Connect with us

تازه خبرونه

د افغانستان او ترکمنستان ترمنځ د نوري فایبر په ګډون درې پروژې پرانیستل شوې

Ariana News

خپور شوی

 په

(Last Updated On: January 17, 2021)

د افغانستان او ترکمنستان ترمنځ د اوسپنیزې کرښې، برښنا لیږد او نوري فایبر د درې لویو پروژو د پرانیستل شوې، چې  د ولسمشر غني د څرګندونو له مخې به ورسره د دواړو هېوادونو ترمنځ اقتصادي او سیمه ییزې اړیکې نورې هم پیاوړې شي.

دا په داسې حال کې ده، چې افغان بېسیم مخابراتي شرکت ۲۵۰۰ میګابایټ نوري فایبر له ترکمنستان څخه افغانستان ته راولېږداوه، چې ورسره به هېوادوالو ته چټک او ارزان انټرنیټ چمتو شي.

د افغان بيسيم مخابراتي شرکت لوی مشر ډاکټر احسان الله بيات وايي: د افغان بيسيم مخابراتي شرکت هوډ لري، چې افغانستان ته ښه کيفيت لرونکی چټک انټرنيټ چمتو کړي. مونږ له ترکمنستان څخه ۲۵۰۰ میګابایټ انټرنیټ افغانستان ته راولېږداوه.

د افغانستان او ترکمنستان ولسمشرانو په یوه انلاین ناسته کې د اوسپنیزې کرښې، برښنا لیږد او نوري فایبر پروژې پرانیستلې.

ولسمشر اشرف غني د دغو پروژو پرانیسته د دواړو هېوادونو تر منځ د اړیکو د پراخېدو لپاره ارزښتمن ګامونه وبلل او څرګندوي: دا د افغانستان لپاره لوی ویاړ دی، چې له یو سل او څو کلونو راوروسته د مرکزي آسیا له هېوادونو سره خپلې اوږدمهاله اړیکې نوي کوي. د افغانستان او ترکمنستان ترمنځ ملګرتیا د افغانستان د دولت او خلکو لپاره ارزښتناکه اړیکه ده

اشرف غني ویلي؛ مونږ غواړو د دواړو هېوادونو ترمنځ اقتصادي اړیکې نورې هو پیاوړې کړو. مونږ له ترکمنستان څخه تېل وارد وو او تمه لرو، چې ترکمنستان زموږ مرمر وپېري.

د ترکمن ولسمشر قربان قلي بردي محمدوف هم د دواړو هېوادونو تر منځ د اقتصادي اړیکو د پیاوړتیا پر اړتیا ټینګار څرګند کړ او وایي، چې د ورته پروژو پلي کیدل به دواړو هېوادونو ته ګټه ورسوي.

نوموړي زیاته کړې: د داسې پروژو پلي کیدل د دواړو هېوادونو خلکو ته ګټه رسولی شي او دا پروژې کولی شي د دواړو هېوادونو اقتصاد پیاوړی او پراخه کړي.

د آقینه ـ اندخوی اوسپنیزه کرښه، د کرکي ـ اندخوی ـ پلخمري ۵۰۰ کیلوواټه برښنا لېږد لین او د امام نظر ـ آقینه ـ سرحد آباد ـ تورغونډۍ نوري فایبر پروژې په دې هیله پرانستل شوې، چې افغانستان د ځمکې له لارې نورې نړۍ سره ونښلوي.

تازه خبرونه

ناڅرګندو وسلوالو په کابل کې مشهور عالم جومات ته د تګ پرمهال وژلی

Ariana News

خپور شوی

په

توسط

(Last Updated On: March 3, 2021)

کابل پولیسو منلې، چې د کندوز ولایت د علماوو شورا پخوانی مشر او د کابل دارالعلوم استاد فیض محمد فایض د چارشنبې پر سهار د کابل ښار د ۱۷ ناحیې په اړوند سیمه کې د ناڅرګندو وسلوالو پر ډزو وژل شوی دی.

پولیسو ویلي، چې په دې اړه پلټنې روانې دي.

د کابل د سرکوټل د اړوند سیمې د طلایي ښارګوټي یو شمېر اوسیدونکيو ویلي، چې فیض محمد فایض نن سهار د دوه ناڅرګندو وسلوالو لخوا پر ډزو هغه مهال وژل شوی، چې جومات ته روان و.

د کابل پولیسو ویاند فردوس فرامرز د دغې وژنې پخلی کړی؛ خو څرګندوي؛ د لومړني راپورونو له مخې دا یو “تروریستي عمل” نه بلکې د وژنې یوه پېښه ده.

له دې پېښې څه نا څه یوه میاشت مخکې یو بل مشهور افغان عالم محمد عاطف هم د دوه نورو کسانو سره په یوه چاودنه کې ووژل شو.

په کابل کې میشت د خیریه ګروپ یو مشهور عالم ، محمد عاطف هغه مهال ووژل شو کله چې د هغه په موټر کې ځای پر ځای شوي ماین وچاودید.

دغه روحاني شخصیت په کابل کې د یوه خیریه بنسټ مشري، چې دفتر ته پر لاره یې پر موټر بمي چاودنه رامنځته او ووژل شو.

تر اوسه چا د دې برید مسوولیت هم ندی منلی.

Continue Reading

تازه خبرونه

د امریکا دوه پخوانیو دفاع وزیرانو جو بایډن ته د ځواکونو پر ساتلو ټینګار څرګند کړی

Ariana News

خپور شوی

په

توسط

(Last Updated On: March 2, 2021)

د امریک دوه پخوانیو دفاع وزیرانو ویلي، چې دوی به ولسمشر جو بایډن ته له افغانستان څخه د ټولو امریکایي ځواکونو د نه ایستلو پر سپارښتنه ټینګار وکړي.

د امریک پخواني دفاع وزیر مارک یسپر ویلي، چې د بروکینګز انسټیټیوټ له مایکل اوهانلون سره په یوه مرکه کې ویلي، چې له طالبانو سره د ځواکونو د ایستلو تړون تل له شرایطو تړاو لرلی.

یسپر ویلي: طالبانو پخپلې ژمنې پلې کړې ندي؛ تاوتریخوالی روان دی، له افغان سره د سیاسي هوکړې پایله ناڅرګنده ده او له القاعدې سره پوره اړیکې پرې شوې ندي.

نوموړي زیاته کړې؛ هغه په افغانستان کې د ټرمپ د ټاکنو پر مهال د ځواکونو شمېر ۲۵۰۰ ته له راټیټولو سره مخالفت کړی و، چې د ده د څرګندونو له مخې پر طالبانو یې د امریکا فشار بې اغېزې کړ.

نوموړي غوښتل، چې په افغانستان کې د ځواکونو شمېر باید د شرایطو تر ښه کېدو پورې ۴۵۰۰ وساتل شي.

یسپر زیاته کړې، چې ټرمپ جو بایډن له سخت وضعیت سره مخ کړی.

د نوموړي د څرګندوړنو له مخې؛ مونږ باید ډاډ ترلاسه کړو، چې افغانستان بیا د تروریزم لپاره خوندي ځای نشي.

دغه راز د پخواني ولسمشر بارک اوباما دفاع وزیر رابرټ گیټس له واشنګټن پوسټ سره په خبرو کې ویلي، چې امریکا باید په افغانستان کې د سولې تر راتلو پاتې.

نوموړي ویلي؛ زما نظر دا دی، چې د ولسمشر د څرګندونو له مخې کېدی شي مونږ د می پر لومړۍ نېټه خپل پاتې سرتېري ونه وباسو او له خپلو متحدینو سره د پاتې کېدو شونتیا په پام کې ونیسو.

ګیټس څرګنده کړې: مونږ اوس په افغانستان کې ۲۵۰۰ سرتېري لرو او دوی پاتې کیدو ته اړتیا لري او  لږ تر لږه تر هغه وخته پاتې شي، چې طالبان یې شتون ومني.

دغه راز په کابل کې د امریکا سفارت ویلي؛ د افغانستان د سولې لپاره د امریکا ځانګړی استازی زلمي خلیلزاد به دوحې او د سیمې نورو هېوادونو ته سفر وکړي، چې د افغان سولې په تړاو له افغان مشرانو، طالب استازیو او نورو هېوادونو سره خبرې اترې بیا پیل کړي.

دا په داسې حال کې ده، چې د امریکا د استازیو جرګې د بهرنیو چارو کمیټې مرستیال په ډاګه کړې؛ د افغانستان د سولې لپاره د امریکا ځانګړي استازي زلمي خلیلزاد د افغانستان په ګډون سیمې ته سفرونه پیل کړي، چې د امریکا او طالبانو ترمنځ د سولې راوستو په هوکړه لیک کې بدلون رامنځته کړي.

Continue Reading

تازه خبرونه

اشرف غني او خلیلزاد د افغانستان د سولې پر راتلونکي پړاو خبرې وکړې

Ariana News

خپور شوی

په

توسط

(Last Updated On: March 1, 2021)

ولسمشر محمد اشرف غني نن له غرمې مخکې په افغانستان کې د سولې لپاره د امریکا له ځانګړي استازي زلمي خلیل زاد سره وکتل.

ولسمشرۍ څرګنده کړې؛ ولسمشراشرف غني نن له غرمې مخکې د افغانستان د سولې لپاره د امریکا د بهرنیو چارو وزارت له ځانګړي استازي ډاکتر زلمي خلیلزاد سره وکتل.

ولسمشرۍ په ډاګه کړې؛ په دې ناسته کې د سولې پروسې پر راتلونکیو ګامونو بحث وشو او دواړو لوریو د دې پروسې پر ګړندي کولو هم ټینګار کړی دی.

ډاکتر زلمي خلیلزاد د سولې لپاره پر داخلي اجماع، سیمه ییزې او بین المللي ډيپلوماسۍ خوښي وښوده او یو ځل بیا یې په افغانستان کې د سولې د ټینګښت لپاره د امریکا د اغېزناک رول ډاډ څرګند کړ.

د امریکا د نوي حکومت لخوا د افغان سولې لپاره د امريكا د بهرنيو چارو وزارت د ځانګړي استازي زلمي خلیلزاد د دندې له غزولو وروسته؛ زلمي خلیلزاد خپل کاري سفر له خپل نوي مرستیال سره په ګډه له جرمني پیل کړ. دی له هغه هېواده افغانستان ته راغی؛ قطر، پاکستان، عربي متحده اماراتو او ځينو نورو هېوادونو ته به هم سفرونه ولري او د افغان سولې د خبرو د بري لپاره به د دې هېوادونو ملاتړ او مرسته تر لاسه کړي.

دا په داسې حال کې ده چې د ملي پخلاینې عالي شورا رییس عبدالله عبدالله د دوشنبې پر سهار په کابل کې له خلیلزاد سره د افغانستان د سولې بهیر په اړه خبرې کړې دي.

Continue Reading

Trending

آریانا نیوز: ټول حقونه خوندي دي