Connect with us

تازه خبرونه

خلیلزاد د خپلمنځي خبرو پیلولو لپاره ګړندۍ هڅې پیل کړي

خپور شوی

 په

(Last Updated On: غبرګولى ۱, ۱۳۹۹)

د سولې په چارو کې د امریکا ځانګړي استازي له تېرو دوه ورځو راپدیخوا له طالبانو او افغان چارواکو سره د خپلمنځي یا بین الافغانی خبرو لپاره خپلې هڅې روانې ساتلې دي.

د سولې په چارو کې د امریکا د بهرنیو چارو وزارت ځانګړي استازي زلمي خلیلزاد په دوحه او کابل کې له طالب استازیو او افغان چارواکو سره په دې هیله لیدلي، چې د افغانانو تر منځ خبرې له ځنډ او خنډ پرته ژر تر ژره پیل شي.

زلمي خلیلزاد په ډاګه کړې، چې د قطر په دوحه کې یې له ملا برادر او د طالبانو د سیاسي کمیسیون له غړیو سره درې رغنده غونډې درلودې او یو ځل بیا یې د ترهګرۍ خلاف ژمنو، بین الافغاني مذاکراتو، د ځواکونو وتلو او پر تدریجي اورکم، چې تلپاتې اوربند ته وغزیږي، ټینګار کړی دی.‌

هغه دغه راز څرګنده کړې؛ د تاوتریخوالي په اړه، مې طالبانو ته وویل، چې تاوتریخوالی باید د ټولو خواوو لخوا راکم شي؛ ځکه دې جګړې بېګناه افغانان خورا ډېر او له اوږدې مودې کړولي دي.

هغه دغه راز ټینګار کړی، چې طالبانو د سولې راوستلو د هوکړه لیک پر پلي کیدو ډاډ څرګنده کړی دی.

په قطر کې د طالبانو د سياسي دفتر ویاند او غړي سهیل شاهین منلې، چې طالب مرستیال او د سیاسي دفتر مشر ملا برادر اخند او ورسره پلاوي یې د ډاکټر خلیلزاد له پلاوي سره څو پرله پسې غونډې کړي، چې په کې د سولې د بهیر په چټکولو تفصیلي خبرې شوې دي.

نوموړي زیاته کړې، چې ملا برادر اخند ویلي؛ د افغانستان د مسئلې حل د هوکړې په بشپړ تطبیق کې دی او د بندیانو خلاصون به د بین الافغاني مذاکراتو پیل ته زمینه برابره کړي.

د شاهین د څرګندونو له مخې؛ د سولې راوستلو له هوکړې پرته نور میکانیزمونه د سولې په بهیر کې د خنډ جوړولو معنا لري او اوس یې هم د سولې بهیر ته زیان رسولی، نور ځنډ دېر زیان رسولی شي.

تېره ورځ زلمي خلیلزاد په کابل کې له دوه پخلا شویو سیاستوالو هر یو ولسمشر غني او د ملي پخلاینې عالي شورا له مشر عبدالله عبدالله سره په لیدنه کې ویلي، چې مونږ د دوی د هوکړې د نورو پړاوونو په اړه، چې ورته اړتیا ده؛ خبرې اترې کړي دي. د سولې په اړه مو ونله، چې د تاوتریخوالي کچه خورا لوړه ده او اړتیا ده، چې ټولې خواوې د تاوتریخوالي کچه راټیټه کړي.

هغه دغه راز ټینګار کړی، چې مونږ د امریکا او طالبانو د سولې راوستلو د هوکړه لیک او د افغانستان د حکومت او امریکا د ګډې هوکړې د ژمنو د نورو برخو لکه د بندیانو خلاصولو، خپلمنځي خبرو، اورکم  او په پای کې پر اوربند  خبرې اترې تر سره کړې دي.

دا په داسې حال کې ده، چې چین، روسیې او ایران هم په افغانستان کې د خپلمنځي خبرو پر پیلولو ټینګار څرګند کړی او د چین د بهرنیو چارو وزارت ویاند ژایو لیجیان ویلي: مونږ هیله لرو، چې خپلمنخي خبرې به ډېر ژر پیل شي او مثبتې پایلې به ولري. چین د افغانستان د سولې په بهیر کې له ښکېلو خواو سره د اړیکو او همغږۍ په پیاوړي کولو کې رغنده رول لوبولی شي.

تازه خبرونه

هېوادونه باید د افغانستان له بې ثباتۍ څخه د ځان په ګټه کار وانخلي – هند

خپور شوی

په

توسط

(Last Updated On: تله ۵, ۱۴۰۰)

د هندې لومړي وزیر نریندرا مودي د ملګرو ملتونو په عمومي غونډه کې ویلي؛ نړۍ باید ډاډ تر لاسه کړي؛ ځکه، چې اوس هم ځينې هېوادونه له ترهګرۍ څخه د وسیلې په توګه کار اخلي.

د ملګرو ملتونو په عمومي غونډه کې د افغانستان پر مسایلو د نړۍ مشرانو د خبرو په لړ کې د هند لومړي وزیر نریندرا مودي ویلي، چې د افغانستان له بې ثباتۍ څخه باید هیڅ هېواد د ځان په ګټه کار وانخلي.

د هند لومړی وزیر نریندرا مودي: دا ډېره اړینه ده، چې نړۍ د افغانستان له خاورې د ترهګرۍ د پراختیا او ترهګریزو بریدونو څخه د کار له نه اخیستنې څخه ډاډ تر لاسه کړي.

مودي په افغانستان کې د روان وضعیت په اړه ویلي؛ ښځې، ماشومان او لږکي بېړنیو مرستو ته اړتیا لري او نړۍ دنده لري، چې هغوی ته مرستې ورسوي.

نوموړي زیاته کړې؛ افغانان، ښځې ماشومان او لږکي بېړنیو مرستو ته اړ دي. مونږ باید خپله دنده پر ځای کړو او له هغوی سره مرسته وکړو.

دغه راز روسیې ویلي، چې تر اوسه هیڅ هېواد د طالبانو د رسمیت پېژندلو په اړه غور ندی کړی.

د ملګرو ملتونو عمومي غونډې ته د روسیې د بهرنیو چارو وزیر سرګي لاوروف په ډاګه کړې، چې نړۍ باید د افغانستان نازک شرایط درک کړي او له دې هېواد سره بشردوستانه مرستې سیاسي نکړي.

نوموړي زیاته کړې؛ په افغانستان، سوریه، لیبیا، یمن او نورو سیمو کې ښکېل بهرنیان باید د دې هېوادونو تمدن او فرهنګ ته په کتو چلند غوره کړي. د بشري مرستو سیاسي کولو پر ځای باید د یوه غښتلي ګډون او مرستو لپاره لاس ورکړو.

دا په داسې حال کې ده، چې د البانیا ولسمشر د ملګرو ملتونو عمومي غونډې ته په خبرو کې ویلي؛ افغانان باید په اوسنیو شرایطو کې یوازې پرینښودل شي او د تېرو شل کلونو لاسته راوړنې باید وساتل شي.

Continue Reading

تازه خبرونه

په افغانستان کې ۱۴ میلیون خلک د خواړو خوندیتوب نلري

خپور شوی

په

توسط

(Last Updated On: تله ۴, ۱۴۰۰)

د ملګرو ملتونو د خواړو نړیوالې ټولنې (ډبلیو اچ او) په افغانستان کې د لوږې او بېوزلۍ پر دېرېدونکي وضعیت اندېښنه په ډاګه کړې او څرګندوي، چې دا مهال په دې هېواد کې ۱۴ میلیون خلک د خواړو خوندیتوب نلري.

د خواړو نړیوالې ټولنې ويلي، چې افغانان له پوره بېوزلۍ او لوږې سره مخ دي او درې وخته ډوډۍ نلري.

د دې سازمان په تازه راپور کې راغلي، چې یوازې پېنځه په سلو کې افغانان د اړتیا وړ خواړه لري او پاتې نور له بېوزلۍ سره مخ دي.

د خواړو نړیواله ټولنه څرګندوي؛ ډېرو لوستو او تحصیل لرونکیو افغانانو په وروستیو میاشتو کې دندې له لاسه ورکړي او د خواړو بیې هم لوړې شوي، چې له کبله یې خلک له سختې لوږې سره مخ شوي دي.

د ملګرو ملتونو د وګړيو صندق اجرائيه مدیر د فرانسې له خبرې آژانس سره په خبرو کې ویلي، چې له یوې خوا ژمی په را رسیدو دی او له بلې خوا د طالبانو له حاکمیت سره د مرستې رسونې چارې زیانمنې شوي، چې له کبله یې افغانستان له بېوسۍ سره مخ کیدونکی دی.

نوموړي زیاته کړې؛ مبالغه به نه وي، چې وویل شي له درې څخه یوه برخه افغانان خواړه نلري.

د خواړو نړیوالې ټولنې ویلي، چې د روان میلادي کال تر پایه په افغانستان کې له لوږې سره د مبارزې لپاره ۲ سوه میلیون او د راتلونکي کال د درې میاشتو لپاره درې سوه میلیون ډالرو ته اړتیا ده.

د ملګرو ملتونو د څرګندونو له مخې؛ د مرستندویه ټولنو او بنسټونو د کار مخه نه نیسي او د مرستو په لیږد کې ورسره مرسته هم کوي.

له دې مخکې ملګرو ملتونو خبرداری ورکړی و، چې اتلس میلیون افغانان بېړنیو بشري مرستو ته اړتیا لري.

Continue Reading

تازه خبرونه

بهرني هوایي شرکتونه کولی شي نړیوالې الوتنې بیا پیل کړي – اسلامي امارت

خپور شوی

په

توسط

(Last Updated On: تله ۴, ۱۴۰۰)

د افغانستان اسلامي امارت د یکشنبې پر ورځ د تلې ۴ / د سپټمبر ۲۶ څرګنده کړې، چې د کابل په هوایي ډګر کې ټولې تخنیکي ستونزې حل شوي او بهرني هوایي شرکتونه کولی شي سوداګریزې الوتنې بیا پیل کړي.

د بهرنیو چارو وزارت په خپره شوې خبرپاڼه کې راغلي؛ د کابل هوايي ډګر اوس د هر راز پروازونو لپاره بشپړ چمتو شوی دى.

د بهرنیو چارو وزارت ویاند عبدالقهار بلخي زیاته کړې؛ اسلامي امارت له هغو هېوادونو، چې پخوا يې کابل ته الوتنې لرلې د پخوا په څېر خپلې الوتنې پیل کړي، چې د بند پاتې او نورو مسافرو  ستونزې حل شي.

د بهرنیو چارو وزارت په دې اړه ټولو شرکتونو ته د پوره همکارۍ ډاډ ورکوي.

دا په داسې حال کې ده، چې د اسلامي امارت له راتګ او د بهرنیو ځواکونو له وتلو وروسته کابل ته ټولې نړیوالې سوداګریزې الوتنې درېدلې وې.

Continue Reading

Trending

آریانا نیوز: ټول حقونه خوندي دي