Connect with us

تازه خبرونه

حکومت د انس حقانې د خوشې کولو هوډ نلري- صدیقي

Ariana News

خپور شوی

 په

(Last Updated On: تله ۲۲, ۱۳۹۸)

ولسمشرۍ ماڼۍ وایي، انس حقاني د ملي امنیت ځواکونو په بند کې دی او د خوشې کولو لپاره یې کومه هوکړه نده شوې.

افغان حکومت د انس حقاني د خوشې کیدو پر سر د هوکړې ادعا ردوي او ویل کیږي، چې له ټاکنو وروسته د سولې خبرې د ارګ د پام وړ مساله ده؛ خو په دې معنا نده، چې حکومت دې د طالبانو غوښتنو ته غاړه کیدي.

د ولسمشرۍ ویاند صدیق صدیقي ویلي، چې دمګړۍ د کوم بندي د خوشې کولو هوډ نلرو؛ زمونږ سیاست د هغو بندیانو په اړه، چې له حکومت سره دې بدل شوی ندی. د انس حقاني د آزادولو په اړه حکومت کومه پرېکړه نده کړې.

ځینې سیاسی څېرې باور لري، چې دا هوکړه د دواړو خواوو تر منځ د باور فضا را منځته کولو لپاره کیږي، چې د مذاکراتو بل پړاو رامنځته شي.

د حزب اسلامي لوړپوړي غړي همایون جریر ویلي، چې امریکا او طالبانو؛ د دوه؛ امریکایي او استرالیایي پروفیسورانو د خوشې کیدو په بدل کې د انس حقاني او حافظ رشید پر خوشې کولو هوکړه کړې ده.

طالبان او امریکا په ښکاره غواړي، چې د سولې خبرې بیا له سره پیل کړي؛ خو خبرې، چې له کوم ځایه دریدلي، له همغه ځایه بېرته پیلیږي.

طالبانو ته نږدې سرچینو ویلي؛ که څه هم د سولې خبرې دریدلې اعلام شوې؛ خو بشپړې ونه دریدې او ښکېلو اړخونو پټې خبرې روانې وساتلې.

د سولې چارو کارپوه ولي الله شاهین  ویلي؛ خبرې پیلیږي او په دوحه کې پیلیږي؛ هغه خبرې، چې دریدلې وې بېرته خوندي کیږي.

د امریکا او طالبانو خبرې برخلیک ټاکوونکي حالت ته رسيدلې وې؛ خو ولسمشر دونالد ترمپ دا بهیر لغوه کړ.

بهرنیو رسنیو تازه په ډاګه کړې، چې د سولې خبرې پیلیږي او په یو یا دوه پړاوه خبرو کې به له طالبانو سره د امریکا هوکړه لاسلیک شي.

دا په داسې حال کې، چې ارګ ویلي: اړتیا ده، چې طالبان د سولې خبرو د پر مخ بیولو لپاره اوربند او د تاوتریخوالي کمولو ته غاړه کیدي؛ ځکه دا نرمښت کولی شي مخامخ خبرو ته لار اواره کړي.

تازه خبرونه

په بدخشان او کندوز ولایتونو کې ۳۲ افغان ځواکونو ته مرګ و ژوبله اوښتې

Ariana News

خپور شوی

په

توسط

(Last Updated On: چنګاښ ۲۳, ۱۳۹۹)

د کندوز ولایتي شورا مشر محمد یوسف ایوبي ویلي، چې طالبانو تېره شپه د دې ولایت د امام صاحب د مبارکې روضې د امنیتي ځواکونو پر ګډ مرکز پراخ بریدونه تر سره کړي دي.

د نوموړي د څرګندونو له مخې؛ په دې برید کې ۶ سرتېري او ۶ پولیس وژل شوي او ۶ سرتېري او ۷ پولیس ټپیان دي.

هغه زیاته کړې، چې له افغان ځواکونو سره دا نښته څو ګړۍ روانه وه او د مرستندویو ځواکونو د نه رارسیدو له کبله دا پو ځي مرکز طالبانو ونیوه او ټول هجهیزات یې له ځانونو سره یوړل.

سیمه ییزو چارواکو  د پېښې رامنځته کیدل منلي؛ خو وایي، چې د ځاني زیانونو په اړه څه په ډاګه شوی ندي.

دغه راز د بدخشان والي ویاند نیک محمد نظري ویلي؛ تېره شپه ۱۱ بجې د دې ولایت د ارغنجوا ولسوالۍ پر امنیتي پوستو د طالبانو په بریدونو کې د امنیتي ځواکونو ۷ سرتېری وژل شوي دي.

نوموړي زیاته کړې، چې په دې پېښه کې ۵ طالب جنګیالي هم وژل شوي او ملکي کسانو ته کوم ځاني زیان ندي اوښتي.

همدارنګه د کندهار ولایت د شورابک پر امنیتي پوستو هم بریدونه شوي دي.

 د کندهار پولیسو ویاند جمال ناصربارکزي ویلي، چې له طالبانو سره په نښته کې ۱۱ طالبان وژول شوي او ۵ نور ټپیان دي.

نوموړي زیاته کړې، چې د وسلوالو طالبانو بریدونه پر شا تمبول شوي او امنیتي ځواکونو ته ځاني زیان ندی اوښتي.

طالبانو د دغو پېښو په اړه تر دې دمه څه ندي ویلي.

Continue Reading

تازه خبرونه

د سمنګان ولایت په ایبک ښار کې زوروره چاودنه شوې

Ariana News

خپور شوی

په

توسط

(Last Updated On: چنګاښ ۲۳, ۱۳۹۹)

سیمه ییزو چارواکو ویلي، چې نن له غرمې مخکې د سمنګان ولایت د ایبک ښاروالۍ او ملي امنیت ریاست ته نږدې زوروره چاودنه رامنځته شوې ده.

د سمنګان والي ویاند صدیق عزیزي آریانا نیوز ته منلې، چې کیدی شي دا د موتر بم چاودنه وي. تر دې د درې ماشومانو او یوې ښځې په ګډون ۴۳ ټپیان د ښار مرکزي روغتون ته لیږدول شوي دي. ویل کیږي، چې د پېښې په خای کې جګړه روانه ده.

د سمنګان ولایت چارواکو ويلي، د ملي امنیت پر ریاست په ننني برید کې ۱۰ کسان وژل شوي او له پنځوس ډېر ټپیان دي.

طالبانو منلې، چې د سمنګان ولایت د ملي امنیت پر ریاست یې ځانمرګی برید کړی دی. دوی دا هم ویلي، چې په دې برید کې تر ۷۰ کسانو ته مرګ و ژوبله اوښتې ده.

ولسمشر غني د سمنګان ولایت په ایبک ښار کې نننی ډله ییز برید او چاودنې په کلکه غندلي او یو ځل بیا یې له طالبانو وغوښتل، چې له افغان وژنې دې ډده وکړي؛ د خلکو، حکومت او نړیوالې ټولنې غږ دې د جګړې د پای ته رسیدو او سولې ټینګیدو لپاره واوري.

هغه زیاته کړې، چې تاوتریخوالي زیاتول او جګړه روانه ساتل به د سولې بهیر زیانمن کړي.

Continue Reading

تازه خبرونه

په پکتیا کې د طالبانو په ملاتړ جنګیدونکیو پاکستانیو ملیشو ته مرګ و ژوړبله اوښتې

Ariana News

خپور شوی

په

توسط

(Last Updated On: چنګاښ ۲۳, ۱۳۹۹)

په پکتیا کې د ډنډ پټان ولسوال ویلي، چې پر امنیتي پوستو له طالبانو سره یو ځای پاکستاني ملېشې جګړه کوي او د سږکال په اوږدو کې افغان ځواکونو ورته درانده ځاني زیانونه اړولي دي.

دپکتیا د دند پټان ولسوال عید محمد احمدزی زیاتوي، چې په دې ورستیو کې د طالبانو د کویټې شورا رهبري او جنګیالي را اوښتي، چې امنیتي وضیعت يې د تېر په پرتله خراب کړی دی.

د ډنډ پټان ولسوالۍ اوسیدونکي خراب امنیتي وضیعت اندېښمن کړي او په سیمه کې افغان سرتېرو ته له مرکزي حکومته د وسلو او پوځي وسایلو غوښتنه کوي.

دوی په سیمه کې د خراب امنیتي وضیعت لامل د امنیتي ارګانونو ترمنځ نه همغږي هم یادوي.

ډنډ پټان ولسوالي له کوزې پښتونخوا پاړا چنار سیمې سره نهه ویشت کلیومتره اوږده پوله لري، چې پر ډېرې برخې يې افغان حکومت له شتون بې برخې او وسلوال طالبان او نور ډلې په آسانه له فرضي کرښې را اوړي؛ ځکه، نو د سیمې خلک پر پوله د امنیتي پوستو د جوړلو غوښتنه کوي.

Continue Reading

Trending