Connect with us

تازه خبرونه

حکومت تر دې دمه ۵۵۰ طالب بندیان خوشي کړي

Ariana News

خپور شوی

 په

(Last Updated On: April 30, 2020)

د ولسمشرۍ د کب میاشتې د ۲۰ نېټې له فرمان سره سم تر دې دمه د هېواد له ۱۸ ولایتونو څخه ۵۵۰ طالب بندیان خوشي شوي دي.

د ولسمشرۍ د ملي امنیت شورا د څرګندونو له مخې؛ یاد زندانیان د هغوی د عمر، روغتیایي وضعیت او د بند پاتې وخت ته په پاملرنه، له کرونا ویروس سره د غوره مبارزې او د سولي بهیر د پرمختګ په نیت خوشي شوي دي.

د اړوند چارواکو د څرګندونو له مخې؛ خوشي شویو طالب بندبانو او د دوی د قطر دفتر ژمنه کړې، چې له خلاصیدو وروسته به بېرته جنګ ته نه ورګرزي.

دوی دا هم ویلي؛ دا لړۍ به د هېواد په کچه روانه وي، چې د ولسمشر له فرمان سره سم به تر۱۵۰۰ پورې طالب بندیان آزاد شي.

دا په داسې حال کې ده، چې طالبانو تېره ورځ یو ځل بیا له امریکایانو سره د سولې د شوې هوکړې له مخې د خپلو ۵۰۰۰ بندیانو پر خوشې کولو او بیا خپلمنځي خبرو ټینګار کړی، چې په دې اړه د امریکا ولسمشر دونالد ترمپ هم د قطر له امیر سره غږیدلی او هم یې د طالبانو لخوا د تاوتریخوالي د راکمولو غوښتنه کړې ده.

تازه خبرونه

ولسمشر غني او بابېل ګیتس په افغانستان کې پر پولیو وغږېدل

Ariana News

خپور شوی

په

توسط

(Last Updated On: January 26, 2021)

افغان ولسمشر اشرف غني د مایکروسافت شرکت او د بیل او ملینډا ګېټس له بنسټوال سره د ویډیویي کنفرانس له لارې په افغانستان کې د پولیو یا د ماشومانو له ګوزن سره پر مبارزه خبرې وکړې.

د ارګ په خبرپاڼه کې راغلي؛ دواړو لوریو اندېښنه څرګنده کړې، چې تېر میلادي کال په افغانستان کې د پولیو مثبتې پېښې څو برابره وې؛ ځکه  طالبانو تر خپلې څارنې لاندې سیمو کې د پولیو واکسین  کارکوونکیو ته اجازه نه ورکوله.

په دې ویډیویي کنفرانس کې د پولیو واکسین د پلي کېدو په بهیر کې د اصلاحاتو پر رامنځته کولو او د امکاناتو پر زیاتوالي هم هر اړخیز بحث او خبرې شوې دي.

دا په داسې حال کې ده، چې د عامې روغتیا وزارت څو ورځې مخکې ویلي وه، چې د طالبانو د مخالفت له کبله په یو شمېر ولایتونو کې له درې نیم  میلیون ډېر ماشومان د ګوزڼ پر ضد له واکسین پاتې شوي دي.

د روغتیا وزارت څرګندوي، چې طالبانو د دوی په تر کنټرول لاندې سیمو کې د کور پر کور د واکسین کمپاین بند کړی او په تېرو درې کلونو کې دغه مخالفت له ۳ سلنې څخه ۱۰ سلنې ډېر شوی دی.

د دغه وزارت د ګوز ڼ ناروغۍ د له منځه وړلو پروګرام مشر میرجان راسخ ویلي، چې که څه هم طالبانو د واکسین په پلي کولو کې د همکارۍ ژمنه کړې وه؛ خو د تمې خلاف دوی د دې بهیر د پلي کیدو مخه نیولې.

نوموړي زیاته کړې: په پکتیا او میدان وردګ ولایتونو کې هم ماشومانو د ګوزڼ له واکسینه پاتې دي.

تېره اوونۍ ، په افغانستان کې د ګوزڼ واکسین کمپاین پیل شوی؛ خو طالبانو نه یوازې د دغه بهیر په پلي کولو کې پاتې راغلي، بلکې په میدان وردګ، غزني، هلمند، کندهار، کندوز، تخار، پکتیکا او پکتیا ولایتونو کې هم د کور پر کور له کمپاین سره مخالفت کړی دی.

Continue Reading

تازه خبرونه

Central Bank to replace old and damaged banknotes

Ariana News

خپور شوی

په

توسط

(Last Updated On: January 26, 2021)

Da Afghanistan Bank (Central Bank) said Tuesday that new banknotes are being printed and will be put into circulation in Afghanistan soon.

Addressing a press conference, the Bank’s General Manager for Payments Mir Aziz Baraki stated that the bank collects around 3.8 billion AFN worth of old and damaged banknotes from circulation each year and replaces them with new banknotes.

Baraki added that the bank would issue 380 million notes this year in the denominations of 10, 20, 50, and 100 AFN.

The official said an amount has already been printed and would be released into circulation soon.

There is an estimated 293 billion AFN (approximately $3.7 billion) in circulation in Afghanistan currently.

Continue Reading

تازه خبرونه

د ملا برادر په مشرۍ طالب پلاوی تهران ته رسېدلی

Ariana News

خپور شوی

په

توسط

(Last Updated On: January 26, 2021)

په قطر کې د طالبانو د سیاسي دفتر ویاند محمد نعیم ټویټ کړې، چې د ایرانیو چارواکو په رسمي بلنه د دوی یو پلاوی د سیاسي مرستیال ملا عبدالغني برادر پر مشرۍ تهران ته رسېدلی دی.

په قطر کې د طالبانو د سیاسي دفتر ویاند او د ایران د بهرنیو چارو وزارت ویلي، چې طالب پلاوی به د ایران د بهرنیو چارو له وزیر، د افغانستان په چارو کې د هغه هېواد له ځانګړي استازي او نورو مشرانو سره د افغانستان پر امنیتي او سیاسي وضعیت، سولې او کډوالو بحث او خبرې وکړي.

په افغانستان کې د اروپایي ټولنې سفیر ویلي، چې سوله له ستونزمن پړاو سره مخ شوې دواړه خواوې باید لازم یووالی را منځته کړي.

د اروپایي ټولنې سفیر اندریاس فون برانت وایي: زه فکر کړم، چې د سولې خبرې په ستونزمن پړاو کې دي؛ خو مهمه دا ده، چې په دوحه کې دواړه لوري په اړیکه کې دي او ټول څه هلته ندي. تاسې باید په کابل یا افغانستان کې لازم یووالی پیدا کړئ او هغه څه، چې مونږ یې هیله من یو دا دي، چې دواړه لوري په دوحه کې باید د لازمو امتیازاتو ورکړې ته چمتوالی ولري او د لارې د نقشې د جوړولو لپاره باید واک او سوله ګډه شي.

دغه راز د کابل په یوې څنډه کې، د وروستیو جګړو ځینې قربانیان او معلولان ټینګار کوي؛ داسې سوله غواړي، چې د خلکو عزت په کې خوندي شي.

د معلولانو او شهیدانو د ورثه وو ټولنې مشر سید آغا ملکزاده ویلي؛ داسې سوله غواړو، چې د ټولو حقونه په کې خوندي شي. داسې نشي، چې یو شمېر په واک و ځواک کې مستان وي او خلک په بدبختیو کې شي.           

د جګړې د یوه قرباني شوې کورنۍ غړې پري ګل ویلي؛ مونږ په افغانستانم کې رښتینې سوله غواړو، چې ښځې، ماشومان او میندې په کې ډاډمنې او خوندي وي.       

په کابل کې حکومتي لوړپوړي چارواکي هم پر سوله سلا مشورې کوي؛ ولسمشر غني د سې شنبې پر ورځ له حامد کرزي، عبدالله عبدالله او عبدرب الرسول سیاف سره لیدلي او د اوربند، تاوتریخوالي کمي، د سولې د ټینګښت،  سیاسي اجماع او د وینو د تویېدو پر مخنیوي بحث او خبرې کړي دي.

د طالبانو د سیاسي دفتر مرستیال ملا عبدالغني برادر د یوه پلاوي پر مشرۍ په داسې حال کې ایران ته سفر کړی، چې په دوحه کې د افغانستان حکومتي پلاوی د سولې خپلمنځي خبرو پیلولو ته په تمه دی.

Continue Reading

Trending

Copyright © 2021 Ariana News. All rights reserved!