Connect with us

تازه خبرونه

خلیلي د سولې بهیر په اړه د خبرو لپاره اسلام آباد ته ځي

خپور شوی

 په

(Last Updated On: مرغومی ۲۲, ۱۳۹۹)

تمه ده، چې د حزب وحدت اسلامي مشر او د افغانستان د سولې عالی شورا مشر استاد کریم خلیلي به د دوشنبې پر ورځ( د مرغومي ۲۲) پر درې ورځني سفر اسلام آباد ته ولاړشي.

د پاکستان د باندنیو چارو وزارت په یوه خپره کړې اعلامیه کې ویلي: خلیلي به د یوه پلاوي په مشرۍ د پاکستان له لومړي وزیر عمران خان، بهرنیو چارو وزیر شاه محمود قریشي، د ملي شورا مشر اسد قیصر او نورو مخورو سره وګوري.

د اعلامیې  له مخې: د استاد کریم خلیلي لیدنه د پاکستان د روان سیاست یوه برخه ده، چې د افغانستان د سولې بهیر په اړه عامه همغږي رامنځته او د خلکو تر منځ اړیکې ژورې کړي.

په اعلامیه کې یادونه شوې، چې له افغانستان سره د پاکستان وروستۍ اړیکې د ګډ تاریخ، باور، فرهنګ ، ارزښتونو او دودونو پر بنسټ ټینګې شوې دي. پاکستان د افغانانو د سولې، ثبات او هوساینې لپاره له هر ډول هڅو بشپړ ملاتړ کوي.

دغه راز په ډاګه شوې؛ پاکستان د افغانانو په مشرۍ او د افغانانو د واک له مخې د سولې بهیر له لارې په افغانستان کې د هر اړخیز، پراخ بنسټه او ټولګډونه سیاسي حل لپاره پخپل ملاتړ ټینګار کوي.

د خلیلي سفر د قطر په پلازمېنه دوحه کې د کابل او طالبانو تر منځ د خبرو اترو له دوه یم پړاو سره همغږی دی.

د سولې خبرو د بهیر پرمهال پر طالبانو د اسلام آباد نفوذ مهم ګڼل کیږي. په ځانګړي توګه له هغې وروسته چې پاکستان په ۲۰۱۸ کال کې د واشنګټن او طالبانو تر منځ مستقیمې خبرې تنظیم کړې او په پایله کې یې د تېر کال د فبرورۍ پر ۲۹ د دواړو ترمنځ د سولې راوستلو تړون لاسلیک شو.

د دغه تړون له مخې؛ متحده ایالاتو ژمنه کړې، چې د ۲۰۲۱ کال تر می پورې به له طالبانو څخه د امنیتي ډاډ پر ترلاسه کولو ټول بهرني ځواکونه له افغانستان څخه وباسي.

تازه خبرونه

په افغانستان کې دې ټولګډونه حکومت جوړ شي – ایران

خپور شوی

په

توسط

(Last Updated On: لړم ۵, ۱۴۰۰)

ایراني رسنیو د ایراني ولسمشر ابراهيم ریيسي د څرګندونو له مخې په ډاګه کړې؛ په افغانستان کې باید یو ټولګډونه حکومت، چې ټول قومونه او سیاسي ګوندونه په کې برخه ولري جوړ شي.

رییسي دا وینا په تهران کې د افغانستان په اړه له دوه یمې غونډې مخکې د تاجکستان د بهرنیو چاروله وزیرسراج الدین مهرالدین سره په لیدنه کې کړې ده.

نوموړي ويلي؛ چې د ټولګډونه حکومت له جوړښت سره  به په افغانستان کې د ورور وژنې او وینو تویېدو مخه ونیول شي.

ریيسي په افغانستان کې ورستیو پېښو ته په نغوته کې، چې داعشیانو شعیان ووژل؛ امریکا ته د پړې ګوته ونیوله.

د ایران د بهرنیو چارو وزرات ویاند سعید خطیب‌زاده آریانا نیوز ته ویلي؛ د افغانستان په اړه د سیمه ییزو هېوادونو دغه ناسته به د ایراني ولسمشر ابراهیم رییسي پر وینا پرانیستل شي.

د ایران ایرنا خبري آژانس د ایران په پلازمېنه تهران کې د افغانستان د ګاونډ هېوادونو د بهرنیو چارو وزیرانو د ناستې په تړاو د نوموړي د څرګندونو له مخې په ډاګه کړې؛ د روسیې په ګډون د افغانستان ۶  ګاونډ هېوادونو د بهرنیو چارو وزیرانو ناسته به په حضوري بڼه جوړه شي.

هغه ویلي؛ په دې ناسته کې به له اسلامي امارت پرته د ازبکستان، تاجکستان، ترکمنستان او پاکستان د بهرنیو چارو وزیران په حضوري بڼه او د چین او روسیې د بهرنیو چارو وزیران به انلاین ونډه ولري.

دا په داسې حال کې ده، چې په کابل کې د ایران سفیر بهادر امینیان  له آریانا نیوز سره په مرکه کې ویلي، چې د تهران په ناسته کې به د سیمې هېوادونه د امنیتي خوندیتوب، اقتصادي ثبات او یو ټولمنلي حکومت په اړه د مسوولیتونو په اړه خبرې وکړي.

Continue Reading

تازه خبرونه

پاکستان نیوزیلاند ته پر ۵ ویکټو ماتې ورکړه

خپور شوی

په

توسط

(Last Updated On: لړم ۵, ۱۴۰۰)

د کرکټ شل آوریز جام په سوپر ۱۲ پړاو کې پاکستان لوبډلې خپل سیال نیوزیلاند ته د ۵ ویکټو ماتې ورکړه.

په دې لوبه کې د پاکستان توپ اچوونکیو سیال لوبډله ډېرو منډو جوړولو ته پرینښوده او ویکټې یې خپلې کړې.

نیوزیلاند په دغو شل آورونو کې د ۷ لوبغاړیو پر سوزېدو ۱۳۴ منډې جوړې کړې.

په پای کې پاکستان لوبډله ټکل شوې موخې ته ورسېده او نیوزیلاند ته یې د ۵ ویکټو پر توپیر ماتې ورکړه.

له دې لوبدلې هندوستان ته د لس ویکټو پر توپیر ستره ماته ورکړې وه.

Continue Reading

تازه خبرونه

اسلامي امارت د دیني عالمانو د علمي رتبو د ټاکلو لپاره د اسنادو ارزولو سپارښتنه وکړه

خپور شوی

په

توسط

(Last Updated On: لړم ۴, ۱۴۰۰)

د اسلامي امارت ویاند ذبیح الله مجاهد په ډاګه کړې، چې نن سې شنبه د لړم ۴ د کابینې په غونډ ه کې سپارښتنه شوې، چې د دیني عالمانو د علمي رتبو د ټاکلو لپاره دې د دوی اړوند اسناد وارزول شي.

 په دې غونډه کې د افغانستان اسلامي امارت لومړي وزير ملا محمد حسن آخوند د ديني عالمانو د علمي رتبو د ټاکلو او د هغوى د ښوونیزو اسنادو د ارزونې طرحه تصويب کړه.

ملا محمد حسن آخوند ټینګار کړی، چې د دیني عالمانو اسناد باید و ارزول شي او د هغوی علمي رتبې دې ځانګړې او مشخصې شي.

دغه راز په دې غونډه کې د هغو شرکتونو د ستونزو د حل لپاره د اسلامي امارت له لوري یو پلاوی وګومارل شو، چې د هېواد په بانکونو کې یې پیسې کنګل دي.

د برښنایي تذکرو د وېش بهیر دوام، د وګړیو د احوالو ثبتولو د پلان چمتو کول، د معتادینو ستونزې، د بهرنیو مرستو سالم مدیریت او د ټاپي پروژې په اړه په دې ناسته کې خبرې او بحثونه وشول.

Continue Reading

Trending

آریانا نیوز: ټول حقونه خوندي دي