانستان اسلامي امارت به د مالي پلان له مخې د کال تر پایه خپله موخه ترلاسه کړي.

Continue Reading

Trending

Copyright © 2022 Ariana News. All rights reserved!