Connect with us

تازه خبرونه

خلیلزاد د سولې خبرو منځپانګه پټه ساتلې – رولا غني

Ariana News

خپور شوی

 په

(Last Updated On: November 16, 2019)

د ولسمشر اشرف غني میرمن رولا غني د افغان سولې لپاره د امریکا پر ځانګړي استازي زلمي خلیلزاد تور لګولی، چې په قطر کې یې د سولې خبرو اصلي محتوا یا منځپانګه پټه ساتلې ده.

نوموړې د امریکا د ستراتیژیکو څېړنو په مرکز کې د وینا پر مهال د امریکايي سرتېرو د قربانیو ستاینه کړې؛ خو د افغان سولې لپاره د امریکا پر ځانګړي استازي زلمي خلیلزاد یې تور لګولی، چې د سولې خبرو محتوا یې پټه ساتلې ده.

رولا غني وايي؛  افغانان پوه دي، چې څنګه سوله راولي. په افغانستان کې د سولې راوستو لپاره بل چاته اړتیا نشته.

نوموړې زیاته کړې؛ مونږ د مارچ په میاشت کې پوه شو، چې امریکا په قطر کې له طالبانو سره خبرې کوي. مونږ ته مخکې هیڅ هم نه ول، ویل شوي. د امریکا استازي له طالبانو سره خبرې کولې؛ خو مونږ ته یې لیکلي معلومات نه راکول او نه یې ترې خبرولو، چې هلته پرې خبرې کیدې.

هغې ټینګار کړی، چې افغانان د قطر له خبرو ناخوښه دي او هغه خبرې د سولې لپاره نه ګڼي.

رولا غني وايي، چې د قطر په خبرو کې ټول افغانان نه دي شامل؛ نو، ځکه د قطر خبرې د سولې خبرې نه دي. تر هغې، چې د سولې رهبري افغانان تر لاسه نکړي؛ په افغانستان کې د سولې ټینګښت ناشونی دی.

هغې زیاته کړې؛ مونږ بل چاته اړ نه یو، چې مونږ ته سوله راولي. مونږ پخپله پوهیږو، چې څنګه سوله راولو. د قطر او مسکو په غونډو کې زیاترو افغانانو ګډون نه درلود؛ نو، ځکه افغانان دغه ډول غونډې د سولې لپاره نه ګڼي.

لومړۍ میرمن دا هم وايي، چې د افغانستان له درې سوه څلور شپېته ولسوالیو څخه یوازې دولس ولسوالۍ د طالبانو په لاس کې دي.

دغه راز د افغانستان د کورنیو چارو وزارت پخوانی وزیر او افغان دیپلومات علی احمد جلالي ويلي، چې د افغانستان د جګړې یوازنی حل د افغانانو له خپلمنځي خبرو سره تړلي دي.

نوموړی وایي، چې یوازې د افغان دولت او طالبانو تر منځ مخامخ خبرې سولې ته لار پرانیستلی شي. دا ډول خبرې اوربند او د دواړو خواوو له لوري د تاوتریخوالي کمولو ته اړتیا لري.

د افغان سولې لپاره د امریکا ځانګړي استازي زلمي خلیلزاد د خپل ماموریت په لړ کې ویلي وه، چې د سولې د خبرو ټول جزئیات یې له افغان چارواکو سره شریک کړي دي.

تازه خبرونه

ولسمشر غني او بابېل ګیتس په افغانستان کې پر پولیو وغږېدل

Ariana News

خپور شوی

په

توسط

(Last Updated On: January 26, 2021)

افغان ولسمشر اشرف غني د مایکروسافت شرکت او د بیل او ملینډا ګېټس له بنسټوال سره د ویډیویي کنفرانس له لارې په افغانستان کې د پولیو یا د ماشومانو له ګوزن سره پر مبارزه خبرې وکړې.

د ارګ په خبرپاڼه کې راغلي؛ دواړو لوریو اندېښنه څرګنده کړې، چې تېر میلادي کال په افغانستان کې د پولیو مثبتې پېښې څو برابره وې؛ ځکه  طالبانو تر خپلې څارنې لاندې سیمو کې د پولیو واکسین  کارکوونکیو ته اجازه نه ورکوله.

په دې ویډیویي کنفرانس کې د پولیو واکسین د پلي کېدو په بهیر کې د اصلاحاتو پر رامنځته کولو او د امکاناتو پر زیاتوالي هم هر اړخیز بحث او خبرې شوې دي.

دا په داسې حال کې ده، چې د عامې روغتیا وزارت څو ورځې مخکې ویلي وه، چې د طالبانو د مخالفت له کبله په یو شمېر ولایتونو کې له درې نیم  میلیون ډېر ماشومان د ګوزڼ پر ضد له واکسین پاتې شوي دي.

د روغتیا وزارت څرګندوي، چې طالبانو د دوی په تر کنټرول لاندې سیمو کې د کور پر کور د واکسین کمپاین بند کړی او په تېرو درې کلونو کې دغه مخالفت له ۳ سلنې څخه ۱۰ سلنې ډېر شوی دی.

د دغه وزارت د ګوز ڼ ناروغۍ د له منځه وړلو پروګرام مشر میرجان راسخ ویلي، چې که څه هم طالبانو د واکسین په پلي کولو کې د همکارۍ ژمنه کړې وه؛ خو د تمې خلاف دوی د دې بهیر د پلي کیدو مخه نیولې.

نوموړي زیاته کړې: په پکتیا او میدان وردګ ولایتونو کې هم ماشومانو د ګوزڼ له واکسینه پاتې دي.

تېره اوونۍ ، په افغانستان کې د ګوزڼ واکسین کمپاین پیل شوی؛ خو طالبانو نه یوازې د دغه بهیر په پلي کولو کې پاتې راغلي، بلکې په میدان وردګ، غزني، هلمند، کندهار، کندوز، تخار، پکتیکا او پکتیا ولایتونو کې هم د کور پر کور له کمپاین سره مخالفت کړی دی.

Continue Reading

تازه خبرونه

د افغانستان بانک د نوي چاپ بانکنوټونه بازار ته وړاندې کوي

Ariana News

خپور شوی

په

توسط

(Last Updated On: January 26, 2021)

د افغانستان بانک په ډاګه کړې، چې راروان مالي کال  ته ۳۸۰ میلیون نوي بانکنوټونه چاپوي.

د افغانستان بانک د اداینو(تادیاتو) عمومي مدیر میر عزیز برکي نن ملت ته د حکومت د حساب وړاندې کولو په مراسمو کې ویلي، چې مرکزي بانک د مالي کال په بهیر کې د ۳۸۰ میلیون نویو افغانیو تړون لاسلیک کړی، چې ۱۰، ۲۰، ۵۰ او  ۱۰۰ افغانیو نوټونو به چاپ شي.

میر عزیز برکي زیاته کړې، چې یو څه یې چاپ شوي او ټاکل شوې، چې بازار ته وړاندې شي.

د افغانستان بانک د اداینو لوی آمر د نویو افغانیو د چاپ او د زړو هغو د راټولولو او له منځه وړلو په تړاو هم خبرې وکړې او زیاتوي، چې د افغانستان بانک هر کال په منځني توګه ۳.۸ میلیارډ افغانۍ زاړه بانکنوټونه راټولوي او د پیسو له دورانه یې وباسي.

نوموړي څرګنده کړې، چې دا مهال د مالیې وزارت خزانې، عواید او ګمرکونه د افغانستان بانک د عصري اداینې( تادیې) له سیسټم سره نښلول شوړی او خلک کولی شي له دې سیسټم څخه د خپلو ټولو اداینو لیږد پخپل وخت او ژر بشپړ کړي.

دا په داسې حال کې ده، چې دمګړې لږ تر لږه ۲۹۳ ملیارډ افغانۍ په دوران کې دي.

Continue Reading

تازه خبرونه

د ملا برادر په مشرۍ طالب پلاوی تهران ته رسېدلی

Ariana News

خپور شوی

په

توسط

(Last Updated On: January 26, 2021)

په قطر کې د طالبانو د سیاسي دفتر ویاند محمد نعیم ټویټ کړې، چې د ایرانیو چارواکو په رسمي بلنه د دوی یو پلاوی د سیاسي مرستیال ملا عبدالغني برادر پر مشرۍ تهران ته رسېدلی دی.

په قطر کې د طالبانو د سیاسي دفتر ویاند او د ایران د بهرنیو چارو وزارت ویلي، چې طالب پلاوی به د ایران د بهرنیو چارو له وزیر، د افغانستان په چارو کې د هغه هېواد له ځانګړي استازي او نورو مشرانو سره د افغانستان پر امنیتي او سیاسي وضعیت، سولې او کډوالو بحث او خبرې وکړي.

په افغانستان کې د اروپایي ټولنې سفیر ویلي، چې سوله له ستونزمن پړاو سره مخ شوې دواړه خواوې باید لازم یووالی را منځته کړي.

د اروپایي ټولنې سفیر اندریاس فون برانت وایي: زه فکر کړم، چې د سولې خبرې په ستونزمن پړاو کې دي؛ خو مهمه دا ده، چې په دوحه کې دواړه لوري په اړیکه کې دي او ټول څه هلته ندي. تاسې باید په کابل یا افغانستان کې لازم یووالی پیدا کړئ او هغه څه، چې مونږ یې هیله من یو دا دي، چې دواړه لوري په دوحه کې باید د لازمو امتیازاتو ورکړې ته چمتوالی ولري او د لارې د نقشې د جوړولو لپاره باید واک او سوله ګډه شي.

دغه راز د کابل په یوې څنډه کې، د وروستیو جګړو ځینې قربانیان او معلولان ټینګار کوي؛ داسې سوله غواړي، چې د خلکو عزت په کې خوندي شي.

د معلولانو او شهیدانو د ورثه وو ټولنې مشر سید آغا ملکزاده ویلي؛ داسې سوله غواړو، چې د ټولو حقونه په کې خوندي شي. داسې نشي، چې یو شمېر په واک و ځواک کې مستان وي او خلک په بدبختیو کې شي.           

د جګړې د یوه قرباني شوې کورنۍ غړې پري ګل ویلي؛ مونږ په افغانستانم کې رښتینې سوله غواړو، چې ښځې، ماشومان او میندې په کې ډاډمنې او خوندي وي.       

په کابل کې حکومتي لوړپوړي چارواکي هم پر سوله سلا مشورې کوي؛ ولسمشر غني د سې شنبې پر ورځ له حامد کرزي، عبدالله عبدالله او عبدرب الرسول سیاف سره لیدلي او د اوربند، تاوتریخوالي کمي، د سولې د ټینګښت،  سیاسي اجماع او د وینو د تویېدو پر مخنیوي بحث او خبرې کړي دي.

د طالبانو د سیاسي دفتر مرستیال ملا عبدالغني برادر د یوه پلاوي پر مشرۍ په داسې حال کې ایران ته سفر کړی، چې په دوحه کې د افغانستان حکومتي پلاوی د سولې خپلمنځي خبرو پیلولو ته په تمه دی.

Continue Reading

Trending

Copyright © 2021 Ariana News. All rights reserved!