Connect with us

نړۍ

خلک دې حکومت ته د ماليې او برښنا د لگښت له ورکړې ډډه وکړي- عمران خان

خپور شوی

 په

(Last Updated On: زمری ۲۷, ۱۳۹۳)

713387-Imrankhan-1401131411-423-640x480

د پاکستان د (تحريک انصاف)مشر عمران خان له خلکو غوښتي، چې د واکمن گوند په وړاندې د احتجاج په توگه دې جکومت ته د ماليو له ورکړې ډډه وکړي او د برښنا د لگښت بيه دې نه ورسپاري.

د عمران خان پلويانو د لومړي وزير د دفتر په لوري د لاريون غوښتنه درلوده؛ خو عمران خان اعلان وکړ، چې لومړی وزير نواز شريف دې تر دوه ورځو له واکه لاس په سر شي.

د تحريک انصاف گوند مشر گواښ وکړ که ښاغلى شريف خپلې استعفا لپاره د دوى له لوري ټاکل شوې وروستۍ نېټه له پامه وغورزوي؛ نو د تحريک انصاف پلويان به د هغه د دفتر په لوري لاريون وکړي، او هلته به خپلې احتجاجي ناسته و غزوي.

عمران خان ادعا کوي، چې نواز شريف د ٢٠١٣ م کال په ټاکنو کې په درغليو واک ته رسېدلى دی او تر دوه نورو ورځو په د لاریونکوونکیو مخه ونه شي نیولی .

نوموړي، چې تېره جمعه ناوخته د یوه لاریون په مشرۍ اسلام آباد ته ورسید وايي، پلویانو به یې د لومړي وزیر نوازشریف د استعفا کولو ترمهاله د اسلام آباد مهم سړکونه نیولي وي.

دغه راز مذهبي مشر مولانا طاهر القادري هم د یوه ورته احتجاج مشري کوي، چې گډونوال يې له واکه د ښاغلي شريف د گوښه کیدو غوښتونکي دي.

نوموړي خپلو پلویانو ته ویلي، چې پاکستان په ډېر ژر د قرآن له احکامو سره سم یو نظام ولري او د جناح او اقبال آرمانونه به پلي کړي.

خبریالان وايي، دغه دواړه لاریونونه د نوازشریف یوه کلن حکومت په وړاندې تر اوسه ستره ننگونه بلل کېږي.

د تېرې جمعې په ورځ د پاکستان په پلازمېنه اسلام اباد کې د خپلواکۍ د نمانځنې په ورځ د عمران خان پر موټر ډزې وشوې. که څه هم نوموړي ته زیان نه دی اوښتی؛ خو په گوجرانواله ښار کې لاریونیان له حکومت پلوو سره نښتي ول.

د میا نوازشریف یوه ویاند وویل، حکومت چمتو دی، چې د ټاکنیزو درغلیو په باب تحقیقات وکړي.

د نواز شریف په مشرۍ په یوه ناسته پرېکړه شوې، چې د عمران خان او القادري له ډلو سره دې د خبرو په موخه دوه کمیتې جوړې شي.

د پاکستان د کورنیو چارو وزیر په وینا، دا کمیتې په ډېر ژر په کار پیل وکړي او دولت حاضر دی، چې د لاریونکوونکیو قانوني او مشروع غوښتنو ته مثبت ځواب ووایي؛ خو عمران خان له هر څه مخکې د میا نواز شریف په اسعفا ټینگار کوي.

Continue Reading
Advertisement

نړۍ

که روسیه پر اوکراین پوځي برید وکړي؛ بې ساري بندیزونه به پرې ولګول شي – اروپا

خپور شوی

په

توسط

(Last Updated On: سلواغه ۵, ۱۴۰۰)

اروپايي ټولنې مسکو ته خبرداری ورکړی، چې که روسیه پر اوکراین د برید پرېکړه وکړي؛ نو له بې ساري اقتصادي بندیزونو سره به مخ شي.

د اروپايي ټولنې د بهرنیو چارو وزیرانو پرون ویلي، چې مسکو ته به یو ګډ خبرداری واستوي.

د ختيځ او لویديځ ترمنځ کړکېچ له هغې وروسته ډېر شو، چې روسيې له اوکراين سره په پوله کې زرګونه پوځيان ځای پر ځای کړل او ورسره دا وېره ډېره شوه، چې ښايي مسکو پر اوکراين برید وکړ؛ خو مسکو ویلي، چې پر کیف د برید پلان نلري.

د لیتوانیا د بهرنیو چارو وزیر ګابریلیوس لاینډبرګیس په بروکسل کې د اروپايي اتحادیې د بهرنیو چارو وزیرانو غونډې ته وویل: د روسیې د تاکتیکونو له پوهیدو سره باوري یم، چې د دوی یوه موخه د لویدیځ وېشل دي. دا هغه بریا ده، چې مونږ یې روسانو ته ورکولی نشو.

د ډنمارک د بهرنیو چارو وزیر ژپه کوفود خبریالانو ته ویلي: په دې کې شک نشته، چې که روسیه بیا پر اوکراین برید وکړي؛ مونږ چمتو یو، چې پرې بې ساري بندیزونه ولګوو.

ژپه کوفود ونه ویل، چې کومې برخې به یې تر بندیزونو لاندې راشي.

Continue Reading

نړۍ

د امریکا د ۲۰۰ میلیون ډالرو دفاعي مرسته اوکراین ته ورسېده

خپور شوی

په

توسط

(Last Updated On: سلواغه ۳, ۱۴۰۰)

رویټرز خبري آژانس د څرګندونو له مخې؛ د امریکا سفارت د شنبې پر ورځ په ډاګه کړې، چې د اوکراین لپاره د امریکا د ۲۰۰ میلیون ډالرو پر ارزښت د امنیتي ملاتړ لومړۍ ټولګه کیف ته ورسېده.

د امریکا دغه نوښت له هغې وروسته په ډاګه کیږي، چې په روانه اوونۍ کې یې د بهرنیو چارو وزیر کیف ته سفر وکړ. دا کار له اوکراین سره په پوله کې د لسګونه زره روسي سرتېرو د ځای پرځای کیدو له غبرګون او د کیف او لویدیځو متحدینو له اندېښنې رامنځته شو. په داسې حال کې، چې روسیې پر اوکراین برید رد کړی دی.

د رویټرز د راپور له مخې؛  واشنګټن د تېر کال په ډسمبر میاشت کې د ۲۰۰ میلیون ډالرو دغه ټولګه تصویب کړې وه.

دغه راز امریکا به د روسیې د تېري پر وړاندې د اوکراین له ملي حاکمیت او ځمکنۍ بشپړتیا څخه د دفاع په روانو هڅو کې د اوکراین له وسلوالو ځواکونو ملاتړ هم روان ساتي.

دا په داسې حال کې ده، چې د اوکراین دفاع وزیر د امریکا له دغې دفاعي مرستې مننه کړې ده.

Continue Reading

نړۍ

د سعودي په مشرۍ ائتلاف د یمن پر زندان هوایي برید رد کړ

خپور شوی

په

توسط

(Last Updated On: سلواغه ۲, ۱۴۰۰)

د سعودي رسمي خبري آژانس د شنبې پر ورځ څرګنده کړې، چې د سعودي په مشرۍ ائتلاف د یمن په صعده ولایت کې د ایران پلوه حوثي یاغیانو پر زندان برید رد کړ او وایي، چې پر اړوند ودانیو برید بند هم ندی.

د رویټرز یوه عیني شاهد ویلي؛ د جمعې په برید کې د آفریقایي مهاجرو په ګډون لږ تر لږه ۶۰ کسان وژل شوي او له دوه سوه ډېر نور ټپیان دي.

د سعودي دولتي خبري آاژانس د ائتلاف د یوه ویاند د څرګندونو له مخې ویلي؛ ائتلاف به په یمن کې د بشري چارو د همغږۍ دفتر (اوچا) او د سره صلیب نړیوالې کمیټې (آی سي آر سي) ته د حقایقو او جزئیاتو په اړه خبر ورکړي.

په یمن کې د حوثیانو د روغتیا وزیر طه المتوکل د جمعې پر ورځ ویلي، چې د سعودي پر مشرۍ ائتلاف د حوثیانو تر څارنې لاندې پر زندان هوایي برید کړی؛ ۷۰ کسان یې وژلي او لسګونه نور ټپیان دي.

د ایران او عربانو د سیالیو او نیابتي جګړو په اړه له ایران سره د عربستان د اړیکو پر عادي کولو خبرې روانې دي؛ خو د ابوظبۍ پر خاوره د حوثي یاغیانو د بې پلوټه الوتکې برید د سیمې وضعیت نور هم پېچلی کړی دی.

د یادونې ده، چې د ملګرو ملتونو عمومي منشي انټونیو ګوټیرش دغه برید غندلی او په دې اړه یې د پوره څېړنو غوښتنه کړې ده.

Continue Reading

Trending

Copyright © 2022 Ariana News. All rights reserved!