Connect with us

تازه خبرونه

د استانبول ناستې ته به ۷ سیاسي ګوندونه د سولې ګډه طرحه وړاندې کړي

Ariana News

خپور شوی

 په

(Last Updated On: April 10, 2021)

د سیاسي ګوندونو کمېټه، چې اووه ګوندونه په کې دي؛ د استانبول ناستې ته به د سولې په اړه خپله ګډه ځانګړې طرحه وړاندې کړي.

په افغانستان کې ګوندونه غواړي د استانبول ناستې ته ځانګړې طرحې او غوښتنې وړاندې کړي؛ د سیاسي ګوندونو کمېټه له دوه میاشتو را پدیخوا دې ناستې ته ځانګړې طرحه جوړوي.

په دې کمېټه کې د ګلبدین حکمتیار حزب اسلامي، د کریم خلیلي حزب وحدت اسلامي، د محمد محقق د افغانستان د خلکو حزب وحدت اسلامي، د صلاح الدین رباني حزب جمعیت اسلامي، د سید حامد ګیلاني حزب محاذ ملي، د مارشال دوستم حزب جنبش ملي او د انوارالحق احدي افغان ملت ګوند ونډوال دي.

که څه هم ځینې مشران د ملي پخلاینې عالي شورا د مشرتابه غړي دي؛ خو حزب اسلامي وایي، چې د ګوندونو کمېټه د جمهوریت د طرحې تر څنګ بله جلا طرحه د استانبول ناستې پر میز ږدي.

د حزب اسلامي یو غړی وایي، چې دا ګوندونه به د اپوزیسون په توګه واحده طرحه د استانبول ناستې ته وړاندې کړي او د ګلبدین حکمتیار حزب اسلامي هم د ملي پخلاینې عالي شورا ته تر اوسه هیڅ طرحه نده سپارلې.

د جمعیت اسلامي د مشرتابه ځینې غړي او سیاستوال د جوړښت ماتوونکیو تر سرلیک لاندې د استانبول په ناسته کې د نامتمرکز نظام د مطرح کېدو غوښتنه کوې.

د ګلبدین حکمتیار د حزب اسلامي د مشرتابه غړی همایون جریر وایي: مونږ د ګوندونو د کمېټې لخوا یوه بېله طرحه جوړه کړې ده او د اپوزیسیون په توګه په دې ناسته کې ګډون کوو او مونږ د ملي پخلاینې عالی شورا ته طرحه نده سپارلې.

د استانبول ناستې لپاره ډېرو د نظام جوړښت مطرح کړی دی.

د جمعیت اسلامي دا غړي وایي؛ باید د استانبول په ناسته کې د امارت او جمهوریت د نظامونو د جوړښت تر څنګ فډرال یا نامتمرکز نظام هم تر بحث لاندې راشي.

د حزب جمعیت اسلامي د مشرتابه شورا غړي محی الدین مهدي ویلي؛ مونږ تر دې دمه لیدلي، چې د دولت ریاستي جوړښت کومه ښه پایله نده ورکړې؛ متمرکز نظام باید مات شي او له نامتمرکزه نظام سره یوې پایلې ته ورسیږو.  

د ملي پخلاینې عالي شورا د دېرش ګوندونو او سیاسي بهیرونو طرحې اخیستي؛ خو دا د کارونو وروستۍ برخه نده او ښکاري، چې د ترکیې ناستې ته به له افغانستان څخه څو طرحې ځي.

د ډېرو په باور ډېرې طرحې کولی شي د استانبول ناستې ته ستونزې جوړې کړي.

د جمعیت اسلامي د مشرتابه شورا غړی ستار مراد وایي: د طرحو بېلابېلې بڼې ستونزې جوړوي؛ سیاسي بهیرونه باید په تمه شي، چې د هېواد په اړه د افغانستان اسلامي جمهوریت او د ملي پخلاینې عالی شورا څه پرېکړه کوي.

ډېري سیاستوال وایي، چې د استانبول په ناسته کې به لومړی اوربند او وروسته لنډ مهال نظام تر بحث لاندې راشي او د متمرکز او نامتمرکز نظام په اړه فرصت نشته؛ نو غوره ده، چې د جمهوریت حوزې ټول بهیرونه له یوې واحدې طرحې سره د استانبول په ناسته کې ګډون وکړي.

تازه خبرونه

په کندهار کې د ټلویزیون پخوانی ویاند ووژل شو

Ariana News

خپور شوی

په

توسط

(Last Updated On: May 6, 2021)

د مالیې وزارت د رسنیو د څانګې آمر او د طلوع نیوز ټلویزیون پخوانی ویاند نعمت راون نن پنجشنبه د غویی ۱۶ په کندهار ښار کې د ناڅرګندو وسلوالو پر ډزو وژل شوی دی.

د کندهار پولیسو ويلي؛ نعمت روان د ښار د څوارلسمې امنیتي حوزې په اړوند سیمه کې خپل خوږ ژوند له لاسه ورکړی دی.

د نعمت روان خپلوانو هم د هغه مړینه تائید کړې ده.

د طلوع نیوز مسوولینو ویلي، چې له دې رسنۍ سره درې اوونۍ مخې نعمت روان خپل کار پای ته رسولی و او په دې وروستیو کې یې په مالیې وزارت کې دنده تر سره کوله.

تر دې دمه هیچا پر نوموړي د برید پړه نده منلې.

Continue Reading

تازه خبرونه

په غزنی، بغلان او هلمند کې د طالبانو بریدونه ډېر شوي

Ariana News

خپور شوی

په

توسط

(Last Updated On: May 6, 2021)

که څه هم د هېواد په بېلابېلو برخو کې درندې نښتې روانې دي؛ خو راپورونه په ډاګه کوي، چې طالبان په بغلان او غزني ولایتونو کې د ښارونو پر لوري د پرمختګ په حال کې دي.

د راپورونو له مخې؛ د غزنی او بغلان ولایتونو یو شمېر سرتېري له طالبانو سره په نښتو کې وژل شوي او یو شمېر نور طالبانو ته تسلیم شوي دي.

د چارواکو د څرګندونو له مخې؛ د بغلان ولایت د مرکزي بغلان ولسوالۍ د شهر کوه سیمه د وسلوالو طالبانو لاس ته لوېدلې ده.

ځايي چارواکو تائید کړې او څرګندوي، چې د دولتي ځواکونو او وسلوالو طالبانو ترمنځ د تاکتیکي شاتګ پر مهال هیڅ راز نښتې رامنځته شوې ندي.

دغه راز سرچینو په ډاګه کړې، چې تېره شپه په دې ولسوالۍ کې له دوه پوستو څخه سرتېري طالبانو ته تسلیم شوي دي.

که څه هم د ولسوالۍ ولسوال په دوه پوستو کې د امنیتي ځواکونو تسلیمیدل ردوي؛ خو د ولایتي شورا مشر محمد صفدر محسني آریانا نیوز ته ویلي، چې لږ تر لږه ۶۰ سرتېري له دوه پوستو څخه پر وسلو او تجهیزاتو مجهز طالبانو ته تسلیم شوي دي.

د طالبانو ویاند ذبیح الله مجاهد څرګنده کړې، چې د مرکزي بغلان ولسوالۍ ډېری سیمې دوی نیولې دي.

هغه دا هم ویلي، چې له  ۲۰۰ ډېر امنیتي سرتېري له طالبانو سره یوځای شوي او خپل پوځي تجهیزات یې له ځان سره لیږدولي دي.

همدارنګه د غزني ولایت ځایي چارواکو څرګنده کړې، چې په دې ولایت کې د اردو څلور پوستې طالبانو نیولي دي.

د چارواکو د څرګندونو له مخې، د دې ولایت په آرزو کلي کې دوه امنیتي پوستې د طالبانو لاس ته لوېدلې دي.

د غزنی ولایتی شورا غړي عبدالجامع جامي ویلي؛ د دغو دوه پوستو د څلیریشت امنیتي ځواکونو برخلیک ناڅرګند دی.

نوموړي زیاته کړې، چې له دې سره اوس طالبان د غزني ښار ته نږدې شوي دي.

هغه خبرداری ورکړ، چې که امنیتي ځواکونه مدیریت نشي؛ د غزنی ښار به هم طالبان ونیسي.

همدارنګه یوې بلې معتبرې سرچینې هم آریانا نیوز ته ویلي، چې د غزني په خواجه عمري ولسوالۍ کې د چارشنبې پر شپه دوه پوستې طالبانو ونیولې.

د سرچینې د څرګندونو له مخې، په پېښه کې لږ تر لږه ۱۵ پولیس وژل شوي دي.

د هېواد ملي دفاع وزارت تر دې دمه د دغو ادعاوو په اړه څه ندي ویلي.

یو شمېر کارپوهان پدې باور دي، چې طالبانو د استانبول په ناسته کې د ګټې د ترلاسه کولو لپاره بریدونه ډېر کړي دي.

دا مهال په هیلمند ولایت کې سخته جګړه روانه ده، چې په پایله کې یې زرګونه خلک له خپلو کورونو تښتیدلي دي.

د راپورونو سره سم امریکا هم تېره شپه په دې ولایت کې د طالبانو پر وړاندی  او د افغان ځواکونو پر ملاتړ هوایي بریدونه کړي دي.

د چارشنبې پر ورځ د میوند قول اردو قومندان  سمیع سادات ویلي وه، چې طالبانو د هلمند ولایت په بېلابېلو سیمو کې ۸۹ بریدونه کړي او دا ټول بریدونه د افغان امنیتي ځواکونو پرشاتمبولي او وسلوالو طالبانو ته په کې درنده مرګ و ژوبله اوښتې ده.

نوموړي ډاډ څرګند کړی، چې د افغان ځواکونو مورال لوړ دی او دوی ډاډمنو تجهیزاتو ته پوره لاسرسی لري او د شته تجهیزاتو په مرسته دوی کولی شي طالبانو ته ماته ورکړي.

دا په داسې حال کې ده، چې په ټول هېواد کې نښتو له هغې وروسته ډېر زور واخیست، چې امریکايي ځواکونو د شنبې پر ورځ په رسمي بڼه د ځواکونو تدریجي وتل پیل کړل؛ خو طالبانو د امریکا تدریجي وتل د دوحې له تړونه سرغړونه یاده کړې ده.

Continue Reading

تازه خبرونه

د نړۍ جي ۷ هېوادونو په افغانستان کې د تاوتریخوالي د پای ته رسولوغوښتنه وکړه

Ariana News

خپور شوی

په

توسط

(Last Updated On: May 6, 2021)

د نړۍ د اووه ځواکمنو صنعتي هېوادونو د بهرنیو چارو وزیرانو په افغانستان کې د هدفي وژنو او بریدونو د درولو غوښتنه کړې.

په بریټانیا کې د جې اووه ډلې د افغان سولې بهیر، سیاسي هوکړې او د استانبول ناستې د جوړېدو لپاره د هڅو له ملاتړ څرګند کړی دی

د جي اووه ډلې غړیو د دوحې خبرو د دوام ملاتړ کړی او د استانبول ناستې د ژر جوړېدو غوښتنه یې کړې ده.

د جي ـ۷ هېوادونو په اعلامیه کې راغلي: یو تلپاتی سیاسي جورجاړی، سولې ته د رسېدو یوازنۍ لار ده او د ټولو افغانانو په ګټه ده. مونږ په دوحه او استانبول کې د سولې د لوړې کچې د خبرو له دوام ملاتړ کوو. مهمه ده، چې د سیمې هېوادونه د سولې له هڅو ملاتړ روان وساتي.

د بهرنیو چارو وزارت پخوانی سیاسي مرستیال  جاوېد لودین ویلي: د سیمې هېوادونه په څرګند ډول ګډې ګټې لري؛ خو اوس یې هم د سولې بهیر په تړاو اجماع ماتېدونکې ده او امریکا باید د سیمه ییزې اجماع  لپاره له خپل نفوذه کار واخلي.

د جې اووه ډلې په اعلامیه کې ویل شوي، چې د جګړې ښکېل لوري دې له وژنو او تاوتریخوالي لاس واخلي او د خبریالانو، ښځو او د بشري حقونو د فعالانو وژنه باید ودریږي؛ ځکه، چې سولې ته د رسېدو لپاره یو هر اړخیز اوربند ته زمینه برابره شي.

کارپوهان هم د هېواد د سیاسي حالت په تړاو په اوس وخت کې د نړیوالې ټولنې رول مهم بولي.

د ملګرو ملتونو پخوانی سلاکار  بارنت روبین وایي:  اوس امریکا پر دې کار کوي، چې له افغانستان څخه خپل ځواکونه وباسي؛ خو له دې هېواده به ډیپلوماتیک ملاتړ هم  روان وي. اوس د افغانستان ټولنې ډېر بدلون کړی او له نړیوالې ټولنې سره نښلول شوې او دا به د سیاسي حالت په بدلون کې ډېر مهم رول ولوبوي.

د امریکا د دفاع پخواني وزیر رابرت ګیټس ویلي، چې د افغانستان جګړه به د بهرنیو ځواکونو له وتو سره د رضایت وړ پای ونلري.

نوموړی زیاتوي: د  دفاع وزیر آسټین او د لوی درسیتز له وړاندیز سره موافق یم، چې دوه سوه پنځوس کسیزه وړه ډله په افغانستان کې د افغان ځواکونو د ملاتړ لپاره پاتې شي؛ خو حقیقت دا دی، چې طالبان به بیا هم وکړای شي د هرې ورځې په تېرېدو ډېرې ساحې ونیسي.

د بهرنیو ځواکونو د وتو بهیر له یوې اوونۍ را پدیخوا پیل شوی او تر اوسه د بهرنیو ځواکونو څو اډې افغان ځواکونو ته سپارل شوي دي؛ خو بلخوا ویل کیږي، چې په څه باندې ۲۱ ولایتونو کې جګړې؛ ځکه سختې شوي، چې طالبانو امریکایان د دوحې له تړونه پر سرغړونه تورن کړي دي.

Continue Reading

Trending

آریانا نیوز: ټول حقونه خوندي دي