Connect with us

نړۍ

د آسترالیا په یوه هوټل کې قرنطین خونې ته د اور اچولو پر تور یوه میرمن ونیول شوه

خپور شوی

 په

(Last Updated On: ليندۍ ۸, ۱۴۰۰)

د آسترالیا پولیسو د دې هېواد د کایرنز د ساحلي ښار په یوه هوټل کې د قرنطین خونې د اور اچولو پر تور یوه ۳۱ کلنه ښځه تورنه کړې ده.

په اور لګېدنه کې چا ته زیان ندی رسېدلی؛ خو له اورلګېدنې وروسته له ۱۰۰ ډېر کسان له هوټل ایستل شوي دي.

ځایي مسوولینو خبریالانو ته ویلي:  دغه ۳۱ کلنه میرمن له تېرو څو ورځو راپدیخوا په قرنطین کې ساتل شوې وه او مونږ پر هغې میرمنې شکمن و او څارله م؛ خو هغه بریالۍ شوه، چې په خپله کوټه کې اوربل کړي.

د مسوولینو د څرګندونو له مخې، د پېښې پر مهال لدې سره دوه ماشومان هم ول، چې دمګړۍ د پولیسو تر څارنې لاندې دي.

د آسترالیا روغتیایي چارواکو تېره ورځ ویلي وه؛ د سویلي آفریقا یو شمېر، چې نوي دې هېواد ته راغلي وه؛ دوه یې د کرونا ویروس پر اومیکرون بڼې اخته وپېژندل شوي وه، چې په هوټل کې قرنطین شوي.

د یادونې ده، چې اومیکرون لومړی په سویلي آفریقا کې پېژندل شوي او ویل کیږي، چې څارنه او کنټرول یې ستونزمن دی او د امریکا په ګډون یو شمېر اروپایي هېوادونو ته هم خپور شوی دی.

نړۍ

د سعودي په مشرۍ ائتلاف د یمن پر زندان هوایي برید رد کړ

خپور شوی

په

توسط

(Last Updated On: سلواغه ۲, ۱۴۰۰)

د سعودي رسمي خبري آژانس د شنبې پر ورځ څرګنده کړې، چې د سعودي په مشرۍ ائتلاف د یمن په صعده ولایت کې د ایران پلوه حوثي یاغیانو پر زندان برید رد کړ او وایي، چې پر اړوند ودانیو برید بند هم ندی.

د رویټرز یوه عیني شاهد ویلي؛ د جمعې په برید کې د آفریقایي مهاجرو په ګډون لږ تر لږه ۶۰ کسان وژل شوي او له دوه سوه ډېر نور ټپیان دي.

د سعودي دولتي خبري آاژانس د ائتلاف د یوه ویاند د څرګندونو له مخې ویلي؛ ائتلاف به په یمن کې د بشري چارو د همغږۍ دفتر (اوچا) او د سره صلیب نړیوالې کمیټې (آی سي آر سي) ته د حقایقو او جزئیاتو په اړه خبر ورکړي.

په یمن کې د حوثیانو د روغتیا وزیر طه المتوکل د جمعې پر ورځ ویلي، چې د سعودي پر مشرۍ ائتلاف د حوثیانو تر څارنې لاندې پر زندان هوایي برید کړی؛ ۷۰ کسان یې وژلي او لسګونه نور ټپیان دي.

د ایران او عربانو د سیالیو او نیابتي جګړو په اړه له ایران سره د عربستان د اړیکو پر عادي کولو خبرې روانې دي؛ خو د ابوظبۍ پر خاوره د حوثي یاغیانو د بې پلوټه الوتکې برید د سیمې وضعیت نور هم پېچلی کړی دی.

د یادونې ده، چې د ملګرو ملتونو عمومي منشي انټونیو ګوټیرش دغه برید غندلی او په دې اړه یې د پوره څېړنو غوښتنه کړې ده.

Continue Reading

نړۍ

د ایران ولسمشررییسي په کرملین کې له پوتین سره وکتل

خپور شوی

په

توسط

(Last Updated On: مرغومی ۳۰, ۱۴۰۰)

د ایران ولسمشر ابراهیم رییسي د چارشنبې پر ورځ په مسکو کې د روسیې له ولسمشر ولادمیر پوتین سره وکتل او پر مهمو دوه اړخیزو، سیمه ییزو او نړیوالو مسایلو یې خبرې وکړې.

د رویټرز د څرګندونو له مخې؛ کرملین په ډاګه کړې، چې پوتین او ولسمشر رییسي پر دوه اړخیزو همکاریو خبرې وکړې.

رییسي په دې کتنه کې څرګنده کړې؛ روسیې ته سفر د دواړو هېوادونو په سیاسي، سوداګریزو او اقتصادي اړیکو کې د بدلون ښکارندویي کوي.

دا د ابراهیم رییسي دوه یم بهرنی سفر دی، چې د روسیې او چین په ګډون د نړۍ له قدرتونو سره د ایران د اټمي موافقې په بهیر کې ترسره کیږي.

امریکا او متحدینو یې(بریتانیا، فرانسې او جرمني) د ایران د اټومي پروګرام په اړه په وار وار ویلي، چې  ایران او امریکا د خپلو ژمنو د عملي کولو لپاره دوه اړخیزې ستنېدنې لږ وخت لري.

روسیه او چین د ملګرو ملتونو د امنیت شورا دوه ویټو لرونکي غړي دي او له ایران سره د خپلو نږدې اړیکو له کبله یې پرلپسې د تهران پر ضد ځینې پرېکړه لیکونه لغو کړي دي.

Continue Reading

نړۍ

عمران خان او پوتین د سیمې او افغانستان په اړه خبرې وکړې

خپور شوی

په

توسط

(Last Updated On: مرغومی ۲۸, ۱۴۰۰)

د پاکستان لومړي وزیر او د روسیې ولسمشر په ټیلیفوني خبرو کې د دوه اړخیزو همکاریو پر وروستیو پرمختګونو، د افغانستان په ګډون د سیمې پر حالاتو او د اسلام وېرونې په اړه خبرې وکړې.

عمران خان د دوشنبې پر ورځ (د جنورۍ ۲۷) ټویټ کړی، چې له ولادیمیر پوتین سره یې ټیلیفوني خبرې کړي او څرګندوي؛ پوتین لومړنی مشر دی، چې د اسلام د ګران پیغمبر حضرت محمد(ص) پر وړاندې یې د مسلمانانو له احساساتو سره خواخوږي او حساسیت څرګند کړی دی.

د پاکستان لومړي وزیر په ډاګه کړې؛ پوتین ته یې بلنه ورکړې، چې اسلام آباد ته رسمي سفر وکړي او دواړه لوري د سوداګرۍ په ګډون په بېلابېلو برخو کې د دوه اړخیزو همکاریو د پراختیا پر لارو چارو او  تعاملاتو ډېرولو ټینګار کړی دی.

هغه څرګنده کړې؛ اسلام ضد احساسات راپارول یو ناوړه او له کرکې ډک عمل دی، بدې پایلې رامنځته کوي.

د پاکستان د لومړي وزیر دفتر هم په ډاګه کړې؛ عمران خان د افغانستان د شتمنیو پر آزادولو ټینګار کړی او زیاته کړې یې ده، چې په دې هېواد کې ثبات د ګاونډ هېوادونو او ټولې سیمې په ګټه دی.

دغه راز ویل شوي، چې افغانان له اقتصادي او بشري ننګونو سره مخ دي او لاسنیوي ته اړتیا لري.

د روانې میاشتې په پیل کې د پاکستان لومړي وزیر د اسلام ضد احساساتو د راپارولو د مخنیوي په اړه د روسیې د ولسمشر له پیغام هرکلی کړی او وایي، چې د اسلام پیغمبر (ص) ته سپکاوی د بیان آزادي نه ده.

Continue Reading

Trending

Copyright © 2022 Ariana News. All rights reserved!