Connect with us

تازه خبرونه

د اشرف غني طرحه یوازې له وخت مخکې ټاکنو ته ځانګړې نده – وحید عمر

خپور شوی

 په

(Last Updated On: وری ۵, ۱۴۰۰)

د ولسمشر سلاکار وحید عمر د اشرف غني د سولې طرحې د غبرګونونو په ځواب کې ویلي؛ هغه له درې کلونو راپدیخوا سولې ته د رسېدو مشخصه طرحه لري، چې یوازې له وخت مخکې ټاکنو ته ځانګړې شوې نده.

نوموړي زیاته کړې؛ د ټاکنو له لارې د واک لېږد د سولې لارې د نقشې یوه مهمه برخه ده.

وحید عمر وایي: ولسمشر سولې ته د رسېدو طرحه چمتو کړې، چې د چا د طرحې د منلو او ردلو لپاره نده؛ دا سولې ته د افغانستان د حکومت د رسېدو نخچه ده.

د احمد شاه مسعود زوی احمد مسعود ټولګډونه حکومت د روانې ستونزې د حل ښه لاره بولي او د فرانسې له یوې رسنۍ سره په خبرو کې خبرداری ورکوي، چې که د سولې بهیر ناکامیږي؛ خلک به یو ځل بیا د طالبانو پر ضد وسله راپورته کړي.   

دغه راز احمد مسعود سویس ته ورته پر یو نامتمرکزه نظام ټینګار کړی او څرګندوي، چې د اشرف غني پر مشرتابه حکومت د خلکو لپاره د منلو ندی او هغه باید له واکه لرې شي.

طالبانو د قدرت د وېش او له وخت مخکې د ټاکنو طرحه رد ګړې او دا بهیرونه ناکام بولي.

طالب ویاند ذیح الله مجاهد ویلي؛ په تېرو شل کلونو کې د خلکو له رایو، غوښتنو او پوښتنو سمه او ډاډمنه ګټه نده پورته شوې او همدا لامل دی، چې دا طرحه نه مني.

په کابل کې میشت پخواني طالب سید اکبر آغا څرګنده کړې: په ټاکنو کې، چې د خلکو ونډه او هڅې تتې وې او ټول خلک په کې ونډه نشي اخیستلای؛ نو طالبان به څنګه ورته زړه ښه کړي. طالبان څه ، چې افغانان له وخت مخکې او په بیړه تر سره کېدونکې ټاکنې نه خوښوي.     

این در حالی است که خبرگزاری رویترز به نقل از دو مقام ارشد حکومتی گزارش داده است که رییس جمهور طرح برگزاری انتخابات پیش از وقت را در مقابل طرح صلح امریکا آماده کرده است، اما حکومت میگوید که طرح جدید نقشه راه صلح است و در مخالفت به کدام طرح دیگری تنظیم نشده است.

دا په داسې حال کې ده، چې رویټرز د دوه لوړ پوړیو حکومتي چارواکو د څرګندونو له مخې په ډاګه کړې، چې ولسمشر د امریکا د سولې طرحې پر وړاندې د له وخت مخکې ټاکنو پلان چمتو کړی، چې د انقرې په ناسته کې به وړاندې شيګ خو حکومت ویلي، چې نوې طرحه د سولې د لارې طرحه ده او د کومې بلې طرحې پر وړاندې نده جوړه شوې.

تازه خبرونه

روسي پوځ د تاجکستان-افغانستان پولې ته نږدې پوځي روزنه پای ته ورسوله

خپور شوی

په

توسط

(Last Updated On: لړم ۲, ۱۴۰۰)

رویټرز څرګنده کړې، چې په تېرو شپږ ورځو کې د افغان- تاجک پولې ته نږدې د روسیې پوځي روزنیزې هڅې پرون (شنبه د لړم لومړۍ / د اکتوبر ۲۳) پای ته ورسېدې.

رویټرز د سیمه ییزو سرچینو د څرګندونو له مخې په ډاګه کړې؛ دا پوځي هڅې د دې لپاره رامنځته شوې، چې له افغانستان څخه پر تاجکستان د برید د مخنیوي لپاره د روسیې چمتووالی څرګند کړ.

د رویټرز د څرګندونو له مخې؛ په کابل کې د افغانستان د اسلامي امارت له مشرانو سره د تاجکستان اړیکې له پیل څخه ښې نه وې او د پولې دواړو خواوو ته د وسلوالو د ډېریدو راپورونو هم په مسکو کې اندېښنې راپورته کړې.

په دې پوځي هڅو کې د ډله ییز امنیت تړون ټولنې غړيو؛ بېلاروس، ارمنیا، قزاقستان او قرغزستان برخه درلوده، چې په کې له ۴۰۰۰ ډېر سرتېري د ټانکونو، توپخانو او الوتکو برخمن ول ونډه درلوده.

رویټرز څرګنده کړې؛ د ډله ییز امنیت تړون ټولنې عمومي منشي ستانیسلاو زاس ویلي، چې د پوځي روزنې موخه مو دا ده، چې پر تاجکستان به یرغل ته اجازه ورنکړ شي او مونږ به تاجکستان د ګواښونو پروړاندې یوازې نه پریږدو.

له دې مخکې د روسیې د بهرنیو چارو وزیر سرګي لاوروف ویلي وه، چې د افغانستان اوسنی وضعیت ډاډمن ندی او ترهګر هڅه کوي، چې ترې ګټه پورته کړي. په افغانستان کې اوس هم د تروریزم او مخدره توکو له قاچاق او ګواښه وېره شته دی.

Continue Reading

تازه خبرونه

خلیلزاد د امریکا او طالبانو(ا.ا) تر منځ بې باوریو ته ګوته ونیوله

خپور شوی

په

توسط

(Last Updated On: لړم ۱, ۱۴۰۰)

د افغانستان د سولې لپاره د امریکا پخواني ځانګړي استازي زلمي خلیلزاد ویلي؛ سره له دې، چې په دوحه کې د امریکا او طالبانو ترمنځ هوکړه لاسلیک شوی؛ خو اوس هم د دواړو لوریو ترمنځ د بې باورۍ فضا د ټینګار وړ ده.

خلیلزاد له یوې امریکايي رسنۍ سره په مرکه کې څرګنده کړې؛ د طالبانو پر څرګندونو د امریکا د بې باورۍ له کبله اړتیا ده، چې د هغوی هڅې وڅارل شي.

زلمي خلیلزاد ویلي: لکه څرنګه، چې ما مخکې هم یادونه کړې اوسمهال زمونږ تر ټولو لویه ستونزه پر هغوی بې باوري ده. یعنې دا په دې معنا ده؛ هغه څه، چې اوسمهال یې دوی وايي، باید باور ورباندې ونکړو. د امریکا د بې باورۍ په تړاو هغه څه، چې طالبان په تېره بیا له ترهګرۍ سره د مبارزې په تړاو وايي؛ اړینه ده، د هغوی کړنې وڅارل شي.

خلیلزاد د دغې پوښتنې په ځواب کې، چې طالبان د ډیموکراټیک نظام اساساتو په تیره بیا د ښځو حقونو او نجونو زدکړو ته ژمن ندي؛ ويلي، د ښځو حقونو او د نجونو زدکړو په تړاو د طالب مشرانو تر منځ د

نظر اختلاف شته.

 نوموړي په دې اړه زیاته کړې: زه فکر کوم د نجونو د زدکړو په تړاو د طالب مشرانو تر منځ د نظر اختلاف شته؛ مونږ نشو کولی ووايو، چې ټول طالب مشران پر یوه نظر دي. اوسمهال د افغانستان په ۳ تر څلور ولایتونو کې له شپږم ټولګي پورته د ښوونځیو دروازې د نجونو پر مخ پرانیستې دي.

د افغانستان د اسلامي امارت ویاند د خلیلزاد څرګندونې پاروونکې بولي او د دوحې د هوکړې پر پلي کېدو یې په داسې حال کې ټینګار کړی، چې په وینا یې امریکا له هوکړې سرغړونې کړې دي.

دا په داسې حال کې ده، چې یوه اوونۍ مخکې زلمي خلیلزاد د افغانستان د سولې لپاره د امریکا د ولسمشر د ځانګړي استازي په توګه له خپلې دندې استعفا وکړه او د خپلې دندې پریښودو دلیل یې له افغانستان څخه د ټولو امریکايي سرتېرو د وتلو او په افغانستان کې د ۲۰ کلنۍ جګړې د پای ته رسولو ماموریت بشپړېدل یاد کړل.

Continue Reading

تازه خبرونه

اسلامي امارت دې د هېوادني زعفرانو تولید او سوداګرۍ له پامه نه غورزوی

خپور شوی

په

توسط

(Last Updated On: لړم ۱, ۱۴۰۰)

د خصوصي سکتورغړي  له اسلامي امارته غواړي، چې د زعفرانو او نورو کرنیزو محصولا تو لپاره بېرته هوايي د هلیزو نه فعال کړي.

د هېواد د زعفرانو تولیدوونکيو او سوداګرو ويلي؛ که حکومت د زعفران سکتور ته  پاملرنه ونکړي، نو ښايي په نږدې راتلونکي کې د افغانستان د دغه  ګران بیه بوټي تولید او سوداګرۍ پای  ته ورسیږي.

د افغانستان د زعفرانو د تولید ټو لني غړيو ويلي،  چې په تېره دوه کلونو کې د کرونا وایروس او سیاسي بدلونونو له کبله د هېواد د زعفرانو سکتور ته هیڅ  پاملرنه نده شوي؛ نو، ځکه سوداګري او تولیدي چاري د له منځه تلو سره مخ دي.

د زعفرا نو تولیدوونکي زیاتوي، چې د کرونا له کبله مو په کور دننه او بهر مارکیټ له لاسه وتلی؛ خو د دې سکتور د ژوندي ساتلو لپاره د حکومت کاري هڅې اړینې دي.

د زعفرانو صادروونکی عبدالبصیر عظیمي وایي: مونږ تولید درلود؛ خو د کرونا له کبله مو صادرات بند ول. اوس کو تولید او صادرات دواړه د بندېدو له زیان سره مخ دي او که راته د هوايي دهلیزونو زمینه برابره نشي؛ نو ښايي د زعفرانو کښت او جوړ سیسټم بند او له منځه ولاړ شي.

 د افغانستان د کرنې او مالدارۍ خونې مسوولین هم  له اسلامي امارته غواړي،  چې  د کرنیزو محصولاتو د صادرا تو لپاره مټې رابډوهي او پام ورواړوي.

دوی څرګندوي؛ د افغانستان زعفرانو په دې روستیو کې د خوند او کفیت په سیالۍ کې پر نړیواله کچه ځانته لومړی مقام  ګټلی دی.

د کرنې او مالدارۍ خونې مرستیال میرویس حاجي زاده وایي: زمونږ زعفرانو په تېرو څلور کلونو کې پرلپسې په نړیواله سیالي کې لومړی مقام تر لاسه کړی، چې اوس يي حالت سخت له ستونزو سره مخ دي باید ورته د صادراتو زمینه برابره شي.

د ا قتصادي چاروکارپوهانو هم د کرنې او مالدارۍ له وزارته غوښتي، چې د کورنیو کرنیزو محصولا تو د پراختیا  لپاره سوداګریزې هڅي وکړي.

اقتصادي کارپوه سیدالرحمان عمران وایي: زمونږ ځینو کرنیزو محصولاتو په نړیوال مارکیټ ښه نوم درلود او هم په لوړه کچه پیرودونکي لري؛ خو اوس يي مارکیټ د له لاسه  وتلو په حال کې دی، چې باید دې ستونزې ته د بیړنۍ حل لار پیدا شي.

د یادونې ده،  چې د افغانستان زعفرا نو د تولید  کچه نږدې  شلټنو ته  لوړه شوې ده او په دې سکتور کې  په زرګونه هېوادوا ل په مستقیم اونامستقیم  ډول کار کوي.

Continue Reading

Trending

آریانا نیوز: ټول حقونه خوندي دي