Connect with us

تازه خبرونه

داکتر غني له داکتر عبدالله سره مناظرې ته حاضر نشو

خپور شوی

 په

(Last Updated On: وږی ۲۵, ۱۳۹۸)

ټاکل شوې وه، چې د آریانا نیوز په کوربتوب نن شپه( د وږي ۲۵) د کابل پر وخت اته نیمې بجې د داکتر غني او داکترعبدالله تر منځ د ولسمشریزو ټاکنو ترټولو ستره مناظره او بحث ترسره شوی و؛ خو په وروستۍ شېبه کې یو ناڅاپه داکتر غني له داکتر عبدالله سره مناظرې ته حاضر نشو.

دغې سترې تاریخي ټاکنیزې مناظرې ته د آریانا نیوز، آریانا تلویزیون، آریانا اف ایم، د آریانا نیوز اف ایم ، د آریانا نیوز یوټیوب چینل او آریانا نیوز ویبسایتبشپړ چمتووالی نیولی و او د مناظرې له پیلیدو مخکې د ولسمشرۍ امنیتي او تشریفاتي ډلو هم پوره ډاډ تر لاسه کړ او ټول د داکتر غني راتګ ته سترګې پر لار ول.

دولت جوړوونکې ډلې په نوییمې دقیقه کې ټاکنیزه مناظره په دې دلیل وځنډوله، چې عبدالله عبدالله له غوره برنامې بې برخې دی او مناظره ورسره بې معنا ده.

دا په داسې حال کې ده، چې داکتر عبدالله عبدالله مناظرې ته حاشر شو او د برخوالو پوښتنو ته یې ځوابونه ورکړل.

د ثبات او همپالنې ټاکنیزې ډلې مشر عبدالله عبدالله وایي، چې داکتر غني له حساب ورکولو او حساب اخیستو وډار شو او له ماسره د خبرو له ځواکه بې برخې دی.

نوموړي دا هم څرګنده کړې، چې ښاغلی غني دې د بریا او درغلۍ خوبونه نه ویني.

هغه وایي، چې پخپل ټول ځواک به د درغلۍ مخه ونیسم.

داکترعبدالله او داکترغني د ۲۰۱۴ کال د جنجالي ټاکنو په پایله کې د ملي وحدت حکومت جوړ کړ او دواړو حکومتي مشرانو د یاد حکومت د جوړولو لپاره د همکارۍ یو هوکړه لیک هم لاسلیک کړ، چې اوس دواړه د ۱۳۹۸ لمریز هجري کال ولسمشریزو ټاکنو ته بیا هم نوماندان دي.

ټاکل شوې د افغانستان د ولسمشرۍ ټاکنې د روان کال د تلې پر شپږمه، چې د روانې سپتمبر میاشتې له ۲۸ سره برابره ده؛ تر سره شي.

تازه خبرونه

د عشر او زکات راټولولو طرحه وروستۍ شوې – ماليې وزارت

خپور شوی

په

توسط

(Last Updated On: مرغومی ۲۶, ۱۴۰۰)

د افغانستان مالیې وزارت څرګنده کړې، چې د عشر او زکات راټولولو طرحه وروستۍ شوې او په راتلونکیو څو ورځو کې به د تصویب لپاره کابینې ته وسپارل شي.

د مالیې وزارت ويلي؛ د عشر او زکات راټولولو طرحه یې د حج او اوقافو او کرنې له وزارتونو سره په همغږۍ کې وروستۍ کړې او ټاکل شوې، چې د روانې اوونۍ په وروستیو کې یې کابینې ته د تصویب لپاره ولېږي.

د دغه وزارت ویاند څرګندوي، د طرحې له تصویب او د اسلامي امارت د امیر له لاسلیک او توشیح وروسته به د عشر او زکات د ټولولو لپاره ځانګړی بورډ جوړ شي.

د مالیې وزارت ویاند احمد ولي حقمل آریانا نیوز ته په ډاګه کړې، چې: د لومړي وزیر په رهبرۍ د کابینې په غونډه کې د دې طرحې له تصویب او د امیرالمومنین لخوا له توشیح وروسته به د عشر او زکات د راټولولو لپاره یو ځانګړی بورډ جوړ شي.

دغه راز نوموړي زیاته کړې، چې د عشر او زکات راټولول به شفاف او ډیجیټلي وي.

هغه وایي، چې د یو روڼ بهیر له لارې به په دیجیتلي بنه له هېوادوالو څخه عشر او زکات راټولیږي.

دیني عالم امان الله احمدي د حکومت له دې هڅې هرکلی کوي او وايي، چې د عشر او زکات راټولې شوې پیسې باید مستحقو کسانو ته ورسيږي.

له بلې خوا د اسلامي امارت دغه هڅه د کابل اوسیدونکی احمد ویس اکبري سایي او وایي: لومړی باید مالي وضعیت درک شي او خلکو ته کاري زمینه برابره شي، معاشونه ورکړ شي . بیا؛ نو ټول خلک په ورین تندي هر څه ته حاضر دی؛ خو اوسنی وضعیت ستونزمن دی.

د مالیې وزارت په داسې حال کې د عشر او زکات د راټولولو له طرحې خبرې کوي، چې له وروستیو پېښو وروسته ګڼ شمېر پانګوال له هېواده وتلي او په هېواد کې پاتې هېوادوال له سخت اقتصادي بحران سره مخ شوي دي.

Continue Reading

تازه خبرونه

امریکا د بندیزونو پر لګولو د خپلې ماتې غچ اخلي – چین

خپور شوی

په

توسط

(Last Updated On: مرغومی ۲۶, ۱۴۰۰)

د چین سفیر ویلي؛ امریکا باید د اقتصادي بندیزونو له لارې له افغانانو غچ وانخلي او ټولګډونه حکومت، بشري حقونه او د بیان آزادي دې د وسیلې په توګه نه کاروي.

د چین سفیر  ډاډ څرګند کړ، چې د افغانستان په کورنیو چارو کې به لاسوهنه ونکړي.

د چین سفیر په دې کتنه کې ویلي، چې امریکا باید د اقتصادي بندیزونو له لارې له افغانانو غچ وانه خلي او بشري حقونه، د ښځو حقونه او د بیان آزادي د فشار د وسیلې په توګه ونه کاروي.

د اسلامي امارت د ویاند مرستیال انعام الله سمنګاني ویلي؛ د چین سفیر په دې لیدنه کې ویلي، چې چین د افغان حکومت له لارې له افغانانو سره بشري مرستې کوي.

هغه وایي؛ افغانان حق لري، چې د خپلو دیني او فرهنګي ارزښتونو پر بنسټ یو نظام ولري.

د کورنیو چارو وزارت د ویاند مرستیال انجنیر عزام ویلي؛ د کورنیو چارو وزارت چارسمبالي په کابل کې د چین له سفیر سره د کتنې پر مهال له دې هېواده وغوښتل، چې اسلامي امارت پر رسمیت وپېژني.

د اسلامي امارت د کورنیو چارو وزارت چارسمبالي سراج الدین حقاني په کابل کې د چین له سفیر سره په لیدنه کې ویلي، چې اسلامي امارت د نړۍ او ګاونډ هېوادونو پر وړاندې خپلو ژمنو ته ژمن دی او د افغانستان خاوره به د هیڅ هېواد پر ضد ونه کارول شي.

ده د چین له سفیره غوښتي، چې د افغانستان له اسلامي امارت سره همکاري روانه وساتي او د افغانستان نوی حکومت پر رسمیت وپيژني.

د اسلامي امارت چارواکي د چین د سفیر له قوله وايي، چې هغه د شل کلنې تجربې له مخې له نړیوالو غوښتي؛ افغانانو ته اجازه ورکړي، چې د خپلې خوښې حکومت جوړ کړي او پدې هېواد بهرني افکار ونه تپل شي.

Continue Reading

تازه خبرونه

په تېرو ۲۰ کلونو کې ۵ میلیون کسان روږدی شوي – مولوي حنفي

خپور شوی

په

توسط

(Last Updated On: مرغومی ۲۶, ۱۴۰۰)

د افغانستان اسلامي امارت د لومړي وزیر اوه یم مرستیال مولوي عبدالسلام حنفي ويلي؛ د افغانستان د اشغال په بهیر کې لږ تر لږه پېنځه میلیون هېوادوال مو پر نشه يي توکو روږدې شوي.

نوموړي له هېوادوالو غوښتي، چې د وطن د آبادۍ لپاره باید خپلې مټې را ونغاړي؛ اقتصادي، ټولنیز، روغتیايي، ناورینونه پخپله مدیریت کړي.

همدارنګه ویل کیږي، چې  تر یوه بریده  به ستونزې وي؛ خو په نږ دې راتلونکي کې  به د هېواد ډېری ستونزي حل شي.

هغه زیاته کړې، چې پر نشه يي توکو د روږ دو کسانو د روغتیا او پالنې چاري د افغانستان اسلامي امارت په غاړه ا خیستی.

مولوي حنفي وایي، چې نړیوالو په جکړه کې ماتي  خوړلې او اوس غواړي، چې د افغانستان د اسلامي امارت پر ضد منفي تبلیغات تر سره کړي.

مولوي عبدالسلام حنفي څرګنده کړې، چې په تېر پېر او د اشغال په وخت کې د افغانستان د آبادۍ لپاره هیڅ کار ونشو؛ خو ځوانان مو روږدي او ټولنیزې ستونزې مو بیخي زیاتي دي.

د افغانستان  د اطلاعاتو او فرهنګ وزارت چارسمبالي ويلي، چې نړیوالو په ګرمه جګړه کې هېوادنۍ ماته وخوړه،  چې اوس يي پر افغانستان د بندیزونه لګولو تر څنګ منفي تبلیغات هم پیل کړي دي.

د اطلاعاتو او فرهنک وزارت چارسمبالي خیر الله خیر خوا ویلي؛ د نړۍ تجروبو ثابته کړې؛ هغه هېوادونه، چې له بندیزونو سره مخ شوي هغوی خپل هېوادونه جوړ کړي. مونږ به حتمي له اوسنیو ستونزو ځانونه وباسوو.

د اسلامي امارت مسوولینو دا ډاډ هم څرګند کړی: ټول هغه هېوادونه،  چې  له افغانستان سره بشري مرسته کوي ترې هرکلی کوو؛ خو د هیڅ هېواد مشروطي مرستي منلی نشو.

Continue Reading

Trending

Copyright © 2022 Ariana News. All rights reserved!