Connect with us

تازه خبرونه

خلیلزاد طالبانو ته د هوکړې لپاره نوی شرط وړاندې کړی- سرچینې

Ariana News

خپور شوی

 په

(Last Updated On: سلواغه ۳, ۱۳۹۸)

یو شمېر سرچینو په دوحه کې ویلي، چې د امریکا او طالب استازیو ترمنځ مذاکرات له نویو اختلافونو او ستونزو سره مخ شوي دي.

که څه هم طالبانو له توافق څخه مخکی د تاوتریخوالي کمی او له اووه تر لس ورځو پورې پر اور بند سلا کړې؛ خو په دوحه کی یو شمېر سرچینو ویلي، چی امریکا د طالبانو دا وړاندیز ندی منلی او زلمی خلیلزاد له طالبانو غوښتي، چی د تاوتریخوالی د کمولو لپاره پر اوږد مهاله اوربند هوکړه وکړي. دا هغه څه دي، چی امریکا د هوکړه لاسلیک لپاره د نوی شرط په توګه مطرح کړي دي.

په قطر کې سرچینې وايي، امریکا د لنډمهال لپاره د طالبانو لخوا د تاوتریخوالي کمولو طرحه رد کړې او اوس له طالبانو څخه د اوږدمهال لپاره د تاوتریخوالي د کچې کمولو غوښتنه کوي.

دغه سرچینې زیاتوي، چې طالبانو هم د تړون د لاسلیک لپاره تازه شرط او د امریکایی ځواکونو تدریجي وتل تر اوسه نه دي منلي.

په قطر کې آزاد خبریال سمیع یوسفزی وایي: اوس خلیلزاد له خپل وړاندیز څخه پر شا شوی او د تاوتریخوالي د کمی په خاطر د طالبانو له څرکندونو څخه سم ندی پوه شوی او طالبان هم فکر کوي، چی امریکایانو د طالبانو وړاندیز ته نوی شرط ایښی دی.

د طالبانو د واکمنۍ د مهال د المپیک مشر عبدالشکور مطمین وایي، چی امریکا او طالبانو په تېرو څو وروستیو ورځو کې هیڅ راز پرمختګ رامنځته نشو او د طالبانو استازي هم له دې خبرو خوښ ندي.

د نوموړي د څرګندونو له مخې؛ که طالبان د تاوتریخوالي کمښت د اوږد مهال لپاره ونه مني، امریکا به تازه شرطونه وړاندې کړي. یعنې وروسته له بین الافغانی خبرو د امریکایانو وتل.

که څه هم طالبانو او امریکا د سولې هوکړې د لاسلیک پر مراسمو خبرې کولې؛ خو د امریکا تازه شرطونه د دې لامل شول، چی د یادهوکړه لیک  لاسلیک و ځندیږي.

د طالبانو پخوانی غړي سید اکبر آغا ویلي، چې د طالبانو او امریکایانو تر منځ د تاوتریخوالي پر کمښت هوکړه شوې او د افغانستان حکومت دا وایي، چې اوربند دې وشي؛ خو دومره ویلی شو، چې د افغانستان حکومت د تجرید په حال کې دی.

طالبان نږدی یوه میاشت وروسته پر لنډ مهالي اوربند سلا شول. اوس امریکا نوی شرط وړاندې کړی؛ نو ولیدل شي، چی بیا به هم خبرې له بندون سره مخ شی او که د سولې هوکړې ته به آسانتیاوې رامنځته شي.

د یادونې ده، چې تر دې دمه طالب او امریکایي استازیو په دې اړه څه ندي ویلي.

تازه خبرونه

طالبانو کابل ته نږدې د خپلو پراخو هڅو ویډیو خپره کړې

Ariana News

خپور شوی

په

توسط

(Last Updated On: تله ۵, ۱۳۹۹)

طالبانو د یوې ویدیو په خپرولو وښوده، چې د پېنځمې حوزې په اړوند باغ داوود، پنجه چنار او د ارغندې په حیدرخان کلا سیمو کې فزیکي حضور لري او د شپې  د کمپنۍ بازار او کمپنۍ پله ساحو ته را وځي؛ د لویو لارو د امنیت په اړه له موتر چلوونکیو او خلکو پوښتنې کوي.

په دغو سیمو کې خلکو ویلي؛ د طالبانو سره قطعه وخت ناوخته په دې سیمه کې د امنیتي ځواکونو پر پوستو بریدونه هم کوي.

د کابل ښار د کمپنۍ پله د اړوند سیمې اوسېدونکي اتل ویلي؛ دا لومړی ځل دی، چې طالبان د کابل ښار د پېنځمې حوزې په اړوند سیمو کې شپه مهال سړک ته راوځي او له خلکو د امنیتي حالت په تړاو پوښتنې کوي.

د کابل ښار د کمپنۍ د بازار یوه بل اوسېدونکي ویلي؛ دوه شپې مخکې طالبانو د کوټې سنګي – کمپنۍ څلور لاري په اوږدو کې د څو ساعتونو لپاره د تلاشۍ پوسته جوړه کړې وه او امنیت په تړاو یې له خلکو پوښتنې کولې.

د امنیتي پوستو سرتېرو ویلي؛ په شپه کې پرې د طالبانو سره قطعه حملې کوي او د واټ پر غاړوماینونه ږدي، چې د پوځیانو کاروانونه په نښه کړي؛ خو کورنیو چارو وزارت دغه اړوند خبرې ردوي.

په دوحه کې د افغانانو د خپلمنځي خبرو له پرانیستو سره جوخت د هېواد په زیاترو سیمو کې د طالبانو او امنیتي ځواکونو نښتې زیاتې شوي؛ خو اوس په کابل کې د طالبانود یوې خپرې شوې ویدیوي څرګندونو له مخې پراخ ښاري شون لري، چې دې کار د ښار اوسیدونکي اندیښمن کړي دي.

Continue Reading

تازه خبرونه

ولسمشر غني او د پاکستان لومړي وزير په افغانستان کې پر اوربند ټینګار کړی

Ariana News

خپور شوی

په

توسط

(Last Updated On: تله ۵, ۱۳۹۹)

د افغانستان ولسمشر اشرف غني او د پاکستان لومړي وزير عمران خان د تیلیفوني اړیکې له لارې د دواړو هېوادونو د اړيکو، سولې بهیر او په افغانستان کې د اوربند پر ټينګښت خبرې اترې کړې دي.

په دې تیلیفوني خبرو اترو کې ولسمشر اشرف غني د اوربند پر ټينګښت ځانګړی ټينګار کړی او د پاکستان لومړي وزير ته يې افغانستان ته د رسمي سفر بلنه هم ورکړه.

د پاکستان لومړي وزير عمران خان ويلي، مونږ په افغانستان کې د اوربند له ټينګښت بشپړ ملاتړ کوو او د ولسمشر اشرف غني له بلنې په مننه يې زياته کړې، په نږدې راتلونکې کې به کابل ته سفر وکړي.

د پاکستان جیو تلویزیون په ډاګه کړې، چې پاکستان به له هغو پرېکړو ملاتړ وکړي، چې د افغانستان خلک به د خپل راتلونکي په اړه پرې ټینګار کوي.

لومړي وزیر عمران خان د پاکستان او افغانستان  پر رغنده اړیکو ټینګار کړی او وایي، چې مونږ د دې هېواد سوله ، ثبات او د خلکو سوکالي غواړو.

دغې سرچینې څرګنده کړې، چې د ملي پخلاینې عالي شورا رییس عبدالله عبدالله به راتلونکې اوونۍ اسلام اباد ته سفر وکړي.

Continue Reading

تازه خبرونه

طالبان به له سیاسي هوکړې مخکې اوربند ونه مني- خلیلزاد

Ariana News

خپور شوی

په

توسط

(Last Updated On: تله ۵, ۱۳۹۹)

په افغانستان کې د سولې لپاره د امریکا ځانګړی استازی زلمی خلیلزاد ویلي؛  فکر نکوي، چې طالبان به له سیاسي هوکړې مخکې اوربند وکړي.

زلمي خلیل زاد تېره شپه پی بی ایس نیوز ته ویلي:  فکر کوم، چې تاسې برحقه یاست؛ تر هغې، چې سیاسي هوکړه ونشي طالبان به دایمي او هر اړخیز اوربند ونه مني.

خلیلزاد ویلي: مونږ ژمن یو، چې د تاوتریخوالي د کمولو په اړه یوې هوکړې ته د رسیدو لپاره له دواړو خواوو سره کار وکړو. مونږ به په راتلونکیو څو میاشتو کې د خپلو ځواکونو ۴ یا ۵ زره ته له رسولو وروسته ارزونه وکړو، چې طالبان د خپلو ژمنو د پلي کولو تر کوم ځایه رسیدلي دي.

د افغانستان لپاره د امریکا ځانګړی استازی دا ردوي، چې مستقیما د افغانستان د سولې په خبرو کې دخیل ندی؛ خو ټینګار کوي، چې واشنګتن د داسې یوې هوکړې ملاتړ کوي، چې د ټولو افغانانو په ځانګړي توګه د ښځو او لږکیو حقونو ته درناوی وشي.

نوموړی وایي: مونږ د دې خبرو د بریالیتوب لپاره هیڅ وخت ندی ټاکلی، مونږ په مستقیم ډول په مذاکراتو کې دخیل نه یو، دا د افغانانو تر منځ خبرې دي. دوی ونه غوښتل، چې بهرنیان په کې د آسانتیاوو د برابروونکيو او منځګړيو په توګه برخه ولري.

دغه راز د پاکستان لومړي وزیر عمران خان هم د ملګرو ملتونو پېنځه اویایمې اسامبلې ته ویلي، هېواد یې د افغانستان د سولې په بهیر کې خپل مسوولیت په پوره ډول سر ته رسولی دی.

نوموړي ویلي: پاکستان … ډېر خوښ دی، چې د افغانستان د سولې په بهیر کې یې د خپل مسوولیت یوه برخه تر سره کړې ده. افغان مشران باید سولې ته د رسېدو او پخلاینې ته د لاسرسي لپاره  له دې تاریخي فرصت ګټه واخلي.

ټاکل شوې، چې د ملي پخلاینې عالي شورا مشر عبدالله عبدالله د پاکستان د لومړي وزیر په بلنه د افغانستان د سولې په بهیر کې د سیمه ییزې اجماع پیاوړتیا لپاره پاکستان ته په نږدې راتلوونکیو ورځو کې سفر وکړي.

دا په داسې حال کې ده، چې د افغانستان ولسمشر اشرف غني او د پاکستان لومړي وزير عمران خان د تیلیفوني اړیکې له لارې د دواړو هېوادونو د اړيکو، سولې بهیر او په افغانستان کې د اوربند پر ټينګښت خبرې اترې کړې دي.

Continue Reading
Advertisement

Trending