Connect with us

تازه خبرونه

د افغانستان او پاکستان درې اړینې سوداګریزې لارې بیا پرانستل کیږي

Ariana News

خپور شوی

 په

(Last Updated On: June 20, 2020)

 

افغانستان او پاکستان هوکړه کړې، چې د دوشنبې پر ورځ به د دواړو هېوادونو تر منځ د سوداګرۍ درې اړینې سوداګریزې لارې خلاصې کړي.

د پاکستان رسنیو څرګنده کړې؛ د تورخم، چمن او غلام خان درې سوداګریزې لارې د مارچ په میاشت کې د دواړو هېوادونو لخوا د کرونا ویروس د خوریدا له وېرې تر ول شوې وې.

ډان نیوز د شنبې پر ورځ په ډاګه کړې، چې د جمعې پر شپه ناوخته د پاکستان د کورنیو چارو وزارت په یوه خپره شوې اعلامیه کې څرګنده کړه: د افغانستان او پاکستان تر منځ درې سوداګریزې لارې به د جون پر ۲۲ بیا خلاصې شي.

د پاکستان د یاد وزارت د خبرتیا له مخې؛ د دغو درې سوداګریزو لارو له پرانستل کیدو سره به هره ورځ له دې لارو نامحدوده موټر د صادراتو او وارداتو لپاره تګ راتګ کوي. سربېره پر دې به د کرونا ویروس په اړه ټولې روغتیایي سپارښتنې هم په پام کې نیول کیږي.

د څرګندونو له مخې: د شنبې له ورځو پرته د اوونۍ په ټولو نورو شپږ ورځو کې د دواړو( هېوادونو) سوداګریز توکي له دې درې لارو تګ راتګ کولی شي؛ خو شنبه د پليو کسانو د ورځني تګ راتګ لپاره ځانګړې شوې ده.

په پاکستان کې د افغانستان سفیر عاطف مشعل د چین شینهوا خبري رسنۍ ته منلې، چې افغان سوداګر کولی شي اوس خپل سوداګریز توکي او تازه محصولاتو له دغو لارو صادر کړي.

مشعل دا هم ویلي، چې: همدا د تازه میوو او سبزیو د صادراتو لپاره ښه وخت دی؛ ځکه اوس د صادراتو لپاره چمتو دي.

سربېره پردې، په شمالي وزیرستان کې یوه پاکستاني چارواکي هم دې چینایي رسنۍ ته ویلي، چې د دواړو هېوادونو چارواکو کرونا ویروس ته په پاملرنه پر سوداګریزو کړنلارو او مقرراتو هوکړه کړې ده.

د راپورونو له مخې؛ د باروړونکیو لاریو او موټرو ټول ډریوران به د بندر په دواړو خواوو کې تر روغتیایي څارنو لاندې وي او د پولې دواړو خواوو ته به د قرنطین په مرکزونو کې کتل کیږي، چې موخه ترې د کرونا ویروس د ودې او پراختیا مخنیوی دی.

دا کار له هغې وروسته شونی شو، چې افغان سوداګرو ته د بندیزونو له کبله زیانونه واوښتل او د دوی اندېښنې یې راوپارولې.

د دې اوونۍ په پیل کې د افغانستان د سوداګرو اتحادیې مشر امید حیدري آنادولو خبري سرچینې ته څرګنده کړې وه، چې د لارو د تړل کیدو له کبله افغان سوداګرو له ۱۰۰ میلیون ډالرو ډېر زیان لیدلی دی. پداسې حال کې، چې د کرونا ویروس د خوریدو له کبله پاکستان ته د افغان سوداګرو د داخلیدو مخه نیول شوې وه؛ خو پاکستان، د افغانستان بازارونو ته د توکو صادرول روان ساتلي وه.

حیدري زیاته کړې؛ ان د تازه میوو او سبزیو په سلګونه بار شوي لارۍ پاکستان او هندوستان ته د تلو په موخه د څو میاشتو لپاره د چمن او تورخم په بندرونو کې بندې پاتې وې.

تازه خبرونه

په کابل ښار کې له دوه چاودنو درې کسان وژل شوي

Ariana News

خپور شوی

په

توسط

(Last Updated On: January 21, 2021)

د کورنیو چارو وزارت څرګنده کړې، چې پنجشنبې پرماسخوتن د کابل ښار د کوټې سنګي  او دارالامان په اړوند سیمو کې د ملي اردو او شخصي موټرو د طالبانو په برید کې لږ تر لږه درې کسان وژل شوي دي.

دغه راز همهاله د دارالامان په درې لاري کې پر یوه شخصي کرولا د نښلیدونکي ماین چاودنه شوې، چې یو ملکي وګړی یې وژلی او دوه نور ټپیان شوي.

پولیسو دا چاودنه هم تائيد کړې؛ خو د قربانيانو د هويت په اړه يې جزئيات ورنکړل.

دغه دوه پېښې د یو ساعت په دننه کې د ټولنیزو رسنیو وکاروونکیو تر منځ سخته اندېښنه راپورته کړې او د ناامنیو پړه یې پر امنیتي ادارو وراچولې ده.

د فیسبوک کاروونکیو پوښتلي، چې د دې مهال په ګڼه ګوڼه کې څنګه له چاودنې دوه کسان وژل کیدلی شي؟ خو پولیس نشي کولی د چاودنو د عاملینو مخنیوی وکړي.

دا چاودنې له هغې وروسته رامنځته کیږي، چې د اروپا د بشري حقونو سفیرانو په یوه ګډه اعلامیه کې د افغانستان پر ملکي وګړیو د چاودنو غندنه وکړه.

دوی ویلي، چې د پام وړ تلفات د طالبانو او بېلابېلو تروریستي سازمانونو لخوا ملکي وګړیو ته اوښتي دي.

د دوی د څرګندونو له مخې؛ د بشري حقونو د مدافعینو، قاضیانو، ژورنالیستانو، د رسنیو د کارمندانو او د مدني ټولنې د مخکښانو موخه ییزې وژنې د منلو وړ ندي.

دوی د حساب ورلونې او د ټولو بریدونو د بشپړې څېړنې او پلټنې غوښتنه وکړه او زیاتوي، چې ټول مجرمین باید محاکمه شي.

په کابل کې د موخه ییزو وژنو له زیاتوالي وروسته د ولسمشر اشرف غني لومړي مرستیال امرالله صالح ویلي؛ هغه مجرمین، چې نیول شوي باید اعدام شي.

د بندیانو د اعدام په اړه د امرالله صالح څرګندونو ته په غبرګون کې طالبانو خبرداری ورکړی که د دوی بندیان اعدام شي؛ نو دوی به یې غچ واخلي.

د طالبانو ویاند ویلي؛ ټول طالب بندیان، چې د افغان حکومت د محکمو لخوا پر مرګ محکوم شوي؛ د خوشې شویو ۵۰۰۰ بندیانو پرته له نورو بندیانو سره بد چلند به د سولې بهیر ته زیان ورسوي.

Continue Reading

تازه خبرونه

د افغانستان د بحران د حل لپاره به نړیواله تاریخي ناسته راوغوښتل شي

Ariana News

خپور شوی

په

توسط

(Last Updated On: January 21, 2021)

د اسلامي نړۍ د اړیکو مشر محمد بن عبدالکریم عیسی د پنجشنبې پر ورځ( د سلواغې ۲) د افغانستان د بهرنیو چارو وزیر حنیف اتمر سره په لیدنه کې نوموړي ته ډاډ څرګند کړ، چې د افغانستان روان کړکېچ  ته د حل لارې د موندلو لپاره به د اسلامي نړۍ نومیالي دیني عالمان او شخصیتونه راټول او یو تاریخي کنفرانس جوړ شي.

سعودي عربستان ته په درې ورځني رسمي سفر کې اتمر او شیخ ال عیسی په افغانستان کې د وینو تویېدو او تلپاتې سولې او همدارنګه د افراطیت او تروریزم پر وړاندې د مبارزې پر لارو چارو بحث او خبرې کړې دي.

د بهرنیو چاروزارت د څرګندونو له مخې؛ دواړو لوریو د افغانستان پر روان حالت په ځانګړي توګه په افغانستان کې د وینې توئیدنې د درېدو، د سولې ټینګښت، له ترهګرۍ او بنسټ پالنې سره د مبارزې او د اسلامي نړۍ د دیني عالمانو د رول په اړه هر اړخیزبحث او خبرې وکړې.

د بهرنیو چارو وزیر په افغانستان کې کرکې ، جنګ او وحشت ته په نغوته کې څرګنده کړې؛ نه یوازې دوی له اسلامي عقیدې او لارښوونو سره تضاد لري، بلکې له هیڅ مذهب او دین سره جوړ ندي.

هغه دا هم ویلي، چې د بېلابېلو هېوادونو او سازمانونو افراطیان د ځانګړیو اهدافو د تر سره کولو لپاره افغانستان د مسلمانانو د جګړې پر ډګر( دارالحرب) بدل کړی.

حنیف اتمر زیاته کړې؛ له اوسنۍ روانې ناروا جګړې څخه د افغانستان ژغورل په حقیقت کې له تاوتریخوالي، نړیوال تروریزم او د مخ پر وده بنسټپالنې څخه د اسلامي نړۍ او انساني ټولنې ژغورل دي.

هغه په ډاګه کړې: د سولې بهیر له لارې مونږ غواړو، چې طالبان په سیمه کې له نورو بهرنیو افراطي ډلو رابېل شي او په خپل هېواد کې سوله ییز او سیاسي ژوند ته راستانه شي.

د بهرنیو چارو وزارت په خبرپاڼه کې راغلي، چې اتمر د اسلامي نړۍ د همکارۍ غوښتنه وکړه.

شیخ عیسی ډاډ څرګند کړی، چې جرم او تروریزم په اسلام کې هیڅ ځای نلري او جنایي او تروریستي اعمال باید اسلام ته منسوب نشي.

هغه زیاته کړې: دا زمونږ مسوولیت دی، چې په افغانستان کې د جګړې د پای ته رسولو او د سولې په خوندي کولو کې مرسته او همکاري وکړو.

شیخ عیسی ژمنه وکړه چې په نږدې راتلونکي کې به د اسلامي نړۍ نفوذ لرونکي عالمان، مفکرین، پوهان او مفتیان سره راټول او د افغانستان کړکېچ ته بنسټیزه حللاره ومومي.

د اسلامي نړۍ د اړیکو مشر څرګنده کړې، چې د کنفرانس پایله باید تاریخي او پرېکنده وي. د کنفرانس د پرېکړو او پایلو د څارنې او پلي کولو لپاره به ځانګړی میکانیزم په نظر کې ونیول شي او د دې لپاره، چې کنفرانس ټولګډونه او ډاډمن شي؛ طالبانو ته به هم بلنه ورکړو، چې په دې ستر تاریخي او دیني کنفرانس کې ګډون وکړي.

Continue Reading

تازه خبرونه

وسلوالو طالبانو په بدخشان ولایت کې له پاڅونوالو یو شمېر کلي نیولي

Ariana News

خپور شوی

په

توسط

(Last Updated On: January 21, 2021)

د بدخشان ولایت د ارګو ولسوالۍ پر ځینو برخو د وسلوالو طالبانو په برید کې یو شمېر کلي د سیمه ییزو ځواکونو له واکه وتلي دي.

د بدخشان د پولیسو ویاند ثناالله روحاني منلې، چې په ارګو ولسوالۍ کې پېنځه کلي، چې تازه تر څارنې لاندې راغلي وه او سیمه ییزو پاڅونوالو ترې ساتنه کوله؛ پرون بیا د طالبانو لاس ته لویدلي دي.

ثنا الله روحاني زیاته کړې؛ د افغان ځواکونو او طالبانو تر منځ په نښتو کې دوه پاڅونوال وژل شوي او د یوه پولیس په ګډون درې نور ټپیان دي.

هغه دا هم ویلي، چې امنیتي ځواکونو د ولسوالۍ مرکز ته شاتګ کړی دی.

دغه راز طالبانو ویلي، چې تېره شپه په ارګو ولسوالۍ کې یو ملکي وګړی د افغان ځواکونو لخوا وژل شوی دی.

ځايي چارواکو تر دې دمه پدې اړه څه ندي ویلي.

Continue Reading

Trending

آریانا نیوز. کلیه حقوق محفوظ است