Connect with us

تازه خبرونه

خلیلزاد په پاکستان کې له طالب پلاوي سره ولیدل

Ariana News

خپور شوی

 په

(Last Updated On: تله ۱۲, ۱۳۹۸)

په قطر کې د طالبانو د دفتر ویاند پاکستان ته د طالب پلاوي او خلیلزاد تر منځ احتمالي لیدنه تائید کړې او څرګندوي، چې که امریکا غواړي بېرته هوکړې ته راوګرځي؛ دوی هم ورته چمتووالی لري.

دا مهال د ملا عبدالغني برادر په مشرۍ طالب پلاوی او د زلمي خلیلزاد په مشرۍ امریکایي پلاوی په اسلام آباد کې دي.

یو شمېر سرچینو څرګنده کړې؛ پاکستان هڅه کوي، چې د سولې دریدلیو خبرو د بیا پیل لپاره منځګړیتوب وکړي.

د پاکستان د بهرنیو چارو وزیر ویلي، ټاکل شوې طالب پلاوی او امریکایان د خبرو د بیا پیل پر څرنګوالي سره وګوري.

د پاکستان د بهرنیو چارو وزیر شاه محمود قریشي وایي؛ پاکستان د خبرو د پیل لپاره هڅه کوي، چې دا بهیر یوې معقولې پایلې ته ورسیږي. په خوښۍ سره مو خبروم، چې له طالبانو سره مې وروستۍ کتنه د رضایت وړ وه.

د طالبانو سیاسي دفتر ویلي، چې  امکان لري طالب پلاوی په پاکستان کې له امریکایي پلاوي سره وګوري.

د طالبانو د سیاسي دفتر ویاند سهیل  شاهین وایي، چې هو! لیدنه احتمال لري که هغو وغواړي بېرته هوکړې ته راوګرځي. باوري یو، چې د افغانستان د بحران سوله ییز حل هوکړې ته ورګرځیدل دي.

د امریکا ولسمشر دونالد ترمپ، چې له طالبانو سره حساس پړاو ته رسیدلې د سولې خبرې لغو کړې؛ دې پوښتنې ته په ځواب کې، چې آیا د دې بهیر د بیا پیل لپاره راضي دي او که نه ویلي؛ دا مهال طالبان تر سختو بریدونو لاندې دي.

د امریکا ولسمشر دونالد ترمپ وايي، چې مونږ له یوې رښتینې ستونزې سره مخ یو. مونږ طالبان تر سختو بریدونو لاندې نیولي؛ هغوی اوس هم د ملکیانو وژنه روانه ساتلې او هغوی دولس کسان ووژل او دا زمونږ لپاره د اندېښنې وړ ده. هغوي تر اوسه ندي اصلاح شوي او ښایي هم نشي.

ولسمشرۍ دفتر، چې په ښکاره له امریکا سره د طالبانو د خبرو لغو کیدو ته خوشبین دی؛ پر پاکستان نیوکه کړې، چې له طالبانو یې ولې د حکومتي پلاوي په څېر هرکلی کړی دی؟ کابل وایي، دا ډول ناستې د سولې له بهیر سره هیڅ مرسته نکوي.

یو شمېر خبري سرچینو په ډاګه کړې؛ ټاکل شوې، چې طالب استازي به دوه ورځې نور هم په اسلام آباد کې وي؛ ځکه، چې د افغان سولې لپاره د امریکا له ځانګړي اسازي زلمي خلیلزاد سره ځانګړې ناستې لري. دا  له روسیې، چین او ایران وروسته د طالبانو څلورم سفر دی، چي د سیمې هېوادو نو ته تر سره کیږي.

تازه خبرونه

ولسمشر غني او د پاکستان لومړي وزير په افغانستان کې پر اوربند ټینګار کړی

Ariana News

خپور شوی

په

توسط

(Last Updated On: تله ۵, ۱۳۹۹)

د افغانستان ولسمشر اشرف غني او د پاکستان لومړي وزير عمران خان د تیلیفوني اړیکې له لارې د دواړو هېوادونو د اړيکو، سولې بهیر او په افغانستان کې د اوربند پر ټينګښت خبرې اترې کړې دي.

په دې تیلیفوني خبرو اترو کې ولسمشر اشرف غني د اوربند پر ټينګښت ځانګړی ټينګار کړی او د پاکستان لومړي وزير ته يې افغانستان ته د رسمي سفر بلنه هم ورکړه.

د پاکستان لومړي وزير عمران خان ويلي، مونږ په افغانستان کې د اوربند له ټينګښت بشپړ ملاتړ کوو او د ولسمشر اشرف غني له بلنې په مننه يې زياته کړې، په نږدې راتلونکې کې به کابل ته سفر وکړي.

د پاکستان جیو تلویزیون په ډاګه کړې، چې پاکستان به له هغو پرېکړو ملاتړ وکړي، چې د افغانستان خلک به د خپل راتلونکي په اړه پرې ټینګار کوي.

لومړي وزیر عمران خان د پاکستان او افغانستان  پر رغنده اړیکو ټینګار کړی او وایي، چې مونږ د دې هېواد سوله ، ثبات او د خلکو سوکالي غواړو.

دغې سرچینې څرګنده کړې، چې د ملي پخلاینې عالي شورا رییس عبدالله عبدالله به راتلونکې اوونۍ اسلام اباد ته سفر وکړي.

Continue Reading

تازه خبرونه

هند په سیمه کې له اسلام وېره هڅوي – عمران خان

Ariana News

خپور شوی

په

توسط

(Last Updated On: تله ۵, ۱۳۹۹)

د پاکستان لومړي وزیر عمران خان ټینګار کړی، چې په سویلي آسیا کې دوامداره سوله اړینه ده؛ خو هند له اسلام وېره او اسلام دښمني یا اسلاموفوبیا هڅوي.

عمران خان د جمعې پر ورځ د ملګرو ملتونو عمومي اسامبلې ته په له مخکې ثبت شوې وینا کې ویلي، چې له پاکستان څخه د افغان کډوالو راستنېدل باید د سیاسي حل یوه برخه وي.

خان زیاته کړه، چې اسلام دښمنۍ په هندوستان کې بې سارې وده کړې ده او د هند نږدې ۲۰۰ میلیون مسلمانان ګواښي.

هغه ټینګار کړی، چې شر جوړول او کرکه خپرول باید په نړۍ کې ناقانونه شي او له ملګرو ملتونو یې وغوښتل، چې د اسلام دښمنۍ پر ضد د مبارزې نړیواله ورځ دې ونومول شي.

عمران خان زیاته کړې، چې د هند حکومت جوماتونه ویجاړ کړي، مسلمانان یې وژلي او د هغوی پېژندنه د تبعیضي قوانینو له مخې په خطر کې ده.

عمران خان دا هم ویلي؛ په تېروتنه مسلمانان د کرونا د ویروس د خپریدو له کبله رټل شوي، سپک شوي او قرباني شوي دي. دوی له روغتیايي پاملرنې بې برخې دي او په ډېري مواردو کې د دوی پر دندو هم بندیزونه لګیدلي دي.

په خواشینۍ، چې هند په نړۍ کې یوازنی هېواد دی، چې اسلام دښمني هڅوي او ترې  ملاتړ کوي.

دغه راز عمران خان په پاکستان کې د کرونا ویروس مسله هم راپورته کړه او په دې اړه یې څرګنده کړې؛ هوښیار قرنطین مو له هېواد سره مرسته کړې، چې د دغې ناروغۍ د خپریدو په مخنیوي کې مرسته وکړي.

هغه دا هم په ډاګه کړې: مونږ نه یوازې دا، چې ویروس وڅاره، بلکې له اقتصادي ثباته هم برخمن یو. له ټولو مهمه دا، چې مونږ توانیدلي یو، چې د خپلې ټولنې بېوزله برخه د قرنطین له ناوړه پایلو څخه وژغورو.

Continue Reading

تازه خبرونه

د ارګ هوټل د واده په مراسمو کې لږ تر لږه دوه کسان وژل شوي

Ariana News

خپور شوی

په

توسط

(Last Updated On: تله ۴, ۱۳۹۹)

د کابل پولیسو ویلي، چې د کابل ښار د ۱۵ حوزې د اړوند سیمې د یو هوټل د واده په مراسمو کې پر ډزو دوه کسان وژل شوی دي.

د دِې پېښې علت شخصي دښمني ښودل شوې ده.

د پېښې عامین نیول شوي او په اړه یې څېړنې روانې دي.

د پېښې لیدونکیو ویلي، چې پېښه په یاد هوتل کې دننه رامنځته شوې؛ ۵ کسان وژل شوي او یو شمېر نور ټپیان دي.

Continue Reading
Advertisement

Trending