Connect with us

تازه خبرونه

دوبۍ ګرځندوی ته د بیا ورګرزیدنې چټکې هڅې پیل کړې

Ariana News

خپور شوی

 په

(Last Updated On: چنګاښ ۱۸, ۱۳۹۹)

دوبۍ د سې شنبې پر ورځ د منځني ختیځ د ګرځندوی د مرکز په توګه  د سیاحت او ګرځندوي مرکز بیا پرانسته وکړه او تمه لري، چې بېرته له کرونا څخه دمخه پېرته چټک ګامونه پورته کړي.

د دوبۍ د ګرځندوی او بازارموندنې عمومي مشر هلال ال ماري د چهار شنبې پر ورځ له بلومبرګ تلویزیون سره په مرکه کې څرګنده کړه، چې: کله، چې هر څه خپل پخواني حالت ته ور وګزي؛ مونږ هم پرته له شکه تېر کال ته د ورته اقتصادي ودې لیدو ته سترګې پر لاره یو.

دوبۍ کلونه کلونه تر شا پریښي، چې یو سوداګریز او د ګرځندویانو د پام وړ ګرزیدلی او هر کال میلیونونه لیدونکي راجلبوي.

دوبۍ د کرونا ویروس د خوریدو له وېرې په مارچ میاشت کې خپلې پولې وتړلې او د قرانطین پراخه هڅې یې پلې کړې. د کابل په ګډون دننه او بهر الوتنې وځنډول شوې او د درې میاشتو لپاره دوبۍ ته د تلونکيو افغانانو لپاره ویزې ورکړ شوي ندي.

په هر حال د تېرې میاشتې په بهیر کې د افغانستان په ګډون لږ شمېر هېوادونو ته الوتنې ورو ورو پیل شوې.

آل ماري د ګرځندوی د بیا پرانستې د وروستۍ هڅې په اړه ویلي: مونږ په رښتیا نن په ښه او غوره وضعیت کې یو؛ خلک ډېر هیله من دي او مونږ د مثبت لوري لیدونکي یو.

هغه دا هم ویلي؛ تر هغه وخته، چې نور هېوادونه پر حالاتو څارنه ولري او چارې عادي شي، مونږ به حتما دا د ګرځندوی بېرته راتګ په توګه وینو.

آل ماري زیاته کړې: وړاندویېنه کوو، چې د کال پای ته پر نږدې کیدو او د بازارونو له خلاصیدو سره خلک بیا پر کار ګمارلو پیل کوي. خلک دې په رښتیا هڅه وکړي، چې دا وده نوره هم ځواکمنه کړي؛ ځکه دا هغه څه دي، چې دوی په خپلو دندو کې ترسره کوي او په کې اخته دي.

دا کار وروسته له هغې شونی شو، چې د سې شنبې پر ورځ د دوبۍ شهزاده شیخ حمدان بن محمد د دوبۍ نړیوال هوایی ډګر ته ورسید او څرګنده یې کړه؛ متحده عرب امارات چمتو دی، چې د خپل نړیوال هوایي ډګر له لارې نړیوالو ته بیا هم ښه راغلاست ووایي.

شیخ حمدان وویل: ما دوبۍ ته د سیلانیانو د ښه راغلاست لپاره پراته پروتوکولونه بیا کتلي او هغه څه، چې مونږ ولیدل د نړیوالو سیلانیانوبیا راتګ ته د دوبۍ بشپړ چمتووالی ښیي.

هغه څرګنده کړې: مونږ د مسافرو او سیلانیانو د هوساینې او خوندیتوب لپاره ترټولو ډادمن معیارونه  چمتو کړي دي.

په هرحال د متحده عرب اماراتو هوایی شرکت د چارشنبې پر ورځ  الوتنې د ورځې لخوا کړي او د هغو هېوادونو مسافرینو ته یې خبر ورکړي، چې که غواړي دوبۍ ته الوتنه وکړي؛ نو اړ دي، چې له الوته مخکې د کرونا ویروس کتنه ترسره کړي.

دوبۍ میشتي هوایي شرکت ویلي، چې صحي سندونه باید ۹۶ ګړۍ مخکې له رسیدو صادر شي.

د متحده عرب اماراتو شرکت په ډاګه کړې: متحده عربي اماراتو ته له لاندې هېوادونو یا هوایي ډګرونو څخه سفر کوونکي مسافر باید د حکومتونو او لابراتوارونو لخوا د کرونا ویروس تائید شوي منفي سندونه ولري؛ پرته له دې د الوت اجازه نه ورکول کیږي.

یاد شرکت څرګنده کړې؛ له ټاکل شويو ځایونو څخه تر لاسه شوي روغتیایي سندونه، چې متحده عربي امارات پرې هم خبروي؛ د منلو وړ دي.

دغه اغېزمن هېوادونه شرکتونه دا دي: افغانستان، بنګله دیش، مصر، هند، ایران، پاکیستان، فلیپین، روسیه، تانزانیا، امریکا – دالاس فورټ ورت (DFW) ، هوستن (IAH) ، لاس انجلس (LAX) ، سان فرانسسکو (SFO) ، فورت لادیردیل (FLL) او اورلاندو (MCO) د کالیفورنیا، فلوریدا او تیکزاس میشتي مسافر، چې د اماراتو پر الوت له دوبۍ سره نښلیږي.

تازه خبرونه

طالبانو په بغلان کې ۲ تېل تانکرونو ته اور اچولي او ۷ نور یې وړي

Ariana News

خپور شوی

په

توسط

(Last Updated On: زمری ۱۷, ۱۳۹۹)

سیمه ییزو سرچینو ویلي، چې وسلوالو طالبانو نن له غرمې مخکې د بغلان – سمنګان پر لویه لار د تېلو دوه تانکرونو ته اور واچاو او اووه نور یې له ځان سره وړی دي.

ځایی سرچینو زیاته کړې، چې وسلوالو طالبانو ۷ نور ټانکرونه له ځان سره د بغلان ولایت د مرکز اړوند ډنډ غوري ته وړي دي.

د دغې لویې لارې مسافرو ویلي، چې طالبانو دغه لار څلور ګړۍ د ترافیکو پر مخ تړلې وه.

ځایی سرچینو ویل، چې طالبانو د پلخمري د اربابانو د چشمه شېر په اړوند سیمه کې تانکرونو ته اور اچولی و او اووه نور یې د پلخمري ډنډ غوري سیمې ته لیږدولي، چې هملته یو لیتر پر ۲۰ افغانیو پلورل کیږي.

په بغلان کې امنیتي چارواکو او وسلوالو طالبانو تر دې دمه په دې اړه څه ندي ویلي.

Continue Reading

تازه خبرونه

په تېرو څو کلونو کې د طالبانو منل یو ناشونی غوراوی و – اتمر

Ariana News

خپور شوی

په

توسط

(Last Updated On: زمری ۱۷, ۱۳۹۹)

د بهرنیو چارو وزیر حنیف اتمر ویلي، چې په تېرو ۱۹ کلونو کې د افغانستان ترټولو لویه تېروتنه دا وه، چې دوی ژر تر ژره پخلاینې ته راونه دانګل او طالبانو ته یې د درناوي وړ غوراوی نه دی وړاندې کړی.

د افغانانو تر منځ د سولې خبرو پېلېدو په وړاندې د خنډونو لیرې کولو له هڅو سره جوخت د بهرنیو چارو وزارت چارسمبالي محمد حنیف اتمر د امریکا د ستانفورد پوهنتون د هوېر مطالعاتو له مرکز سره په خبرو کې ویلي، اوربند، ګډ پروګرامونه او اساسي قانون به هغه موارد وي، چې له طالبانو سره به د خبرو اترو په لومړي پړاو کې پرې بحث وشي.     

د بهرنیو چارو وزارت چار سمبالی حنیف اتمر زیاته کړې؛ ولسواکي، د بشر حقونو ساتنه او جوړ شوي بنسټونه له طالبانو سره په هر ډول هوکړه کې سرې کرښې دي او نړیوال باید د جورجاړي عملي کېدل تائید او ضمانت کړي. معالومه نده، چې څرنګه؛ خو مونږ باید د ملګرو ملتونو امنیت شورا او نړیوال دوستان دې مساله کې دخېل کړو. دا هغه څه دي، چې د سولې په اړه یې مونږ په پام کې لرو.

په داسې حال کې، چې امریکا له افغانستان څخه د خپلو ځواکونو د ویستو په حال کې ده؛ خو افغان حکومت غواړي، چې دا پرېکړه باید شرایطو ته په کتو سره وشي.

د بهرنیو چارو وزارت چار سمبالی حنیف اتمر ویلي؛ ډېره مهمه ده، چې نړیوال ځواکونه شرایطو ته په کتو ووځي، باید ډاډ حاصل شي، چې ټول بهرني جنګیالي له افغانستان ووځي. زما موخه دا ده، چې د بهرنیو جنګیالیو لیرې کول باید د بهرنیو سرتېرو د وتلو لپاره یو مخکې شرط وي؛ ځکه مونږ یوازې له طالبانو سره سوله نه کوو، نړیوالې ترهګرې او پاکستاني ډلې باید له افغانستان ووځي او دا مساله باید په خبرو اترو کې یاده شي.

په قطر کې د طالبانو سیاسي مرستیال ملا برادر او د افغانستان لپاره د ملګرو ملتونو ځانګړې استازې د سولې خبرو اترو د پیلېدو په اړه خبرې کړې دي.

 ملا عبدالغني برادر د افغانستان لپاره د ملګرو ملتونو له ځانګړې استازې سره د بندیانو د خلاصولو د مسالې په وروستي کولو او د افغانانو خپلمنځي خبرو د پېلېدو پر څرنګوالي خبرې اترې کړي دي.

د اسلامي حزب د مشرتابه غړی حفیظ الله نقي وایي: تر دې دمه سوله سمه نده روانه؛ د حکومت لار له تېروتنو ډکه ده او مثبته پایله به ونلري.

دا په داسې حال کې ده، چې ټاکل شوې په کابل کې د سولې مشورتي لویه جرګه د څلور سوه طالب بندیانو برخلیک په تړاو جوړه شي؛ خو طالبانو دا جرګه ناقانونه او د سولې بهیر پر وړاندې د خنډ او ځنډ جوړولو په معنا ګڼلې ده.

Continue Reading

تازه خبرونه

د ملګرو ملتونو امنیت شورا پر جلال آباد زندان د داعش برید محکوم کړ

Ariana News

خپور شوی

په

توسط

(Last Updated On: زمری ۱۶, ۱۳۹۹)

د افغانستان دفاع وزارت په ډاګه کړې، چې ځانګړیو افغان ځواکونو تېره شپه په کونړ کې د ننګرهار پر مرکزي زندان د برید سمبالوونکی او هېواد ته له بهره د بهرنیو داعش جنګیالیو د رالیږدولو مسوول نیولی دی.

د یاد وزارت په اعلامیه کې راغلي، چې د هېواد کماندو ځواکونو تېره شپه په کونړ ولایت کې د داعش جنګیالیو یوه اړین قومندان محمد سعید د محمد افضل زوی نیولی دی.

د دغې سرچینې د څرګندونو له مخې؛ هغه د بهرنیو داعشیانو کورنۍ افغانستان ته رادننه کولې او هم یې په جلال آباد ښار کې د وروستي برید مشري پر غاړه لرله.

داعش ویلي؛ د یکشنبې پر ماښام د دوی یوولس جنګیالیو د ۴ تاجکانو، درې هندیانو، درې افغانانو او یو پاکستاني په ګدون پر ننګرهار زندان ډله ییز برید تر سره کړ، چې په کې ۳۰ کسان ووژل شول او ۵۰ نور ټپیان دي.

د دغه برید پر مهال، چې ۱۸ ګړۍ روان وساتل شو؛ د زندان له ۱۷۰۰ بندیانو څخه سلګونه یې پر تېښته بریالي شول.

تېره ورځ د افغانستان د ولسي جرګې غړي عبدالکریم کریمي منلې، چې د ننګرهار له زندانه ۸۰۰ بندیان تښتیدلي دي.

هغه زیاته کړې، چې د جګړې په بهیر کې د زندان له  ۱۷۰۰ بندیانو څخه یوازې ۵۰۰ پاتې دي؛ نور ټول له ندندانه ووتل، چې یوازې ۴۰۰ یې بېرته نیول شوی دي.

د نوموړي د څرګندوړنو له مخې؛ په ۸۰۰ تښتیدلیو بندیانو کې د داعش او طالب په ګډون جنایي مجرمان هم ول.

د چارواکو په وینا؛ په دې زندان کې پرسیاسي او جنایي بندیانو سربېره  طالب او داعش غړي هم ساتل کیدل.

Continue Reading

Trending