Connect with us

تازه خبرونه

حکومت او سیاسي بهیرونو د سولې خبرو پر جوړیدونکي پلاوي هوکړه وکړه

خپور شوی

 په

(Last Updated On: وری ۲۶, ۱۳۹۸)

د پخلاینې عالی شورا غړي محمد اسمعیل خان آریانا نیوز ته څرګنده کړې، چې د دغه پلاوي په جوړښت کې له اویا ډېر کسان د حکومت او همدومره نور د سیاسي بهیرونو لخوا غوره شوي دي.

د پخلاینې عالی شورا غړي محمد اسمعیل خان وايي؛ د پلاوي شمېر مشخص شوی او غړي یې هم ټاکل شوي، چې

 د قطر په غونډه کې به د ګډون لپاره د پنجشنبې پر ورځ دوحې ته ولاړ شي. د نوموړي د څرګندونو له مخې

په دغه پلاوي کې یو سلو پنځوس کسان ګډون لري، چې څلوېښت میرمنې هم په کې دي.

د افغانستان د سولې لپاره د افغانانو دوه یمې خپلمنځي ناستې ته له ډېرو ناندرو او مخالفتونو وروسته حکومت او سیاسي بهیرونو پر نږدې ۱۵۰ کسیز پلاوي هوکړه وکړه.

نوموړي زیاته کړې، چې د سولې په ناسته کې د ګډون کوونکیو کسانو نوملړ به په راتلونکیو دوه ورځو کې اعلام شي.

هغه دا هم ویلي، چې ۷۵ کسان به د  حکومت لخوا او ۷۵ نور به د سیاسي بهیرونو لخوا  یادې ناستې ته ورځي؛ خو کیدی شي نور کسان هم ورزیات شي.

ویل کیږي، چې په دې کسانو کې به د افغانستان ځينې وزيران، واليان، د سياسي ګوندونو مشران، د مدني ټولنو او ښځو استازي برخه ولري.

مخکې لدې د قطر (بين الافغاني) ناستې ته د غړیو د ټاکلو پر سر اختلافات او ناندرې راپورته شوې؛ خو بیا د پخلاينې عالی شورا وياند عمر داوودزي څرګنده کړه، چې د قطر د غونډې له پاره د خلکو پر ټاکلو کار روان دی.

طالبانو ته نږدې سرچینې هم  وايي، چې د قطر په راتلونکې ناسته کې به د طالبانو شاوخوا ۲۵ کسيز پلاوی ګډون وکړي، چې په کې به د مرکچي پلاوي غړي هم وي.

پخوانی طالب چارواکی مولوي قیام الدین وایي، چې ممکن د دواړو خواوو پلاوي د پنجشنبې پر ورځ دوحې ته ورسیږي او د جمعې لمونځ د قطر له امام سره یو خای ادا کړي.

دغه راز دا هم ويل شوي وه، چې د قطر په (بين الافغاني) ناسته کې به هيڅوک د حکومت پر استازيتوب ګډون نکوي او هر څوک به د سولې او د افغانستان د قضيې د حل په اړه خپل نظر وړاندې کوي.

پخوانی ولسمشر حامد کرزی، چې له طالب استازیو سره یې مخکې هم کتلي وايي؛ افغانان باید د سولې لپاره یو موټی شي.

د مصالحې شورا رهبرۍ له طالبانو سره د خبرو لپاره سرې کرښې هم مشخې کړي دي؛ د نظام پایښت، د ټاکنو تر سره کیدل، د اساسي قانون خوندیتوب، د ښځو حقونه او د بیان آزادي هغه مسایل دي، چې ویل کیږي قطر ته تلونکی پلاوی به له طالب استازیو سره پرې معامله نکوي.

د یادونې ده، چې د قطر (بين الافغاني) غونډه به د جمعې پر ورځ( دوري ۳۰ / د اپریل ۱۹) د دغه هېواد په پلازمېنه دوحه کې جوړه شي، چې درې ورځې به روانه وي.

تازه خبرونه

افغان پلاوي له قطري استازیو سره پر ګډو همکاریو خبرې وکړې

خپور شوی

په

توسط

(Last Updated On: ليندۍ ۶, ۱۴۰۰)

د افغانستان اسلامي امارت د بهرنيو چارو وزارت چارسمبالي مولوي امير خان متقي په مشرۍ یو لوړ پوړي پلاوي تېره شپه د قطر په بهرنیو چارو وزارت کې د بېلا بېلو وزارتونو او ادارو له استازیو او مشرانو سره ګډه ناسته ترسره کړې ده.

له مولوي متقي سره په دې پلاوي کې د پوهنې، روغتیا، مالیې، امنیت او د افغانستان بانک استازي مل دي.

د بهرنيو چارو وزارت وياند عبدالقادر بلخي څرګنده کړې؛ په دې ناسته کې پر سیاسي، بشري، اقتصادي او ښوونیزو او روزنیزو موضوعاتو پراخې ‏خبرې شوي دي.

په دې غونډه کې د قطر هېواد استازیو ويلي، چې د افغانستان د خلکو تر څنګ ولاړ دي او مرستې به ورسره وکړي.

افغان پلاوي د قطر هېواد له مرستو او په تېرو مذاکراتو کې د دوی له مثبت رول څخه مننه کړې.

دا په داسې حال کې ده، چې نن به د قطر پر کوربتوب د افغان او امریکایانو تر منځ پر سیاسي او ټولنیزو مسایلو پرخې خبرې تر سره شي.

Continue Reading

تازه خبرونه

له افغانستان څخه اخیستل شوی درس مو د راروانې ناستې موضوع ده – ناټو

خپور شوی

په

توسط

(Last Updated On: ليندۍ ۶, ۱۴۰۰)

د ناټو سرمنشي ینس سټولټنبرګ پرون (جمعه د لیندۍ ۵ ) څرګنده کړې، چې د دې ټولنې د بهرنیو چارو وزیران به راتلونکې اوونۍ په افغانستان کې د دې سازمان پر فعالیتونو او اخیستل شویو درسونو خبرې وکړي.

د ناټو عمومي منشي ینس سټولټنبرګ ویلي، چې د افغانستان د تېر حکومت او پوځي ځواکونو له چټک سقوط وروسته ما د خپل تعامل هر اړخیزه ارزونه پیل کړې ده.

سټولټنبرګ زیاته کړې، چې ناټو د ترهګریزو بریدونو د مخنیوي لپاره افغانستان ته تللې وه.

نوموړی وایي؛ د سپټمبر له یوولسمې وروسته زمونږ پر وړاندې له افغانستان څخه ترهګریز برید نه دی شوی؛ خو مونږ باید پوه شو، چې په وروستیو کلونو کې نړیوالې ټولنې له ترهګرۍ سره د مبارزې له بنسټیزې موخې څخه لوړې غوښتنې په نظر کې نیولې وې، چې مونږ له تلفاتو او پانګونې سره سره و نشو کولی هغهه ترلاسه کړو.

د ناټو عمومي منشي په افغانستان کې د بشري وضعیت په اړه هم اندېښنه څرګنده کړې ده.

هغه وایي: په افغانستان کې بشري وضعيت ډېر خراب، کړکېچن او ډېر ستونزمن دی او له شک پرته دا د ټولو لپاره د ډېرې اندېښنې وړ او ژمی هم په رارسېدو دی. مونږ پوهېږو، چې ډېر خلک په ژمي کې له کړاوونو سره مخ دي.

سټولټنبرګ له افغانستان سره د ناټو د غړیو هېوادونو له روانو بشري مرستو هرکلی کړی او دا یې د افغانستان له خلکو سره د ناټو د غړیو هېوادونو ژمنتیا نومولې ده.

د ناټو عمومي منشي زیاته کړه، چې د افغانستان پر راتلونکي به له پاکستان سره خبرې وکړي.

هغه وایي: ناټو له کلونو راپدیخوا له پاکستان سره منظمې اړیکې لري؛ نه یوازې د افغانستان د وضعیت په اړه، بلکې ورسره سیاسي اړیکې او منظمې پوځي اړیکې او خبرې اترې هم لرو، چې باید روانې وساتل شي؛ ځکه، چې په سیمه کې، په ځانګړې توګه د افغانستان د راتلونکي په اړه ډېرې ننګونې اوس هم شته.

سټولټنبرګ وايي، د ناټو د بهرنیو چارو وزیران به د اوکراین په پولو کې د روسي ځواکونو د زیاتوالي په اړه هم خبرې وکړي.

هغه ویلي: په دې اړه هڅې کړکیچ زیاتوي او د غلطې محاسبې خطر لري. روسیه باید شفافه وي، تاوتریخوالی کم کړي. د روسیې پر وړاندې د ناټو چلند بدل شوی ندی. مونږ خپله دفاع پیاوړی کوو او په دې اړه له روسیې سره خبرو ته چمتو یو.

هغه وایي، چې د ناټو د بهرنیو چارو وزیران به په بېلاروس کې له کډوالو سره د ناوړه چلند په اړه هم خبرې وکړي.

سټولټنبرګ زیاته کړه، چې په دې غونډه کې به د روسیې د تېري، د چین د اقداماتو او د اقلیم د بدلون په ګډون پر نورو مسایلو هم خبرې وشي.

ټاکل شوې، چې دغه غونډه راتلونکې سې شنبه د لاتویا په پلازمېنه ریګا کې ترسره شي.

Continue Reading

تازه خبرونه

اروپايي ټولنې له افغانانو څخه پر ملاتړ ټینګار څرګند کړ

خپور شوی

په

توسط

(Last Updated On: ليندۍ ۶, ۱۴۰۰)

د اروپايي ټولنې مشرې ارزولا فون در لاین پرون (جمعه د لیندۍ ۵) ویلي، چې دا ټولنه باید په افغانستان کې د اقتصادي او ټولنیز سقوط د مخنیوي لپاره له افغانانو ملاتړ وکړي.

نوموړې د آسیا – اروپا د دیارلسمې سرمشریزه پرمهال په آنلاین وینا کې ویلي؛ اروپايي ټولنه د افغانستان اسلامي امارت پر رسمیت نه پېژني، خو د افغانستان د اقتصادي او ټولنیز سقوط د مخنیوي لپاره کار کوي.

تېره میاشت اروپايي ټولنې د افغانستان له خلکو او ګاونډ هېوادونو سره د یو میلیارد یورو بشري مرستې اعلان کړی و.

د یادونې ده، چې د آسيا او آروپا په سرمشريزه غونډه کې د کمبوديا صدراعظم ويلي، چې د آسيايي او آروپايي هېوادونو ترمنځ همکاري بايد پياوړې شي.

Continue Reading

Trending

آریانا نیوز: ټول حقونه خوندي دي