Connect with us

لوبی

درې افغان کډوال ورزشکاران د المپیک کډوالو لوبډلې ته ومنل شول

خپور شوی

 په

(Last Updated On: غبرګولى ۱۹, ۱۴۰۰)

د اولمپیک نړیوالې کمېټې (آی او سي) د ټوکیو المپیک سیالیو ته د کډوالۍ ډلې غړي اعلان کړل، چې په کې درې افغان کډوال راغلي دي.

د دغې لوبډلې اووه غړي هغه کډوال دي، چې په آلمان کې اوسیږي.

دغه راز د افغانستان المپیک ملي کمیټې ویلي، چې معصومه علیزاده د فرانسې یوه بایسکل چلوونکی، د بلجیم د تکواندو مبارز عبدالله صدیقي او له روسیې څخه د جودولوبغاړې نګاره شاهین د ټوکیو المپیک ته بلنلیکونه ترلاسه کړي دي.

د افغان ورزشکارانو لنډه پېژندنه، چې د المپیک لپاره غوره شوي:

عبدالله صدیقي: نوموړی له اته کلونو راپدیخوا د تکواندو تمرین کوي.

څلیریشت کلن صدیقي، چې دا مهال په بلجیم کې روزل کیږي؛  په دې وروستیو کې یې له المپیک نړیوالې کمیټې سره په یوه مرکه کې څرګنده کړې، چې له هېواده د کډوالۍ  او د کرونا ویروس د خپرېدو پر مهال یې سپورت د لارې مشال ګرځېدلی دی.

معصومه علی‌زاده: د علیزاده لپاره ټول شیان د فرانسوي ټلویزیون له هغه پروګرام وروسته بدل شول، چې د کابل کوچني شاهزادګۍ نومی یو مستند فلم یې خپور کړ.

دې مستند فلم د هغې له خور زهرا سره په افغانستان کې د یوې ښځې په توګه د بايسکل چلولو ستونزې ښودلې.

علیزاده ای ایف پي ته ویلي: په افغانستان کې نرینه فکر کوي، چې بایسکل ځغلول د ښځو لپاره نامناسب دي.

د المپیک نړیوالې کمیټې د څرګندونو له مخې؛ د دې مستند فلم له لیدو وروسته پاټریک کمونال یو متقاعد فرانسوي وکیل د دغو دوه خویندو ته په فرانسه کې د استوګنې د برابرولو لپاره بشردوستانه پلان جوړ او  دواړه خويندې په فرانسه کې استوګن شول.

علی زاده وایي، د بایسکل چلول د نرینه او ښځینه دواړو لپاره خورا آسانه او مناسب دي.

نګاره شاهین:  په افغانستان کې زیږیدلې او د جودو لوبغاړې ده، چې وزن یې له ۷۰ کیلو ګرام څخه کم دی.

هغه په ۱۱ کلنۍ کې د جودو تمرین پیل کړ او د پاکستان په پېښور ښار کې کډواله وه؛ ځکه، چې د ورزش هنر یې یو کورنی دود و.

هغه د روسیې په یکاټرینبرګ پوهنتون کې د نړیوالې سوداګرۍ زدکړه کوي او په پام کې لري د ماسټرۍ سند هم ترلاسه کړي.

دا ورزشکاران د خپلو وړتیاوو له مخې غوره شوي او په دې لوبو کې به د افغانستان تر درې رنګه بیرغ لاندې لوبیږي.

د دویچه ویلې؛ د دې ډلې اووه غړي په آلمان کې پناه غوښتونکي دي.

د جاپان په المپیک کې سږکال ، له ۱۳ هېوادونو څخه ۵۵ ورزش کوونکیو د پناه غوښتونکیو په المپیک لوبو کې د غړیتوب لپاره د سیالۍ کولو فرصت درلود. پر آلمان سربېره ۲۰ نورو هېوادونو هم پناه غوښتونکو ته د اولمپیک په لوبو کې د ګډون فرصتونه برابر کړي دي.

د جولای پر ۲۳ د المپیک د دغو لوبو لومړۍ ورځ ټاکل شوې مشري له کینیا څخه د نړۍ اتل لیګلا لورپ لخوا کیږي.

د کډوالۍ لوبډلې لومړی ځل د ۲۰۱۶  کال په ټورنمنټ کې برخه واخیسته. په دې وخت کې د ایتوپیا، سوریې، سویلي سوډان او د کانګو ډیموکراټیک جمهوریت لس ورزشکارانو برخه اخیستې وه.

 

د اولمپیک نړیوالې کمېټې د اکتوبر په ۲۰۱۸ کې پرېکړه وکړه، چې د المپیک کډوالۍ سیالۍ برنامې ته وده ورکړي. د دې لوبو ملاتړ د ملګرو ملتونو د مهاجرینوعالي کمیشنري کوي.

د یادونې ده، چې د دې لوبو ټورنمنټ د کرونا له کبله یو کال و ځنډول شو؛ خو اوس به په دوبي کې ترسره شي.

لوبی

د ښځینه فوټبال ملي لوبډلې غړي له افغانستان څخه پاکستان ته ورسیدل

خپور شوی

په

توسط

(Last Updated On: وږی ۲۴, ۱۴۰۰)

د پاکستان چارواکو نن چارشنبه د وږي ۲۴ / د سپټمبر ۱۵ ډاډ څرګنده کړې، چې د افغانستان ښځینه فوټبال لوبډلې ​​غړي اسلام آباد ته رارسیدلي دي.

د افغانستان ښځینه فوټبال لوبډلې ​​غړي پرون د تورخم له دروازې اوښتي دي.

د پاکستان د استخباراتو وزیر فواد چودري په خپل ټویټر کې په ډاګه کړې: د افغانستان ښځینه فوټبال لوبډلې ​​غړيو ته، چې د تورخم له لارې پاکستان ته راغلي؛ ښه راغلاست وایو.

فواد چودري نور جزئیات ندي وړاندې کړي او دا لا روښانه نده، چې د لوبډلې څو غړي پاکستان ته تللي دي.

د افغانستان ښځینه فوټبال لوبډلې ​​پخوانۍ لوبډلمشره خالده پوپلزۍ په خپله فیسبوک پاڼه کې لیکي، چې د ښځینه لوبډلې غړي ښو ملګرو او بېلابېلو ټولنو پر مرسته او ملاتړ یوه خوندي هېواد ته لیږدول شوي دي.

هغې زیاته کړې، چې د هرات او مزار د دوه لوباړیو د کورنیو په ګډون له ۷۹ څخه ډېر کسان لیږدول شوي دي.

د ښځو فوټبال لوبډله ​​په وروستیو کلونو کې د افغانستان د فوټبال فډراسیون له خوا جوړه شوژ وه.

دا په داسې حال کې ده، چې تېره اوونۍ د اسلامي امارت یوه چارواکي د آسټرالیا سي بي ایس شبکې ته ویلي وه، چې فکر نه کوي میرمنې د کرکټ کولو اجازه ولري؛ ځکه، چې دا “اړینه نده” او د اسلام خلاف ده.

Continue Reading

لوبی

د ۲۰۲۱ فوټسال نړیوال جام لوبې نن پیل کیږي

خپور شوی

په

توسط

(Last Updated On: وږی ۲۱, ۱۴۰۰)

د ۲۰۲۱ فوټسال نړیوال جام لوبې نن په لیټوانیا کې پیل کیږي.

دغه ټورنمنټ د لیټوانیا په ویلینس، کاووناس او کلایپیډا په درې لوبغالو کې ترسره کیږي.

مینه وال کولی شي د فوټسال نړیوال جام سیالۍ په آریانا ټلویزیون کې وګوري.

آریانا ټلویزیون د دې سیالیو د خپراوي ویاړ ترلاسه کړی دی.

د دې ټورنمنټ لومړۍ لوبه نن شپه ۹:۳۰ له آریانا ټلویزیون خپریږي او د دې لوبو کوربتوب د لیټوانیا او وینزویلا پر غاړه دی.

د نړۍ له ګوټ ګوټ څخه ۲۴ لوبډلې به په دې سیالیو کې برخه واخلي او د دې سیالیو وروستۍ لوبه به د روان کال د اکتوبر پر ۳ په کاووناس لوبغالي کې ترسره شي.

د ارجنټاین دفاعي اتل به راتلونکې سې شنبه په ویلینس لوبغالي کې له امریکا سره مخ شي.

دغه راز برازیل، چې تر دې دمه یې پېنځه ځله د فوټسال نړیوال جام ګټلی؛ راتلونکې دوشنبه به د ویټنام پروړاندې لوبه وکړي.

اسپانیه، چې اروپایي لوبډله ده تر دې دمه یې دوه اتلولۍ ګټلي او هڅه کوي د لوبې اتلولي  بېرته اروپا ته راوګرزوي.

د اسپانیا ملي لوبډله به خپله لومړۍ لوبه له سویلي امریکا څخه د پاراګویي لوبډلې پر وړاندې ترسره کړي.

له بلې خوا ، د پرتګال ملي لوبډله به خپله لومړۍ لوبه د ټایلینډ پر وړاندې ترسره کړي او د روسیې فوټسال اتحادیه به خپله لومړۍ لوبه د مصر پروړاندې ترسره کړي.

ایران او ازبکستان، د افغانستان دوه ګاونډ هېوادونه هم سیالي کوي. ایران به د سې شنبې پر ورځ په اف ګروپ کې له سربیا سره مخ شي. په داسې حال کې، چې ازبکستان او ګواتیمالا به په بي ګروپ کې ولوبیږي.

د ۲۰۲۱ فوټسال نړیوال جام په اړه د نورو معلوماتو لپاره دا ځای  کېکاږئ.

Continue Reading

تازه خبرونه

راشد خان د افغانستان د شل آوریزه کرکټ لوبډلې له لوبدلمشرۍ استعفا وکړه

خپور شوی

په

توسط

(Last Updated On: وږی ۱۹, ۱۴۰۰)

د افغانستان د کرکټ ستوری راشد خان آرمان په شل آوریزه نړیوال جام کې د افغانستان له لوبدلمشرۍ استعفا ورکړه او پر ځای یې محمد نبي وټاکل شو.

د راپورونو له مخې؛ راشد خان د افغانستان کرکټ بورډ د هغې پرېکړې په غبرګون کې له لوبډلمشرۍ هغه مهال استعفا ورکړه، چې د کرکټ ملي لوبډلې شل آوریز نړیوال جام ته د هېواد لوبغاړیو نوملړ اعلان کړ.

راشد خان ویلي: زه د لوبډلمشر او ملت ته د مسؤل په توګه حق لرم، چې د ټاکل شوي ټیم برخه پاتې شم. د ټاکنو کمېټې او د افغانستان کرکټ بورډ زما خوښه او رضایت ندی ترلاسه کړی.

زه پرېکړه کوم، چې سمدستي د افغانستان د شل آوریزې لوبې له لوبډلمشرۍ ګوښه شم. د افغانستان لپاره لوبه کول تل زما لپاره ویاړ و.

له  دې مخکې راشد خان په رسمي ډول د شل آوریز نړیوال جام په سیالیو کې د هېواد لوبډلمشر ټاکل شوی و.

د افغانستان کرکټ بورډ تر دې دمه پدې اړه څه ندي ویلي.

دا په داسې حال کې ده، چې د شل آوریزه کرکټ نړیوال جام لپاره د ملي لوبډلې نوملړ اعلان شوی او ټاکل شوې، چې دا لوبې به د عمان او متحده عربي اماراتو پر کوربتوب د اکتوبر له ۱۷ څخه د نومبر تر ۱۴ پورې تر سره شي.

د افغانستان ملي لوبډله به د کرکټ نړیوالې شورا د مهم غړي په توګه په دغو لوبو کې برخه واخلي.

Continue Reading

Trending

آریانا نیوز: ټول حقونه خوندي دي