Connect with us

تازه خبرونه

حکومت د رسنیو په قانون کې د اصلاحاتو له راوستو ډده وکړه

خپور شوی

 په

(Last Updated On: چنګاښ ۳۰, ۱۳۹۹)

ولسمشر محمد اشرف غني د رسنیو قانون ته له وړاندیز شوي تعدیله، چې تېره میاشت پارلمان ته لیږل شوی و؛ ډډه وکړه.

له هغې وروسته، چې حکومت د رسنیو په قانون کې پر یو لړ بدلونونو وغوښتل، چې د رسنیو خبریالان د خپلو سرچینو افشا کولو ته اړ کړي او حکومت ته اجازه ورکړي، چې خبرونه سانسور کړي؛ نو رسنیو د وړاندیز شویو بدلونونو په وړاندې لاریون وکړ او ولسمشر اړ شو، چې د اړوند اصلاحاتو ډده وکړي.

د افغانستان د خبریالانو مرکز د ولسمشر له دغې هڅې هرکلی وکړ.

ولسمشر دغه هڅه تېره میاشت د رسنیو او خبریالانو له لاریونونو وروسته وکړ. دوی حکومت ته یو سرخلاص لیک واستاوه او غوښتنه یې وکړه، چې د اړوند اصلاحاتو مخه دې ونیول شي.

د نورو تعدیلاتو تر څنګ دې بدلونونو خبریالان اړکول، چې خپلې خبري سرچینې امنیتي ادارو ته په ډاګه کړي.

دې طرحې د رسنیو او خبریالانو حقونه او د افغانستان ملي رادیو او تلویزیون خپلواکي تر پوښتنې لاندې راوسته. دې بدلون حکومت ته اجازه ورکوله، چې خبرونه سانسور او پر رسنیو د حکومت څارنه دېره کړي.

د طرحې له مخې؛ په مالي سرچینو کې د روڼتیا د نشتون په صورت کې د رسنیو جواز لغو کیدو.

دا طرحه ولسي جرګې ته له وړاندې کیدو وروسته د رسنیو لخوا په پراخه کچه تر نیوکو لاندې ونویسول شوه.

له همدې کبله حکومت د طرحې بیا کتنې ته یو ۱۲ کسیز پلاوی وټاکه، چې له څو غونډو او ناستو وروسته د رسنیو په قانون کې د تعدیلاتو په وړاندې رای ورکړ شوه.

د افغانستان د ژورنالیستانو اتحادیې مشر احمد قریشي وویل، چې مونږ د دې تعدیل پروړاندې د تخنیکي کمیتې له پرېکړې او حکومتي ژمنې هرکلی کوو.

نوموړي زیاته کړې:  لکه څنګه، چې حکومت له طالبانو سره د سولې خبرو ته چمتوالی نیسي؛ د رسنیو په قانون کې هر ډول تعدیل به په افغانستان کې د رسنیو د آزادۍ لپاره غوره پایلې ونلري او ناامني او بریدونه زیاتوي، چې ورسره دا کار پر رسنیو او خبریالانو هم اغېز کوي.

د رسنیو اوسنی قانون په ۲۰۱۶ کې تصویب شو او ۵۴ مادې لري. وړاندیز شوي تعدیلات د افغانستان د اساسي قانون له ۷، ۳۴، ۱۲۰ او ۱۲۲ مادو سره اړخ نه لګاوه.

د اساسي قانون په ۳۴ ماده کې راغلي: د بیان آزادي له برید خوندي ده. هر افغان حق لري، چې خپل اند د خبرو، لیکلو، انځورونو او یا نورو وسیلو له لارې د شته اساسي قانون له احکامو سره سم څرګند او وړاندې کړي. هر افغان حق لري، چې د قانون د احکامو له مخې لیکني چاپ او خپرې کړي پرته له دې، چې لومړی چارواکو ته وړاندې شي. د مطبوعاتو، رادیو او تلویزیون، مطبوعاتو او د عامه اړیکو نورو وسیلو پورې اړوند احکام باید د قانون له لارې تنظیم شي.

تازه خبرونه

بیات بنیاد د میدان وردګ ولایت سلګونه اړمنو کورنیو ته ژمنۍ مرستې ورسولې

خپور شوی

په

توسط

(Last Updated On: مرغومی ۳۰, ۱۴۰۰)

 د بیات بنیاد مسوولینو ويلي؛ دغه بنسټ د میدان وردګ ولایت سلګونه اړمنو کورنیو ته اوړه، وريجې او غوړي ووېشل.

د بیات بنیاد مرستیال حاجي محمد اسماعیل خان د ژمنیو مرستو په لړ کې د میدان وردګ ولایت مستحقو کورنیو ته د مرستو د وېشلو پرمهال ویلي؛ دغه ژمنۍ مرستې، چې اوړه، غوړي او وريجې په کې دي له سروې وروسته پر مستحقو او اړمنو کورنيو ووېشل شوې.

نوموړي ویلي؛ مونږ هڅه کوو، چې د هېواد پاتې لږ شمې ولایتونو ته هم خپلې ژمنۍ مرستې ورسوو.

د ميدان وردګ ولایت يو شمېر اوسېدونکي وايي، چې په اوسنيو شرايطو کې له اقتصادي ستونزو سره مخ دي او د بيات بنیاد مرستې يې په اوسنیو شرایطو کې اغېزناکې وبللي.

له دغو مرستو برخمن شوي کسان له نورو مرستندويه ادارو هم غواړي، چې په دې ستونزمنو حالاتو کې له اړمنو کسانو سره مرسته وکړي.

دغه مرستې په داسې حال کې اړو کسانو ته رسیږي، چې په دې سوړ ژمي کې د بېکارۍ او د خوراکي توکو د بیو د لوړېدو له کبله خلک له ګڼو ستونزو سره مخ دي.

د یادونې ده، چې بیات بنیاد له تېرو څه نا څه شل کلونو راپدیخوا هر ژمی د هېواد د بېلابېلو ولایتونو اړمنو او بې ځایه شویو کورنیو ته خپلې ژمنۍ مرستې د لاسنیوي لپاره رسوي.  

Continue Reading

تازه خبرونه

رسنۍ دې د بې بنسټه خبرونو او افواهاتو له خپرولو ډډه وکړي – استخبارات

خپور شوی

په

توسط

(Last Updated On: مرغومی ۳۰, ۱۴۰۰)

د افغانستان اسلامي امارت د استخباراتو عمومي ریاست له رسنیو وغوښتل، چې د بې بنسټه خبرونو او افواهاتو له خپرولو دې ډډه وکړي.

دغه رياست ويلي، چې يو شمېر څېرې د بهرني تابعيت د ترلاسه کولو لپاره ملي او اسلامي ارزښتونو ته سپکاوى کوي.

د یاد ریاست په خبرپاڼه کې راغلي: یو شمېر کړۍ غواړي د غربي تابعیت د ترلاسه کولو لپاره اسلامي او ( ملي) ارزښتونو ته سپکاوی وکړي؛ پر امنیتي ځواکونو بې بنسټه تورونو لګولو غواړي، د ځان لپاره کیس جوړ او بهر ته ولاړ شي.

دغه راز څرګندوي: له بده مرغه، چې یو شمېر رسنیو هم د داسې اشخاصو پر پلوۍ او ملاتړ غږ پورته  کړی دی.

د استخباراتو ریاست دا هم په ډاګه کړې، چې  وروسته له دې مقدساتو او ارزښتونو ته سپکاوى د خلکو لپاره د زغم وړ ندى.

ویل کیږي، چې پر کابل د اسلامي امارت له بیا واکمنېدو وروسته ځینې رسنۍ انتقادي هڅې کوي او غواړي، چې اطلاعاتو ته د لاسرسي په اړه د یو لړ اندېښو او شکونو د له منځه وړلو لپاره باید د رسنیو قانون تر غورلاندې ونیول شي.   

Continue Reading

تازه خبرونه

پاکستان د افغانستان په سوله او ثبات کې اړینې هڅې کړي – عارف علوي

خپور شوی

په

توسط

(Last Updated On: مرغومی ۳۰, ۱۴۰۰)

د پاکستان ولسمشر عارف علوي ویلي؛ پاکستان په افغانستان کې د سولې او ثبات په برخه کې اړینې هڅې ترسره کړي او اسلام آباد ډاډ شوی، چې کابل یوازی ندی.

عارف علوي له رسنیو سره په مرکه کې ویلي، چې د اقتصادي همکاریو ټولنې یا اکو د وروستۍ سرمشریزې غړیو ته یې ویلي، چې پاکستان افغانستان له انزوا ژغورلی دی.

هغه دا هم ویلي، چې د پاکستان په پلازمېنه اسلام آباد کې د ډسمبر د میاشتې د اسلامي هېوادونو همکارۍ ټولنې د بهرنیو چارو وزیرانو په ځانګړې غونډه کې پاکستان د جنګ ځپلي افغانستان  رښتینی انځور وړاندې کړ.

هغه دا هم څرګنده کړې، چې نړۍ د لومړي وزیر عمران خان نوښتونه پر رسمیت پېژندلي دي.

Continue Reading

Trending

Copyright © 2022 Ariana News. All rights reserved!