Connect with us

تازه خبرونه

حکومت د دوحې په خبرو کې پرمختګ تائید کړ

Ariana News

خپور شوی

 په

(Last Updated On: November 24, 2020)

د خپلمنځي خبرو د پلاوي یو شمېر غړیو ویلي، چې د حکومت مشرتابه، د دوحې په خبرو اترو کې تر لاسه شوې هوکړه تائید کړې ده.

د افغان حکومت د مرکچي پلاوي مشر معصوم ستانکزی او د سولې په چارو کې د ولسمشر سلاکار سلام رحیمي څو ورځې په کابل کې ول او د مذاکراتو پر کړنلاره یې د تر لاسه شویو هوکړو په تړاو د حکومت له مشرتابه سره مشورې وکړې. اوس په دوحه کې د مرکچي پلاوي غړیو آریانا نیوز ته منلې، چې ښاغلي ستانکزي د هوکړې په اړه د حکومتي مشرتابه تائیدي اخیستې او د طالبانو د چمتووالي په صورت کې به د مذاکراتو کړنلاره وروستۍ او اعلان شي.

د افغانستان لپاره د ملګرو ملتونو ځانګړې استازې دبرا لاینز ویلي؛ سولې خبرې ډېر ستونزمن کار دی. ډېر وخت اخلي او ډېرې ستونزمنې دي. د سیاسي جوړښت، په ټولنه کې د اسلام رول، عدلي او قضایي برخې، بشري حقونه د ښځو او لږکیو د حقونو په ګډون باید بنسټیز او پېچلي موضوعات حل کړي.

د حکومت مرکچیانو او طالبانو؛ د طالبانو او امریکا د هوکړه لیک، د خلکو ارادې، د اړتیا په صورت کې ملګرو ملتونو ته په مراجعه او د مرکچي پلاوو د پرېکړو پر بنسټ د خبرو د بنسټ په توګه هوکړه کړې ده.

که څه هم د طالبانو د سیاسي دفتر ویاند محمد نعیم  هم د دوحې خبرو اترو کې پرمختګ مني؛ خو وایي: تمه ده،  چې په راتلوونکیو ورځو کې وروستۍ هوکړه اعلان شي.

د حکومت د مرکچي ډلې څلور غړي نن کابل ته راغلي او له طالبانو سره د دوحې په خبرو اترو کې د پرمختګونو خبرې کوي او هیله من دي، چې ژر یې کړنلاره وروستۍ شي.

آریانا نیوز ته سرچینو منلې، چې د مرکچي پلاوي څلور غړي کابل ته راغلي او ټاکل شوې، چې ژر بېرته دوحې ته ولاړ شي. د مذاکراتو د کړنلارې د وروستي کېدو له اعلان سره به د مذاراتو پر اجنډا، پر بنسټیزو او کلیدي مسایلو به هم خبرې او مشورې پیل شي.

د دوحې په خبرو اترو کې د  بندون ماتېدل له هرکلیو سره مخ شوی او تمه ده، چې د کړنلارې له وروستي کېدو سره خبرې اترې حساس پړاو ته ورسیږي او ښکېل لوري د اورکم او اوربند په تړاو پایلې ته ورسیږي.

تازه خبرونه

له کورنیو تولیداتو څخه د ملاتړ هوکړه لیک لاسلیک شو

Ariana News

خپور شوی

په

توسط

(Last Updated On: January 23, 2021)

 د را تلونکې کال له پيله به ټولې دولتی ادارې په جبرې بڼه له کورنیو تولیداتو ګټه پورته کوي.

له همدې کبله د تدارکاتو ملي ادارې او د افغانستان د صنایعو او کانونو خونې تر منځ د کورنیو تولیداتو د پېرېدلو او په دولتی ادارو کې یې د کارونې هوکړه لیک لاسلیک شو.

د تدارکاتو مالې ادارې مشر څرګنده کړې؛ د راتلونکي ۱۴۰۰لمریز هجري کال له پيل سره سم به ټولې دولتی ادارې په جبرې توګه له کورنیو تولیداتو کاراخیستل پیلوي.

د تدرکاتو ملی ادارې زیاته کړې؛ له دې وروسته به صنعتکارانو او تولیدوونکیو ته په قرار دادونو کې د برخې اخستنې زمینه هم برابره شي.

دوی د هېواد له تولیدوونکیوغوښتي، چې باید خپل تولیدات معیاری کړي.

 د تدرکاتو ملي ادارې مسوولین وایي، د کورنیو تولیداتو د ملاتړ لپاره هغه پېنځه ویشت سلنه ارجعیت به هم پلی شي، چې د کورنیو توليداتو لپاره په نظر کې نیول شوی. 

د تدرکاتو ملي ادارې مشر عمر الهام هوتکي ویلي؛ مونږ غواړو، چې له تولو هغو لارو کار واخلو، چې د کورني تولید د قوت لا مل کیږي.  د  لمریز هجري۱۴۰۰ کال له پیله ټولې دولتي ادارې مکلفيت لري، چې له کورنیو تولیدا تو ګټه واخلي.

د أفغانستان د صنایعو او کانونو خونې مسوولین هم څرګندوي، چې هېواد یې په ۴۸ سکتورو نوکې د ځان بسیاینې ته رسید لی دی.

دوی ویلي؛ که حکومت له کورنیو تولیداتو ګټه واخلي، خصوصي سګتور به هم  پانګونه زیاته کړي او هم به د بیکارۍ کچه راټيټه شي.

د افغانستان د صنایعو او کانونو خونې مشر شېر باز کمین زاده وایي: که له کورنیو تولیداتو په دولتی قرار دادونو کې ګټه واخیستل شي؛ نو مونږ کولی شو د سوداګرۍ بلانس مساوی کړو. مونږ به پر تولید سربېره نوره پانګونه هم تر سره کړو؛ خو که حکومت خپل ملاتړ ډېرکړي.

د اقتصادی چارو کار پوهان هم  پدې  باور دي، چې حکومت په کورنیو قرار دادونو کې له کورنیو تولیداتو پېرودل وکړي او د هېواد مارکیټونو ته د راروانو قاچاقي توکو مخنیوی وشي؛ نو هېواد به له اقتصادي بحرانه چټک راووځي.

Continue Reading

تازه خبرونه

طالبانو درې نیم میلیون ماشومان له واکسینه بې برخې کړي – روغتیا وزارت

Ariana News

خپور شوی

په

توسط

(Last Updated On: January 23, 2021)

د عامې روغتیا وزارت څرګنده کړې، چې د ګوزڼ واکسین له پلي کولو سره د طالبانو د مخالفت له کبله په هېواد کې درې نیم میلیون ماشومان بې برخې شوي دي.

د عامې روغتیا وزارت د ګوزڼ څانګې معلومات ښيي ؛ د افغانستان په یو شمېر ولایتونو کې وسلوال طالبان کور پر کور د ګوزڼ واکسین له کمپاین سره مخالفت کوي، چې له کبله یې درې نیم میلیون ماشومان له واکسینه بې برخې پاتې شوي.

د ګوزڼ څانګې مسوولین وايي، چې طالبانو د همکارۍ ژمنې کړې؛ خو په عمل کې یې ورسره ورو ورو مخالفتونه ډېر شوي او د واکسین مخه یې نیولې ده.

د ګوزڼ څانګې د عامه پوهاوي مسوول میرجان راسخ ویلي؛ د پکتیا، میدان او وردګ ولایتونو ماشومان هم د طالبانو د مخالفت له کبله واسین شوي ندي.

تېره اوونۍ په ټول افغانستان کې د ګوزڼ واکسین پیل شو، چې ویل کیږي په وردګ، پکتیا، غزني، هلمند، کندهار، کندوز، تخار او پکتیکا ولایتونو کې یې طالبانو مخالفت کړی دی.

د پکتیا مدني فعال سید جمال آصف خېل ویلي؛ طالبانو په خپلو تر څارنې لاندې سیمو کې د دغه بهیر مخه نیولې ده. زمونږ غوښتنه داده، چې له واکسینه پاتې ماشومانو ته د واکسین کولو اجازه ورکړي.

د واکسین دا کمپاین، چې یوه اوونۍ دوام لري، په بامیان، غور او دایکنډي کې د سړې هوا او واورو له کبله پلي شوی ندی.

له دې مخکې د طالبانو د قطر دفتر ویاند په یوه ټویټ کې څرګنده کړې وه؛  دوی د واکسین له کار کوونکیو سره همکارۍ ته چمتو ديی. طالبان د واکسین له کار کوونکیو غواړي، چې د کورونو پر ځای په جوماتونو او نورو عامه ځایونو کې ماشومان واکسین کړي او د کور پر کور له کمپاین سره یې؛ ځکه مخالفت کړی، چې په ځينو مواردو کې له دې ډول کمپاینونو ناوړه ګټه بورته شوې ده.

Continue Reading

تازه خبرونه

طالبان د سولې په بهیر کې له وخت سره لوبې کوي

Ariana News

خپور شوی

په

توسط

(Last Updated On: January 23, 2021)

افغان حکومت د کورنیو چارو وزیر ویلي، چې طالبان له افغانستان څخه د امریکايي سرتېرو د وتلو شېبې شماري او فکر کوي، چې د جګړې له لارې به د سولې په خبرو کې ډېر امتیاز ترلاسه کړي.

کورنیو چارو وزیر مسعود اندرابي د سولې لپاره د طالبانو پر لیوالتیا او رښتینولۍ شک څرګندوي او له بې بي سره په خبرو کې یې ویلي، چې طالبان له افغانستان څخه د امریکايي سرتېرو وتلو ته په تمه دي او د سولې پر خبرو وخت ضایع کوي.

اندرابي وايي، چې طالبانو بریدونه او موخه ییزې وژنې؛ ځکه ډېرې کړي، چې د خپلو پاتې زندانیانو خوشې کولو ته لار اواره کړي او پر هېوادوالو د خپلې بڼې حکومتي مفکوره وتپي.

د ده په وینا، طالبان په افغانستان کې د تېرو شل کلونو لاسته راوړنو ته هم هیڅ ارزښت نه ورکوي.

کورنیو چارو وزیر سعود اندرابي وایي: طالبان د بهرنیو ځواکو نو وتلو ته پرتمه دي؛ دوی د مدنې مخکښانو او خبریالانو له تروره غواړي خپل ډېر بندیان راخوشې او د خپلې خوښې حکومتداري رامنځتده کړي.

طالبانو د افغانستان د کورنیو چارو وزیر د تازه څرګندونو په اړه کوم غبرګون ندی ښودلی؛ خو له دې مخکې یې ویلي، چې دوی غواړي د افغانستان جګړه د خبرو له لارې حل او اسلامي حکومت رامنځته کړي.

Continue Reading

Trending

آریانا نیوز. کلیه حقوق محفوظ است