Connect with us

تازه خبرونه

حکومت د انس حقانې د خوشې کولو هوډ نلري- صدیقي

Ariana News

خپور شوی

 په

(Last Updated On: تله ۲۲, ۱۳۹۸)

ولسمشرۍ ماڼۍ وایي، انس حقاني د ملي امنیت ځواکونو په بند کې دی او د خوشې کولو لپاره یې کومه هوکړه نده شوې.

افغان حکومت د انس حقاني د خوشې کیدو پر سر د هوکړې ادعا ردوي او ویل کیږي، چې له ټاکنو وروسته د سولې خبرې د ارګ د پام وړ مساله ده؛ خو په دې معنا نده، چې حکومت دې د طالبانو غوښتنو ته غاړه کیدي.

د ولسمشرۍ ویاند صدیق صدیقي ویلي، چې دمګړۍ د کوم بندي د خوشې کولو هوډ نلرو؛ زمونږ سیاست د هغو بندیانو په اړه، چې له حکومت سره دې بدل شوی ندی. د انس حقاني د آزادولو په اړه حکومت کومه پرېکړه نده کړې.

ځینې سیاسی څېرې باور لري، چې دا هوکړه د دواړو خواوو تر منځ د باور فضا را منځته کولو لپاره کیږي، چې د مذاکراتو بل پړاو رامنځته شي.

د حزب اسلامي لوړپوړي غړي همایون جریر ویلي، چې امریکا او طالبانو؛ د دوه؛ امریکایي او استرالیایي پروفیسورانو د خوشې کیدو په بدل کې د انس حقاني او حافظ رشید پر خوشې کولو هوکړه کړې ده.

طالبان او امریکا په ښکاره غواړي، چې د سولې خبرې بیا له سره پیل کړي؛ خو خبرې، چې له کوم ځایه دریدلي، له همغه ځایه بېرته پیلیږي.

طالبانو ته نږدې سرچینو ویلي؛ که څه هم د سولې خبرې دریدلې اعلام شوې؛ خو بشپړې ونه دریدې او ښکېلو اړخونو پټې خبرې روانې وساتلې.

د سولې چارو کارپوه ولي الله شاهین  ویلي؛ خبرې پیلیږي او په دوحه کې پیلیږي؛ هغه خبرې، چې دریدلې وې بېرته خوندي کیږي.

د امریکا او طالبانو خبرې برخلیک ټاکوونکي حالت ته رسيدلې وې؛ خو ولسمشر دونالد ترمپ دا بهیر لغوه کړ.

بهرنیو رسنیو تازه په ډاګه کړې، چې د سولې خبرې پیلیږي او په یو یا دوه پړاوه خبرو کې به له طالبانو سره د امریکا هوکړه لاسلیک شي.

دا په داسې حال کې، چې ارګ ویلي: اړتیا ده، چې طالبان د سولې خبرو د پر مخ بیولو لپاره اوربند او د تاوتریخوالي کمولو ته غاړه کیدي؛ ځکه دا نرمښت کولی شي مخامخ خبرو ته لار اواره کړي.

تازه خبرونه

افغانستان له اماراتو سره پر لمریزې برښنا د پانګونې هوکړه لاسلیک کړه

Ariana News

خپور شوی

په

توسط

(Last Updated On: زمری ۲۱, ۱۳۹۹)

د افغانستان حکومت د متحده عربي اماراتو له یوه شرکت سره د لمریزې برښنا پر تولید د پانګونې هوکړه لاسلیک کړ.

د ولسمشرۍ د چارو ادارې په ډاګه کړې، چې دا پروژه به تر ۳۰۰۰ میګاواټه برښنا تولید کړي او په ټول افغانستان کې به پلې شي.

د یاد بنسټ د څرګندونو له مخې؛ دغه هوکړه لیک د اماراتي لمریزې برښنا تولیدي شرکت د مشر محمد ظفر او د ولسمشرۍ د چارو ادارې د عمومي ریاست د پانګونې آسانتیاوو مشرعطاء الله نصیب او د برښنا شرکت د مشر احمد داود نورزي تر منځ د ولسمشر د لوی حقوقي سلاکار کبیر عیسی خېل په شتون کې لاسلیک شو.

دا هوکړه لیک د متحده عربي اماراتو د پلازمېنې ابوظبۍ په افغانستان سفارت کې لاسلیک شو او د برښنا شرکت مشر د ویډیو کنفرانس له لارې وصل شو.

دوی څرګنده کړې، چې دا شرکت به د پلیتونو په چمتو کولو او نصبولو او د لمریزې برښنا پر تولید پانګونه وکړي.

له دې مخکې د کندهار سولر برښنا شبکه د ۳۹ دېرش میلیون دالرو پر ارزښت د خصوصي سکتور له بدجې او د  مالیې وزارت په سب سایدۍ ګټې اخیستنې ته سپارل شوېو چې ۳۰ میګاواته برښنا تولیدوي او دغه راز په بامیان کې د لمریزې برښنا شبکه پرانیستل شوې، چې زرګونه کورنیو ته برښنا رسوي.

د اوبو او برښنا وزارت ویلي، چې افغانستان د نوي کیدونکي انرژۍ د ۳۰۰۰۰۰ میګاواته تولیدي وړتیا لري، چې په دې کې طبیعي ګاز، حرارتي انرژي، د اوبو برښنا، لمریزه او بادي انرژي رانغاښتل شوي دي.

که څه هم په تېره لسیزه کې په دې اړه د پام وړ پرمختګ شویګ خو د افغانستان د برښنا ډېری اړتیاوې اوس هم له ګاونډ هېوادونو واردیږي.

Continue Reading

تازه خبرونه

ولسمشر غني د تاریخي خبرو له پیل مخکې له خپل مرکچې پلاوي سره وکتل

Ariana News

خپور شوی

په

توسط

(Last Updated On: زمری ۲۱, ۱۳۹۹)

ارګ په ډاګه کړې، چې نن له غرمې مخکې ولسمشر اشرف غني له طالبانو سره د تاریخي خبرو له پیل مخکې د حکومت د مرکچي پلاوي له غړیو او مشر معصوم ستانکزي سره د سولې بهیر په اړه خبرې وکړې.

د ارګ د څرګندونو له مخې معصوم ستانکزي ویلي؛ له طالبانو سره د سولې په خبرو کې به د مشورتي لویې جرګې غوښتنو ته پوره پاملرنه وشي.

ولسمشر غني ویلي، د سولې مشورتي لویې جرګې د افغانستان حکومت ته د سولې تګلاره وټاکله او مونږ یې پلي کیدو ته ژمن یو.

ولسمشر غني مرکچي پلاوی ډاډه کړ، چې د سولې په مشورتي لویه جرګه زمونږ سیاسي قوت ټولو ولید او نړۍ په یوه لیدلوري او قوت ستاسو ملاتړې ده او دا ستاسو لپاره لویه پانګه ده.

د هېواد په بشپړ ټینګار په ډاګه کړه، چې مونږ سولې ته ژمن یو او د دې لپاره مو عملي هڅې او کړنې تر سره  کړي او موخه مو په کې داده، چې جګړه په بنسټیزه توګه پای ته ورسېږي.

دغه راز ولسمشر غني ویلي؛ د افغانستان د حکومت مرکچي پلاوی له طالبانو سره د تلپاتې او باعزته سولې لپاره، چې د خلکو غوښتنه ده، خبرې کوي.

ولسمشر غني د ۴۰۰ طالب بندیانو د بښنې فرمان د لاسلیک په اړه وویل؛ د خلکو تمه دا ده، چې د افغانستان له حکومت سره د طالبانو د خبرو پر وړاندې باید نور هیېڅ خنډ او پلمه وجود ونلري او ژر تر ژره باید خپلمنځي خبرې پیل شي.

د پخلاینې عالی شوار ویاند فریدون خوځون په ډاګه کړې؛ د سولې اجنډا او ځای ټاکل شوی او د مذاکراتو د نېټې له اعلان سره به  مرکچي پلاوی له طالبانو سره د خبرو لپاره دوحې ته ولاړشي.

د ولسمشرد ویاند مرستیال دواخان مینه بال څرګنده کړې؛ د ولسمشر د فرمان له لاسلیک وروسته د څلور سوه بندیانو خوشې کیدو لپاره عملی ګامونه پورته شوي او تمه ده، چې د چهارشنبې پر ورځ به څلورسوه طالب بندیان له بنده خوشې شي او د دی بندیانو له خوشې کیدو سره به د سولې خبرو پر وړاندې پراته خنډونه لیرې شي.

تمه ده، چې د څلور سوه طالب بندیانو له خوشي کیدو سره به راتلونکې اوونۍ د خپلمنځي خبرو لومړی پړاو په دوحه کې پیل شي.

د حکومت مرکچې پلاوي غړي عبدالحفیظ منصور ویلي، چې د مزاکراتو په لومړي پړاو کې به دولت او طالبان پر اوربند خبری وکړي او تمه ده، چې په دي پړاو کې دواړه خواوې به پر اوربند هوکړه وکړې.

طالبانو ویلي، چې دوی به هم به دی پړاو خبرو کې پر اوربند او د راتلونکي سیاسي نظام پر جوړښت  خبری وکړي.

د یادونې ده، چې افغانستان د خپل سیاسی برخلیک نوی پړاو ته د وردننه کیدو په درشل کې دی او ډېري د جګړې پای  او د خبرو پیل ته هیله من شوي دي.

Continue Reading

تازه خبرونه

سوله به خصوصي سکتور ته د پانګونې ډېر فرصتونه رامنځته کړي

Ariana News

خپور شوی

په

توسط

(Last Updated On: زمری ۲۱, ۱۳۹۹)

د افغانستان خصوصي سکتور ویلي، چې د سولې له هغې کړنې هرکلی کوي، چې کیدی شي په کې ځایی او نړیوالو سوداګریو ته د پانګونې پراخ فرصتونه چمتو، اقتصادي وده، پرمختګ او پراختیا رامنځته کړي.

د سوداګرۍ او پانګونې خونې چارواکو زیاته کړې، چې د سولې د راتلو لپاره هیلې زیاتې شوي او د دې بهیر پراختیا کولی شي د هېواد ر اقتصادي پراختیا مثبت اغېز ولري.

دوی په ډاګه کوي، چې ښکېلې غاړې باید له دې فرصته ګټه پورته کړي.

د خصوصي سکتورغړيو څرګنده کړې؛ د لوې جرګې د پرېکړې له مخې د سولې عملي  پروګرام  ته لار اواره شوې او د سولې له راتلو سره به په هېواد کې د پانګونې او اقتصادي هڅو لړۍ  پيل شي.

د سوداګرۍ او پانکونې خونې غړی خانجان الکوزی وایي: د لویې جرګې هغه پرېکړه، چې د زندانیانو د آزادی په اړه رامنځته شوه؛ د هېواد پر اقتصاد به مثبته اغېزه ولري.

د صنایعو او کانونو خونې مسوولین وایي؛ ښکېلې خواوې باید په هېواد کې د جګړې لړۍ ودروي او د سولې په راتلو او د امنیت له خوندي کیدو سره به په هېواد کې سترې پانګونې تر سره شي.

د صنایعو او کانونو خونې مرستیال سخي احمد پيمان ویلي؛ د بندیانو له خوشي کیدو مو هیله داده، چې سم دلاسه د سولې خبرې پيل او پانګونې ته زمینه برابره شي.

د کرنې او مالدارۍ  خونه او ځمکني  ترانسپورت د تولنې مسوولینو ویلي، په ېواد کې د سولې له راتلو سره به په لوړه کچه د کار زمینه  برابره او د فقر کچه به  تر خپلې  وروستۍ کچې را ټيټه شي.

د ځمکني ترانسپورت د تولنې مرستیال نظير احمد خلیل څرګنده کړې؛ د سولې لپاره تر ټولو اړینه  شېبه  رامنځته شوې، چې باید ګټه ترې پورته شي. مونږ باید نور له سیاسي او اقتصادي بحرانه خلاص شو.

د کرنې او مالدارۍ خونې مرستیال میرویس حاجې زاده ویلي؛ باورې یم، چې د سولې له راتلو سره به په  هېواد کې  د کرنې او مالدارۍ ترڅنګ په بېلا بېلو برخو کې افغان پانګوال پانګونه تر سره کړي، چې له دې سره به کارونه هم رامنځته شي.

د اقتصادي چارو کار پوهان هم په دې باور دي، چې د سولې په برخه کې له رامنځته شوي فرصته پوره واخلو، چې اقتصادي خوځښتونه پراخهیا و مومي.

د اقتصادي چارو کارپوه حکیم الله صدیقي وایي، چې د جګړی دواړه خواوې باید د افغانستان د ثبات او اقتصادي پر مختګ لپاره کار وکړي؛ ځکه، چې په امنیت کې کار اواقتصادي وده دواړه خوندي دي.

د خصوصي سکتور غړي وایي که امنیت رامنځ ته شي؛ نو د هېواد په کانونو، کرنې، خدماتو، د انرژۍ  د تولید په ګډون په نورو برخو کې هم په لوړه کچه پانګونې کیدی شي.

Continue Reading

Trending