Connect with us

تازه خبرونه

د اسلامي امارت د رسمیت پېژندلو لپاره د شرایطو پوره کول اړین دي – فرانسه

خپور شوی

 په

(Last Updated On: تله ۱۳, ۱۴۰۰)

د فرانسې ولسمشر ایمانویل میکرون نن (سې شنبه د تلې ۱۳) ویلي؛ د جي ـ ۲۰ ډلې مشران باید د اسلامي امارت د رسمیت پېژندلو لپاره واضح او مشروط پیغام ولیږي.

د فرانسې ولسمشر په خپله تازه مرکه کې ويلي؛ دغه شرایط باید د ښځو برابری، د بهرنیو بشري مرستو عملیاتو ته لاسرسی او له ترهګرو ډلو سره پر نه همکارۍ ولاړ دي.

د نړیوالې ټولنې لخوا په مشروط ډول د اسلامي امارت تر نامه لاندې د نوي حکومت د رسمیت پېژندلو پر دوام او د جي – ۲۰ ډلې مشران د را روانې ناستې په درشل کې د فرانسې ولسمشر امانویل ماکرون ويلي؛ د جي – ۲۰ مشران باید د نړیوالې ټولنې لخوا د اسلامي امارت د رسمیت پېژندلو لپاره پر شرایطو ولاړ واضح پیغام ولیږي.

د فرانسې ولسمشر امانوئل ماکرون وایي: دغه شرایط باید د ښځو حقوق، د بهرنیو بشري مرستو عملیاتو ته لاسرسی او له ترهګرو او اسلام پاله ډلو سره پر نه همکارۍ ولاړ دي. زه ډاډه یم د نړیوالو لخوا پر رسمیت پېژندل باید بیه ولري او د افغان میرمنو عزت، د ښځو او نرینه وو برابري باید هغه ټکي وي، چې مونږ ورباندې ټینګار لرو او زمونږ لپاره باید شرط وي.

د فرانسي ولسمشر د جي – ۲۰ ډلې مشرانو را روانې ناستې ته په نغوته کې ویلي؛ ټاکل شوې، چې د دې ناستې کوربتوب د روانې میاشتې په وروستیو کې روم وکړي، چې پر افغانستان راڅرخي او له خپلو نړیوالو سیالانو سره به د اسلامي امارت د رسمیت پېژندلو په تړاو خبرې وکړي.

امانوئل ماکرون وایي: مونږ به د افغانستان په تړاو خبرې وکړو. مونږ، اروپايان، امریکایان، چین، روسیه، د آفریقا ستر قدرتونه، آسیایي، اقیانوسیه او لاتینې امریکا هېوادونو استازي ټول یوځای باید یو واضح پیغام ولرو، چې د طالبانو پر رسمیت پېژندلو لپاره شرایط وټاکو.

د فرانسې ولسمشر په داسې حال کې د اسلامي امارت پر رسمیت پېژندلو لپاره د شرایطو د کیښودو په تړاو خبرې کوي، چې د اسلامي امارات مشران هم واک ته له رسیدو وروسته یې تل له نړیوالې ټولنې غوښتې پر رسمیت پېژندل غوښتي دي.

ټاکل شوې وه، چې د روسیې په غوښتنه د طالبانو یو استازی هم په دغه غونډه کې د ګډون اجازه ترلاسه کړي، چې ایټالیا یې پر وړاندې غبرګون ښکاره کړی دی.

تازه خبرونه

د عشر او زکات راټولولو طرحه وروستۍ شوې – ماليې وزارت

خپور شوی

په

توسط

(Last Updated On: مرغومی ۲۶, ۱۴۰۰)

د افغانستان مالیې وزارت څرګنده کړې، چې د عشر او زکات راټولولو طرحه وروستۍ شوې او په راتلونکیو څو ورځو کې به د تصویب لپاره کابینې ته وسپارل شي.

د مالیې وزارت ويلي؛ د عشر او زکات راټولولو طرحه یې د حج او اوقافو او کرنې له وزارتونو سره په همغږۍ کې وروستۍ کړې او ټاکل شوې، چې د روانې اوونۍ په وروستیو کې یې کابینې ته د تصویب لپاره ولېږي.

د دغه وزارت ویاند څرګندوي، د طرحې له تصویب او د اسلامي امارت د امیر له لاسلیک او توشیح وروسته به د عشر او زکات د ټولولو لپاره ځانګړی بورډ جوړ شي.

د مالیې وزارت ویاند احمد ولي حقمل آریانا نیوز ته په ډاګه کړې، چې: د لومړي وزیر په رهبرۍ د کابینې په غونډه کې د دې طرحې له تصویب او د امیرالمومنین لخوا له توشیح وروسته به د عشر او زکات د راټولولو لپاره یو ځانګړی بورډ جوړ شي.

دغه راز نوموړي زیاته کړې، چې د عشر او زکات راټولول به شفاف او ډیجیټلي وي.

هغه وایي، چې د یو روڼ بهیر له لارې به په دیجیتلي بنه له هېوادوالو څخه عشر او زکات راټولیږي.

دیني عالم امان الله احمدي د حکومت له دې هڅې هرکلی کوي او وايي، چې د عشر او زکات راټولې شوې پیسې باید مستحقو کسانو ته ورسيږي.

له بلې خوا د اسلامي امارت دغه هڅه د کابل اوسیدونکی احمد ویس اکبري سایي او وایي: لومړی باید مالي وضعیت درک شي او خلکو ته کاري زمینه برابره شي، معاشونه ورکړ شي . بیا؛ نو ټول خلک په ورین تندي هر څه ته حاضر دی؛ خو اوسنی وضعیت ستونزمن دی.

د مالیې وزارت په داسې حال کې د عشر او زکات د راټولولو له طرحې خبرې کوي، چې له وروستیو پېښو وروسته ګڼ شمېر پانګوال له هېواده وتلي او په هېواد کې پاتې هېوادوال له سخت اقتصادي بحران سره مخ شوي دي.

Continue Reading

تازه خبرونه

امریکا د بندیزونو پر لګولو د خپلې ماتې غچ اخلي – چین

خپور شوی

په

توسط

(Last Updated On: مرغومی ۲۶, ۱۴۰۰)

د چین سفیر ویلي؛ امریکا باید د اقتصادي بندیزونو له لارې له افغانانو غچ وانخلي او ټولګډونه حکومت، بشري حقونه او د بیان آزادي دې د وسیلې په توګه نه کاروي.

د چین سفیر  ډاډ څرګند کړ، چې د افغانستان په کورنیو چارو کې به لاسوهنه ونکړي.

د چین سفیر په دې کتنه کې ویلي، چې امریکا باید د اقتصادي بندیزونو له لارې له افغانانو غچ وانه خلي او بشري حقونه، د ښځو حقونه او د بیان آزادي د فشار د وسیلې په توګه ونه کاروي.

د اسلامي امارت د ویاند مرستیال انعام الله سمنګاني ویلي؛ د چین سفیر په دې لیدنه کې ویلي، چې چین د افغان حکومت له لارې له افغانانو سره بشري مرستې کوي.

هغه وایي؛ افغانان حق لري، چې د خپلو دیني او فرهنګي ارزښتونو پر بنسټ یو نظام ولري.

د کورنیو چارو وزارت د ویاند مرستیال انجنیر عزام ویلي؛ د کورنیو چارو وزارت چارسمبالي په کابل کې د چین له سفیر سره د کتنې پر مهال له دې هېواده وغوښتل، چې اسلامي امارت پر رسمیت وپېژني.

د اسلامي امارت د کورنیو چارو وزارت چارسمبالي سراج الدین حقاني په کابل کې د چین له سفیر سره په لیدنه کې ویلي، چې اسلامي امارت د نړۍ او ګاونډ هېوادونو پر وړاندې خپلو ژمنو ته ژمن دی او د افغانستان خاوره به د هیڅ هېواد پر ضد ونه کارول شي.

ده د چین له سفیره غوښتي، چې د افغانستان له اسلامي امارت سره همکاري روانه وساتي او د افغانستان نوی حکومت پر رسمیت وپيژني.

د اسلامي امارت چارواکي د چین د سفیر له قوله وايي، چې هغه د شل کلنې تجربې له مخې له نړیوالو غوښتي؛ افغانانو ته اجازه ورکړي، چې د خپلې خوښې حکومت جوړ کړي او پدې هېواد بهرني افکار ونه تپل شي.

Continue Reading

تازه خبرونه

په تېرو ۲۰ کلونو کې ۵ میلیون کسان روږدی شوي – مولوي حنفي

خپور شوی

په

توسط

(Last Updated On: مرغومی ۲۶, ۱۴۰۰)

د افغانستان اسلامي امارت د لومړي وزیر اوه یم مرستیال مولوي عبدالسلام حنفي ويلي؛ د افغانستان د اشغال په بهیر کې لږ تر لږه پېنځه میلیون هېوادوال مو پر نشه يي توکو روږدې شوي.

نوموړي له هېوادوالو غوښتي، چې د وطن د آبادۍ لپاره باید خپلې مټې را ونغاړي؛ اقتصادي، ټولنیز، روغتیايي، ناورینونه پخپله مدیریت کړي.

همدارنګه ویل کیږي، چې  تر یوه بریده  به ستونزې وي؛ خو په نږ دې راتلونکي کې  به د هېواد ډېری ستونزي حل شي.

هغه زیاته کړې، چې پر نشه يي توکو د روږ دو کسانو د روغتیا او پالنې چاري د افغانستان اسلامي امارت په غاړه ا خیستی.

مولوي حنفي وایي، چې نړیوالو په جکړه کې ماتي  خوړلې او اوس غواړي، چې د افغانستان د اسلامي امارت پر ضد منفي تبلیغات تر سره کړي.

مولوي عبدالسلام حنفي څرګنده کړې، چې په تېر پېر او د اشغال په وخت کې د افغانستان د آبادۍ لپاره هیڅ کار ونشو؛ خو ځوانان مو روږدي او ټولنیزې ستونزې مو بیخي زیاتي دي.

د افغانستان  د اطلاعاتو او فرهنګ وزارت چارسمبالي ويلي، چې نړیوالو په ګرمه جګړه کې هېوادنۍ ماته وخوړه،  چې اوس يي پر افغانستان د بندیزونه لګولو تر څنګ منفي تبلیغات هم پیل کړي دي.

د اطلاعاتو او فرهنک وزارت چارسمبالي خیر الله خیر خوا ویلي؛ د نړۍ تجروبو ثابته کړې؛ هغه هېوادونه، چې له بندیزونو سره مخ شوي هغوی خپل هېوادونه جوړ کړي. مونږ به حتمي له اوسنیو ستونزو ځانونه وباسوو.

د اسلامي امارت مسوولینو دا ډاډ هم څرګند کړی: ټول هغه هېوادونه،  چې  له افغانستان سره بشري مرسته کوي ترې هرکلی کوو؛ خو د هیڅ هېواد مشروطي مرستي منلی نشو.

Continue Reading

Trending

Copyright © 2022 Ariana News. All rights reserved!