Connect with us

تازه خبرونه

خصوصي سکتور له حکومت سره همکارۍ ته چمتووالی نلري-درانی

خپور شوی

 په

(Last Updated On: وږی ۱۲, ۱۳۹۷)

د کرنې اوبو لګولو او مالدارۍ وزارت مسوولین وايي، خصوصي سکتور لکه څومره، چې پر دولتي سکتوري ادارو نیوکې کوي؛ هومره ورسره همکارۍ ته چمتووالی نلري.

د کرنې اوبو لګولو او مالدارۍ وزیر نصیر احمد  دراني ویلي؛ سره له دې، چې خصوصي سکتور تل د همکاریو خبرې کوي؛ خو په عمل کې هومره فعال ندي.

نوموړي په ډاګه کړې: روسانو غوښتنه کړې، چي له افغانستان سره د غوزانو(چارمغزو) سودا ګري پیل کړي؛ خو خصوصي سکتور همکاري نکوي.

هغه زیاتوي، خصوصي سکتور تل نیوکې کوي؛ خو اوس، چي روسان شاوخوا دولس کانتینره غوزان غواړي، دوی اوس له مونږ سره همکاري نکوي.

د صنایعو او کانونو خونې مسوولین بیا د کرني وزارت دغه نیوکه ردوي او زیاتوي، چي حکومت باید دغو غوښتنو ته مخکیني تدابیر درلودای.

د صنایعو او کانونو خوني رییس شېرباز کمین زاده  څرګنده کړې، چې که حکومت له کورني او بهرني مارکیت څخه پوره خبر وای؛ نو اوس به مونږ دا ستونزه نلرله.

د سوداګرۍ نړیوالې خوني مسوولینو بیا ویلي، که سکتوري ادارې او د کرني وزارت د وچو او تازه میوو له محصولاتو پوره معلومات درلودای؛ دا ستونزې به نوې او د روسانو د اړتیا وړ تو کې به ورته دوی ژر برابر کړي وه.

د افغانستان د سوداګرۍ نړیوالې خونې مرستیال ذبیح الله زیارمل وایي، مخکي له دې، چې د کرنې محترم وزیر پر خصوصیي سکتو نیوکه وکړي؛ دوی کله او څومره د خپل کورني مارکت اړتیاوي او د صادارتو له بهیره خبرتیا لرلې ده.

د اقتصاد اعالي شورا رییس عبد الجبار ساپی وایي، اوس د غوزانو فصل ندی رارسیدلی او سوداګر نشي کولی، چي له ټاکلی وخت پرته روسانو ته اړوند صادارتي توکي برابر کړي.

د خصوصی سکتور ځیني غړي وايي؛ د کرني وزارت، چې د وچو او تازه میوې د صادراتو او مارکیت په برخه کې کوم مسوولیت لري؛ په اړه یې هیڅ کار ندی کړي، ځکه نن له ستونزو سره مخ دی.

خبریال:  اسلم حجاب

تازه خبرونه

د افغانستان د شوکاڼي صادرات بیا پیل شول

خپور شوی

په

توسط

(Last Updated On: ليندۍ ۹, ۱۴۰۰)

د افغانستان د صنعتکارانو ټولني غړيو ويلي، چې په دې وروستیو کې نه یوازې د سیمې یو شمبر هېوادونو ته زرګونه ټنه شوکاڼی یا تالک ډبرې صادرې شوي، بلکې هسپانیا او بریټانیا ته هم پېنځه سوه ټنه صادرات لرو.

د خصوصي سکتور غړي وايي که د اسلامي امارت لخوا د هېواد په کاني  سکتور کې د پانګونې آسانتیاوې  رامنځته شي؛ خصوصي  سکتور چمتو دی،  چې په دې برخه کې زیاته پانګونه وکړي.

د صنعتکارانو ټولنې  مشرعبد الجبار ساپی وایي: په دې وروستیو کې د افغانستان د شوړکاڼو صادارت، پاکستان، ترکیې، هندوستان، چین،هسپانیې او بریټانیا ته پیل شوي او هیله لرو، چې صادرات مو نور هم پراخ شي.

د کانونو او صنایعو خونې غړي وايي، چې  په افغانستان کې  د کانونو د ناقانونه کېندنې او استخراج  مخنیوي شوی؛ خو  که د کان کېندنې لپاره نوې او آسانه پالیسۍ جوړې شي،  په دې سکتور کې به ډېره پانګه جذب شي.

نوموړي ویلي: په کابل کې د اسلامي امارت له بیا واکمنېدو سره په ډېرو برخو کې د کانونو پر ناقانونه استخراج او قاچاق بندیز رامنځ ته شوی؛ خو باید قانوني کارونو ته يي هڅې چټکې شي.

د اقتصادي  چارو کارپوهان هم له اسلامي امارته غواړي، چې د کانونو په برخه کې د خصوصي سکتور د پانګونې د جذب بهیر پراخه کړي.

د اقتصادي چارو کارپوه تاج محمد تلاش وایي: د هېوادنیو کانونو استخراج کولی شي په هېواد کې تر یوه بریده اقتصاډي ثبات رامنځته کړي. هیله ده، چې اسلامي امارت دې سکتور ته خپله پاملرنه پراخه کړي؛ ځکه دا سکتور په هېواد کې د کار په رامنځته کولو کې ډېر اړین دی.

د امریکا د پراختیايي اداري لخوا د شوې سروې له مخې په افغانستان کې د درې ټریلیون ډالرو پر ارزښت کانونه شته، چې استحراج به یې د افغانستان اقتصادي بحران پای ته ورسوي او افغانستان به د صنعتي هېوادونو د سیالۍ ډګر ته ودروي.

Continue Reading

تازه خبرونه

د اسلامي امارت مشرانو په دوحه کې له اروپايي او بریټانیاوي چارواکو سره وکتل

خپور شوی

په

توسط

(Last Updated On: ليندۍ ۸, ۱۴۰۰)

د افغانستان اسلامي امارت د بهرنیو چارو وزارت د چارسمبالي مولوي امیرخان متقي په مشرۍ د یکشنبې پر ورځ ( د لیندۍ ۷ ) په قطر کې له اروپايي ټولنې او بریتانیاوي چارواکو سره وکتل.

نوموړی د یوه پلاوي په مشرۍ له امریکايي او اروپايي چارواکو سره د خبرو لپاره دوحې ته تللی، له تېرو دوه ورځو راپدیخوا د اروپايي ټولنې له یوه پلاوي سره یې کتلي دي.

د بهرنیو چارو وزارت ویاند عبدالقهار بلخي ټویټ کړی، چې د متقي په مشرۍ د اسلامي امارت پلاوي د افغانستان لپاره د اروپايي ټولنې له ځانګړي استازي ټوماس نیکولسون او مل پلاوي سره دوه ورځنۍ هراړخیزې لیدنې وکړې.

عبدالقهار بلخي ویلي؛ دواړو لوریو د افغانستان د بشري وضعیت، روغتیا، امنیت، د سفرونو د خوندیتوب او د مرستو د رسولو په اړه خبرې وکړې.

هغه زیاته کړې: د اروپايي ټولنې پلاوي له افغانستان سره د خپلو مرستو د دوام لپاره چمتووالی څرګند کړ او په کابل کې یې د اروپايي ټولنې د دفتر د شتوالی په اړه د بشري مرستو له برابرولو ډاډ ورکړ.

نوموړي دا هم ویلي، چې افغان پلاوي دوی ته د امنیت ډاډ ورکړ او په ورته وخت کې یې د سیاسي او بشري ملحوظاتو د جلا کولو غوښتنه کړې او ټینګار کوي، چې د همکارۍ له لارې پرمختګ ته اړتیا ده، نه د فشار له لارې.

مولوي متقي همدا راز په دوحه کې د بریټانیا له سفیر سره هم وکتل او دواړو لوریو د افغانستان پر بشري، اقتصادي او امنیتي وضعیت خبرې وکړې.

د عبدالقار بلخي د څرګندونو له مخې؛ افغان پلاوي دوى ته په افغانستان کې د امنيت د ټينګښت ډاډ ورکړ او له نړۍ سره يې د مثبتو اړيکو د ټينګښت لپاره د افغانستان پر هڅو ټينګار وکړ.

اروپايي ټولنې هم د یکشنبې پر ورځ ناوخته په یوه خپره شوې خبرپاڼه کې دغه ناسته تائید کړې او ویلي یې دي، چې اسلامي امارت د افغانستان د بشري وضعیت او “جدي اندېښنو” ترڅنګ د خبرو پر مهال د افغانستان د هوايي حریم پر فعال ساتلو د مرستې غوښتنه کړې ده.

په خبرپاڼه کې راغلي: د خبرو اترو موخه د اروپايي ټولنې لخوا د اسلامي امارت د موقت حکومت په رسمیت پېژندنه نده، بلکې د اروپايي ټولنې د عملیاتي ښکېلتیا یوه برخه د اروپايي ټولنې او د افغانستان د خلکو په ګټه ده.

اروپايي اتحادیې څرګنده کړې؛ اروپايي ټولنې ژمنه کړې، چې د اګست په میاشت کې له افغانستان څخه د امریکا او متحدینو تر وتلو پورې به هغه افغانان بخښي، چې له تېرو دوه لسیزو راپدیخوا د افغانانو او د هغوی د متحدینو پر ضد جنګېدلي دي.

اسلامي امارت هم پخپلې ژمنې یو ځل بیا ټینګار کړی، چې که وغواړي افغانان او بهرنیو اتباعو ته اجازه ورکړي، چې له افغانستان ووځي او په بدل کې یې د کابل په هوايي ډګر کې د عملیاتو د دوام لپاره د مرستې غوښتنه وکړه.

دواړو لوریو د ژمي له رارسېدو سره په افغانستان کې د خرابېدونکي بشري وضعیت په اړه ژوره اندېښنه څرګنده کړې او د اروپايي ټولنې پلاوي له اسلامي امارت وغوښتل، چې د ټولګډونه حکومت د جوړولو، د نجونو د تعلیم دودولو لپاره خپلې هڅې ګړندۍ کړي او د هغو ډلو مخه ونیسي، چې د نورو امنیت له خطر سره مخ کوي.

د اعلامیې له مخې؛ اسلامي امارت له “اسلامي اصولو سره سم” د بشري حقونو څخه خپل ملاتړ یو ځل بیا تکرار کړ او څرګندوي، چې په افغانستان کې د تړلیو ډیپلوماټیکو ماموریتونو د بیا پرانستلو هرکلی کوي.

دا په داسې حال کې ده، چې د اسلامي امارت د پلاوي او امریکایي استازیو ترمنځ د دوشنبې پر ورځ  د قطر په پلازمېنه دوحه کې د نوي پړاو خبرې پیلیږي او اسلامي امارت تمه لري، چې په دغو خبرو کې به له امریکا سره د افغانستان د شتمنیو د خلاصون په اړه هوکړه وشي.

Continue Reading

تازه خبرونه

آسیایي مشرانو په سیمه ییزه غونډه کې افغانستان ته د مرستې ژمنه وکړه

خپور شوی

په

توسط

(Last Updated On: ليندۍ ۸, ۱۴۰۰)

د آسیایي هېوادونو مشرانو د یکشنبې پر ورځ د ترکمنستان پر کوربتوب په جوړه شوې سرمشریزه کې له افغانستان سره د مرستو ژمنه وکړه.

د امریکا غږ د راپور له مخې؛ هغه ۱۰ هېوادونه (ترکیه، ایران، پاکستان، افغانستان او د پخوانی شوروي شپږ هېوادونه ) چې د اقتصادی همکارۍ ټولنې غړي دي؛ ټولو په سیمه کې د سوداګریزو خنډونو د لرې کولو او د نويو ټرانسپورټي سوداګریزو دهلیزونو د پراختیا غوښتنه وکړه.

دغو آسیايي هېوادونو ژمنه کړې، چې د افغانستان په ثبات کې به هم مرسته کوي.

غونډې ته د وینا پر مهال د پاکستان ولسمشر عارف علوي ویلي؛ اسلامي نړۍ باید د هغه ناورین په مخنیوي کې د مرستې لپاره خپلې هڅې ګړندۍ کړي، چې ګډوډي او جګړې ترې رامنځته کیږي.

نوموړي زیاته کړې، چې د سیمې هېوادونه باید د افغانستان د اقتصاد په بیارغونه کې د مرستې لپاره د دغه هېواد د روغتیایي خدمتونو او ښوونیز نظام د ښه کولو او د بشري مرستو د وړاندې کولو لپاره چټک ګامونه پورته کړي.

علوي دا هم ویلي، چې یو باثباته افغانستان به د اوږدمهاله ځنډېدلیو بېخبنایي پروژو پلي کولو ترڅنګ د ګازو نللیکې، رېلګاډي پټلۍ او  برښنایي شبکې غزولو ته، چې د سیمې هېوادونه سره نښلوي هم اجازه ورکړي.

د ترکمنستان ولسمشر قربانقلي بردي محمدوف ویلي؛ د همکارۍ دا سترې پروژې به نه یوازې د بهرنۍ پانګونې په راجلبولو کې مرسته وکړي، بلکې افغانستان او ګاونډ هېوادونو ته هم ډېره ګټه رسوي.

د ترکیې ولسمشر رجب طیب اردوغان خبرداری ورکړی، چې د افغانستان اقتصادي کړکېچ ښايي د کډوالۍ د پراخو ستونزو لامل شي، چې ټوله سیمه به اغېزمنه کړي.

د ایران ولسمشر ابراهیم رییسي هم د مرستې وړاندیز وکړ او څرګنده کړې یې ده، چې افغانستان د ژمي له را رسېدو سره نه یوازې مالي مرستو ته ااړ دی، بلکې خوراکي توکو او سون توکو ته هم سخته اړتیا لري.

 د یادونې ده که څه هم د افغانستان اسلامي امارت په دې ناسته کې ونډه نه درلوده؛ خو مشرتابه همهاله د سوداګرو او صنعتکارانو یوه ناسته راوغوښته او د سیمې پر سوداګریزو اړیکو او د سترو پروژو پر پلي کېدو یې هر اړخیز ټینګار څرګند کړ.

Continue Reading

Trending

آریانا نیوز: ټول حقونه خوندي دي