Connect with us

تازه خبرونه

د آسیا زړه ناستې د سولې پر خوندي کولو او د جګړې پر پای ته رسولو ټینګار وکړ

Ariana News

خپور شوی

 په

(Last Updated On: March 30, 2021)

د هند، ترکیې، ایران، پاکستان، افغانستان او د ملګرو ملتونو ځانګړې استازې د آسیا زړه – استانبول بهیر د بهرنیو چارو وزیرانو په نهمه ناسته کې د سولې پر اړتیا او په افغانستان کې د جګړې  پر پای ته رسیدو ټینګار وکړ.

غونډې ته د وینا پرمهال د هند د بهرنیو چارو وزیر ایس جی شنکر ویلي، چې دوه ډوله سولې ته اړتیا ده؛ په افغانستان او سیمه کې سوله.

شنکر ویلي: په افغانستان کې دوامداره سوله دوه ډوله سولې ته اړتیا لري؛ په افغانستان کې سوله او په سیمه کې سوله.

شنکر زیاته کړې؛ دا سوله د هېواد دننه او بهر د هرچا له ګټې سره اړخ لګوي.

هغه زیاته کړې؛ که په افغانستان کې شخړې ښکېلې خواوې سوله وغواړي، دوی باید له ښه نیت او سیاسي ژمنتیا سره د خبرو اترو بهیر ته وردننه شي.

د هند د بهرنیو چارو وزیر څرګنده کړې؛ په سرمشریزه کې ټول ګډون کوونکي ګډ کار کوي، چې افغانستان له روانو جنګونو وژغوري؛ خو دا هڅې جدي ژمنو ته اړتیا لري.

په دې کنفرانس کې د ایران د بهرنیو چارو وزیر جواد ظریف ویلي، تهران په افغانستان کې د افغانانو پر مشرتابه د سولې له بهیره ملاتړ کوي.

ظریف له ملګرو ملتونو غوښتي، چې بهرنيو هېوادونو ته د افغانستان د سولې په بهیر کې د خنډ رامنځټه کولو اجازه ورنکړي.

ظریف زیاته کړې، چې بهرني سرتېري باید له مسوولیت سره  سم افغانستان پریږدي او د سیمې هېوادونه هم باید له داعش سره مبارزې ته چمتو وي.

هغه دا هم ویلي؛ ټول هېوادونه باید چمتو وي، چې داعش په افغانستان کې له مذهبي، توکمیزو او افراطي عناصرو څخه کار وانخلي.

دغه راز د ترکیې د بهرنیو چارو وزیر مولود چاووش اوغلو د آسیا زړه ـ استانبول بهیر غونډې ته ویلي ، چې هغه له ټولو خواوو سره د افغانستان د سولې بهیر د ګړندي کولو لپاره ګډ کار کوي.

اوغلو هیله څرګنده کړې، چې په استانبول کې د افغانستان د سولې غونډه به د پام وړ پایلې ولري.

هغه په ډاګه کړې: مونږ یو شمېر هېوادونو ته بلنه ورکړې او تمه هم لرو، چې د استانبول ناسته به په افغانستان کې د جګړې پای ته رسیدو لپاره لار اواره کړي.

د پاکستان د بهرنیو چارو وزیر شاه محمود قریشي ویلي؛ پاکستان په افغانستان کې د روان تاوتریخوالي په اړه اندېښمن دی.

قریشي زیاته کړې: مونږ په افغانستان او بهر کې د تخریب کوونکیو د رول په اړه خبرداری ورکړی دی.

د افغانستان لپاره د ملګرو ملتونو ځانګړي استازې ډبیرا لاینز هم د آسیا زړه ناستې ته څرګنده کړې، چې د افغانستان د سولې بهیر لپاره د سیمې د هېوادونو ملاتړ اړین دی.

د آسیا زړه غونډه – استانبول بهیر پر ۲۰۱۱ زېږدیز کال د ترکیې په استانبول کې جوړه شوې، موخه یې  له سیمې او نړیوالو ملګرو سره د افغانستان د ګډو ګټو او ننګونو په اړه خبرې دي.

په دغه ناسته کې ۱۵ هېوادونه دایمي غړيتوب لري؛ ۱۷ هېوادونه یې ملاتړي او د ۱۲ سیمه ییزو او نړیوالو سازمانونو استازي په کې ګډون کوي.

د راپورونو له مخې؛ روسیه، چین، هند، پاکستان، افغانستان، ایران، قزاقستان، قرغیزستان، تاجکستان، ترکمنستان، سعودي عربستان، متحده عرب امارات، آذربایجان، ازبکستان او ترکیه د غونډې دایمي غړیوتوب لري.

تازه خبرونه

د افغان فلم د دوه فلمي کارمندانو مړي وپېژندل شول

Ariana News

خپور شوی

په

توسط

(Last Updated On: June 13, 2021)

د افغان فلم دوه فلمي کارمندانې، چې له پرونۍ چاودنې وروسته ورک شوي وه؛ نن د یکشنبې پر ورځ د غبرګولي ۲۳ عدلي طب پېژندلي او خپلو کورنیو ته وسپارل شول.

د طیبه موسوي او فاطمه محمدي کورنیو، چې له تېرې وځې راپدیخوا یې د خپلو ځوانو لوڼو په لټه کې ول؛ نن یې څرګنده کړه، چې د دوی د ورکو شویو لوڼو جسدونه په عدلي طب کې پېژندل شوي دي.

دو دوه ځوانو نجونو پرون د کابل په لویدیځ کې له یوې چاودنې خپل خوږ ژوند له لاسه ورکړی دی.

د افغان فلم دغه دوه کارمندان دومره سوځیدلي وه، چې د عدلي طب له همکارۍ پرته د دوی مړي د پېژندو نه ول.

طیبه د افغان فلم لوبغاړې او د یو فلم پر جوړولو یثې کارکاوه، چې پرون د اطلاعاتو او فرهنګ وزارت سره له ناستې وروسته د علي جناح روغتون مخې ته د لارې په لومړۍ چاودنه کې ووژل شوه.

خور او مور یې د هغې مړی په عدلي طب کې له یوې ګړۍ وروسته وپېژانده. طیبې په کابل پوهنتون کې د ماسټرۍ زدکړې کولې او په افغان فلم کې یې نوی کار پیل کړی و. هغه بې پلاره وه او خپلې کورنۍ ته یې د یو کپ ډوډۍ د پیراکولو لپاره هڅې کولې.

پرون غرمه دوه بجې دوه بجې د کابل د شپږې او دیارلسمې ناحیو په اړوند سیمو کې پر دوه تونس موټرو دوه چاودنې وشوې؛ اووه ملکي کسان یې ووژل او شپږ نور ټپیان دي.

د کورنیو چارو وزارت وايي، چې ټول قربانیان ملکي وګړي دي.

تر دې دمه د پېښې مسوولیت چا ندی منلی.

Continue Reading

تازه خبرونه

د کابل په ګډون په ۹ ولایتونو کې د کرونا واکسین پلي کولو نوی بهیر پیل شو

Ariana News

خپور شوی

په

توسط

(Last Updated On: June 13, 2021)

نن د  کابل په ګډون په ۹ ولایتونو کې د چین سینوفارم کرونا واکسینو د پلي کولو نوی بهیر پیل شو.

 افغانستان د کرونا پر وړاندې د مبارزې تر ټولو په سخت حالت کې دی؛  د هندي اسټرازینکا واکسین په پلي کولو کې له څو ورځو ځنډ وروسته د چین لخوا اووه سوه زره خوراکه واکسین هېواد ته را ورسېدل، چې ور سره سم  د کابل په ګډون په  ۹ ولایتونو کې یې خلکو ته د پلي کولو بهیر بیا پیل شو.

د عامې روغتیا وزارت د ویاند مرستیال عثمان طاهري ویلي، چې چین اووه سوه زره خوراکه واکسین مرسته کړې، چې د ټولنې زیان منوونکیو وګړیو ته پلی کیږي.

 د یاد وزارت معلومات ښیي، چې له تېرو څلیریشت ګړیو راپدیخوا په هېواد کې اووه شپېته ناروغان له کرونا مړه شوي او ۹۷۳ نور پرې اخته شوي دي.

عامې روغتیا وزارت د ځینو نویو محدودیتونو د لګولو تر څنګ په عمومي ځایونو کې ماسک اچول اړین  اعلان کړل.

د اکسیجن کمی اوس بله ستونزه ده؛ خو د بښنې نړیوالې ټولنې او ملګرو ملتونو له افغان دولت غوښتي، چې دا ستونزه ژر تر ژره اواره کړي.

دوی خبرداری ورکړی، چې که نړیواله ټولنه مرسته ونکړي؛ حالات به له څارنې ووځي.

د یادونې ده، چې د افغان جاپان او قصبې په روغتونونو کې د اکسیجن د تولید دستګاوو کار پیل کړی؛ خو خلک اوس هم روغتیایي سپارښتنو ته پام نکوي.

Continue Reading

تازه خبرونه

د کابل هوایي ډګر او سفارتونو د ساتلو لپاره د یو شمېر بهرنیو ځواکونو پاتې کېدل د منلو ندي ـ طالبان

Ariana News

خپور شوی

په

توسط

(Last Updated On: June 13, 2021)

طالبانو خبرداری ورکړی، چې د بهرنیانو له وتلو وروسته د کابل هوایي ډګر او بهرنیو سفارتونو د ساتنې لپاره د یو شمېر بهرنیو ځواکونو پاتې کېدل ورته د منلو وړ ندی او دا سرتېري به نیواکګر وپېژندل شي.

طالب ویاند له هغې وروسته، چې ناټو د کابل هوایي ډګر پر ساتلو خپل ګډهوډ څرګند کړ؛ په ډاګه کړه: زمونږ په هېواد کې تر هر نوم او سرلیک لاندې د بل هېواد د سرتېرو حضور د افغانانو او طالبانو لپاره د منلو وړ ندی.

په دې اړه د طالبانو په اعلامیه کې راغلي؛ دا د افغانانو مسوولیت دی، چې د افغانستان د لویشت لویشت خاورې، هوایي ډګرونو، بهرنیو سفارتونو او ډیپلوماټیکو سیمو امنیت وساتي. له دې کبله باید هیڅ بهرنی زمونږ په هېواد کې د نظامي یا امنیتي شتون د بقا امید ونلري او داسې ګام پورته نکړي، چې پرې د هېوادونو او ملتونو تر منځ اړیکې ځنډنۍ، خنډنۍ او خرابې شي.

طالبانو خبرداری ورکړ: که څوک دا ډول تېروتنه وکړي؛ نو افغانان او اسلامي امارت به دوی د نیواکګرو په توګه وپېژني او هغه کړنه به ورسره تر سره شي، چې د هېوادني تاریخ په هر پېر کې ورسره تر سره شوې ده.

طالبانو په داسې حال کې دا څرګندونې کړي، چې د بهرنیو سرتېرو له وتلو وروسته په کابل کې د حامد کرزي نړیوال هوایی ډګر او د بهرنيو هېوادونو د سفارتونو ساتلو د بهرنیو ځواکونو یوه اړینه اندېښنه ګڼل شوې ده.

Continue Reading

Trending

آریانا نیوز: ټول حقونه خوندي دي