Connect with us

نړۍ

د آلمان په پارلماني ټاکنو کې سوسیال ډیموکراټ ګوند بریالی اعلان شو

خپور شوی

 په

(Last Updated On: تله ۵, ۱۴۰۰)

رویټر په ډاګه کړې، چې د یکشنبې پر ورځ د تلې ۴ د سپټمبر ۲۶ د آلمان په پارلماني ټاکنو کې سوسیال ډیموکراټ ګوند اړوند ټاکنې له محافظه کار ګونده وګټلې او بریالی اعلان شو.

رویټرز څرګنده کړې؛ د ټاکنو پایلې ښیي، چې چپ اړخه سوسیال ډیموکراټ ګوند پر ۲۶ سلنه رایو ځان د ټاکنو مخکښ کړ او د راتلونکي حکومت د جوړولو مسوولیت به ورپرغاړه وي.

د میرکل محافظه کاره ګوند پر ۲۴.۵ سلنې او شنو ۱۴ سلنې دوه یم او درېیم ځایونه خپال کړي دي.

د میرکل په ائتلافي حکومت کې د آلمان د سوسیال ډیموکراټانو د مالیې وزیر اولاف شولټس، چې د درې ټلویزیوني مناظرو ګټونکی پېژندل شوی، د میرکل ځایناستی کیږي.

په وروستيو ټولپوښتنو کې د نوموړي ګوند د محافظه کاره ګوندونو پر پرتله د لیوالتیا کچه راټيټه شوه، چې لږ توپیر یې ټاکنې وګټلې.

انګلا میرکل، چې له ۲۰۰۵ زېږدیز کال راپدیخوا په واک کې وه، له دغو ټاکنو سره د ۶۷ کلنې میرکل د رهبرۍ ۱۶ کلن پړاو هم پای ته ورسېده.

نړۍ

ترکیې د امریکا، آلمان او فرانسې په ګډون د ۱۰ هېوادونو سفیرانو ته د وتلو امر وکړ

خپور شوی

په

توسط

(Last Updated On: لړم ۲, ۱۴۰۰)

د ترکیې ولسمشر رجب طیب اردوغان پرون (شنبه د لړم لومړۍ) ویلي؛ د هغو ۱۰ هېوادونو د سفیرانو د ایستلو امر شوی، چې د مدني هڅاند عثمان کاوالا د خوشې کیدو غوښتنه یې کړې ده.

د رویټرز د څرګندونو له مخې؛ د امریکا، فرانسې او جرمني په ګډون د لس هېوادونو سفیرانو د دوشنبې پر شپه په یوه ګډه غوښتنه کې د ترکیې د حکومت د مخالف عثمان کاوالا د خوشې کیدو غوښتنه وکړه.

د ترکیې ولسمشر رجب طیب اردوغان د دې غوښتنې په ځواب کې ویلي: ما خپل بهرنیو چارو وزیر ته سپارښتنه کړې، چې د دې لس هېوادونو سفیران ژر تر ژره نه نامنلي عناصر اعلام کړي.

نوموړي زیاته کړې: دا سفیران باید ترکیه وپېژني او درک یې کړي. هغه بهرني سفیران، چې د دې هېواد په اړه نه پوهیږي؛ باید له ترکیې ووځي.

عثمان کاوالا د ترکیې مخالف مدني سوداګر دی، چې پرته له قضایي حکمه څلور کاله په زندان کې ساتل شوی دی.

په ترکیه کې د امریکا، فرانسې، جرمني، کاناډا، فنلینډ، ډنمارک، هالنډ، نیوزیلینډ، ناروې او سویډن سفیرانو اوړمه ورځ د عثمان کاوالا د قضیې د ګړندي او عادلانه حل غوښتنه کړې وه.

رجب طیب اردوغان د پنجشنبې پر ورځ (د تلې ۲۹) ګواښ وکړ؛ هغو سفیرانو، چې دغه اعلامیه لاسلیک کړې؛ له ترکیې به وشړل شي؛ خو په همغه ورځ په دې اړه کومه عملي هڅه ونه لیدل شوه.

د ترکیې د بهرنیو چارو وزارت د سې شنبې پر ورځ د لس هېوادونو سفیران احضار کړل او د دوی وینا یې د نه منلو وړ وګڼله.

د یادونې ده، چې اړوند هېوادونو تر دې دمه په دې اړه له ورته کړنې دده کړې ده.

Continue Reading

مهم خبرونه

د امریکا د بهرنیو چارو لومړنی تورپوستی وزیر ومړ

خپور شوی

په

توسط

(Last Updated On: تله ۲۶, ۱۴۰۰)

د راپورونو له مخې؛ د امریکا د بهرنیو چارو لومړنی تورپوستی وزیر کالین پاول نن (دوشنبه د تلې ۲۶) د ۸۴ کلونو پر عمر له کرونا ویروسه ومړ.  

د پاول کورنۍ د نوموړي د مړینې خبر تائید کړی حرګندوي، چې هغه د کورونا ویروس واکسین هم ترلاسه کړی و.

پاول د امریکا د وسلوالو ځواکونو د لوی درستیز په توګه هم دنده ترسره کړې او د جمهوري غوښتونکي او ډیموکراټیک ګوندونو له څلور ولسمشرانو سره یې په بېلابېلو پوستونو کې کار او دنده تر سره کړې ده.

 پاول په عراق کې د امریکا د برید پر وخت د بهرنیو چارو وزیر و.

پر ۲۰۱۲ زېږدیز کال د ملګرو ملتونو په امنیت شورا کې د پاول وینا یوه نه هېرېدونکې منل شوې او په کې نوموړي ادعا وکړه، چې عراق د ډله ییزې وژنې وسله لري؛ خو په عراق کې ونه موندل شوه.

Continue Reading

نړۍ

په هند کې د سیلابونو او ځمکې ښویدو له کبله ۲۲ کسان مړه شوي

خپور شوی

په

توسط

(Last Updated On: تله ۲۶, ۱۴۰۰)

رویټرز څرګنده کړې؛ د هند په سویلي ایالت کیرالا کې د سختو بارانونه له کبله لږ تر لږه  ۲۲ کسان مړه شوي دي.

د راپور له مخې؛ د ایالت په اړوند سیمو کې د باران له کبله سیلابونه راوتلي او یو شمېر کورونه د ځمکښویېدو له کبله ړنګ شوي دي.

د هند اردو او بحري ځواکونو د ژغورنې هڅې پیل کړې دي.

چارواکو او عیني شاهدانو ویلي، چې د دې ایالت په کوټیکل کلي کې د ځمکې ښویېدو له کبل شاوخوا ۱۳ کسان مړه شوي دي.

د کیرالا ایالت د پېښو مدیریت کمېټې څرګنده کړې؛ تمه ده، چې سپک بارانونه به په ټول ایالت کې روان وي. که څه هم په ډېرو سیمو کې د هوا پېژندنې ګواښونه لرې شوي دي.

دا په داسې حال کې ده، چې په ۲۰۱۸ کال کې د دې ایالت لږ تر لږه ۴۰۰ کسان مړه او شاوخوا ۲۰۰۰۰۰ نور د سختو بارانونو له کبله بې ځایه شوي.

Continue Reading

Trending

آریانا نیوز: ټول حقونه خوندي دي