Connect with us

تازه خبرونه

حکومت د متشبثو ښځو د هڅونې لپاره هیڅ ندي کړي- سوداګرې میرمنې

Ariana News

خپور شوی

 په

(Last Updated On: چنګاښ ۲۷, ۱۳۹۸)

د هېواد متشبثې میرمنې وايي، حکومت ورسره د اقتصادي هڅو د پراختیا په برخه کې هیڅ همکاري نده کړې.

په دې نندارتون کې د کابل په ګډون د هېواد له یو شمېر ولایتونو څخه هم متشبثې او سوداګرې میرمني راغلې دي.

 دوۍ وايي،  د ملي یوالي حکومت د میرمنو د اقتصادي ځواکمنتیا په برخه کې داسې کار ندی کړی، چې د میرمنو د اقتصادي ملا تړ سبب شي.

د دوی د څرګندونو له مخې؛ د مسوولینو ژمنې ټولې د رسنیو او کاغذ پرمخ پاتې دي؛ ځکه، چې متشبثې میرمني د پور ترلاسه کول، د بازار نشتون او د میرمنو لپاره د ځانګړیو پلورنځيو نشتون هغه ننګونې دي، چې دوی ور سره مخ دي. سوداګره راضیه وایي، چې مونږ دلته خپل تولیدات راوړي؛ خو د حکومت لخوا مو نه ملاتړ د اندېښنې وړ دی.

سوداګره ظریفه څرګندوي، چې د حکومت ټولي چارې نمایشي دي. مونږ په ځلونو له حکومته د همکارۍ غوښتنه کړې؛ خو هغه هم رد شوې ده.

سوداګره آرزو د حکومت رښتینې مرستې غواړي او وایي، چې له مونږ سره باید په رښتیني توګه عملي همکاري وشي؛ ځکه، چې مونږ باید په هراړخیزه توګه له ستونزو وژغورل شو. په ځانګړي توګه مالي ډاډ تر لاسه کړو.

 د ښځو وزارت بیا د متشبثو میرمنو دغه اداعاوي ردوي، چې د وی له کاري ستونزو سره مخ دي.

د ښځو چارو وزارت مرستیاله نبیله مصلح وایي، چې مونږ د متشبثو میرمنو د اقتصادي پراختیا لپاره پروګرامونه پلي کړي او اوس هم دغه لړۍ د پراختیا په حال کې ده. مونږ نور هم کوښښ کوو، چې له میرمنو سره د اقتصادي پراختیا په برخه کې همکاري زیاته کړو.

  د اقتصاد وزارت هم مني، چې پېنځه اشاریه اووه میلیو ن افغان میرمنې په اقتصادي هڅو کې و نډه نلري. هڅه کوي، چې هغه میرمني هم د اقتصادي فعالیتونو لپاره وهڅوي،  چې تر اوسه یې دغه بهیر ته مخه نده کړې.

د اقتصاد وزیر مصطفی مستور وایي؛ مونږ به د میرمنو د اقتصادي پراخیتا په برخه کې اقتصادي فعالیتونو ته زمینه برابره کړو، چې وکولی شي د خپلو کورنیو په اقتصادي پراختیا کې مثبت رول ولو بوي.

خبریال: اسلم حجاب

تازه خبرونه

په افغانستان کې پر کرونا تازه ۱۹۴ کسان اخته او ۲۲ مړه شوي

Ariana News

خپور شوی

په

توسط

(Last Updated On: چنګاښ ۱۷, ۱۳۹۹)

د عامې روغتیا وزارت چارواکو ویلي، چې په افغانستان کې کرونا وبا تازه دوه ویشت کسان مړه کړي او ۱۹۴ پرې اخته شوي، چې له دې سره د ټولو اخته ناروغانو شمېر ۳۳۳۸۴ ته پورته شوی دی.

د عامې روغتیا وزارت د ویاند مرستیاله معصومه جعفري وایي: په تېرو څلیریشت ګړیو کې ۴۹۵ شکمنې پېښې کتل شوي، چې ۱۹۴ یې مثبتې ثبت شوي؛ ۲۲ د مړینې پېښې لرو او ۴۹۵ نور ناروغان رغیدلي دي.

د عامې روغتیا وزارت دا هم ویلي، چې پدې وبا ډېر اخته کسان په هرات، تخار، دایکندي او کابل کې دي.

له ۱۹۴ مثبتو پېښو څخه ۵۷ په هرات، ۳۲ په دایکندي، ۲۳ په تخار، ۱۵ په کابل، ۱۲ په بادغیس، ۱۱ په بلخ، ۱۱ په غزني، ۵ په پروان، ۵ په بدخشان،۶ په کندهار، ۶ په میدان وردګ، ۲ په کونړ، ۲ په خوست، ۱ په ننګرهار، ۱ په لغمان او ۳ په پنجشېر ولایتونو کې ثبت شوي دي.

د عامې روغتیا وزارت وایي، کرونا وبا تر دې مهاله نهه سوه څلیریشت کسان مړي کړي او بېرته ترې رغیدلي کسان شل زره یو سل و یو پنځوس ته رسیږي.

Continue Reading

تازه خبرونه

د جګړې لیکو ته د خوشې کېدونکیو طالبانو د بیا ورګرزیدنې ډاډ نلرو- د بشر حقونو کمیسیون

Ariana News

خپور شوی

په

توسط

(Last Updated On: چنګاښ ۱۷, ۱۳۹۹)

د افغانستان بشر حقونو خپلواک کمیسیون د زرګونه طالب بندیانو د خلاصون کړنلارې په تړاو اندېښنه ښیي او وايي؛ داسې ډاډ نشته، چې خوشې کېدونکي طالبان دې بیا جنګي لیکو ته نه ورګرزي.

د افغانستان بشر حقونو خپلواک کمیسیون رئیسه وایي، له بندیانو اخیستل شوي تضمینونه ډېر کمزوري دي.

د بشري حقونو خپلواک کمیسیون مشرې شهزاد اکبر آریانا نیوز ته ویلي؛ له دې زندانیانو اخیستل شوي تضمینونه ډېر کمزوري دي او لیدل کیږي، چې خوشې شوي طالبان ژر جنګي لیکو ته ور ګرزي.

د لغمان د ملي امنیت لوی مشر غلام حیدر رحمان زوی ویلي، د حکومت له بنده تازه یو آزاد شوی طالب قاري روح الله په لغمان ولایت کې له امنیتي او دفاعي ځواکونو سره په نښته کې ټپي شوی دی.

ویل کیږي؛ دی تازه له زندانه خوشې شوی او د کابل – جلال آباد لویې لارې ناامنه کولو ته ګمارل شوی و، چې له افغان ځواکونو سره په نښته کې ټپي شوی. په دې نښته کې د نوموړي ۱۶ ملګري وژل شوي او د ده په ګډون شپږ نور ټپیان دي.

طالبان بیا دا نه مني، چې خوشې شوي ملګري یې بیا جګړې ته ورګرزېدلي او پر حکومت تور لګوي، چې د بندیانو د خلاصون بهیر په تړاو پلمې لټوي.

د بغلان امنیه قومندان منظور ستانکزي ویلي، چې له همدې کبله امنیتي ځواکونه د دوی پر آزادولو بې باوره دي.

په لغمان کې د ملي اردو د لوا قومندان بریالی ارګونوال وایي، دا باید طالبانو ته پند وي.

په دوحه کې د طالبانو او امریکا د هوکړه لیک له مخې، ټاکل شوې وه حکومت پېنځه زره او طالبان زر بندیان خوشې کړي، چې د افغانانو خپلمنځي خبرې پیل شي؛ خو حک ومت د پاتې بندیانو پر نه خوشې کولو ټینګار کوي او له همدې کبله د بشر حقونو فعالان او بنسټونه د طالب جنګیالیو خلاصون له پیاوړي ضمانت پرته خطرناک بولي. په داسې حال کې، چې طالبانو په ځلونو له امریکا سره د سولې هوکړه لیک ته پر ژمنه ټینګار کړی دی.

Continue Reading

تازه خبرونه

په بغلان او بدخشان کې د یوه طالب قومندان په ګډون ۱۶ جنګیالي وژل شوي

Ariana News

خپور شوی

په

توسط

(Last Updated On: چنګاښ ۱۷, ۱۳۹۹)

امنیتي چارواکو ویلي، چې د بغلان – سمنګان پر لویه لار له امنیتي سرتېرو سره په نښته کې لږ تر لږه ۱۵ وسلوال طالبان وژل شوي دي.

د بغلان امنیه قومندانۍ په ډاګه کړې، چې تېره ورځ وسلوالو طالبانو د دغې لویې لارې په اوږدو کې پر امنیتي ځواکونو بریدونه کړي او دغه لویه لار یې د ترافیکو پر مخ تړلې وه.

د یادې قومندانۍ په خبرپاڼه کې راغلي، چې د ملي، دفاعي او امنیتي ځواکونو په هوایي او ځمکنیو ځوابي بریدونو کې طالب قومندان قاري جمعه ګل له خپلو جنګیالیو سره وژل شوی او د دوی بریدونه هم پر شاه تمبول شوي دي.

دغه راز د بدخشان ولایت د امنیه قومندانۍ ویاند ثنا الله روحاني ویلي، چې وسلوالو طالبانو د دې ولایت د یفتل ولسوالۍ پر پهندره سیمه بریدونه تر سره کړل؛ خو د امنیتي ځواکونو له ټینګار سره مخ او وسلوال طالبان یې شاتګ ته اړ کړل.

د روحاني د څرګندونو له مخې په دې نښته کې د طالبانو یو قاضي شمس الله نومی وژل شوی او دوه قومندانان ټپیان دي؛ خو امنیتي ځواکونو ته ځاني زیان ندی اوښتي.

وسلوالو طالبانو د دغو دواړو پېښو په اړه تر دې دمه څه ندي ویلي.

Continue Reading

Trending