Connect with us

تازه خبرونه

حکومت له طالبانو سره د سولې د خبرو پیل ته چمتووالی ښکاره کړی

Avatar

خپور شوی

 په

(Last Updated On: تله ۸, ۱۳۹۶)

ولسمشرۍ ماڼۍ سرپرست ویاند وایي، حکومت به په قطر کې د طالبانو له سیاسي دفتر سره خبرې اترې ونه کړي، بلکې له هغو کسانو سره په اړیکه کې دی، چې کولی شي په افغانستان کې د جګړې په ډګر کې په پوځي معادله کې بدلون راولي.

په داسې حال کې، چې طالبانو له حکومت سره د سولې وړاندیزونه پر جګړې ځواب کړي؛ خو د ولسمشر د ویاند د دفتر سرپرست شاه حسین مرتضوي ادعا کوي، چې په دې وروستیو کې له طالبانو سره د سولې خبرو د پیل په تړاو پرله پسې اړیکې تر لاسه شوي؛ خو دغه اړیکې د طالبانو د سیاسي دفتر له پتې نه وې، بلکې د جګړې د ډګر له یو شمېر طالبانو سره اړیکې نیول شوي دي.

د سولې عالي شورا له طالبانو سره د سولې خبرې اترې پیل کړي، خو روښانه نه ده، چې کومې څېرې او په کومې کچې طالب مشران به له حکومت سره د سولې خبرې کوي.

د سولې عالي شورا ویاند سید امین مظفري وایي، له طالبانو سره د سولې خبرې په بېلابېلو سطحو کې روانې دي.

د پاکستان د پوځ د لوی درستیز په مشرۍ به یو پلاوی د یکشنبې په ورځ کابل ته راشي. دغه پلاوی له افغان حکومت سره د خبرو اترو په موخه راځي، چې له افغانستان سره د پاکستان نوې ژمنې هم له ځان سره راوړي.

د ملي دفاع وزارت ویاند دولت وزیری وایي، که د پاکستان لوی درستیز افغانستان ته د ژمنو د لاسلیک لپاره راځي؛ دا به د پاکستان او افغانستان په ګټه وي.

اسلام آباد د واشنګتن تر فشار وروسته له کابل سره  خبرو ته غاړه ایښې ده. امریکا د افغانستان او سویلي آسیا لپاره په تازه تګلاره کې له اسلام آباد غوښتي، چې په خپله خاوره کې د ترهګرو ځالې له منځه یوسي او له توند لارو ملاتړ بند کړي.

د قطر د دفتر څنډې ته کولو، د طالبانو توند غبرګون له ځان سره درلود. هغو خبرداری ورکړی، چې د قطر دفتر د تړلو د ناوړه پایلو مسوولیت به د افغان دولت او بهرنیو ځواکونو په غاړه وي.

تازه خبرونه

پولیسو تخار کې غیرمسؤله وسلوال نیولي

Avatar

خپور شوی

په

توسط

(Last Updated On: غبرګولى ۱۰, ۱۳۹۹)

افغان ځواکونو په تخار ولایت کې د عملیاتو په لړ کې یوه غیر مسؤله وسله واله ډله نیولې او یوه ښځه یې د دوی له منګلو ژغورلې.

دغه عمليات د جمعې پر شپه د دې ولايت د فرخار ولسوالۍ په پير کنده کاو سیمه کې ترسره شوي وو.

د تخار پولیسو ویاند خلیل اسیر آریانا نیوز ته ویلي چې د دې ډلې مشر د ډزو په پای کې وژل شوې او د ډلې شپږ غړي د پولیسو لخوا نیول شوي دي.

اسیر زیاته کړه چې یوه ښځه چې د کابل اوسیدونکې ده او دی ډلې لخوا تښتول شوې وه ژغورل شوې.

په یادو عملیاتو کې یوه اندازه وسلې او مهمات د ملي پولیسو لاسته ورغلي دي.

پولیسو زیاته کړې چې دغه ډلی په وژنو، وسله والو غلاوو، سړي تښتونو او د خلکو په ځورونې کې لاس درلود.

Continue Reading

تازه خبرونه

د آریانا نړیوال تلویزیون کارکوونکی سلیمان یوسفي له کوویډ-۱۹ ناروغۍ ومړ

Avatar

خپور شوی

په

توسط

(Last Updated On: غبرګولى ۱۰, ۱۳۹۹)

نن له غرمې مخکې د جمعې مبارکې پر ورځ  د آریانا نړیوالې تلویزیوني شبکې د ټرانسپورټ کارکوونکی سلیمان یوسفي له کوویډ-۱۹ رنځه ومړ.

ښاغلی سلیمان یوسفي یوه اوونۍ مخکې پر کرونا ویروس اخته شوی و او  نن له غرمې مخکې د ساه اخیستنې له ستونزې سره مخ شو.

د یادونې وړ ده، چې یوسفي له یوې لسیزې راپدیخوا  د آریانا او آریانا نیوز تلویزیونونو د ټرانسپورټ په څانګه کې کار کاوه.

له یوسفي څخه یو زوی او دوه لوڼې پاتې دي.

Continue Reading

تازه خبرونه

د طالب زندانیانو تخنیکي پلاوي او حکومت خبرې پیل کړې

Avatar

خپور شوی

په

توسط

(Last Updated On: غبرګولى ۹, ۱۳۹۹)

ولسمشرۍ ویلي؛ د طالب زندانیانو د تخنیکي پلاوي او حکومت خبرې د بندیانو پر خوشي کولو، پېژندنې او جګړې ته د دوی پر نه ستنیدو راڅرخیدلي دي.

د دولت او طالبانو ترمنځ تراوسه د سولې په اړه هوکړه نده شوې؛ خو درې میاشتې مخکې د قطر په دوحه کې یوه هوکړه شوې، چې د مذاکراتو لپاره یې چوکاټ وټاکه. د دې هوکړې مهمې برخې دا وې، چې دولت باید پېنځه زره طالب بندیان او طالبان به هم زر کسه بندي دولتي سرتېري خوشي کړي.

طالبانو ته نیژدې سرچینې وایي دا پلاوی د بندیانو د خلاصون له بهیر څخه د څارنې په موخه کابل ته راغلی او په نورو برخو کې صلاحیت نه لري.

امریکا دا هوکړه ومنله او تراوسه د طالب بندیانو د خوشي کولو په اړه د طالبانو د پلاوي تګ راتګ دوام لري.

د ولسمشر ویاند صدیق صدیقي ویلي؛ د بندیانو په اړه د طالب زندایانو یو پلاوی کابل ته راغلی او د افغانستان د اړوند پلوي سره یې خبرې روانې دي او د دواړو خواوو د زندانیانو د خوشې کولو پر میکانیزم خبرې کیږي. مونږ به دې خبرو جزئیات ډېر ژر د رسنیو له لارې خلکو ته وړاندې کړو.

طالبانو هم ویلي، چې کابل ته یې پلاوي سفرکړی دی.

د طالبانو پخواني غړي سید اکبرآغا ویلي؛ طالبان غواړي هغه پېنځلس جنګي قومندانان خوشي کړي، چې له دولت سره بندیان دي.

په ناروې کې د افغانستان پخوانۍ سفیره شکریه بارکزۍ په دې اړه څرګندوي؛ دا هغه کسان دي، چې په افغانستان کې یې خونړي بریدونه تنظیم کړي او په آسانۍ به آزاد نشي.

د افغانستان حکومت په دې باور دي، چې د دواړو لوریو د بندیانو خوشي کول به د باور فضا د جوړولو لامل شي او د افغانانو ترمنځ خبرو ته به زمینه برابره کړي.

د ولسمشرۍ فرهنګي سلاکار سید شاه حسین مرتضوي ویلي؛ ټاکل شوې، چې د امریکا تر ولسمشریزو ټاکنو پورې اووه میاشتې نور به هم د افغانستان د سولې بازار تود وي؛ خو له هغې وروسته د دې سولې برخلیک ناڅرګند دی.

د نوموړي په اند طالبانو د خپل حاکمیت له پېره یو لړ بریالیتوبونه تر لاسه کړي او امریکا له دوی سره د سولې راوستلو هوکړه کړې؛ خو دوی د جغرافیې د رامنځته کولو په لته کې دي.

د یادونې ده، چې امریکا او نړیواله ټولنه د حکومت او طالبانو د خپلمنځي خبرو د لومړي پړاو پیل ته په تمه ده؛ ځکه د دغو خبرو پیل به د افغانستان سولې ته د وردننه کیدو نوې دروازې خلاصې کړي.

Continue Reading

Trending