Connect with us

تازه خبرونه

حکومت د ژنیو دوه ورځنۍ ناستې ته پوره چمتوالي نیولی

خپور شوی

 په

(Last Updated On: ليندۍ ۳, ۱۳۹۷)

حکومت وایي؛ د ژنیو ناستې ته پوره چمتوالي نیول شوی، چې په کې به له افغانستان سره د نړیوالې ټولنې ژمنې هم وڅېړل شي.

ملګري ملتونه د نوامبر له اووه ویشتمې تر اته ویشتمې د سویس په ژنیو ښار کې د یوې ناستې کوربتوب کوي. په دې ناسته کې به له افغانستان سره د نړیوالې ټولنې د بروکسل او وارسا د ناستو ژمنې هم وڅېړل شي.

حکومت وایي، له نړیوالې ټولنې سره مو په بېلابېلو شاخصونو کې له کړې ژمنې څخه له۵۰ تر۶۰ سلنه پلې کړي او د ژنیوناستې ته به د لاسته راوړنو له څرګند نوملړ سره ځو.

وګورو، چې حکومت د ژنیو له ناستې نورې څه تمې لري!

د ولسمشرۍ ویاند محمد هارون چخانسوري وایي، له نړیوالې ټولنې سره د ملي وحدت حکومت ژمنې څه باندې پنځوس په سلو کې عملي شوي او د ژنیو په ناسته کې به افغانستان نور له خپلو شریکانو مرسته ونه غواړي، بلکې ترې به وغوښتل شي، چې له افغانستان سره د بسیاینې لپاره یو اړخیزې او څو اړخیزې همکارۍ وکړي.

د حکومت په باور په هره برخه کې، چې ژمنه شوې سمونونه راغلي؛ خو ناحکومتي بنسټونه، چې ټاکل شوې په دې ناسته کې ګډون وکړي، له نړیوالې ټولنې سره د حکومت ژمنې د کاغذ پر مخ او نمایشي بولي او له همدې کبله به د ژنیو ناستې ته ځینې غوښتنې مطرح کړي.

د ناحکومتي بنسټ د روڼتیا څار څېړونکی ناصر تیموري، چې ټاکل شوې په دې ناسته کې ګډون وکړي وایي: له نړیوالې ټولنې به وغوښتل شي، چې له افغانستان سره خپلې مرستې مشروط کړي؛ ځکه، چې حکومت د خپلو ژمنو په پلي کولو کې پاتې راغلی دی.

د حکومت یوه ژمنه په مخکنیو نړیوالو ناستو کې د هېواد والو امنیت ساتنه وه؛ خو ویل کیږي، چې په ملي وحدت حکومت کې امنیتي وضعیت د ښه والي پر ځای نور هم بد او خراب شوی دی.

پخوانی پوځي محمد رادمنش وایي: که نړیوال وپوهیږي، چې په افغانستان کې څه حال دی؛ نو د دغه هېواد لپاره یې، چې کوم پلان جوړ کړی؛ نو پرې به له سره غور وکړي. 

افغان حکومت وایي، د بدلون لسیزې په پېنځه کلونو کې داسې کارونه شوي، چې د دې لسیزې په پاتې پېنځه نورو کلونو کې به افغانستان بسیاینې ته ورسیږي.

د مدني ټولنو د شبکې رییس عزیز رفیعي وایي: حکومت په یوه برخه کې هم خدمات ندي وړاندې کړي په ځانګړي توګه امنیت او ملي پخلاینه بې پایلې پاتې دي او هغه ګزارش، چې په اړوند ناسته کې وړاندې کیږي؛ بې پایلې او ناکام به وي.           

ټاکل شوې، چې د ژنیو په ناسته کې ۶۲ هېوادونه او له ۳۵ ډېر نړیوال سازمانونه ګډون وکړي. د دې ناستې په څنډو کې به د افغانستان د سولې پر بهیر هم ناسته تر سره شي.

تازه خبرونه

بیات بنیاد د میدان وردګ ولایت سلګونه اړمنو کورنیو ته ژمنۍ مرستې ورسولې

خپور شوی

په

توسط

(Last Updated On: مرغومی ۳۰, ۱۴۰۰)

 د بیات بنیاد مسوولینو ويلي؛ دغه بنسټ د میدان وردګ ولایت سلګونه اړمنو کورنیو ته اوړه، وريجې او غوړي ووېشل.

د بیات بنیاد مرستیال حاجي محمد اسماعیل خان د ژمنیو مرستو په لړ کې د میدان وردګ ولایت مستحقو کورنیو ته د مرستو د وېشلو پرمهال ویلي؛ دغه ژمنۍ مرستې، چې اوړه، غوړي او وريجې په کې دي له سروې وروسته پر مستحقو او اړمنو کورنيو ووېشل شوې.

نوموړي ویلي؛ مونږ هڅه کوو، چې د هېواد پاتې لږ شمې ولایتونو ته هم خپلې ژمنۍ مرستې ورسوو.

د ميدان وردګ ولایت يو شمېر اوسېدونکي وايي، چې په اوسنيو شرايطو کې له اقتصادي ستونزو سره مخ دي او د بيات بنیاد مرستې يې په اوسنیو شرایطو کې اغېزناکې وبللي.

له دغو مرستو برخمن شوي کسان له نورو مرستندويه ادارو هم غواړي، چې په دې ستونزمنو حالاتو کې له اړمنو کسانو سره مرسته وکړي.

دغه مرستې په داسې حال کې اړو کسانو ته رسیږي، چې په دې سوړ ژمي کې د بېکارۍ او د خوراکي توکو د بیو د لوړېدو له کبله خلک له ګڼو ستونزو سره مخ دي.

د یادونې ده، چې بیات بنیاد له تېرو څه نا څه شل کلونو راپدیخوا هر ژمی د هېواد د بېلابېلو ولایتونو اړمنو او بې ځایه شویو کورنیو ته خپلې ژمنۍ مرستې د لاسنیوي لپاره رسوي.  

Continue Reading

تازه خبرونه

رسنۍ دې د بې بنسټه خبرونو او افواهاتو له خپرولو ډډه وکړي – استخبارات

خپور شوی

په

توسط

(Last Updated On: مرغومی ۳۰, ۱۴۰۰)

د افغانستان اسلامي امارت د استخباراتو عمومي ریاست له رسنیو وغوښتل، چې د بې بنسټه خبرونو او افواهاتو له خپرولو دې ډډه وکړي.

دغه رياست ويلي، چې يو شمېر څېرې د بهرني تابعيت د ترلاسه کولو لپاره ملي او اسلامي ارزښتونو ته سپکاوى کوي.

د یاد ریاست په خبرپاڼه کې راغلي: یو شمېر کړۍ غواړي د غربي تابعیت د ترلاسه کولو لپاره اسلامي او ( ملي) ارزښتونو ته سپکاوی وکړي؛ پر امنیتي ځواکونو بې بنسټه تورونو لګولو غواړي، د ځان لپاره کیس جوړ او بهر ته ولاړ شي.

دغه راز څرګندوي: له بده مرغه، چې یو شمېر رسنیو هم د داسې اشخاصو پر پلوۍ او ملاتړ غږ پورته  کړی دی.

د استخباراتو ریاست دا هم په ډاګه کړې، چې  وروسته له دې مقدساتو او ارزښتونو ته سپکاوى د خلکو لپاره د زغم وړ ندى.

ویل کیږي، چې پر کابل د اسلامي امارت له بیا واکمنېدو وروسته ځینې رسنۍ انتقادي هڅې کوي او غواړي، چې اطلاعاتو ته د لاسرسي په اړه د یو لړ اندېښو او شکونو د له منځه وړلو لپاره باید د رسنیو قانون تر غورلاندې ونیول شي.   

Continue Reading

تازه خبرونه

پاکستان د افغانستان په سوله او ثبات کې اړینې هڅې کړي – عارف علوي

خپور شوی

په

توسط

(Last Updated On: مرغومی ۳۰, ۱۴۰۰)

د پاکستان ولسمشر عارف علوي ویلي؛ پاکستان په افغانستان کې د سولې او ثبات په برخه کې اړینې هڅې ترسره کړي او اسلام آباد ډاډ شوی، چې کابل یوازی ندی.

عارف علوي له رسنیو سره په مرکه کې ویلي، چې د اقتصادي همکاریو ټولنې یا اکو د وروستۍ سرمشریزې غړیو ته یې ویلي، چې پاکستان افغانستان له انزوا ژغورلی دی.

هغه دا هم ویلي، چې د پاکستان په پلازمېنه اسلام آباد کې د ډسمبر د میاشتې د اسلامي هېوادونو همکارۍ ټولنې د بهرنیو چارو وزیرانو په ځانګړې غونډه کې پاکستان د جنګ ځپلي افغانستان  رښتینی انځور وړاندې کړ.

هغه دا هم څرګنده کړې، چې نړۍ د لومړي وزیر عمران خان نوښتونه پر رسمیت پېژندلي دي.

Continue Reading

Trending

Copyright © 2022 Ariana News. All rights reserved!