Connect with us

تازه خبرونه

خلیلزاد د استانبول د ناستې په درشل کې د خبرو لپاره کابل ته راغلی

خپور شوی

 په

(Last Updated On: وری ۲۱, ۱۴۰۰)

د افغانستان د سولې لپاره د امریکا ځانګړی استازی زلمی خلیلزاد د شنبې پر ورځ له غرمې مخکې د  پخلاینې عالي شورا د مشر عبدالله عبدالله او د دې شورا له مشرتابه سره د افغان سولې پر وروستیو پرمختګونو بحث او خبرې وکړې.

د خلیل زاد دغه سفر د استانبول له غونډې مخکې تر سره کیږي، چې ټاکل شوي د روانې میاشتې په وروستیو کې پیل شي.

د سرچینې د څرګندونو له مخې؛ خلیلزاد به له لوړ پوړیو مشرانو سره د سولې بهیر پر وروستيو پرمختګونو او د ترکیې په کنفرانس کې د افغانستان د جمهوري ریاست د سولې لار پر طرحه هم خبرې وکړي.

خلیلزاد به له ولسمشر محمد اشرف غني سره هم وګوري.

د امریکا لخوا د وړاندیز شوې او د ملګرو ملتونو تر مشرۍ لاندې د استانبول په غونډه کې به د افغان حکومت مشران او سیاستوال له طالب استازیو سره وګوري او له نړیوالو شریکانو سره به په هېواد کې سیاسي جوړجاړي ته د لارې پر نقشه بحث او خبرې وکړي.

د ترکیې سرمشریزې لپاره رسمي نېټه نده اعلان شوې؛ خو ځینو سرچینو ویلي، چې کیدی شي د اپریل پر ۱۶ جوړه شي.

دا په داسې حال کې ده، چې ولسمشر اشرف غني، عبدالله او یو شمېر نور سیاستوال د سولې پر وړاندیز کار کوي، چې په سرمشریزه کې به وړاندې شي.

تېره اوونۍ د ملي پخلاینې مشرتابه کمېټې بېلابېل وړاندیزونه او طرحې راټولې کړي، چې یوه ګډه طرحه د استانبول ناستې ته وړاندې شي.

د پنجشنبې پر ورځ له بي بي سي سره په یوه مرکه کې د ولسمشر لومړي مرستیال امرالله صالح ومنله، چې د افغانستان جمهوریت به په سرمشریزه کې یوه ګډه طرحه وړاندې کړي.

صالح ویلي، چې د جمهوري ریاست طرحه، چې ټاکنې په کې شاملې دي او د سولې لپاره سیمه ییز او نړیوال تضمین غواړي او ډاډ ورکوي، چې داسې معاملې ونشي، چې یوې ډلې ته ټول واک وسپارل شي.

صالح ټینګار کړی، چې د جمهوري ریاست د سولې پلان هر اړخیز دی.

دا په داسې حال کې ده، چې نوموړی څرګنده کړې: حکومت سولې ته د رسېدو لپاره خنډونه نه، بلکې  آسنتیاوې رامنځته کوي؛ خو نه پرېدي، چې اساسي قانون تر پښو لاندې شي.

تازه خبرونه

په پکتیا کې پر کرنیزه ځمکه له شخړې ۴ وروڼو ته مرګ و ژوبله اوښتې

خپور شوی

په

توسط

(Last Updated On: وږی ۲۹, ۱۴۰۰)

د پکتیا په مرکز ګردېز کې د ځمکې پر سر له شخړې درې وروڼه وژل شوي او څلورم مرګونی ټپي دی.

تېر ماښام د ګردېز په شکر خېلو کلي کې د تره زامنو لخوا د ځمکې پر ملکيت ۳ وروڼه ووژل شول او څلورم يې مرګونی ټپي دی.

د سيمې خلک او خپلوان يي له طالبانو غواړي، چې قاتلینو ته دې سخته سزا ور کړ شي.

د ګردېز د لومړۍ امنيتي حوزې آمر مولوي همت وايي؛ دغه پېښه د ګردېز په شکر خېلو کلي کې د دوه کورنیو تر منځ له لفظي شخړې ورسته را منځته شوې او ډاډ ور کوي، چې د اړوند کورنۍ ځینې غړي يې نیولي او د نورو د نيولو هڅې روانې دي، چې له نيولو وروسته به یې عدلي او قضايي ارګانونو ته وسپارل شي.

همت زياتوي، چې د وژل شویو درې وروڼو قاتلین به له نیولو ورسته عدلي او قضایي ارګانونو ته وسپاري او قانوني چلند به ورسره وشي.

ويل کېږي، له تېرو څو ورځو راپدیخوا د پکتيا په ځاځي اريوب ولسوالۍ کې هم د دوه قبيلو ترمنځ پر کرنیزه ځمکه شخړه شوې او يو بل ته ګوته په ماشه ناست دي. خلک له ولايتي چارواکو او قومي مشرانو غواړي، چې ياده ستونزه د خبرو له لارې اواره کړي.

Continue Reading

تازه خبرونه

د ښاري خدمتونو او عوایدو راټولولو عملي چارې پیل شوي – کابل ښاروالي

خپور شوی

په

توسط

(Last Updated On: وږی ۲۹, ۱۴۰۰)

کابل ښاروالۍ ویلي، چې د ښاري خدمتونو، عوایدو راټولولو او غصب شویو ځمکو د راګرزولو لپاره یې عملي چارې پيل کړي دي.

د کابل ښاروالۍ چارسمبالي مولوي حمدالله نعماني ویلي؛ له لارو څخه د سمنټې دیوالونو د لرې کولو کار روان دي، پخپل سر د لوړو ودانیو جوړول او د ځمکو غصب هغه ستونزې دي، چې دوی یې د حل لپاره کار کوي.

د کابل ښاروالۍ چارسمبالي مولوي حمدالله نعماني ویلي: د ودانیو او ځمکو د غضب په اړه د فساد څېړل او اړوند پېښو ته لاسرسی روان دی. دغه کار به د فرصت غوښتونکیو دبدې ګټې اخیستنې لپاره د ټولو ادارو تر کار پیلولو ځنډیدلی وي او له قانون سرغړونې به هم وڅېړل شي.

مولوي نعماني ويلي، چې د سیاسي وضعیت له بدلیدو سره له سلو د ډېرو پروژو چارې درېدولي او دوی یې له تمویلوونکیو سره په اړیکه کې دي، چې دا پروژې بشپړې کړي؛ خو تر دې دمه یې په دې اړه څه ندي ویلي.

د مولوي نعماني د څرګندونو له مخې؛ د ښار په بېلا بېلو برخو کې له لارو او واټونو څخه د سمنټي دیوالونو د لرې کولو کار روان دی او تر بشپړیدو به دوام پیدا کړي.

نوموړی وایي: مونږ د امنیتي بنسټونو له شاوخوا سمکنټي دیوالونه، چې ښار یې بدرنګه کړی د لرې کولو سپارښتنه کړې او که یې لرې نکړي؛ مونږ یې لرې کوو او د ښاروالۍ لګښت ترې اخلو.

په تېر حکومت کې د ځمکو غصب او پخپلسر د لوړو دانیو جوړول هغه ستونزې وې، چې حکومت یې په منخیوي کې پاتې راغلی و. دا، چې اسلامي امارت به دا ستونزه څنګه حل کړي؛ وخت به یې ځواب ووايي.

Continue Reading

تازه خبرونه

په افغانستان کې باید د اقتصادي سقوط مخه ونیول شي – انټوني گوترش

خپور شوی

په

توسط

(Last Updated On: وږی ۲۸, ۱۴۰۰)

د ملګرو ملتونو عمومي منشي د افغانستان د راتلونکې په اړه اندېښنه لري او وایي، چې میلیونونه افغانان سمدلاسه خوراکي توکو او درملو ته اړتیا لري.

له افغانستان څخه د اشرف غني له تېښتې او حکومت له سقوط راپدیخوا نړیوال په پرلپسې توګه د افغانستان پر بشري وضعیت، لوږه او انساني بحران اندېښنه ښيي.

د ملګرو ملتونو عمومي منشي انټوني ګوترش وایي: مونږ نه پوهیږو، چې څه به پېښیږي؛ خو که په تماس کې نه وو، ناسم تګلوري به ولرو. په افغانستان کې د ناورین د مخنیوي لپاره مهمه ده، چې مونږ بشري مرستې، خواړه او درمل برابر کړو.

په افغانستان کې د بحران له وېرې د نړۍ هېوادونه؛ ځکه اندېښمن دي، چې دې هېوادونو ته به د کډوالو سیلونه ور روان وي.

د ملګرو ملتونو ټولنې عمومي منشي ویلي، چې ملګري ملتونه په افغانستان کې د داسې حکومت د جوړېدو تمه لري، چې بشري او د ښځو حقونو ته درناوی وکړي.

د ملګرو ملتونو عمومي منشي ويلي، چې د افغانستان راتلونکی روښانه ندی او په اړه یې وړاندویېنه هم ناشونې ده.

که څه هم د طالبانو سرپرسته کابینه نیوکې شته؛ خو طالبان وايي، چې دا کابینه سرپرسته ده او ټولمنلي حکومت جوړولو ته ژمن دي.

نړیواله ټولنه په افغانستان کې داسې پراخ بنسټه حکومت غواړي، چې بشري او د ښځو حقونو ته درناوي وکړي او دا هېواد بیا د ترهګرو په مرکز بدل نشي.

د ملګرو ملتونو عمومي منشي زیاته کړې؛ دا ټولنه له افغانستان سره پدې شرط مرستې کوي، چې بشري او د ښځو حقونو ته درناوي وکړي.

داسې ښکاري، چې اروپايي هېوادونه د افغان کډوالو منلو ته زړه نه ښه کوي.

د یونان لومړی وزیر کیریاکوس میټسوټاکیس وایي:  مونږ خپلې پولې ساتلي او د اروپايي ټولنې پولې مو هم څارلي او دې کار ته دوام ورکوو. زه د یونان د لومړي وزیر په توګه له ترکیې سره د دې ستونزې د حل لپاره همکارۍ ته چمتو یم. ترکیه په دې برخه کې مهمه ونډه لري.

دغه راز د افغانستان د بشر حقونو خپلواک کمیسیون د دغه بنسټ د کار او هڅو په اړه اندېښنه ښودلې او څرګندوي، چې کاري زمینه ورته برابره شي.

دا په داسې حال کې ده، چې طالبانو د هېوادوالو د حقونو پر خوندي کولو ټینګار کړی او اوسنۍ کابینه هم چارسمبالې بولي او د ټولمنلې کابینې د جوړښت ډاډ وړاندې کوي.

Continue Reading

Trending

آریانا نیوز: ټول حقونه خوندي دي