Connect with us

تازه خبرونه

حکومتي پلاوی د عبدالله په مشرۍ د مسکو په ناسته کې ګډون کوي

خپور شوی

 په

(Last Updated On: کب ۲۷, ۱۳۹۹)

د ملي پخلاینې عالي شورا د مشرتابه عبدالله عبدالله په مشرۍ یو ۱۶ کسیز پلاوی به د مسکو په ناسته کې ګډون وکړي.

د ملي پخلاینې عالي شورا څرګنده کړې؛ ټاکل شوې، چې دغه پلاوی سبا له کابل څخه مسکو ته ولاړ شي.

د مسکو ناسته د امریکا، روسیې، چین او پاکستان د استازیو، د طالبانو د لس کسیز پلاوي، د حکومت او افغان سیاستوالو ۱۶ کسیز پلاوي په حضور کې د پنجشنبې پر ورځ د مارچ پر ۱۸ د افغانستان پر سوله جوړیږي.

د افغان حکومت سیاسي څېرې لکه د ملي پخلاینې عالي شورا مشر عبدالله عبدالله، د ولسي جرګې مشر میر رحمان رحماني، پخوانی ولسمشر حامد کرزی، د ولسمشرۍ پخوانی لومړی مرستیال مارشال عبدالرشید دوستم، د پخواني ولسمشر حامد کرزي مرستیال محمد کريم خليلي، د حزب اسلامي رهبر ګلبدین حکمتیار، د ملي پخلاینې عالي شورا مرستیال بابر فرهمند،  د سولې په چارو کې د دولت وزیر سید سعادت منصور نادري،  د افغانانو د خپلمنځي خبرو د پلاوي مشر محمد معصوم ستانکزی، د خپلمنځي خبرو د پلاوي غړی متین بیګ، د خپلمنځي خبرو د پلاوي غړی ښاغلي احمد نادر نادري، د خپلمنځی خبرو د پلاوي غړې حبیبه سرابي، د مشرانوجرګې لومړی مرستیال محمد عالم ایزدیار، د سولې په چارو کې د دولت وزارت مرستیال عبدالله خانجاني، د حزب اسلامي غړی عبدالستار خواصي او د حزب اسلامي غړی غيرت بهير ؛ هغه ۱۶ کسیز پلاوی دی، چې د ملي پخلاینې عالي شورا د مشر عبدالله عبدالله په مشرۍ به سبا ماسکو ته سفر کوي.

د ملي پخلاینې عالي شورا سلاکار مجیب الرحمن رحیمي ویلي؛ د ډاکټر عبدالله عبدالله په مشرۍ حکومتي پلاوی به د افغانستان د سولې په اړه د مسکو په ناسته کې برخه واخلي او د اسلامي جمهوریت د دریځ استازیتوب به وکړي.

ځینو کارپوهانو ویلي، چې د مسکو ناسته د افغانستان د سولې لپاره برخلیک ټاکوونکې ده، چې ښایي د افغانستان د راتلوونکي دولت بنسټ دغلته کېښودل شي.

د افغانستان د کابینې پحوانی غړی علی احمد عثماني ویلي: په دې ناسته کې به په لومړي ځل بنسټیزې او اړینې اجنډاوې وړاندې شي؛ ځکه، چې د افغانستان د سولې په اړه پرېکړه کوونکي په دې ناسته کې ګډون کوي.

د افغانستان د ملي کنګرې ګوند مشر لطیف پدرام ویلي: البته د انتقالي حکومت په اړه دوه مسلې دي؛  څوک به د انتقالي حکومت مشري کوي، خو دا پرېکړه په یوه عامه غونډه کې نه، بلکې د تړلو دروازو تر شا رامنځته کیږي.

د مشرانو جرګې مشر فضل هادی مسلمیار ویلي: ټاکل شوې ، چې د مسکو له ناستې وروسته د ملګرو ملتونو تر مدیریت لاندې په ترکیه کې پراخه ناسته تر سره شي.        

د افغانستان طالبانو هم اعلان کړی، چې د سیاسي مرستیال ملا عبدالغني برادر په مشرۍ لس کسیز پلاوی به په دې ناسته کې ګډون وکړي.

د یادونې ده، چې د مسکو له غونډې وروسته د ملګرو ملتونو تر څارنې لاندې د مارچ پر ۲۷ په انقره کې د افغانستان د راتلونکي په اړه لویه غونډه جوړیږي.

تازه خبرونه

د نجونو ښوونځي او پوهنتونونه به راتلونکی کال پرانستل شي

خپور شوی

په

توسط

(Last Updated On: ليندۍ ۴, ۱۴۰۰)

د افغانستان د اسلامي امارت ویاند ذبیح الله مجاهد ویلي، راتلونکي کال به ټول ښوونځي او پوهنتونونه د نجونو پر مخ پرانیستل شي.

هغه هېوادوالو او خویندو ته ډاډ ورکړ، چې په راتلونکي کال کې به ټول ښوونځي او پوهنتونونه پرانستل شي.

هغه زیاته کړې؛ ټول زدکړې وکړئ او پخپله پوهه د اغراضو مخه ونیسئ.

د ا.ا.ا ویاند نن پنجشنبه د اهل تشیع د یوه مشر ډاکتر جعفر مهدوی په مشرۍ ( ملي وحدت د اسلامي عدالت په رڼا کې ) تر سرلیک لاندې جوړې شوې غونډې ته څرګنده کړې: په افغانستان کې علما او خلک پوهیږي، چې ټولو د ستونزو د حل لپاره مټې رانغاړلي او مونږ بریالي شوو، چې له سترو بدبختیو ځانونه وژغورو او نوي پرمختګونه پیل او د سوکالۍ لپاره د حل لار ولټوو.

هغه څرګنده کړې، چې اسلامي امارت د دسیسو جوړولو مخه نیولې او د خپلسریو مخ باید په ګډه ونیسو؛ خپل ملي وحدت خوندي کړو.

هغه وایي؛ اسلام اختلافاتو ته اجازه نه ورکوي او قومي تفاوتونه مو ولسي ښایست دی او ټول سره وروڼه یوو او په دې هېواد کې د ژوندانه حق لرو.

نوموړی وایي، چې مونږ کابل ښار ته له برنامی پرته رادننه شوو او د الله شکر دی، چې عمومي بښنه پلې شوه او خپل ځواکونه مو کنټرول کړل.

مجاهد دا هم وویل، چې زمونږ لومړنی کار به له ډاکټر مهدي سره د بامیان ولایت له سمڅو او مغارو د بامیانیانو راایسل او ښارګوټی ورته جوړول وي. مونږ ښه استعدادونه او وړتیاوې لرو او باید ترې ګډه ګټه پورته کړو.

هغه ويلي: زمونږ اقتصاد به په شپږ مياشتو کې وده پیل کړي.

ذبیح الله مجاهد دا ډاډ هم څرګند کړ، چې افغانستان له جګړې نوی راوتلی؛ مونږ په پام کې لرو، چې سترې پرمختیايي پروژې لکه ټاپي، کاسا زر، میس او عینک او نورې پروژې پیل کړو.

ټولو ملي او نړیوالو پروژو ته به د پلیکېدو زمینه برابره شي.

د اهل تشیع دغې جوړې شوې غونډې ته ډاکټر جعفر مهدوي د اشرف غني پېر او دوره توره او نامشروع ونوموله او څرګندوي، چې غني په هېواد کې قومي نفاق ته لمن وهلې، د هېواد خرانه یې تشه کړې او بیا یې د تېښتې لار غوره وګڼله.

ډاکټر مهدوي په دې ناسته کې له اسلامي امارته د ملاتړ تر څنګ څرګنده کړه، چې په نوي کال کې به مونږ ان شالله له شپږم ټولګي څخه پورته د نجونو د ښوونځیو د پیل لیدونکي او په دې سیاسي فرصت کې به د ګډو هڅو شاهدان وو.

ډاکټر مهدوي د اسلامي امارت یو لړ لاسته راوړنو ته په نغوته کې ویلي، چې د افغانستان په اسلامي امارت کې د هېواد ټول مجاهدین خپله ونډه لري او ډېر ژر به د ټول هېواد سیاسي او فرهنګي څېرې هم په دې حکومت کې ځانونه وګوري.

Continue Reading

تازه خبرونه

د افغان ښځو او نجونو پر وړاندې د تاوتریخوالي پای ته رسولو شئ – م.م

خپور شوی

په

توسط

(Last Updated On: ليندۍ ۴, ۱۴۰۰)

د ښځو پر وړاندې د تاوتریخوالي د له منځه وړلو د نړیوالې ورځې پر ویاړ ملګري ملتونه له نړیوالې ټولنې غواړي، چې د ښځو پر وړاندې په ځانګړې توګه افغان میرمنو پر وړاندې د تاوتریخوالی د پای ته ورسولو لپاره پرېکنده هڅې وکړي.

په افغانستان کې د ملګرو ملتونو مرستندویه پلاوي (یوناما) نن (پنجشنبه، د لیندۍ ۴) د یوې اعلامیې له خپرولو سره څرګنده کړې، چې د جنسیت پر بنسټ تاوتریخوالی د ښځو او نجونو پر وړاندې یو جدي ګواښ، پایداره پرمختګ او سولې ته د رسېدو پر وړاندې یو لوی خنډ دی.

په یاده اعلامیه کې ټینګار شوی، چې د نړۍ له هرو درې ښځو څخه یوه له فزیکي یا جنسي تاوتریخوالي سره مخ ده؛ خو په افغانستان کې، د یوناما د څرګندونو له مخې، دا شمېر د اندېښنې وړ لوړ دی؛ یعنې په هرو لس میرمنو کې نهه یې د خپل ژونداتنه په اوږدو کې له تاوتریخوالي سره مخ شوې دي.

یوناما څرګندوي؛ د کرونا ویروس له خپرېدو او بشري ناورین سره د ښځو پر وړاندې تاوتریخوالی، چې “نه لیدوونکې ناروغۍ” هم نومول شوې؛ ډېره شوې ده.

ملګرو ملتونو زیاته کړې، چې په افغانستان کې د ښځو او نجونو پر وړاندې د تاوتریخوالي پېښې د هغوی د حقونو او ازادۍ د محدودیت له کبله ډېرې شوې دي.

د دغه سازمان د څرګندونو له مخې؛ د تاوتریخوالي قربانیانې ښځې هم خدماتو ته لږ لاسرسی لري.

په څرګندونه کې راغلي؛ د افغانستان لپاره د ملګرو ملتونو د سرمنشي د ځانګړې استازې ډیبرا لاینز د څرګندونو له مخې ویل شوي، چې نړۍ باید له دې “نه لیدونکې ناروغۍ” سره د مبارزې او د ښځو پر وړاندې د تاوتریخوالي د مخنیوي لپاره اقدام وکړي.

هغې زیاته کړې: د تاوتریخوالي مخه باید ونیول شي، مونږ باید له دې ناڅرګندې وبا سره د مبارزې لپاره په ګډه کار وکړو. مونږ باید هغه چلند بدل کړو، چې د تاوتریخوالي ملاتړ کوي او د تاوتریخوالي قربانیان له شرمه غږ نشي پورته کولی. همدارنګه هغو قربانیانو ته باید خدمات چمتو کړو، چې د تاوتریخوالي قرباني شوې دي.

دیبرا لاینز ټینګار وکړ، چې نړۍ باید د افغان میرمنو او نجونو غږونو او تجربو ته غوږ ونیسي او د دوی اړتیاوو ته بېړني ځواب ومومي. په ځانګړې توګه د تاوتریخوالي قربانیانو او د هغه کسانو اړتیاوو ته، چې له بېلابېلو تبعیضونو سره مخ دي.

په افغانستان کې د ملګرو ملتونو د کډوالو عالي کمیشنرۍ استازې الیسون ډیویډیان هم ویلي، چې په افغانستان کې د ښځو پر وړاندې تاوتریخوالی، چې پخوا د اندېښنې وړ و؛ د اقتصادي کړکېچ او د کرونا د خپرېدو له کبله ډېر شوی دی.

هغې ټینګار کړی، چې د دغو ښځو لپاره خدمات هم د “پر نښه کولو” له وېرې ځنډول شوي دي.

دغه راز زیاته شوې؛ دهغو ښځو لپاره، چې تاوتریخوالی یې تجربه کړی، ژوند ژغورونکي خدمتونه له دې وېرې بند شوي، چې برید پرې ونشي.

په همدې حال کې ملګرو ملتونو د ښځو د حقونو د خوندیتوب او د تاوتریخوالي د قربانیانو ښځو او نجونو د اړتیاوو د پوره کولو لپاره ۱۶ ورځنی نړیوال کمپاین پیل کړی دی. دغه کمپاین نن پیل شو او د ډسمبر تر ۱۰مې د بشري حقونو تر ورځې پورې به دوام وکړي.

په دې کمپاین کې هڅه کیږي، چې د ښځو او نجونو له حقونو څخه دفاع وکړي؛ د خدماتو چمتو کوونکیو او د ښځو حقونو له ټولنو سره د مستقیم ملاتړ له لارې د تاوتریخوالي د ټولو ډولونو له منځه وړلو لپاره کار وشي.

د افغانستان لپاره د ملګرو ملتونو د سرمنشي ځانګړي استازې د امنیت شورا غونډې ته ویلي، چې اسلامي امارت د افغانستان د واک د بیا خپلولو راپدیخوا د ښځو او نجونو د حقونو د محدودولو هڅه کړې ده او د محدودیتونو لګول یې روان ساتلي دي.

Continue Reading

تازه خبرونه

پاکستان افغانستان ته د خپلو مرستو یوه بله ټولګه هم وسپارله

خپور شوی

په

توسط

(Last Updated On: ليندۍ ۴, ۱۴۰۰)

ټریبیون راپور ورکړی، چې پاکستان د چارشنبې پر ورځ په تورخم کې د افغانستان خلکو ته د بشري مرستو اووه لارۍ وسپارلې.

د خوراکي توکو دغه لارۍ د پاکستان د ملي امنیت سلاکار معید یوسف لخوا افغان چارواکو ته سپارل شوې دي.

د ټریبون د راپور له مخې؛ په دې مراسمو کې د افغانستان لپاره د پاکستان ځانګړي استازی محمد صادق خان هم  ګډون درلود.

ټریبیون خبر ورکړی، چې د چارو ادارې مرستیال قاري عنایت الله او قاري ثابت په ګډون د پاکستان او افغانستان سرحد همغږي کوونکيو او د تورخم مرستیال کمېشنر قاري نذیر په حضور کې اړوند مرستې تر لاسه شوې.

Continue Reading

Trending

آریانا نیوز: ټول حقونه خوندي دي