Connect with us

تازه خبرونه

د افغانانو د خپلمنځي خبرو مخې ته پراته ټول خنډونه لرې شوي- د پخلاینې شورا

Ariana News

خپور شوی

 په

(Last Updated On: September 2, 2020)

د ملي پخلاینې عالي شورا ویاند ویلي؛ د بندیانو د خوشې کیدو د بهیر له بشپړیدو سره سم به د سولې مرکچي پلاوی دوحې ته ځي، چې له طالبانو سره خپلمنځي خبرې پیل شي.

ښاغلي خوځون په ډاګه کړې؛ د افغانانو د خپلمنځي خبرو مخې ته پراته ټول خنډونه لرې شوي او د بندیانو د تبادلې پروسه به ډېر ژر پای ته ورسیږي. د بندیانو د خوشې کیدو د بهیر له بشپړیدو وروسته به د خپلمنځی خبرو اترو لړۍ پیل شي.

دا په داسې حال کې ده، چې افغان حکومت تېره ورځ ناوخته طالب بندیانو د خوشې کولو بهیر بیا پیل کړې دی.

د یو شمېر سرچینو په وینا، له ۳۲۰ سخت دریځو طالب بندیانو څخه د سې شنبې پر ورځ ۱۵۳ او د دوشنبې پر ورځ ۴۷ کسیزې ډلې خوشې شوې او یوه اته ګسیزه ډله نن هم په کندهار ولایت کې خوشې شوې ده.

دا هغه سخت دریځ طالب بندیان دي، چې په تېره میاشت کې یې ولسمشر اشرف غني د خوشې کولو بهیر د سختو جرمونو له کبله ودراوه.

دغې سرچینې دا هم ویلي، چې پاتې طالب بندیان به هم له خپلمنځی خبرو مخکې خوشې شي.

په همدې حال کې ولسمشر محمد اشرف غني نن له غرمې مخکې په چارچنار ماڼۍ کې د سولې خبرو اترو له پلاوي سره وکتلي دي.

په دې ناسته کې د ملي پخلاینې عالي شورا رییس عبدالله عبدالله او د سولې د خبرو اترو د پلاوي مشر معصوم ستانکزی هم ګډون درلود.

د سولې مذاکره کوونکي پلاوي مشر محمدمعصوم ستانکزي د غونډې برخوالو ته څرګنده کړه، چې سوله د افغانستان د خلکو لویه هیله او غوښتنه ده او د سولې مشورتي لویې جرګې د ملي ګټو او آزادې ټولنې پر بنسټ د دې لپاره حدود ټاکلي.

هغه زیاته کړې، زمونږ د متحد پلاوي هڅه به د خلکو بنسټیزې هیلې ته، چې تلپاتې سوله ده؛ رسېدل وي.

ولسمشر غني مرکچي پلاوي ته څرګنده کړې: د ملي پلاوي په توګه د افغانستان د دولت او خلکو ټینګ ملاتړ له ځانه سره لرئ.

ولسمشر اشرف غني ویلي: خوښ یم، چې د حکومت د پرلپسې هڅو په پایله کې د سولې دغه حساس پړاوو ته رسېږو او تاسې د واحد او منسجم پلاوي په توګه د افغانستان د خلکو او دولت په استازیتوب له طالبانو سره د سولې خبرې پیلوئ.

ولسمشر هغوی ته دا ډاډ هم ورکړ، چې د ملي پلاوي په توګه د افغانستان د دولت او خلکو ټینګ ملاتړ له ځانه سره لرئ او ستاسو په تنوع، وحدت او همغږۍ کې افغانان خپل ځواک او وس ویني.

هغه زیاته کړې، زمونږ ملي وثیقه، چې اساسي قانون دی؛ مونږ ټولو ته یې حدود مشخص کړي دي.

اشرف غني د ملي پخلاینې عالي شورا له مشر داکتر عبدالله عبدالله څخه په مننه، چې د سولې مشورتي لویه جرګه یې په بریالیتوب رهبري کړه وویل: د یادې جرګې پرېکړې، چې لارنقشه او د پلاوي د واکونو حدود یې ټاکلي سیاسي، تاریخي او ملي ارزښت لري. واضح شرطونه یې ایښي او ستاسو لوری یې ټاکلی دی.

نوموړي دغه راز ویلي؛ د ملي، سیمه ییزې او نړیوالې اجماع په وجود کې زمونږ مطلوبه موخه پرمختللی، آزاد، متحد، خپلواک او سوله ییز افغانستان دی.

هغه دا هم په ډاګه کړې، چې زمونږ د پلاوي اساسي موخه په اساسي توګه د تاوتریخوالي پای ته رسول دي؛ ځکه خلک تلپاتې سوله او د نوې ټولنې د ارزښتونو ساتنه غواړي.

نوموړي ویلي، د طالب زندانیانو آزادول سولې ته د دولت د ژمنتیا څرګند ثبوت دی.

د ملي پخلاینې عالي شورا مشر داکتر عبدالله عبدالله د سولې مذاکره کوونکي پلاوي ته څرګنده کړې، چې تاسې د افغانستان د حکومت او خلکو له ټینګ ملاتړه برخمن یاست او د مذاکراتو په بهیر کې به د ملي واکمنۍ، ملي ارزښتونو او ملي ګټو د ساتنې، د جمهوریت، د ښځو د حقونو، بیان آزادۍ او د امنیتي او دفاعي ځواکونو د ټینګ ملاتړ لپاره د قربانیانو د کورنیو په ګډون د افغانستان د ټولو خلکو استازیتوب کوئ.

عبدالله عبدالله زیاته کړې، ستاسو جوړښت د افغانستان ملي تنوع تمثیلوي؛ واحد پلاوی او واحد غږ زمونږ د عظیم ملت استازیتوب کوي. د افغانستان حکومت د سولې په بهیر کې خپل ټینګ عزم ښودلی؛ ځکه د طالب بندیانو آزادول آسانه پرېکړه نه وه او سولې ته د رسېدو لپاره تاسې د افغانستان د خلکو د هیلو استازیتوب کوئ.

د ملي پخلاینې عالي شورا مشر دا هم ویلي؛ تاسې سخته دنده لرئ او باعزته او تلپاتې سولې ته د رسېدو لپاره مونږ ټول متحد یو.

هغه زیاته کړې، د افغانستان حکومت سولې ته سخت ژمن دی او طالبان هم باید په دې برخه کې خپله ژمنتیا وښیي.

د دغې غونډې په پای کې ولسمشر اشرف غني څرګنده کړه؛ د افغانستان د خلکو هیله داده، چې د سولې په مذاکراتو کې د تاوتریخوالي پر کموالي او دایمي اوربند توافق وشي، چې ژر تر ژره تلپاتې او باعزته سولې ته، چې زمونږ د ټولو هېوادوالو هیله ده ورسېږو.

تازه خبرونه

پاکستان د افغانستان د مسلې سیاسي حل غواړي – قریشي

Ariana News

خپور شوی

په

توسط

(Last Updated On: February 25, 2021)

شاه محمود قریشي د پاکستان په چارو کې د ولسمشر غني له ځانګړي استازي محمد عمر داوود زي سره په لیدنه کې ویلي چې هېواد یې په افغانستان کې د سیاسي حل لارې په لټه کې دی او ټول لوري باید د سولې په بهیر کې مسوولیت منونکي وي.

په دوحه کې د سولې خبرو د دوه یم پړاو له پیلېدو سره جوخت د افغان حکومت جګپوړیو چارواکو د سیمې هېوادونو ته سفرونه پیل کړي دي.

د پاکستان په چارو کې د ولسمشر ځانګړي استازي اسلام آباد ته سفر کړی او د پاکستان د بهرنیو چارو له وزیر سره یې کتلي دي.

په دې لیدنه کې شاه محمود قریشي د افغانستان پر اوسني وضعیت اندېښنه ښکاره کړې او ټینګار یې کړی ، چې د دوحې خبرې باید په افغانستان کې د سولې د ټینګښت سبب شي.

د پاکستانيو پوځیانو په افغانستان کې د یوې سیاسي احتمالي تشې په اړه اندېښنه ښودلې ده.

د پاکستاني پوځ ویاند بابر افتخار د پوځ په قومندانۍ کې یوې خبري ناستې ویلي، چې پاکستان د طالبانو له بیا واک ته له رسېدو ملاتړ نکوي.

دغه راز د بهرنیو چارو وزیر  حنیف اتمر د خپل روسي سیال په بلنه مسکو ته تللی دی.

بهرنیو چارو وزارت ویلي، چې دا سفر د افغانستان د سولې په اړه د سیمه ییزې اجماع د پیاوړتیا، له ترهګرۍ سره د مبارزې او دوه اړخیزو اړیکو د پیاوړتیا په موخه شوی دی.

د پاکستان پوځ همدارنګه افغان حکومت تورن کړی، چې د هغو ډلو ملاتړ کوي، چې په پاکستان کې ترهګریز بریدونه تر سره کوي. دا هغه  ادعا ده، چې په ځلونو افغان حکومت رد کړې ده.

Continue Reading

تازه خبرونه

هره ورځ شاوخوا زر افغانان پر ناقانونه لارو له هېواد وځي

Ariana News

خپور شوی

په

توسط

(Last Updated On: February 25, 2021)

 د کډوالو او بېرته را ستنېدونکیو چارو وزارت ویلي، چې دا ناقانونه سفرونه د بېکارۍ، بېوزلۍ او ناامنیو له کبله تر سره کیږي.

ناامني او بېوزلي د افغانانو لویې ستونزې دي. له همدې کبله ډېري هېوادوال په ځانګړي توګه ځوانان له سختو او ستونزمنو لارو ځانونه له هېواده باسي.

د غفزني اوسیدونکی عیسی محمد نومی هغه ځوان دی، چې د بېکارۍ له کبله غواړي د نیمروز له لارې په ناقانونه بڼه ځان ایران ته ورسوي.

دی وایي؛ بېکاري او ناامني مو د هېواد پرې ښودو ستر لاملونه دي.

د کډوالو چارو او بېرته را ستنېدونکیو وزارت د ویاند مرستیال رضا باهر د څرګندونو له مخې؛ شپږ میلیون او اووه سوه زره افغانان په بهرنیو هېوادونو کې د کډوالي شپې سبا کوي، چې درې میلیون یې په ایران او دوه میلیون په پاکستان کې ژوند کوي؛ خو اووه سوه نهه زره کسانو په اروپایي هېوادونو او پېنځه سوه زره نورو په آسترالیا کې د پناه غوښتنه کړې ده.

د کډوالو او بېرته را ستنېدونکیو چارو وزارت زیاته کړې؛ هره ورځ شاوخوا زر افغانان د بېکارۍ او ناامنيو له کبله د هرات او نیمروز ولایتونو له لارې بهر ته وځي.

مخکې له دې د عدلیې وزیر نیمروز ته په سفر کې ویلي وه، چې که د انسانانو او کډوالو د قاچاق مخه ونه نیول شي؛ امریکا به پر افغانستان بندیزونه ولګوي.

د عدلیې وزارت ویاند امان ریاضت وایي؛ هڅې روانې دي، چې د انساني قاچاق او ناقانونه کډوالۍ مخه ونیسو او کډوالي قانوني بڼه خپله کړي.

د نوي کال په درشل کې وېره دا ده، چې که تاوتریخوالی ډېر شي؛ نو ډېر افغانان به ځانونه له هېواده وباسي.

د پاسپورټ ریاست د څرګندونو له مخې؛ په وروستیو کې د پاسپورټ ریاست ویلي، چې هره ورځ پېنځه زره پاسپورتونه وېشل کیږي.

Continue Reading

تازه خبرونه

طالبانو د تاوتریخوالي کچه لوړه ساتلې – امریکا

Ariana News

خپور شوی

په

توسط

(Last Updated On: February 26, 2021)

د امریکا د پوځ د مرکزي قومندانۍ قومندان جنرال کنټ مکنزي د پنجشنبې پر ورځ( د کب ۷) ویلي؛ امریکا او ناټو به حالاتو ته په کتو له افغانستان څخه د ځواکونو د ویستو په اړه پرېکړه وکړي.

 د امریکا د پوځ د مرکزي قومنداني قومندان جنرال کنټ مکنزي څرګنده کړې، چې اوس هم په افغانستان کې د تاوتریخوالي کچه لوړه ده او اصلي عامل یې طالبان دي.

نوموړي دا ټینګار هم کړی؛ داسې هیڅ نښه نشته، چې طالبانو دې له القاعده سره اړیکې پرې کړې وي.  

د امریکا د پوځ د مرکزي قومنداني قومندان جنرال کنټ مکنزي د بریوت انسټیټوټ په انلاین ناسته کې ویلي، چې امریکا په افغانستان کې سیاسي هوکړې ته له رسېدو ملاتړ کوي؛ خو طالبانو د دوحې هوکړه سمه پلې کړې نده. 

د امریکا د پوځ د مرکزي قومنداني قومندان جنرال کنټ مکنزي څرګنده کړې: له بده مرغه مونږ تر اوسه هم د تاوتریخوالي له حده ډېره کچه وینو او زه ډېره پړه پر طالبانو اچوم، چې خپل بریدونه او موخه ییزې وژنې یې روانې ساتلې دي. تر اوسه مو له القاعده سره د طالبانو لخوا د اړیکو د پرېکون نښه هم نده لېدلې. په همدې خاطر اوس په دې رښتیني شکونه شته، چې طالبان دې د دوحې هوکړې ته ژمن پاتې شوي وي.

دغه راز د افغانستان د جمهوریت پلوي مرکچي پلاوي غړی آمین احمدي ویلي، چې له طالبانو سره سوله ګرانه ده؛ ځکه دوی تاوتریخوالی ډېر کړی دی.

دغه راز جرمني د لس میاشتو لپاره په افغانستان کې خپل ماموریت وغزاوه او اعلان یې وکړ، چې شرایطو ته په کتو به پرېکړه وکړي.

د افغانستان امنیتي بنسټونو مسوولینو ویلي، چې که طالبان سوله ونکړي؛ وبه ځپل شي.

د ملي دفاع وزارت لومړي مرستیال شاه محمود میاخېل ویلي: د افغانستان خلک او حکومت سولې ته ژمن دي. یوازې هغه کسان سولې ته ژمن ندي، چې جنګ کوي. طالبان غواړي د چاودنو او ځانمرګو بریدونو پر مټ واک و ځواک ته ورسېږي.           

همدارنګه د کورنیو چارو وزیر مسعود اندرابي ویلي، چې طالبانو ته یوازې د سولې لار پاتې ده، پرته له دې به وځپل شي.

که څه هم له درې ورځو راپریخوا د افغانانو خپلمنځي خبرې د اړیکو د ډلو که کچې پیل شوي؛ خو تر اوسه کومې پایلې ته رسېدلي ندي.

Continue Reading

Trending

آریانا نیوز: ټول حقونه خوندي دي