Connect with us

تازه خبرونه

حکومت د روغتیایي مرکزونو د لګښتونو یوازې ۵ سلنه ورکوي

Ariana News

خپور شوی

 په

(Last Updated On: April 7, 2018)

د  عامې روغتیا  د وزیر په خبره؛ هر وګړي ته په یوه کال کې د حکومت لخوا ۵ دالر ورکول کیږي، چې دا په نړۍ کې تر ټولو لږ دالر دي.

دغه وزارت یوازې د روغتیایي مرکزونو د لګښتونو ۶ سلنه ورکولی شي؛ د دې مرکزونو د لګښتونو ۲۳ سلنه خلک؛ خو پاتې څه باندې اویا سلنه نور بهرني مرستندویان ورکوي.

 د عامې روغتیا وزیر د روغتیا نړیوالې ورځې نمانځغونډې ته وویل، چې حکومت د عامې روغتیا وزارت له پراختیایي بودجې سل میلیون دالر کم کړي دي. له دې سره هر وګړی په کال کې حق لري، چې له دولته د روغتیایي ستونزو د حل په برخه کې ۵ میلیون دالر تر لاسه کړي.

د عامې روغتیا وزیر فیروزالدین فیروز وایي: هر وګړي ته په یوه کال کې د حکومت لخوا ۵ دالر ورکول کیږي، چې دا دالر د ساري او ناساري ناروغیو لپاره بسنه نکوي. همدا اړتیا باید مونږ له کورنیو او بهرنیو مرستو پوره او دا شعار، چې روغتیا د ټولو لپاره ده؛ پلی کړو.  د روغتیا په برخه کې د دولت لخوا د مرستو کمی په داسې حال کې دی، چې په هره برخه کې پر خلکو مالیات ډېر لوړ شوي دي. په دولتي او خصوصي روغتیایي مرکزونو کې بیا روغتیایي خدمتونه ډېر ټیټ دي، چې د خلکو بې باوري یې زیاته کړې او هره ورځ د درملنې لپاره بهر ته ځي.

په همدې حال کې ځینې کابل ښاریان دولت د خلکو وضعیت ته په بې پامۍ تورنوي؛ خو د روغتیا نړیوال سازمان وایي، چې په اوږدمهال کې به د ګډو همکاریو په پایله کې دغه ستونزې حل شي.

د روغتیا نړیوال سازمان استازی ریچارد وایي: حکومت، نړیوال همکاران، د خصوصي سکتور مرستندویان، مدني ټولنه، سیمه ییز خلک، کورنۍ، د رسنیو په ګډون مونږ ټول په دې اړه مهم رول لرو. دا به یو اوږد سفر وي او د ټولو دلایلو له مخې، چې مونږ یې یادونه وکړه، ډېره به ګټوره وي؛ نو مونږ ټول به خپلې ژمنې د روغتیا په ډګر کې له تبعیض پرته پلې کوو.

د عامې روغتیا وزارت د ځینو درملو کیفیت هم ټیټ ګڼي؛ خو وایي: د درملو له زر ډېر هغه واردوونکي شرکتونه تړل شوي، چې ناقانونه هڅې یې کولې.

تازه خبرونه

په افغانستان کې سوله به د سیمې سوداګرۍ ته وده ورکړي -عمران خان

Ariana News

خپور شوی

په

توسط

(Last Updated On: October 30, 2020)

د پاکستان لومړي وزیر عمران خان ویلي، چې په افغانستان کې سوله او ثبات به د ټولې سیمې لپاره ګټور وي او ورسره به نور اقتصادي فرصتونه هم رامنځته شي.

نوموړي د پنجشنبې پر ورځ د افغانستان د سوداګرۍ او صنایعو وزارت له چارسمبالی نثار احمد فیضي غوریاني سره په کتنه کې ویلي: په افغانستان کې سوله به د سیمه ییزو اړیکو د پراختیا او د اقتصادي همکاریو د نويو فرصتونو په برابرولو کې د ټولې سیمې لپاره ګټوره وي.

د پاکستان لومړي وزیر څرګنده کړې؛ پاکستان او افغانستان ښه ډېر اقتصادي فرصتونه لري، چې په ​​وینا یې  یوازې د اقتصاد او سوداګرۍ په برخو کې د همکارۍ له لارې ترلاسه کیدی شي.

عمران خان همدارنګه په افغانستان کې د سولې او ثبات لپاره د پاکستان دوامداره ملاتړ تکرار کړ او د خبرو اترو د سیاسي جوړجاړي پر اړتیا یې ټینګار وکړ.

دغه راز نثار احمد فیضي غوریاني د سولې له بهیره څخه د پاکستان له ملاتړ او د دواړو حکومتونو تر منځ د اقتصادي او سوداګریزو اړیکو د پراختیا له هڅو مننه وکړه.

غوریاني، چې د پاکستان – افغانستان ۲۰۲۰ د سوداګرۍ او پانګونې په ناسته کې د ګډون لپاره اسلام آباد ته تللی؛ د دغه هېواد له لوړ پوړیو چارواکو سره یې لیدلي او د دواړو هېوادونو پر ترانزیتي مسلو او سوداګرۍ یې هر اړخیزې خبرې کړي.

Continue Reading

تازه خبرونه

د سولې خبرو بنسټ باید قرآن کریم او اسلامي شریعت وي – اشرف غني

Ariana News

خپور شوی

په

توسط

(Last Updated On: October 29, 2020)

ولسمشر اشرف غني د اسلام د ستر پیغمبر د زوکړې نمانځغونډې ته په خبرو کې ویلي؛ طالبان څلوېښت کاله د دین په نامه وجنګېدل، خو اوس یې د اسلامي شریعت د احکامو پر ځای له امریکا سره تړون د سولې خبرو بنسټ ګرزولی دی.

ولسمشر غني د اسلام د ستر پیغمبر د زوکړې نمانځغونډې ته، چې په کې یو شمېر دیني عالمانو او امنیتي ځواکونو برخه اخیستې وه ویلي؛ د افغان حکومت بنسټ اسلامي شریعت دی او طالبان باید قرآن او اسلامي شریعت د افغانستان د سولې خبرو اترو بنسټ وګرزوي.

ولسمشر اشرف غني وايي: هغو، چې ۲۰ کاله د دین پر نوم جګړه وکړه؛ اوس وایي، د امریکا تړون. رادې شي د هېواد له دیني عالمانو سره دې خبرې وکړي او نظرونه دې تبادله کړي.

اشرف غني زیاته کړې؛ له سولې پرته، هیڅ څیز د جګړې له لارې تر لاسه کیدی نشي او په اوسني وضعیت کې د افغانانو د وینو تویول جایز ندي.

ولسمشر غني د تاوتریخوالي دوام ته په نغوته او اشاره کې خپل دا ټینګار هم څرګند کړی، چې د افغان حکومت د وېش هره هڅه به ناکامه وي.

 

دغه راز د میلاد نبې نمانځغونډې ته د ارشاد، حج او اوقافو وزارت چارسبمالی قاسم حلیمي ویلي، اسلامي نړۍ د افغانستان اوسنۍ جګړه حرامه نومولې او د دې جګړې پر وړاندې یې د افغان سرتېرو مبارزه شرعي جګړه ګڼلې ده.

په هېواد کې د تاوتریخوالي پېښې دوام لري، چې قرباني یې ملکیان او افغان ځواکونه ورکوي. په داسې حال کې، چې دیني عالمان سولې ته د رسېدو او د شخړو د پای لپاره د پیغمبر (ص) د سنتو پر ځای کول لړین بولي.

Continue Reading

تازه خبرونه

ځوان افغان کرکت لوبغاړی نور احمد د آسترالیا بیګ باش لیګ ته غوره شو

Ariana News

خپور شوی

په

توسط

(Last Updated On: October 29, 2020)

د افغانستان ځوان کرکت لوبغاړي نوراحمد د آسترالیا د میلبورن رنیګدز له کلب سره د لوبیدو تړون لاسلیک کړی او بیګ باش لیګ ته غوره شوی دی.

یاد کلب د دې اوونۍ په لومړیو کې له محمد نبي سره بیا قرار داد کړی و او دادی دغه کلب نن په ډاګه کړه، چې ۱۵ کلن نور احمد هم ورسره له کابله یوځای کیږي.

د میلبورن رنیګدز مشر روزونکي مایکل کلینګر د نور احمد په اړه ویلي؛ مونږ هغه له تېر یو کال راپدیخوا له نږدې څارو، که څه هم هغه د خپل اړوند کار په لومړیو پړاوونو کې دی، خو د داسې وړتیاوو او مهارتونو لرونکی دی، چې د توپ وهونکي هڅې ستونزمنوي.

نوراحمد د کیڼ لاس توپوهونکی دی، چې په ټوله نړۍ کې د ستاینې وړ ګرزیدلی دی.

نوموړي د دې کال په پیل کې له کارایب غوره لیګ سره تړون لاسلیک کړی او په ۲۰۱۹ د محمد نبي پر سپارښتنه یې د تی ۲۰ جام هم خپل کړ.

افغان کرکت لوبغاړي محمدنبي ویلي؛ د رنیګدز پلویان او د بیګ باش مینوال کیدی شي په دې پړاو کې کې د نور احمد په اړه ډېر څه ونلري؛ خو زه تاسې ته ډاډمنوم، چې هغه د ښې او په زړه پورې وړتیا لرونکی دی. زه احساس کوم، چې یوه روښانه راتلونکې به ولري.

د یادونې ده، چې په دې لیګ کې به دی د شپږم افغان په توګه لوبیږي.

Continue Reading
Advertisement

Trending