Connect with us

تازه خبرونه

خلیلزاد له پاکستانیو چارواکو سره د سولې پر بهیر خبرې وکړې

خپور شوی

 په

(Last Updated On: کب ۱۸, ۱۳۹۹)

د افغان سولې لپاره د امریکا ځانګړي استازي زلمي خلیلزاد، په افغانستان کې د امریکا او ناټو ځواکونو عمومي قومندان جنرال سکاټ میلر او ورسره پلاوي یې د پاکستان پوځ له لوی درستيز جنرال جاوید قمر باجوه سره د سولې پر هر اړخیز بهیر خبرې کړې دي.

د پاکستان پوځ ويلي، چې په دې خبرو کې د افغانستان پر سوله، سیمه ییز امنیت او دوه اړخیزو همکاریو هم خبرې شوې دي.

د پاکستان پوځي مشر باجوه زیاته کړې، چې خلیلزاد د افغانستان د سولې په بهیر کې د پاکستان له هڅو ستاینه کړې ده.

تر دې مخکې خلیلزاد له افغان سیاستوالو او طالبانو سره د سولې د انتقالي حکومت پر جوړولو او د افغانستان د سولې بهیر پر ګړندي کولو خبرې کړې دي.

خلیلزاد له افغان چارواکو سره له کتنې وروسته دوحې ته سفر وکړ او له طالب مشرانو سره یې د سولې پر بهیر خبرې وکړې.

خلیلزاد د خپلو سفرونو په لړ کې نن اسلام آباد ته ورسید او ټاکل شوې، چې د سیمې نورو هېوادونو ته به هم سفر وکړي.

په افغانستان کې د سولې د راوستلو هڅې مخ پر زیاتیدو دي؛ ځکه، چې امریکا په افغانستان کې د انتقالي ادارې د رامنځته کولو په لټه کې دي، چې له کورنیو غبرګونونو سره مخ شوی دی.

 د افغان ولسمشر اشرف غني لومړی مرستیال امرالله صالح ويلي، چې په دې لیک کې امرانه سوله غوښتل شوې او دی به د امام حسین په څېر مخالفت ته دوام ورکړي او له دې سولې غوره ده، چې د پاکستان یا طالبانو ګولۍ پر ټټر وخوري.

تازه خبرونه

India hosting key SCO anti-terror meeting

خپور شوی

په

توسط

(Last Updated On: غویی ۲۶, ۱۴۰۱)

The Shanghai Cooperation Organisation’s (SCO) anti-terror body Regional Anti-Terrorist Structure (RATS) representatives came together Monday for the start of a three-day meeting in New Delhi.

Among those attending is a three-member Pakistani delegation that arrived in India on Saturday via the Wagah border.

The situation in Afghanistan and the worsening humanitarian crisis in the country is expected to be on the agenda.

According to Indian media reports, New Delhi is also expected to raise issues regarding the security situation in Afghanistan.

The RATS is the Executive Committee of the SCO, headquartered in Tashkent, Uzbekistan, which is a permanent unit of the organisation which serves to promote cooperation of member states against terrorism, separatism and extremism.

Continue Reading

تازه خبرونه

د نجونو پاتې ښوونځي به ډېر ژر له نوي میکانیزم سره پرانیستل شي

خپور شوی

په

توسط

(Last Updated On: غویی ۲۶, ۱۴۰۱)

د اسلامي امارت ویاند ډاډ څرګند کړی، چې د نجونو پاتې ښوونځي به هم ډېر ژر له یوه نوي میکانیزم سره پیل شي.

د اسلامي امارت ویاند ذبیح الله مجاهد د نجونو د منځنیو ښوونځیو او عالي لیسو د درسونو د پیل زېری وړاندې کړ او ټینګار کوي، چې د نجونو ښوونځي به ډېر ژر د یوه نوي میکانیزم پر مرسته بېرته پرانیستل شي.

د پوهنې وزارت پخوانيو چارواکو ويلي، اسلامي امارت عملاً د ښوونځیو د تړلو پر وړاندې د خلکو زغم ویني او نړیواله ټولنه هم د نجونو د ښوونځیو پر بیا پرانستلو ټینګار کوي؛ ځکه، نو دا ستونزه باید ژر تر ژره حل شي.

د پوهنې وزارت پخواني مرستیال صدیق پتمن ویلي؛ طالبان( اسلامي امارت ) بریالی کیږي، چې په یوه ورځ کې ښځو ته د حجاب طرحه وړاندې کړي؛ خو په ۹ میاشتو کې نشي کولی د ښوونځیو د پرانستلو طرحه وړاندې کړي. خلک او نړیواله ټولنه دا موضوع هیرولی نشي.  

د کابل اوسیدونکی سراج الدین ویلي، چې اسلامي امارت د هغو میلیونونو نجونو د تمې شېبې اوږدې کړي، چې ښوونځیو ته له تګه بې برخې شوې دي.

کارپوهان پدې باور دي، چې د نجونو د ښوونځیو پرانیستل کولی شي له اسلامي امارت سره د نړۍ د تعامل لاره اواره کړي.

Continue Reading

تازه خبرونه

ازبکستان به د افغانستان په اړه د نړیوال کنفرانس کوربه وي

خپور شوی

په

توسط

(Last Updated On: غویی ۲۶, ۱۴۰۱)

د ازبکستان د بهرنیو چارو لنډمهالي وزیر ولادیمیر نوروف څرګنده کړې، چې تاشکند به د روان زېږدیز کال د جولای په پای کې د افغانستان په اړه د یوې لوړې کچې نړیوال کنفرانس کوربه وي.

ولادیمیر نوروف زیاته کړې، چې دا نړیوال کنفرانس به د سیمې د امنیت، سیاسي ثبات او ټولنیز-اقتصادي پرمختګ راوڅرخیږي.

نوموړي ویلي؛ له بده مرغه مونږ د دې هېواد( افغانستان) وضعیت ته د نړیوالې ټولنې د پام کمښت وینو؛ وضعیت ستونزمن دی، اقتصادي بحران او ستونزمن بشري وضعیت د سیمې امنیت او ثبات اوس هم ننګوي.

تاشکند ټایمز راپور ورکړی، چې نوروف احساس کړی، چې نړیواله ټولنه باید د افغانستان د اوسني او راتلونکي مسوولیت په غاړه واخلي او په دغه هېواد کې د ستونزو د حل لپاره مرستې روانې وساتي.

د دغه راز نړیوال کنفرانس په اړه تر دې دمه اسلامي امارت څه ندي ویلي؛ خو د اسلامي امارت ویاند ذبیح الله مجاهد تېره ورځ ټویت کړی، چې د افغانانو کورني مسایل پر افغانانو پورې اړه لري او که څوک د افغانستان له سیاسي جوړښت سره تړلیو مسایلو په اړه ملاحظه لري؛ باید له افغانستان سره ګډه همکاري او د سوداګریزو اړیکو د پراخولو لپاره هڅې وکړي.

Continue Reading

Trending

Copyright © 2022 Ariana News. All rights reserved!