Connect with us

تازه خبرونه

خلیلزاد د طالبانو له بنده د ۱۰ سرتېرو خوشې کیدل ستایلې

Ariana News

خپور شوی

 په

(Last Updated On: ليندۍ ۱, ۱۳۹۸)

د افغانستان د سولې لپاره د امریکا ځانګړي استازي زلمي خلیلزاد د طالبانو له بنده د ۱۰ سرتېرو خوشې کیدنه ستایلې  او د سیاسي همغږۍ لپاره یې یو نیک کار ګڼلی دی.  

هغه هیله ښودلې؛ دا کار به په افغانستان کې د تاوتریخوالي د کچې په راټیټولو کې نه یوازې مرسته وکړي، بلکې د سیاسي همغږۍ لپاره به، چې حکومت، طالبان او نور مشران په کې برخه ولري هم زمینه برابره کړي.

له دې مخکې د سره صلیب مشر پدرو سکایرر ویلي وه، چې په هلمند ولایت کې د دوی دفتر ته لس سرتېري د طالبانو لخوا سپارل شوي دي، چې وروسته د دې ولایت مقام ته د سپارلو لپاره ولیږدول شول.

د سره صلیب کمیتې دغه راز ویلي، چې دغه بنسټ د سرتېرو د خوشې کولو او سپارلو لپاره بې غرضه مرسته کړې ده.

ویل کیږي، چې دغه لس سرتېري او د افغان امریکایي پوهنتون دوه استادان د درې طالب بندیان د انس حقاني، حافظ عبدالرشید او مالي خان په بدل کې خوشې شوي، چې اوس په قطر کې دي.

دا په داسې حال کې ده، چې د امریکا ولسمشر دونالد ترمپ تېره ورځ ماښام مهال له ولسمشر اشرف غني سره د غږمزي پرلیکه نه یوازې د دغو دوه استادانو له خوشې کیدو مننه کړې، بلکې له طالبانو سره د سولې خبرو د پیلیدو شرط  یې هم اوربند ګڼلی دی.

تازه خبرونه

د کرونا د خوریدو د مخنیوي بېړنۍ کمیتې د دولتي ادارو د کاري ساعتونو طرحه تائید کړه

Ariana News

خپور شوی

په

توسط

(Last Updated On: چنګاښ ۲۱, ۱۳۹۹)

د دغې طرحې له مخې؛ تاکل شوې، چې د دولتي ادارو کاري ساعتونه د سهار له اته بجو څخه د مازیګر تر ۴ بجو تنظیم شي او د دولتي ادارو کارمندان به په دوه کاري وختونو جفت او طاقو ورځو کې کارونه تر سره کوي.

دغه راز په دې ناسته کې پرېکړه شوې، چې د روان کال د زمري تر ۱۵ به ښوونځي او دغه راز دولتي او خصوصي پوهنتونونه تړلي وي او د زمري له ۱۵ وروسته به یې پرانسته د عامې روغتیا وزارت په مشوره د کرونا ویروس له ودې او خوریدو سره تړاو ولري.

د ولسمشر دوه یم مرستیال سرور دانش ویلي؛ د ښوونځيو او دغه راز د دولتي او خصوصي پوهنتونونو بیا پرانسته د عامې روغتیا وزارت له پرېکړې سره تړلې؛ ځکه هر وخت یې، چې وضعیت مناسب ولید؛ حکومت به د دغو ښوونیزو او روزنیزو بنسټونو د پرانستې په اړه پرېکړه وکړي.

دغه راز د کرونا ویروس د خوریدو د مخنیوي بېړنۍ کمیتې په نننۍ ناسته کې د کرکت لوبو د پیل طرحه پرته له لیدونکیو ومنله.

د هېواد د کرکت بورد استازيو ویلي؛ لکه څرنګه، چې کرکت لوبه د واټن په نظر کې نیولو سره ترسره کیږي؛ ځکه، نو د دې آزادې لوبې د سیالیو د بیا پیل غوښتونکي شوي دي.

دوی زیاته کړې، چې دوی به له لیدونکیو پرته کرکت سیالۍ تر سره کوي؛ خو هڅه کیږي، چې د لوبې بهیر په ژوندۍ بڼه د تلویزیونونو له لارې خلک وویني.

Continue Reading

تازه خبرونه

طالبان باید په جمهوري نظام کې را ګډ او خپلې سیاسي موخې وپالي- اشرف غني

Ariana News

خپور شوی

په

توسط

(Last Updated On: چنګاښ ۲۰, ۱۳۹۹)

افغان ولسمشر اشرف غني، چې د افغان سولې لپاره د نړیوالې اجماع په اړه په ویدیوي کنفرانس کې خبرې کولې یو ځل بیا یې وویل؛ طالبانو باید د ولسمشریزو او پارلماني ټاکنو له لارې خپلې سیاسي موخې وپالي.

د افغان حکومت پر کوربتوب د سولې او خپلمنځي خبرو د اجماع دوه یمه نړیواله غونډه؛ د ناتو، ملګرو ملتونو، اروپايي ټولنې او د نړۍ د نږدې ۱۹ هېوادونو، د استازیو په ګډون د ویدیو کنفرانس له لارې په ارګ کې جوړه شوه.

ولسمشر دغې ویدیوي غونډې ته د خبرو پرمهال وویل، چې طالبان باید په جمهوري نظام کې را ګډ او خپلې سیاسي موخې وپالي.

 ولسمشر زیاته کړې، چې د سولې هدفمندې پروسې ته د رسیدو لپاره د نړیوالو مشورو او ملاتړ ته اړتیا لري.

د افغانستان د ملي پخلاینې عالي شورا مشر د بندیانو د تبادلې پر وروستي کولو ټینګار کړی او وایي، چې په دې اړه هڅې روانې دي.

د ملي پخلاینې عالي شورا مشر عبدالله عبدالله هم دغې غونډې ته څرګنده ګړې، چې د ۵۰۰۰ طالب بندیانو له خوشې کیدو یوه اوونۍ وروسته به په قطر کې د افغانانو خپلمنځي خبرې پیل شي.

هغه پوره ټینګار کړی، چې د خبرو لومړۍ اجندا به اوربند وي.

عبدالله عبدالله ویلي، چې د سولې د خبرو په لومړۍ غونډه کې به پر اوربند خبرې وشي او نور مهم موضوعات به هم یو په بل پسې مطرح پر اختلافي ټکو به خبرې را وڅرخي.

نوموړي په پوره ډاډ څرګنده کړې: مونږ باید د طالبانو پر ژمنه ډاډه شو، چې نه یوازې د تاوتریخوالي کمول مهم دي، بلکې د سولې د خبرو د پیلېدو لپاره اوربند په‌کار دی او د سولې په خبرو کې به هم زمونږ لومړۍ خبره د اوربند په اړه وي.

په قطر کې د طالبانو د سیاسي دفتر ویاند سهیل شاهین ويلي؛ افغان حکومت د طالب زندانیانو نه خوشې کولو ته پلمې لټوي، چې په باور یې دغې چارې د افغانانو خپلمنځي خبرې ځنډنۍ کړي دي.

شاهین زیاته کړې؛ لږ شمېر طالب بندیان پاتې دي، چې له خوشې کیدو سره به یې پېنځه زره شمېر بشپړ شي.

په قطر کې د طالبانو د سیاسي دفتر ویاند سهیل شاهین وایي: هغو د څلورزره بندیانو له خوشې کیدو خبرې کوي؛ خو مونږ وایو، چې له درې زره ډېر. که دوی دا زرګونه بندیان له بنده همغه مهال خوشي کړي وای اوس به خپلمنځی خبرې هم پیل وای.

افغان حکومت د نړیوالې اجماع په یاده غونډه کې د طالبانو لخوا د تاوتریخوالي پر زیاتولو نیوکه کړې؛ خو د طالبانو سیاسي دفتر وايي، چې په لویو ښارونو، پوځي اډو یې ډله ییز بریدونه درولي دي.

سهیل شاهین په دې اړه وايي؛ جګړه هغه وخت نښلي، چې افغان حکومت په د دوی تر واکمنۍ لاندې سیمو کې د پوستو جوړول او اکمالات پیل کړي.

Continue Reading

تازه خبرونه

افغان حکومت دې د خبریالانو له نیولو او ګواښلو ډډه وکړي- د بې پولې خبریالانو ټولنه

Ariana News

خپور شوی

په

توسط

(Last Updated On: چنګاښ ۲۰, ۱۳۹۹)

د بې پولې خبریالانو ټولنې له افغان حکومته غوښتي، چې د خبریالانو له ګواښلو لاس واخلي او د رسنیو قانون ته درناوی وکړي.

د بې پولې خبریالانو ټولنې په خپل تازه راپور کې اندېښنه ښودلې، چې په زابل کې د بیان راديو خبریال محبوب الله حکیمي د ملي امنیت سرتېرو لخوا د چنګاښ پر یوولسمه له هغې وروسته ونیول شو، چې په فیسبوک کې یې ولسمشر ته د کافر خطاب کړی و.

په راپور کې دا هم راغلي: حکیمي له نیول کیدو مخکې په ویدیو کې سپیناوی ورکړی و، چې فیسبوک یې هک شوی؛ خو د ملي امنیت لخوا له نیول کیدو وروسته ترې اعتراف اخیستل شوی او پښیماني یې ښودلې ده.

د بې پولې خبریالانو ټولنه څرګندوي، چې دغه راز په خوست ولایت کې د ملي امنیت سرتېرو یو خبریال نیولی او هم حکومتي چارواکو د پژواک خبري آژانس مسوولین ځورولي دي.

 دغې ټولنې له ولسمشر او د هغه له لومړي مرستیال امرالله صالح څخه غوښتي، چې د رسنیو قانون ته درناوی وکړي.

 حکومت بیا وايي، چې د خبریالانو او رسنیو ملاتړ ته ژمن دی.

د آزادو رسنیو ملاتړ ادارې اجرائيه مشر مجیب خلوتګر په ډاګه کړې، چې حکومت د بیان پر آزادۍ فشار راوړی او معلوماتو ته د لاسرسي مخالفت کوي او یا یې مخنیوی کوي. حکومت هغه قانو ته، چې خپله یې لاسلیک کړی ژمن ندی او خبریالان ګواښي.

دغه راز د بې پولې خبریالانو ټولنه وايي، چې د زمري پر یوولسمه د ملي امنیت سرتېرو په خوست ولایت کې د سیمه ییزو خبریالانو هر یو فاروق منګل او د هغه د ورور سیف الله حیات کورونه پلټلي او له هغوی سره یې ناوړه چلند کړی او ملي امنیت ته یې وړي دي.

د خبریالانو د خوندیتوب کمیتې د عدالت غوښتنې مسوول صدیق الله توحیدي ویلي؛ د بې پولې داکترانو اعلامیې پر خبریالانو یو لړ تورونه او اړوند بنسټونو ته د هغو له راکاږلو پرده پړرته کړې ده او ښيي، چې حکومت د خبریالانو پر شکایتونو هم غور نکوي او د ځانګړیو غوښتنو تر اغېز لاندې اغلي دي.

خبریالان وايي، چې له یوې خوا یې ژوند خوندي ندی او له بلې خوا اطلاعاتو ته د لاسرسي په برخه کې له ګڼو ستونزو سره مخ دي.

د بې پولې خبریالانو د ټولنې په راپور کې دا هم راغلي، چې پژواک خبري آژانس پاکستان ته د  مصنوعي تنفس د دوه دېرش دستګاوو د قاچاق د راپور له خپرولو وروسته د حکومت له مستقیم او نامستقیم فشار سره مخ شوی دی.

Continue Reading

Trending