Connect with us

تازه خبرونه

د اسلامي همکاریو سازمان د افغانستان په اړه بېړنۍ غونډه ترسره کړه

خپور شوی

 په

(Last Updated On: وږی ۱, ۱۴۰۰)

د یکشنبې پر ورځ د اسلامي همکاریو سازمان د افغانستان د روان وضعیت په اړه یوه بېړنۍ ناسته ترسره کړې او له نړیوالې ټولنې یې غوښتي، چې خپلې بشري مرستې چمتو کړي.

رویټرز څرګنده کړې؛ په دې ناسته کې، چې د سعودي عربستان لخوا جوړه شوې وه؛ د افغانستان له ټولو ډلو وغوښتل شول، چې د یوه ټولګډونه اسلامي حکومت د رامنځته کولو لپاره ژر تر ژره هوکړې ته ورسیږي.

د یاد بنسټ د څرګندونو له مخې؛ او آی سي په افغانستان کې د خرابیدونکي بشري وضعیت په اړه، چې وبا او وچکالۍ هم ورسره مل شوې؛ اندېښنه لري او د مرستې ډاډ ورکوي. د غونډې له غړیو، همکارانو او مالي ادارو یې وغوښتل، چې پخپل وخت بشري مرستې چمتو کړي.

د او آی سي لخوا په اعلامیه کې راغلي، چې غړي هېوادونه به د سولې، امنیت، ثبات او پرمختګ په برخه کې له افغانستان څخه خپل ملاتړ کړي او مرستې روانې وساتي.

دې ټولنې ټینګار کړی، چې نړیوال باید د افغانستان په کورنیو چارو کې له لاسوهنې پرته څومره، چې شوني وي مرسته وکړي.

په دې ناسته کې په ډاګه شوې، چې د او آی سي یو پلاوی به د افغانستان پلازمېنې کابل ته واستول شي، چې د دې ټولنې د سولې او پخلاینې له پیغامه ملاتړ څرګند، ټولې خواوې سره همغږې او د افغانانو بنسټیز حقونه تضمین کړي.

تازه خبرونه

بیات بنیاد د پروان له سلګونه اړمنو کورنیو سره دخوراکي توکو مرسته وکړه

خپور شوی

په

توسط

(Last Updated On: سلواغه ۴, ۱۴۰۰)

د بیات بنیاد د خوراکي توکو ژمنۍ مرستې دا ځل په پروان ولایت کې سلګونه اړمنو کورنیو ته له کړې سروې وروسته ووېشل شوې.

د بیات بنیاد د مسوولینو په خبره؛ دا مرستې، چې اوړه، غوړي او وریجې په کې دي له سروې وروسته پر مستحقو او بېوزله کورنیو ووېشل شوې.

دې خیریه بنسټ تر دامهاله د هېواد پېنځه ویشت ولایتونو ته ژمنۍ مرستې رسولي او په پام کې ده، چې د دې مرستو لړۍ نورو ولایتونو ته هم وغزول شي.

د بیات بنیاد مرستیال حاجي محمد اسماعیل خان ویلي: د بیات بنیاد ژمنۍ مرستېهر کال پر اړمنو کورنیو وېشل کیږي. نن مو له یو شمېر ولایتونو وروست خپلې مرستې پروان ولایت ته رالېږدولي او له مخکې سروې شویو مستحقینو ته به ووېشل شي. په دې خوراکي توکو که اوړه، وریجې او غوړي شته، چې ان شاالله په پاتې نورو ولایتونو کې به هم پر اړمنو کورنیو ووېشل شي.

هغه کسان، چې دا مرستې یې ترلاسه کړي وايي، دا مرستې د ژمي په روانو ستونزمنو شپو او ورځو کې پوره غنیمت دی.

د پروان ولایت مرسته شوی اړمن څرګندوي: د دې لپلاره، چې هوا سړه او د توکو بیې هم لوړې دي؛ نو دا مرسته دېره اغېزمنه ده.

یو بل مرسته شویي هېوادوال ویلي؛ مونږ له بیات بنیاد مننه کوو؛ دغه مرستې په اړین وخت کې ووېشل شوې.

دوی له نورو خیریه بنسټونو هم وغوښتل، چې له اړمنو خلکو سره باید دا مرستې روانې وساتل شي.

د بیات بنیاد مسوولینو ويلي، چې د خپلو مرستو لمن به د هېواد نورو ولایتونو ته هم پراخه کړي.

د یادونې وړ ده، چې بیات خیریه بنسټ تر دې دمه خپلې مرستې د هېواد له ۲۵ حخه د ډېرو ولایتونو اړمنو کورنیو ته رسولي او دا لړۍ اوس هم روانه ده.

Continue Reading

تازه خبرونه

ای آی بي له ملګرو ملتونو څخه د نغدي مرستې شپږم لېږد ترلاسه کړ

خپور شوی

په

توسط

(Last Updated On: سلواغه ۴, ۱۴۰۰)

د افغانستان بانک په ډاګه کړې؛ کابل ته د یکشنبې پر ورځ د سلواغې ۳ د بشري مرستو په لړ کې ۳۲ میلیون ډالر راورسېدل.

د افغانستان بانک دغه نغدي بشردوستانه مرسته له کابل هوايي ډګره د افغانستان نړیوال بانک (ای آی بي) ته ولېږدوله.

تېره میاشت ملګرو ملتونو اعلان وکړ، چې د روان کال د مارچ تر پایه به افغانستان ته د بشري مرستو په توګه په اوونۍ کې ۲۰ میلیونه ډالر نغدي مرسته ورکوي، چې بانکي سیسټم د نغدو پیسو له کمېدو وژغوري.

د افغانستان بانک څلور ورځې مخکې اعلان وکړ، چې د ملګرو ملتونو لخوا یې د ۳۲ میلیونو ډالرو نغدو پیسو پېنځمه ټولګه هم ترلاسه کړې ده.

د افغانستان بانک ویلي؛ د نړۍ له هرې هغې بشري کړنې ستاینه کوي، چې د پیسو د رالیږلو او د ټولنې بېوزلو خلکو ته د مرستې لامل کیږي؛ مونږ به په کې له خپلې وسې سره سمه اغېزمنې هڅې تر سره کړو.

له افغانستان څخه د امریکايي ځواکونو له وتلو وروسته امریکا د افغانستان شاوخوا لس میلیارډ ډالر بهرنۍ زېرمه کنګل کړې او د افغانستان بانک یې ترې بې برخې کړی دی.

Continue Reading

تازه خبرونه

د اسلامي امارت استازیو د ناروې له چارواکو سره خبرې وکړې

خپور شوی

په

توسط

(Last Updated On: سلواغه ۴, ۱۴۰۰)

د دوشنبې پر ورځ د ا.ا.ا د بهرنیو چارو وزارت چارسمبالي مولوي متقي پر مشرۍ د پلاوي غړیو د ناروې له چارواکو سره د خبرو پر لومړۍ ورځ یکشنبه وکتل او د هېواد د روانو حالاتو په اړه یې ورسره خبرې وکړې.

د افغانستان اسلامي امارت په خبرپاڼه کې راغلي، چې د ناروې په پلازمېنه اوسلو کې د افغان لنډمهالي حکومت د چارسمبالي او یو شمېر شخصیتونو ترمنځ یوه ورځنۍ ګډه ناسته ترسره شوه.

د خبرپاڼې له مخې؛ د غونډې په بهیر کې ګډونوالو په پوره زغم د یو او بل اندونه او نظرونه واورېدل او د افغانستان پر اوسني وضعیت یې څرګندونې وړاندې کړې.

دوی ټینګار وکړ، چې افغانستان د ټولو افغانانو ګډ کور دی او څرګندوي، چې ټول افغانان باید د هېواد د سیاسي، اقتصادي او امنیتي غوړېدا او هوساینې لپاره ګډې هڅې وکړي.

دغه راز په ډاګه شوې: د غونډې ګډونوالو ومنله، چې همغږي او ګډې هڅې د افغانستان د ټولو ستونزو یوازنۍ حللار ده.

د اسلامي امارت استازیو دا هم ویلي، چې ټولو ګډونوالو دا ډول غونډې د هېواد په ګټه وبللې.

د افغانستان اسلامي امارت استازي شفیع الله اعظم د خبرو د لومړۍ ورځې په پای کې اسوشیټیډ پرس ته څرګنده کړې، چې له لویدیځو چارواکو سره لیدنه د افغان حکومت د مشروعیت لپاره یو ګام و او دا ډول بلنه او اړیکه به مرسته وکړي، چې اروپایی ټولنه، امریکا یا یو شمېر نور اړوند هېوادونه د افغان دولت ناسم انځور له منځه یوسی.

د ناروې د بهرنیو چارو وزارت تېره اوونۍ په ډاګه کړې وه، چې افغان استازي د جنورۍ له ۲۳ تر ۲۵ نېټې اوسلو ته بلل شوي، چې د ناروې له چارواکو، نړیوالې ټولنې او نورو افغانانو سره وګوري؛ خو دا غونډې د اسلامي امارت مشروعیت یا رسمیت پېژندنه نه ښيي، بلکې باید له دغو چارواکو سره خبرې وشي، چې د ناوړه بشري ناورین مخه ونیول شي.

دا په داسې حال کې ده، چې د اسلامي امارت پلاوی به نن د ناروې په پلازمېنه اوسلو کې د امریکایي استازیو په ګډون د اروپایي ټولنې، بریټانیا،فرانسې، جرمني ایټالیا او ناروې له استازیو سره هم د افغانستان پر سیاسي، امنیتي او بشري وضعیت خبرې وکړي.

Continue Reading

Trending

Copyright © 2022 Ariana News. All rights reserved!