Connect with us

تازه خبرونه

د افغانانو ۴۰۰ کلن لرغونی کتاب د جرمني له کتابتونه تر لاسه شوی – حبیب الله رفیع

Ariana News

خپور شوی

 په

(Last Updated On: December 29, 2020)

د علومو اکاډمۍ غړي، لیکوال او فرهنګي حبیب الله رفیع اسرار الافغان نومی کتاب، چې د پښتنو د نهه سوه کلن تاریخ د ناویلو بیانونکی دی؛ په جرمني کې د مېشته افغانانو پر مرسته تر لاسه کړی دی.

دا کتاب د جرمني په یاد وړ کتابتون کې ساتل کېده.

لیکوال او فرهنګي حبیب الله رفیع په دې اړه ویلي؛ دا کتاب څه نا څه ۶۰۰ چاپي پاڼې کیږي او په دې کې داسې خبرې شته، چې په نورو کتابونو کې لږ راغلي دي.

استاد رفیع څرګنده کړې؛ دا کتاب څلور سوه کاله مخینه لري او د پښتنو لومړنی عرفاني او ادبي خوزښت، چې د شیخ مټي(مطیع) بابا لخوا له اوومې تر لسمې پېړۍ را منځته شوی و؛ بیانوي.

دی زیاتوي، چې دا خوزښت په سعودي، پېښور، هند او افغانستان کې سلګونه زره مریدان لري  او د کتاب لیکوال هم حسین بن صابر سینزی دی، چې په هندي فارسي سبک لیکل شوی دی.

نوموړي دا هم ویلي؛ دوه نسخې یې سمې او تصحیح شوي، چې له پښتنو څېړونکیو سره مرسته کوي.

استاد حبیب الله رفیع زیاته کړې: دوه نسخې؛ یوه یې، چې په کراچۍ ښار کې موندل شوې او بله دا، چې اوس تر لاسه شوې؛ دواړه مې سره پرتله کړې اوس چاپ ته چمتو شو. ان شاالله د کتاب بشپړ متن مو تر لاسه کړ.

دغه راز د هېواد بل فرهنګي او لیکوال اقتصاد پوه احسان الله آرینزي د لومړي ځل لپاره نهه ټوکه کتابونه د افغانستان په ګډون د پېنځه وچو د ۱۹۶ هېوادونو د جغرافیې، اقتصاد او  بشري اړیکو د تاریخ په اړه پر پښتو ژبه لیکل شوی؛ دري ژبې ته ژباړل شوی او پر ازبکي ژبې یې د ژباړې کار روان دی.

د احسان الله آرینزي دغه نهه ټوکه کتاب، چې شپږ زره پاڼې لري؛ له ۲۰۱۷ کال څخه تر اوسه څلور ځله چاپ شوی دی.

 ښاغلي آرینزي په دې اړه ویلي: له ځوان نسله زما غوښتنه داده، چې یو ځل دا کتاب ولولي؛ نړۍ وپېژني او بیا ځان وګوري، چې نړۍ چېرته او مونږ چېرته یو.

دا په داسې حال کې ده، چې لیکوالان او فرهنګیان د تېر پر پرتله اوس له کتاب لیکلو او څېړنو ساړه شوي او وایي، چې ناامنیو او جګړې د کتاب لوستو فرهنګ له منځه وړی او خلک له کتابتونونو او کتاب لوستلو لرې پاتې شوي دي.

تازه خبرونه

ناڅرګندو وسلوالو په کابل کې مشهور عالم جومات ته د تګ پرمهال وژلی

Ariana News

خپور شوی

په

توسط

(Last Updated On: March 3, 2021)

کابل پولیسو منلې، چې د کندوز ولایت د علماوو شورا پخوانی مشر او د کابل دارالعلوم استاد فیض محمد فایض د چارشنبې پر سهار د کابل ښار د ۱۷ ناحیې په اړوند سیمه کې د ناڅرګندو وسلوالو پر ډزو وژل شوی دی.

پولیسو ویلي، چې په دې اړه پلټنې روانې دي.

د کابل د سرکوټل د اړوند سیمې د طلایي ښارګوټي یو شمېر اوسیدونکيو ویلي، چې فیض محمد فایض نن سهار د دوه ناڅرګندو وسلوالو لخوا پر ډزو هغه مهال وژل شوی، چې جومات ته روان و.

د کابل پولیسو ویاند فردوس فرامرز د دغې وژنې پخلی کړی؛ خو څرګندوي؛ د لومړني راپورونو له مخې دا یو “تروریستي عمل” نه بلکې د وژنې یوه پېښه ده.

له دې پېښې څه نا څه یوه میاشت مخکې یو بل مشهور افغان عالم محمد عاطف هم د دوه نورو کسانو سره په یوه چاودنه کې ووژل شو.

په کابل کې میشت د خیریه ګروپ یو مشهور عالم ، محمد عاطف هغه مهال ووژل شو کله چې د هغه په موټر کې ځای پر ځای شوي ماین وچاودید.

دغه روحاني شخصیت په کابل کې د یوه خیریه بنسټ مشري، چې دفتر ته پر لاره یې پر موټر بمي چاودنه رامنځته او ووژل شو.

تر اوسه چا د دې برید مسوولیت هم ندی منلی.

Continue Reading

تازه خبرونه

سره صلیب په افغانستان کې د هڅو پر غزولو ټینګار څرګند کړ

Ariana News

خپور شوی

په

توسط

(Last Updated On: March 3, 2021)

د سره صلیب نړیواله کمېټه، چې له اتیا کلونو را پدیخوا خلکو ته په بېړنیو حالاتو کې مرستې رسوي، له سرې میاشتې ټولنې سره خپله همکاري د درې نورو کلونو لپاره وغزوله.

 د سره صلیب او سرې میاشتې ټولنې مسوولین وایي، تل یې هڅه کړې، چې د افغانستان خلکو ته په بېړنیو حالاتو کې مرسته ورسوي.

په وروستیو کلونو کې له روانو جګړو لسګونه زره ملکي او پوځي وګړیو ته بې سارې مرګ و ژوبله اوښتې ده.

د افغانستان سرې میاشتې ټولنې ویلي، چې په ۲۰۲۰ کال کې یې د روانې جګړې له ډګرونو دوه زره مړي را ټول کړي دي.

د افغانستان سرې میاشتې ټولنې سکرترجنرالې نیلاب مبارز ویلي: په ۲۰۲۰ کال کې مو د ښکېلو لوریو ۱۶۹۳ مړي د جګړو له ډګرونو راټول کړي دي.                

د سره صلیب نړیواله کمېټه پرته له دې، چې د وسلوالو مخالفانو او دولت تر منځ توپیر وکړي، د مرستو رسولو بهیر مخته وړي.

د سره صلیب کمېټې د نورو درې کلونو لپاره له سرې میاشتې ټولنې سره خپله همکاري وغزوله.

په افغانستان کې د سره صلیب نړیوالې کمېټې او سرې میاشتې ټولنې مشر استازي پییر کریمر څرګندوي؛       

دوامداره زیانونو او اړتیاوو ته په کتو د سره صلیب او سرې میاشتې ټولنې د همکارانو غوښتنه ده، چې په ټول افغانستان کې له خپلو اصولي فعالیتونو ملاتړ وکړو، ډله ییزې مرستې او اغېزې یې لوړې کړو.

په افغانستان کې د آی سي آر سي د مشر استازي خوان پدرو ویلي: زمونږ مرستې د افغانستان ګوټ ګوټ او ټولو خلکو ته دي؛ څه په جنګي سیمو او هغو ساحو کې، چې د حکومت تر ولکې لاندې دي. زمونږ موخه د مرستو رسول دي او مونږ تل هڅه کړې، چې زیانمنونکیو ته په بېړنیو حالاتو کې مرسته ورسوو.  همدې لپاره مو وغوښتل، چې خپلې مرستې د افغانستان له سرې میاشتې ټولنې سره د درې نورو کلونو لپاره وغزوو.

د سره صلیب نړیوال فدراسیون له ۱۹۹۰ میلادي کال راپدیخوا په افغانستان کې حضور لري او د سرې میاشتې ټولنې له بشري هڅو ملاتړ کوي.

Continue Reading

تازه خبرونه

خلیلزاد په کابل کې د مارشال دوستم په ګډون له بېلابېلو سیاسيونو سره ولیدل

Ariana News

خپور شوی

په

توسط

(Last Updated On: March 3, 2021)

د امریکا د سولې استازي زلمي خلیلزاد کابل ته د سفر پر دوه یمه ورځ له مارشال عبدالرشید دوستم، عبدالرب رسول سیاف، ګلبدین حکمتیار، د جمعیت ګوند له ځینو غړیو او یو شمېر نورو سیاسي شخصیتونو سره وکتل.

په کابل کې ځینو سیاسي څېرو ويلي، چې د دې غونډو په بهیر کې خلیلزاد د افغانستان د سولې په اړه د امریکا د نوې ادارې دریځ روښانه کړ.

د افغانستان د جمعيت اسلامي ګوند د رهبرۍ شورا غړی ستار مراد وایي: خلیلزاد افغانستان او طالبانو ته د امریکا د نوې ادارې د دریځ اعلانولو لپاره کابل ته راغلی دی.

کابل او دوحه د افغانستان د راتلونکي په اړه د پرېکړې کولو دوه اصلي مرکزونه دي.

د امریکا د استازیو جرګې د بهرنیو چارو کمیټې مرستیال په ډاګه کړې؛ د افغانستان د سولې لپاره د امریکا ځانګړي استازي زلمي خلیلزاد د افغانستان په ګډون سیمې ته سفرونه پیل کړي، چې د امریکا او طالبانو ترمنځ د سولې راوستو په هوکړه لیک کې بدلون رامنځته کړي.

د دغه استازي د څرګندونو له مخې؛ د طالب بندیانو خوشې کول، د تاوتریخوالي کمول او د می له میاشتې وروسته د بهرنیو ځواکونو د ماموریت موده د خلیلزاد د روان سفر دنده ده.

د امریکا د ولسي جرګې د بهرنيو چارو کمېټې مرستيال مايک مکال څرګنده کړې: خلیلزاد په تړون کې تعدیل غواړي، چې په افغانستان کې د امریکا نظامي حضور ته له می وروسته هم اجازه ورکړشي او د ملکي وګړیو او افغان امنیتي ځواکونو پر وړاندې تاوتریخوالي کم کړي.

د متحده ایالاتو ځانګړي استازي د دوحې تړون د پایلو او د افغانانو ترمنځ خبرو اترو په اړه د افغان حکومتي چارواکو او طالبانو نظرونه هم د ټینګار وړ بولي.

ځینې ​​سیاستوالو ويلي، چې زلمي خلیلزاد حکومت او طالبانو ته د بایډن د نوې ادارې پرېکړې اعلانولو لپاره افغانستان او قطر ته ندی راغلی؛ خو هغه د افغانستان لپاره د د نويو پلانونو پیلونکی دی.

د افغانستان د اسلامي تحريک مشر سید اسحق ګیلاني ویلي؛ امریکا غواړي په افغانستان کې ټولګډونه اداره جوړه کړي او دا کار لرې ندی  او غواړي طالبان قانع کړي، چې خپل شتون په کې روان وساتي.

ټاکل شوې، چې زلمی خلیلزاد به له آلمان او کابل څخه پیل شوي سفر سیمې نورو هېوادونو ته هم روان وساتي.

Continue Reading

Trending

آریانا نیوز: ټول حقونه خوندي دي