Connect with us

تازه خبرونه

خلیلزاد په افغانستان کې سوله د مرکزي آسیا په ګټه بولي

Ariana News

خپور شوی

 په

(Last Updated On: July 3, 2020)

د افغانستان د سولې لپاره د امریکا ځانګړی استازی زلمی خلیلزاد په دې هېواد کې د سولې او ثبات خوندي کیدل د مرکزي آسیا لپاره هم ګټور او اړین بولي.

نوموړي د خپلو سفرونو په لړ کې تېره ورځ د مرکزي آسیا له بهرنیو چارو وزیرانو سره د افغانستان د سولې د سیمې د نښلیدو او د یو سیمه ییز صندوق د جوړیدو په اړه خبرې اترې کړې دي.

زلمي خلیلزاد په خپلو یو لړ تویتونو کې په ډاګه کړې، چې: شکند  ته په سفر کې مو د ازبکستان د بهرنیو چارو وزیر کاملوف او ځانګړي‌ استازي ارګاشف په ګډون د تاجکستان، ترکمنستان، قزاقستان، قیرغیز جمهوریت  بهرنیو چارو وزیرانو د سمې د  دوې او پراختیا په اړه خبرې کړې دي.

د امریکا د سولې استازي دغه راز څرګنده کړې: یو باثباته او سوکاله افغانستان په منځنۍ آسیا کې د سیمیزې سولې، امنیت او سوکالې لپاره اړین دی. همدارنګه یوه منځنۍ آسیا، چې له ځواکمنو او خپلواکو دولتونو جوړه وي او له افغانستان سره په ګډه د سویلیزې آسیا د نښلولو لپاره کار وکړ؛ د سیمې سوداګریزې اړیکې ورسره پراختیا کوي او دا به د ټولو لپاره ګټوره وي.

نوموړي زیاته کړې؛ دغه راز مونږ په هر هېواد کې د پانګه ونې او د پولو پر شاوخوا د اړینو فرصتونو په اړه وغږیدو. مونږ دغه راز پدې هم غور وکړ، چې د سیمې د ودې او پانګونې لپاره یو ګډ صندوق ته اړتیا ده او مونږ یې پانګونې ته چمتو یو.

زلمي خلیلزاد له مرکزي آسیا سره ګډه همکاري ستایلې او وایي: مونږ اړتیا لرو، چې د افغانانو له خپلمنځي خبرو وروسته د سیاسي همغږۍ د هڅونې لپاره ګډ کار وکړو. اوس د ګډ اقتصادي لوري، د سیمې نښلولو او یووالي لپاره کار پیلیږي.

هغه ټینګار کړی، چې یو باثباته او هوسا افغانستان د مرکزي آسیا د سولې، امنیت او هوساینې لپاره اړین دی. دغه راز یوه ځواکمنه، خپلواکه او د یووالي لرونکې مرکزي اسیا، چې له افغانستان سره په ګډه د سویلي آسیا د نښلولو لپاره کاروکړي نه یوازې د سیمي، بلکې د امریکا لپاره هم ګټه لري.

هغه د سفر په دې پړاو کې د سولې او ثبات لپاره د سیمه ییزې اجماع د را څرګندولو لپاره هڅې پیل کړې او د افغانستان د سولې په اړه یې له پاکستانیو مرانو سره خبرې کړي او تمه ده، چې له افغان چارواکو سره ويدیوي خبرې ولري.

تازه خبرونه

د طالبانو بې پیلوټه الوتکو پر پامیر ۲۱۷ قول اردو بمونه غورزولي

Ariana News

خپور شوی

په

توسط

(Last Updated On: January 16, 2021)

د پامیر ۲۱۷ قول اردو قومندان ویلي، چې الوتکو په قول اردو کې د ننه د فوټبال پر ډګر بمونه وغورزول؛ خو چاته یې زیان ونه رساوه او نږدې نیم ساعت پر قول اردو وګرزېدې.

په تېرو شل کلونو کې افغان – امریکايي سرتېرو د وسلوالو طالبانو د وژلو لپاره له بې پيلوټه الوتکو کار اخیسته؛ خو اوس طالبانو دا ډول وړې الوتکې خپلې کړي او پر افغان ځواکونو بریدونه کوي.

په کندوز کې  د پامیر ۲۱۷ قول اردو مسوولینو څرګنده کړې، چې نن سهار( د مرغومي ۲۶) د طالبانو دوه بې پيلوټه الوتکو د قول اردو پر سر نیم ساعت پروازونه وکړل او په قول اردو  کې د ننه یې د فوټبال په ډګر کې دوه بمونه وغورځول. په دغه بمبارد کې افغان سرتېرو ته زیان ندی اوښتی.

دغه راز طالبانو په کندوز کې پر افغان سرتېرو ځمکني وسلوال بریدونه هم کړي دي.

د کندوز د سرحوزې په اړوند سیمه کې وسلوالو طالبانو د افغان ځواکونو دولس سرتېري وژلي او پېنځه یې ټپیان کړي او لس یې له ځانه سره لېږدولي دي.

د کندوز د ولایتي شورا مشر محمد یوسف ایوبي ویلي؛ د دې ولایت په امام صاحب ولسوالۍ کې هم د طالبانو په برید کې لس سرتېري وژل شوي او همدومره نور یې ټپیان کړي دي.

د غزني د والي ویاند وحید الله جمعه زاده ویلي طالبانو د غزني د ناکراره ولایت په اندړ ولسوالۍ کې له چاودیدونکیو توکو ډک موټر ته چاودنه ورکړې، چې یو ولسي وګړي یې وژلی او اووه سرتېري پپیان دي.

د نوموړي د څرګندونو له مخې، طالبانو د غزني پر پېنځه نورو سیمو هم وسلوال بریدونه کړي دي.

د ملي دفاع وزارت د ویاند مرستیال فواد امان وايي، چې په غزني کې له موټر بم برید وروسته افغان سرتېري او طالبان په نښته کې ښکېل شول، چې د هوايي ځواک پر ملتیا یې طالبان شاتګ ته اړ کړل او اته طالبان ووژل شول.

په وروستیو کې وسلوالو طالبانو د افغان پوځ او پولیسو پر مرکزونو بریدونه ډېر کړي دي.

د پوځ پخوانی لوی درستیز شېرمحمد کریمي ویلي، چې طالبان غواړي له دې سره په دوه یم پړاو خبرو کې امتیاز واخلي.

له بدخشان، تخار او کندهاره هم د جګړو راپورونه تر لاسه شوي، چې په کې افغان سرتېرو او طالبانو ته تلفات اوښتي دي.

Continue Reading

تازه خبرونه

د امریکايي سرتېرو له وتو وروسته طالبان د حکومت نیولو هڅه کوي- حمدالله محب

Ariana News

خپور شوی

په

توسط

(Last Updated On: January 15, 2021)

د افغانستان د ملي امنیت سلاکار حمدالله محب په ډاګه کړې؛ طالبان پر خبرو وخت ضایع کوي او پر زور واک ته د رسیدو نیت لري.

په دوحه کې د طالبانو او امریکا د هوکړې له مخې؛ تر راتلونکیو څلور میاشتو په افغانستان کې د نړیوالو سرتېرو شمېر صفر کیږي. د افغانستان د ملي امنیت شورا سلاکار ويلي، چې طالبان له افغانستان څخه د نړیوالو سرتېرو وتو ته شېبې شماري او غواړي پر وچ زور حکومت ونیسي.

د بي بي سي آزادې جرګې په پروګرام کې حمدالله محب ویلي، چې که د سولې خبرې ناکامې شي، دولت له طالبانو سره جګړې ته چمتو دی.

د ملي امنیت شورا سلاکار حمدالله محب په ډاګه کړې: تر دې دمه، چې مونږ ګورو طالبان پر خبرو وخت ضایع کوي او په دې فکر کې دي، چې د بهرنیو ځواکونو له وتلو وروسته به دوی ته د پر زور د حکومت نیولو موکه تر لاسه شي او دلته پرزور خپل حاکمیت جوړ کړي؛ خو دا عملي نده.

له بلې خوا له دوحې ترلاسه شوي راپورونه ښیي؛ د طالبانو د مرکچي پلوي غړي ټول دوحې ته رسیدلي او داسې ښکاري، چې په راتلونکې اوونۍ کې به د اجندا پر سر خبرې بیا پیل شي.

په پاکستان کې آزاد خبریال طاهر خان ویلي؛ د هغو ستنېدل په دې معنا دي، چې خپلمنځي خبرې روانې دي اوکومه دمه رامنځته شوې نده؛ خو ستونزې پاتې دي.

په دوحه کې دوه یم پړاو خبرې د اجندا پر ځانګړي کولو راټولې شوي او ویل کیږي، چې د دواړو خواوو تر منځ د نظر ډېر واټن دی.

پخوانی طالب چارواکی سیداکبر آغا په دې اند دی، چې: فکر کوم، چې طالبان پر اسلامي دولت خبرې غواړي او حکومت هم پر اوربند ټینګار کوي؛ دا به ل. څه ستونزمنه وي؛ ځکه د دواړو تر منځ واټن ډېر دی.   

څه باندې یوه اوونۍ مخکې په دوحه کې دوه یم پړاو خبرې د تخنیکي ډلو لخوا پیل شوې او تر دې دمه یې درې غونډې کړي؛ خو د اجنډا پر سر هوکړې ته ندي رسیدلي.

د افغانستان جمهوریت پلوي پلاوي طالبانو ته روښانه کړې، چې لومړی غواړي پر اوربند خبرې وکړي؛ خو تر اوسه طالبانو په رسمي توګه د خپل لومړیتوب خبره نده کړې.

طالبانو هم ویلي، چې په دوحه کې د دواړو خواوو غونډې؛ ځکه هره ورځ نه کیږي، چې اوس د تخنیکي ډلو لخوا خبرې روانې دي.

Continue Reading

تازه خبرونه

په افغانستان کې د امریکایي ځواکونو شمېر ۲۵۰۰ راټیټ شو

Ariana News

خپور شوی

په

توسط

(Last Updated On: January 15, 2021)

د امریکا دفاع چارسمبالي کریسټوفر میلر نن جمعه(د مرغومي ۲۶) منلې، چې په افغانستان کې د امریکایي ځواکونو شمېر ۲۵۰۰ ته راټیټ شوی دی.

د امریکا او طالبانو ترمنځ په افغانستان کې د سولې رامنځته کولو تړون، چې د تېرکال د فبرورۍ پر ۲۹ لاسلیک شوی دی؛ په ډاګهړ کوي، چې د امریکایي ځواکونو شمېر به د روان کال په می میاشت کې صفر شي.

د امریک د دفاع وزارت په خبرپاڼه کې د میلر د څرګندونو له مخې په ډاګه شوې؛ امریکا دمګړۍ په افغانستان کې د جګړې پای ته رسیدو ته نږدې شوې ده.

کرسټوفر میلر ویلي: امریکا نن له هر وخت ډېره د دوه لسیزو جګړو پای ته نږدې شوې او د افغانانو په مشرۍ د سولې خبرې به هم  سیاسي هوکړې او تلپاتي اوربند  ته ورسیږي.

دغه راز میلر ټینګار کړی، چې امریکا به د ناټو له متحدینو سره د افغان امنیتي ځواکونو مرسته او ملاتړ روان ساتي، چې افغانستان بیا د ترهګرو لپاره خوندي ځای نشي.

د امریکا دفاع وزارت د څرګندونو له مخې؛ شرایط  له طالبانو سره د سولې راوستلو په تړون کې او د افغانستان له حکومت سره د ګډې اعلامیې پر بنسټ روښانه شوي دي.

میلر په پای کې څرګنده کړې: مونږ امریکایان به د ډاډ ترلاسه کولو لپاره هڅې روانې ساتو؛ ځکه، چې مونږ د امریکا او خپلو خلکو د ګټو ساتنه کوو.

دا په داسې حال کې ده، چې د بریټانیا ولسي جرګې او دفاعي کمیټې له امریکا او ناټو غوښتي، چې تر هغې دې له افغانستان څخه خپل سرتېري نه باسي، چې د سولې خبرې پای ته ونه رسیږي.

Continue Reading

Trending

آریانا نیوز. کلیه حقوق محفوظ است