Connect with us

تازه خبرونه

د افغانانو ۴۰۰ کلن لرغونی کتاب د جرمني له کتابتونه تر لاسه شوی – حبیب الله رفیع

Ariana News

خپور شوی

 په

(Last Updated On: December 29, 2020)

د علومو اکاډمۍ غړي، لیکوال او فرهنګي حبیب الله رفیع اسرار الافغان نومی کتاب، چې د پښتنو د نهه سوه کلن تاریخ د ناویلو بیانونکی دی؛ په جرمني کې د مېشته افغانانو پر مرسته تر لاسه کړی دی.

دا کتاب د جرمني په یاد وړ کتابتون کې ساتل کېده.

لیکوال او فرهنګي حبیب الله رفیع په دې اړه ویلي؛ دا کتاب څه نا څه ۶۰۰ چاپي پاڼې کیږي او په دې کې داسې خبرې شته، چې په نورو کتابونو کې لږ راغلي دي.

استاد رفیع څرګنده کړې؛ دا کتاب څلور سوه کاله مخینه لري او د پښتنو لومړنی عرفاني او ادبي خوزښت، چې د شیخ مټي(مطیع) بابا لخوا له اوومې تر لسمې پېړۍ را منځته شوی و؛ بیانوي.

دی زیاتوي، چې دا خوزښت په سعودي، پېښور، هند او افغانستان کې سلګونه زره مریدان لري  او د کتاب لیکوال هم حسین بن صابر سینزی دی، چې په هندي فارسي سبک لیکل شوی دی.

نوموړي دا هم ویلي؛ دوه نسخې یې سمې او تصحیح شوي، چې له پښتنو څېړونکیو سره مرسته کوي.

استاد حبیب الله رفیع زیاته کړې: دوه نسخې؛ یوه یې، چې په کراچۍ ښار کې موندل شوې او بله دا، چې اوس تر لاسه شوې؛ دواړه مې سره پرتله کړې اوس چاپ ته چمتو شو. ان شاالله د کتاب بشپړ متن مو تر لاسه کړ.

دغه راز د هېواد بل فرهنګي او لیکوال اقتصاد پوه احسان الله آرینزي د لومړي ځل لپاره نهه ټوکه کتابونه د افغانستان په ګډون د پېنځه وچو د ۱۹۶ هېوادونو د جغرافیې، اقتصاد او  بشري اړیکو د تاریخ په اړه پر پښتو ژبه لیکل شوی؛ دري ژبې ته ژباړل شوی او پر ازبکي ژبې یې د ژباړې کار روان دی.

د احسان الله آرینزي دغه نهه ټوکه کتاب، چې شپږ زره پاڼې لري؛ له ۲۰۱۷ کال څخه تر اوسه څلور ځله چاپ شوی دی.

 ښاغلي آرینزي په دې اړه ویلي: له ځوان نسله زما غوښتنه داده، چې یو ځل دا کتاب ولولي؛ نړۍ وپېژني او بیا ځان وګوري، چې نړۍ چېرته او مونږ چېرته یو.

دا په داسې حال کې ده، چې لیکوالان او فرهنګیان د تېر پر پرتله اوس له کتاب لیکلو او څېړنو ساړه شوي او وایي، چې ناامنیو او جګړې د کتاب لوستو فرهنګ له منځه وړی او خلک له کتابتونونو او کتاب لوستلو لرې پاتې شوي دي.

تازه خبرونه

په کابل کې د دفاع وزارت د چارسمبالي پر کور موټر بم ۲۸ کسانو ته مرګ و ژوبله اړولې

Ariana News

خپور شوی

په

توسط

(Last Updated On: August 4, 2021)

کورنیو چارو وزارت د چارشنبې پر ورځ تائید کړه، چې تېره شپه اته بجې د کابل په شېرپور سیمه کې د دفاع وزارت د چارسمبالي بسم الله محمدي له کوره بهر له موټر بم بریده د یوې میرمنې په ګډون اته کسان وژل شوي او ۲۰ ډېر نور ټپیان دي.

د یاد وزارت د څرګندونو له مخې؛ له موټر بم برید سمدستي وروسته وسلوالو پر کور ډله ییز برید وکړ او له امنیتي ځواکونو سره یې پېنځه ګړۍ جګړه روانه وساتله.

په یاده څرګندونه کې راغلي: نښته تېره شپه د ځانګړیو ځواکونو او بریدګرو ترمنځ له پېنځه ګړیو نښتې وروسته پای ته ورسېده.

دغه وزارت ویلي، پېنځه بریدګر په پېښه کې ښکېل ول.

د سې شنبې پر شپه چارواکو وویل، چې د دفاع وزارت چارسمبالی بسم الله محمدي خوندي دی.

محمدي له برید څو ساعته وروسته یو ویډیويي پیغام خپور کړ او ویې ویل، چې هغه او کورنۍ یې په کابل کې د هغه پر استوګنځي له “ترهګریز برید” وروسته خوندي دي.

هغه ویلي، چې د هغه یو شمېر امنیتي ساتونکي ټپیان شوي دي.

په ورته وخت کې د ولسمشر لومړي مرستیال امرالله صالح د چارشنبې پر سهار له محمدي سره پخپل دفتر کې وکتل.

طالبانو د دفاع وزارت د چارسمبالي بسم الله محمدي پر کور د تېرې شپې د موټر بم برید مسولیت منلی او وایي، چې دا برید غچ اخیستونکی و او له برید وروسته یې ګڼ ځاني زیانونه هم رامنځته کړي دي.

دغه راز پولیسو ویلي، چې د سې شنبې د شپې پر چاودنې سربېره د چهارشنبې پر سهار شاوخوا ۸:۱۵ دقیقې د کابل د لسمې ناحیې په اړوند سیمه کې د ماین چاودنه شوې ده.

د پولیسو د څرګندونو له مخې په دې پېښه کې دوه تنه ټپیان شوي دي.

Continue Reading

تازه خبرونه

طالبان د سولې په ځنډېدلیو خبرو کې د ډېر واک غوښتنه لري – خلیلزاد

Ariana News

خپور شوی

په

توسط

(Last Updated On: August 4, 2021)

د امریکا ځانګړي استازي د سې شنبې پر ورځ ویلي، چې طالبان او د کابل حکومت د امریکا تر ملاتړ لاندې د سولې د راوستلو په خبرو کې د واټن لرونکي دي او طالبانو په هر نوي حکومت کې د ډېر واک غوښتنه کړې ده.

په افغانستان کې د امریکا د پخواني ډیپلوماټ زلمي خلیلزاد ترخه ارزونه د ولایتي مرکزونو پر لوري د طالبانو له پرمختګونو سره همهاله په ډاګه کیږي، چې په کې لسګونه زره ملکي وګړي ځاني زیانمن شوي او له خپلو کورونو بې ځایه شوي هم دي. په داسې حال کې، چې د امریکا پوځي شتون له ۲۰ کلنې جګړې وروسته مخ پر پای ته رسېدو دي.

خلیلزاد د آسپن په آنلاین امنیتي کنفرانس کې ویلي: پت روان پړاو کې دوی (طالبان) غوښتنه کوي، چې پوځي وضعیت ته په کتو په راتلونکي حکومت کې د واک له ډېرې برخې برخمن شسي.

اوسمهال د امریکایي چارواکو د څرګندونو له مخې؛ د غني اداره په اوسني حکومت کې د طالبانو پر وردننه کولو راڅرخي.

خلیلزاد په دې اړه وایي،  چې سوله یوازې د اوربند او خبرو اترو له لارې ترلاسه کیدی پر یو انتقالي حکومت رامنځته کېدی شي.

خلیلزاد دا هم ویلي، چې د طالبان د ادعاوو له مخې د غني حکومت “د پوځي اشغال پایله ده” او دوی د انتقالي حکومت او اساسي قانون په اړه وهکړه غواړي.

د نوموړي پر اند د دواړو خواوو تر منځ واټن پراخه شوی؛ دوی هڅه کوي د جګړې په ډګر کې امتیازونه تر لاسه او بیا د سولې خبرې پیل کړي.

خلیلزاد ویلي، چې روانه ۴۰ کلنه شخړه نوره مشروعیت نلري؛ جګړه دې ودریږي او د واکوېش لپاره دې افغانان نه وژل کیږي.

د امریکا د بهرنیو چارو وزارت ویلي، چې د سې شنبې پر ورځ د امریکا بهرنیو چارو وزیر انټوني بلینکن او د افغانستان د ولسمشر اشرف غني ترمنځ ټیلیفوني خبرې د دوحې پر ځنډیدلیو خبرو راڅرخېدلي او د اړتیا له مخې یې پر چټکو خبرو پیلولو هوکړه کړې ده.

د امریکا د بهرنیو چارو وزارت ویاند نډ پرایس په په ډاګه کړې؛ همدارنګه بلینکن او غني د طالبانو روان بریدونه او د ملکي وګړیو بې ځایه کیدل غندلي دي.

پرایس خبریالانو ته څرګنده کړې؛ که طالبان له خبرو ډډه وکړي ځانته به پاتې شي او لویه اندېښنه مو داده ، چې دا هېواد به د کورنۍ جګړې ښکار شي.

دا په داسې حال کې ده، چې تېره شپه اته بجې د کابل ښار په شېرپور کې د د فاع وزارت د چارسمبالي پر کور طالبانو له موټر بم وروسته ډله ییز برید وکړ، چې د کورنیو چارو وزارت د څرګندونو له مخې په دې برید کې ۸ کسان وژل شوي او ۲۰ نور ټپیان دي.

Continue Reading

تازه خبرونه

هرات ښاریانو د “الله اکبر” پر نارو پورته کولو له امنیتي ځواکونو ملاتړ څرګند کړ

Ariana News

خپور شوی

په

توسط

(Last Updated On: August 3, 2021)

د هرات زرګونه اوسیدونکیو تېره شپه (دوشنبه د زمري ۱۱) د هېواد له امنیتي او دفاعي ځواکونو څخه د خپل ملاتړ څرګندولو لپاره “الله اکبر” نارې پورته کړې.

په هرات کې له تېرو څو اوونیو راپدیخوا د امنیتي ځواکونو او طالبانو ترمنځ نښتو زور اخیستی او خلک اړ شوي، چې د امنیتي ځواکونو پر ملاتړ خپلې اندېښنې په ډاګه او د روانې جګړې د درېدو غوښتنه وکړي.

پرون د ملي شورا په ګډه غونډه کې ولسمشر اشرف غني له استازیو وغوښتل، چې د طالبانو پر وړاندې خلک راپورته او د ولسي خوزښتونو رهبرۍ ته اوږه ورکړي.

غنی دا هم ویلي، چې له کابل څخه د نویو ځواکونو پر ورتګ د طالبانو پرمختګ درېدلی او د دې ډلې پر ضد چاڼیز عملیات روان ساتل شوي دي.

د اشرف غني له څرګندونو وروسته د هرات اوسیدونکیو د خپلو کورونو له بامونو او سړکونو څخه د امنیتي ځواکونو په ملاتړ د “الله اکبر” نارې ووهلې.

د هرات د خلکو دغه شعار ته په نغوته کې ولسمشر اشرف غني څرګنده کړې:  د هرات د خلکو الله اکبر  ښیي، چې خلک د الله اکبر د مشروع  ویلو حق لري او طالب، چې څه کول غواړي؛ هغه جرم دی.

دغه راز پخواني جهادي مشر اسماعیل خان، چې په هرات کې د ولسي پاڅون مشري کوي؛ د دغه ولایت پر خلکو په ځانګړي توګه له ښځو غوښتي، چې د طالبانو پروړاندې ودریږي.

اسماعیل خان پدې اړه ویلي؛ دا د هرې میرمنې او د هرات د خلکو دنده ده، چې د ناپوهۍ له دې لښکر څخه ځانونه وژغوري. طالبان د پخوا په پرتله ډېر ناپوه او مغرور دي او که دوی له دې ناپوهۍ سره هرات ته راننوتلي وای؛ خلک به یې ډېر ځورولي او پښېمانه کړې وای، چې ولې یې پر وړاندې ونه درېدل.

د هرات والي عبدالصبور قانع ویلي، چې د هرات لویدیځه برخه هم د طالبانو له شتون پاکه شوې او امنیتي ځواکونه د ښار په سویلي برخه کې خپل عملیات روان ساتلي.

یو شمېر سرچینې آریانا نیوز ته تائیدوي، چې د هرات ښار په جنوب کې د طالبانو او امنیتي ځواکونو ترمنځ سختې نښتې روانې دي.

د افغانستان دفاع وزارت ويلي، چې په هرات ښار کې د افغان ځواکونو او ولسي پاڅونوالو په ګډو عملیاتو کې ۴۱ طالبان وژل شوي او ۳۲ نور ټپیان دي او د هرات لویې سیمې د طالبانو له شتون پاکې شوې دي.

طالبانو تر اوسه پدې اړه رسنیو ته څه ندي ویلي.

همدارنګه د ټولنیزو رسنیو یو شمېر هڅاندو یو کمپاین پیل کړی او له خلکو یې غوښتي، چې نن شپه دې په کابل کې د الله اکبر په ویلو د هېواد له امنیتي او دفاعي ځواکونو خپل ملاتړ څرګند کړي.

د دفاع وزارت ویاند فواد امان هم په دې اړه ټویت کړی او له خلکو یې غوښتي، چې د الله اکبر پر ویلو خپل امنیتي ځواکونه ونازوي.

ټاکل شوې، چې د کابل اوسیدونکي نن شپه ۹ بجې د “الله اکبر” پر ویلو له امنیتي ځواکونو خپل ملاتړ څرګند کړي.

Continue Reading

Trending

آریانا نیوز: ټول حقونه خوندي دي