تازه خبرونه
حکومت د ۴۰۰ ناندریزو طالب بندیانو د خوشې کولو بهیر پیل کړ

حکومت د ۸۰ طالب بندیانو له خوشې کولو سره د پاتې۴۰۰ ناندریزو بندیانو د خوشې کیدو بهیر پیل کړ.
د ملي امنیت شورا د دفتر د څرګندونو له مخې؛ پرون پنجشنبه د پاتې ۴۰۰ طالب بندیانو د خوشې کیدو بهیر د سولې مشورتي جرګې د پرېکړې او ترې یوه ورځ وروسته د ولسمشر اشرف غني د فرمان له مخې پیل شوی دی.
له څلور سوه طالب بندیانو څخه اتیا یې پرون د پنجشنبې پر ورځ د څرخي پله له زندان څخه آزاد شول. خوشې شوي طالبان، چې ملي امنیت شورا ترې انځوریزې مرکې خپرې کړي وایي؛ د وژنو، تښتونو او اخلاقي رسولۍ په تورونو نیول شوي وه.
یو آزاد شوی طالب بندي محمد شریف وایي: د طالب کیدو او قتل په جرم بندي شوی وم . غواړم، چې په هېواد کې سوله او تلپاتې اوربند رامنځته شي.
The Government of the Islamic Republic of Afghanistan yesterday released 80 Taliban convicts out of the 400 that the Consultative Loya Jirga sanctioned for release to speed up efforts for direct talks and a lasting, nationwide ceasefire. https://t.co/3sALowcngz
— Javid Faisal (@Javidfaisal) August 14, 2020
یو آزاد شوي بندي محمد انور نومي ویلي، چې د انسان تښتنونې پر جرم بندي وم؛ له مشرانو غواړم، چې تلپاتې سوله رامنځته کړي.
د دغو بندیانو ډېر پر اعدام محکوم دي؛ حق العبد دوسیې لري، د نشه یي توکو د قاچاقو تور پرې لګېدلی، د حکومت او د ځینو متحدو هېوادونو په تور نوملړ کې راغلي او په اخلاقي رسوایۍ کې هم ګرم پېژندل شوي دي.
پخواني طالب سید اکبر آغا ویلي، چې د بندیانو د خوشې کولو د خپلمنځي خبرو پیلیدو ته هیلې ډېرې کړي دي.
ویل کیږي، چې د بندیانو له خوشې کیدو یوه اوونۍ وروسته به خپلمنځي خبرې پیل او اوربند رامنځته شي.
د حکومت مرکچي پلاوي غلام فاروق مجروح ویلي؛ چمتووالی مو وروستی شوی او د روانې اوونۍ په نیمایي کې به قطر ته سفر وکړو.
له دې مخکې حکومت ویلي وه، چې له دغو بندیانو څخه یوشمېر یې پر اعدام محکوم شوي، چې په څرخي پله او بګرام زندانونو کې ساتل شوي دي.
د څلور سوه طالب جنګیاليو د خلاصون مساله د افغانانو د سولې خبرو د پیل یو لوی خنډ یادیده؛ ځکه، نو ولسمشر د سولې مشورتي لویه جرګه را وبلله او د سولې مشورتي لویې جرګې د پرېکړې له مخې یې د دې ۴۰۰ نالنړدریزو بندیانو د خوشې کولو حکم لاسلیک او تېره ورځ یې د خوشې کیدو لړۍ پیل شوه.
طالبانو تر دې دمه د خوشې شویو ۸۰ بندیانو په اړه څه ندي ویلي.
تازه خبرونه
طالب مشران د سولې په خبرو کې خپلواکي نلري ـ د ملي امنیت سلاکار

د افغانستان د ملي امنیت سلاکار حمدالله محب ویلي، چې طالب مشران په خپلو پرېکړو کې خپلواکي نلري او له همدې کبله له وخت سره لوبې کوي.
د هېواد لوړپوړي دفاعي او امنیتي چارواکي د هوایي ځواکونو په قول اردو کې راټول شوي؛ د سولې او جګړې پر بحث سربېره یې د پولیسو، ملي امنیت او ملي اردو له ځانګړیو ځواکونو راټول شوی ځواک یې هم جوړ کړ.
د ملي امنیت شورا سلاکار ويلي طالبان سوله نه غواړي او پلاوی یې هم د پرېکړو واک نلري.
د ملي امنیت سلاکار حمدالله محب څرګنده کړې، چې استخباراتي معلومات ښیي، چې طالبان په را روان پسرلي کې جګړې ته چمتوالی نیسي.
دغه راز د ملي دفاع وزارت لومړي مرستیال شاه محمود میاخېل ویلي؛ طالبانو د سولې پر ځای جګړه ټاکلې او دوي اړ دي، چې د طالبانو د بریدونو په وړاندې له خلکو دفاع وکړي.
د کورنیو چارو وزیر مسعود اندرابي ، د وسلوال پوځ لوی درستیز او د ملي امنیت لوی مشر خبرداری ورکوي، چې که د سولې خبرې نتیجه ورنکړي؛ په ټول هېواد کې جګړې ته بشپړ چمتوالی لري.
په امریکا کې د نوي ولسمشر له راتلو سره تمې دا دي، چې د سولې خبرې به یوې مطلوبې پایلې ته ورسیږي؛ خو افغان ځواکونه وایي، چې که دا خبرې بې پایلې پاتې شي، جګړې ته چمتو دي.
تازه خبرونه
د جمهوریت تر چتر لاندې ټول افغانان برابر دي – اشرف غني

د افغانستان ولسمشر اشرف غني د یکشنبې پر ورځ د اهل تشیع علماوو شورا له غړیو سره په ارګ کې د لیدنې پر مهال څرګنده کړې، چې د جمهوري ریاست په سیسټم کې لاسومنه به د هېواد لپاره ستره بیه ولري؛ ځکه، چې دمګړۍ یې تر چتر لاندې ټول افغانانو خوندي او برابر دي.
ولسمشرۍ ماڼۍ په ډاګه کړې؛ ولسمشر غني د شیعه عالمانو د شورا له غړیو سره په خبرو کې ویلي: جمهوریت یو چتر او بستر دی، چې د ټولو افغانانو مساوات په کې تامین دي.
غني زیاته کړې: زمونږ امنیتي او دفاعي ځواکونو په جګړه کې بر لاسي دي او د افغانستان اسلامي جمهوریت بشپړ نړیوال مشروعیت لري او امریکا د افغان حکومت او زمونږ د امنیتي او دفاعي ځواکونو ملګرې ده.
ارګ په ډاګه کړې: په دې کتنه کې، چې د جمهوري ریاست دوه یم مرستیال سرور دانش او په امنیتي او سیاسي چارو کې د ولسمشر ستر سلاکار محمد محقق هم حضور درلود.
غني دا هم وویل: له نړۍ او سیمې سره د سولې د اهدافو په ټاکلو کې د یوه خپلواک افغانستان ډاډ ترلاسه کول دي، چې ملي حاکمیت، ډیموکراسي او ملي یووالي څخه برخمن وي.
نوموړي ټینګار څرګند کړ، چې مونږ عذر او تسلیمۍ ته حاضر نه یو او دا ډول سوله غواړو، چې بقا، هوساینه او ملي یووالی په کې وي.
د دغې شورا مرستیال محمد اکبري څرګنده کړې؛ دغه شورا د اسلامي ورورولۍ او ملي یووالي د پیاوړتیا لپاره کار کوي، په هېواد کې د سولې د تامین او جګړې دپای ته رسېدو غوښتونکې ده، د اساسي قانون او د افغانستان اسلامي جمهوري نظام له ساتنې خپل ملاتړ څرګندوي.
د یادونې ده، چې د اهل تشیع علماوو شورا جوړښت د عمومي مجمع، اجرائیه شورا او د مرکزي کمیسیونونو او ولایتي شوراګانو څخه جوړه او شمېر یې ۶۵ کسانو ته رسېږي.
تازه خبرونه
طالبان دې اوربند او پر ژمنو عمل وکړي – اتمر

د افغانستان د بهرنیو چارو وزیر حنیف اتمر ویلي؛ که غواړي، چې په افغانستان کې د ورستیو بریدونو له مسوولیته اوږې سپکې کړي؛ نو اوربند دې ومني.
له الشرق الاوسط ورځپاڼې سره په مرکه کې حنیف اتمر ویلي، چې طالبان باید له امریکا سره د تړون د لاسلیک پرمهال شوې ژمنې پوره کړي.
نوموړي زیاته کړې، چې افغان حکومت د طالبانو غوښتنه منلې او پخپلو کړیو ژمنو یې عمل کړی او له ۶۰۰۰ ډېر بندیان یې خوشې کړي دي.
حنیف اتمر ټینګار کړی؛ اوس د دې وخت رارسیدلی، چې طالبان په افغانستان کې د سولې راوستو لپاره خپل نیت څرګند کړي. د افغانستان خلکو او نړیوالې ټولنې ته ثابته کړي، چې دوی خپلې کړې ژمنې پوره کوي.
-
تازه خبرونه 5 ورځې مخکې
طالبان د افغانستان اوسنی نظام د اصلاح وړ نه بولي – سرچینې
-
تازه خبرونه 4 ورځې مخکې
اسلام پر وژنو، تاوتریخوالي او ډارولو حکم ندی کړی – او آی سي
-
تازه خبرونه 5 ورځې مخکې
ایران له امریکا وغوښتل، چې برجام ومني
-
تازه خبرونه 2 ورځې مخکې
امریکا له طالبانو سره د سولې پر هوکړه بیاکتنه کوي
-
تازه خبرونه 5 ورځې مخکې
امریکا له طالبانو سره پر لاسلیک شوي تړون بیاکتنه کوي – بلینکن
-
تازه خبرونه 2 ورځې مخکې
طالبان باید له پاکستان سره اړیکې پرې کړي– اشرف غني
-
تازه خبرونه 2 ورځې مخکې
ډونلډ ټرمپ له دوه اوونیز ځنډ وروسته استیضاح کیږي
-
تازه خبرونه 4 ورځې مخکې
وسلوالو طالبانو په بدخشان ولایت کې له پاڅونوالو یو شمېر کلي نیولي