Connect with us

تازه خبرونه

خلیلزاد په یوه ورځ کې دوه ځله له اشرف غني سره ولیدل

خپور شوی

 په

(Last Updated On: وری ۲۲, ۱۴۰۰)

د افغانستان د سولې لپاره د امریکا ځانګړي استازي زلمي خلیلزاد د شنبې پر ورځ له ولسمشر اشرف غني او د ملي پخلاینې عالي شورا مشر عبدالله عبدالله سره د سولې بهیر او د استانبول د راتلونکې غونډې په اړه خبرې وکړې.

د ولسمشرۍ ماڼۍ د څرګندونو له مخې؛ خلیلزاد د ورځې د یادې ورځې په اوږدو کې دوه ځله له اشرف غني سره ولیدل او د استانبول پر راتلونکې ناستې، مهالوېش، د برخه اخیستونکیو نوملړ وروستي کیدو او د کنفرانس چمتووالي بحث او خبرې وکړې.

سپیدار ماڼۍ ویلي، چې زلمي خلیلزاد له عبدالله، ځینو سیاسي او جهادي څېرو سره کتلي دي. په دې لیدنه کې د استانبول ناستې ته پر چمتووالي ټینګار شوی او خلیلزاد هم ترې غوښتي، چې دې ناستې ته یوه واحده طرحه وړاندې کړي.

د ملي پخلاینې عالي شورا ویاند فریدون خوځون وایي: زلمي خلیلزاد له سولې وروسته د مرستو پر دوام ټینګار کړی او له دې شورا یې وغوښتل، چې په استانبول ناسته کې له واحدې طرحې سره ګډون وکړي.                              

 

تمه ده، چې د استانبول ناسته د اپرېل پر ۱۶ جوړه شي؛ خو ګوندونه اوس هم هوکړې ته ندي رسیدلي، یثوه واحده طرحه ولري.

طالبانو هم تر اوسه په دې ناسته کې د خپل ګډون په اړهه خبرې ندي کړي.

د سولې لپاره د ځوانانو د اړیکې ډلې له زلمي خلیلزاد سره په یوه ویډیویي ناسته کې د سولې په بهیر کې د ځوانانو د رول غوښتنه کړې.

دوي دا راز له سولې وروسته د نړیوالې ټولنې د همکاریو د دوام غوښتونکي شوي دي.

له بلې خوا د افغانستان د اووه سیاسي ګوندونو کمیټې د شنبې په ورځ ویلي، چې د استانبول په ناسته کې به د افغانستان د سولې د پروسې په اړه، چې د راتلونکې اوونۍ په ترکیه کې جوړېږيګ د سولې یوه ځانګړې طرحه  وړاندې کړي.

په دې کمېټه کې د ګلبدین حکمتیار حزب اسلامي، د کریم خلیلي حزب وحدت اسلامي، د محمد محقق د افغانستان د خلکو حزب وحدت اسلامي، د صلاح الدین رباني حزب جمعیت اسلامي، د سید حامد ګیلاني حزب محاذ ملي، د مارشال دوستم حزب جنبش ملي او د انوارالحق احدي افغان ملت ګوند ونډوال دي.

که څه هم ځینې مشران د ملي پخلاینې عالي شورا د مشرتابه غړي دي؛ خو حزب اسلامي وایي، چې د ګوندونو کمېټه د جمهوریت د طرحې تر څنګ بله جلا طرحه د استانبول ناستې پر میز ږدي.

د حزب اسلامي یو غړی وایي، چې دا ګوندونه به د اپوزیسون په توګه واحده طرحه د استانبول ناستې ته وړاندې کړي او د ګلبدین حکمتیار حزب اسلامي هم د ملي پخلاینې عالي شورا ته تر اوسه هیڅ طرحه نده سپارلې.

د جمعیت اسلامي د مشرتابه ځینې غړي او سیاستوال د جوړښت ماتوونکیو تر سرلیک لاندې د استانبول په ناسته کې د نامتمرکز نظام د مطرح کېدو غوښتنه کوې.

د ګلبدین حکمتیار د حزب اسلامي د مشرتابه غړی همایون جریر وایي: مونږ د ګوندونو د کمېټې لخوا یوه بېله طرحه جوړه کړې ده او د اپوزیسیون په توګه په دې ناسته کې ګډون کوو او مونږ د ملي پخلاینې عالی شورا ته طرحه نده سپارلې.

د استانبول ناستې لپاره ډېرو د نظام جوړښت مطرح کړی دی.

د جمعیت اسلامي دا غړي وایي؛ باید د استانبول په ناسته کې د امارت او جمهوریت د نظامونو د جوړښت تر څنګ فډرال یا نامتمرکز نظام هم تر بحث لاندې راشي.

د حزب جمعیت اسلامي د مشرتابه شورا غړي محی الدین مهدي ویلي؛ مونږ تر دې دمه لیدلي، چې د دولت ریاستي جوړښت کومه ښه پایله نده ورکړې؛ متمرکز نظام باید مات شي او له نامتمرکزه نظام سره یوې پایلې ته ورسیږو. 

د ملي پخلاینې عالي شورا د دېرش ګوندونو او سیاسي بهیرونو طرحې اخیستي؛ خو دا د کارونو وروستۍ برخه نده او ښکاري، چې د ترکیې ناستې ته به له افغانستان څخه څو طرحې ځي.

د ډېرو په باور ډېرې طرحې کولی شي د استانبول ناستې ته ستونزې جوړې کړي.

د جمعیت اسلامي د مشرتابه شورا غړی ستار مراد وایي: د طرحو بېلابېلې بڼې ستونزې جوړوي؛ سیاسي بهیرونه باید په تمه شي، چې د هېواد په اړه د افغانستان اسلامي جمهوریت او د ملي پخلاینې عالی شورا څه پرېکړه کوي.

ډېري سیاستوال وایي، چې د استانبول په ناسته کې به لومړی اوربند او وروسته لنډ مهال نظام تر بحث لاندې راشي او د متمرکز او نامتمرکز نظام په اړه فرصت نشته؛ نو غوره ده، چې د جمهوریت حوزې ټول بهیرونه له یوې واحدې طرحې سره د استانبول په ناسته کې ګډون وکړي.

تازه خبرونه

ملا عبدالغني برادر د طالبانو خپلمنځي اختلافونه رد کړل

خپور شوی

په

توسط

(Last Updated On: وږی ۲۵, ۱۴۰۰)

 د اسلامي امارت د لومړي وزیر مرستیال ملا عبدالغني برادر په یوه ویډیوي پیغام کې د مشرانو تر منځ د اختلافونو په تړاو خپاره شوي راپورونه د مخالفانو تبلیغ بولي او په دې اړه یې ویلي، چې شفقت او ترحم مو ترمنځ یو اصل پاتې دی.

دغه راز ټایم مجلې د اسلامي امارت د لومړي وزیر مرستیال ملا عبدالغني برادر د ۲۰۲۱ کال یوه اغېزناکه څېره اعلان کړې ده.

د اسلامې امارت د حکومت جوړېدو پر سر د مشرتابه د اختلافونو په تړاو د راپورونو له خپرېدو وروسته اوس د لومړي وزیر لومړي مرستیال ملا عبدالغني برادر، چې دمګړۍ په کندهار کې دی؛ په یوه تازه ویډیویي پیغام کې دا د مشرانو تر منځ د اختلافاتو راپورونه په کلکه رد کړل.

د لومړي وزیر لومړی مرستیال ملا عبدالغني برادر ویلي: الحمدلله روغ رمټ یم. د رسنیو هغه راپور، چې د اختلافاتو په اړه خپور شوی حقیقت نلري. مونږ په خپل منځ کې له شفقت او ترحمه برخمن یو. ان په یوه کورنۍ کې به هم دغه راز شفقت او ترحم نه وي.

د اسلامي امارت دې چارواکي د قطر د بهرنیو چارو له وزیر سره په ناسته کې د خپل نه حضور په اړه ویلي، چې مخکې ترې خبر نه و.

ملا عبدالغني برادر زیاته کړې: د قطر د بهرنیو چارو د وزیر له سفره مخکنۍ خبرتیا نه وه که نه خپل سفر یې له شیخ عبدالرحمن آل ثاني سره د لیدنې لپاره ځنداوه.

دغه راز د اسلامي امارت یوه بل لوړپوړي غړي انس حقاني ویلي، چې د طالبانو د مشرتابه تر منځ د اختلافونو په اړه د مخالفانو تبلیغات د منلو وړ ندي.

انس حقاني ویلي، چې (مخالفان) هڅه کوي د خلکو اذهان مغشوش کړي؛ اندېښنه مکوئ او مونږ پر واک و ځواک د جنګ خلک نه یوو.         

دغه راز ټایم مجلې د اسلامي امارت د لومړي وزیر لومړی مرستیال ملا عبدالغني برادر د ۲۰۲۱ کال یو اغېزناک کس یاد کړی دی او اسلامي امارت هم ملا برادر خپل متفکر مغز بولي، چې په تېرو دوه کلونو کې یې له امریکایانو سره د سولې خبرې رهبري کړې.

ویل کیږي، چې ملا عبدالغني معتدل او د نرم خوی لرونکی شخصیت لري او په افغانستان کې د ټولمنلي حکومت د جوړېدو سر لاری هم منل شوی دی.

Continue Reading

تازه خبرونه

د ایران او افغانستان ترمنځ مسافروړونکې الوتنې بیا پیل شوې

خپور شوی

په

توسط

(Last Updated On: وږی ۲۵, ۱۴۰۰)

سرچینو ويلي، چې په افغانستان کې د پخواني افغان حکومت له سقوط او د اسلامي امارت له واکمنېدو وروسته کابل هوایي ډګر ته د ایران لومړۍ مسافر وړونکې الوتکه رسېدلې ده.

د دغو سرچینو د څرګندونو له مخې، د چارشنبې پر سهار(د وږي ۲۴) د کابل هوایي ډګر ته د ماهان هوایي شرکت ایرانۍ الوتکه ورسېده.

دغه راز زیاته شوې؛ دا لومړی ځل دی د اشرف غني د حکومت له سقوط وروسته یوه هوایي الوتکه له ایران څخه کابل ته رادننه کیږي او بریالۍ ناسته تر سره کوي.

سرچینو په ډاګه کړې؛ په دې الوتنه کې ۱۹ مسافر کابل ته لیږدول شوي او دا مسافر وړونکې الوتکه بېرته مشهد ته راستنه شوې ده.

دا په داسې حال کې ده، چې تېره اوونۍ د پاکستان نړیوال هوایي شرکت (پي آی ای) هم  کابل ته د الوتنو د بیا پیل اعلان کړی و.

Continue Reading

تازه خبرونه

د قومي تعصب او امریکایي ډیموکراسۍ د ساتنې پر پلمه هیڅوک د درېدو حق نلري – قطرت

خپور شوی

په

توسط

(Last Updated On: وږی ۲۵, ۱۴۰۰)

د اسلامي امارت لوی درستیز د چارشنبې پر ورځ / د وږي ۲۴ /  یوې ولسي ناستې ته ویلي؛ هیچا ته اجازه نشته، چې د ډیموکراسۍ، قومي تعصب او تېرو شل کلنو لاسته راوړنو د ملاتړ پر پلمه د اسلامي امارت پر ضد ودریږي او که هرڅوک داسې کوم ګام پورته کړي؛ وبه ځپل شي.

د هېواد لوی درستیز قاري فصیح الدین فطرت څرګنده کړې؛ افغانستان به په راتلوونکي کې داسې یو پیاوړی او منظم پوځ ولري، چې په خپلواکه توګه د هېواد له خاورې دفاع وکړي.

قاري فصیح الدین فطرت وایي، چې د پوځ پر جوړښت خبرې او مشورې روانې دي.

دی ټینګار کوي؛ د پوځ منسوبین باید داسې وروزل شي؛ چې وکړای شي له افغانستان دفاع وکړي.

نوموړي زیاته کړې: هغه کسان، چې د امنیت د ګډوډولو او کورنۍ جګړې د پیل په هڅه کې دي؛ وبه ځپل شي.

د ناستې برخوالو هم د افغانستان د خلکو پر یووالي ټینګار کړی دی.

د اسلامي امارت غړي قاري جمال الدین ویلي؛ خلک باید متحد شي او له نظامه ملاتړ وکړي، چې هېواد ودان کړو.

په بدخشان کې د اسلامي امارت مفتي عبدالقدیر غفوري ویلي؛ له اسلامي امارت څخه مو هیله داده، چې بریالیتوب لپاره د نفاق او بدبینئ مخه ونیسي.

د یادونې ده، چې افغانستان څه باندې درې نیم سوه زره وسلوال ځواکونه درلودل، چې د طالبانو لخوا د واک له نیول سره دړې وړې شول. اوس روښانه نده، چې آیا په نوي جوړېدونکي پوځ کې به له دوی کار واخیستل شي او که نه؟!

Continue Reading

Trending

آریانا نیوز: ټول حقونه خوندي دي