Connect with us

تازه خبرونه

حنیف اتمر له خپل ایراني سیال سره ولیدل

Ariana News

خپور شوی

 په

(Last Updated On: June 21, 2020)

د افغانستان د بهرنیو چارو وزارت چارسمبالي محمد خنیف اتمر نن یکشنبه د ایران له بهرنیو چارو وزیر محمد جواد ظریف سره په ایران کې د رامنځته شویو وروستیو پېښو په اړه خبرې اترې کړې دي.

د افغانستان د بهرنیو چارو وزارت سرپرست د  ایراني سرتېرو لخوا هریرود سیند ته د افغان کارګرانو له غورزولو او په یزد ښار کې د افغانانو پر موټر له ډزو او اورلګیدنې وروسته، چې یو شمېر افغانان په کې ووژل شول، د افغانستان د بهرنیو چارو وزارت چارسمبالی اړ کړ، چې د یو ۴۵ کسیز پلاوي په مشرۍ د هغه هېواد له چارواکو سره د خبرو لپاره تهران ته سفر وکړي او دا وروستۍ رامنځته شوې پېښې له نږدې وڅېړي.

 د بهرنیو چارو وزارت ویاند گران هېواد زیاته کړې؛ د دوه اړخیزو همکاریو غښتلتیا او د کاري کمیټو جوړښت د دغو خبرو چورلیز ټکي دي.

د ایران د بهرنیو چارو وزارت مرستیال سید رسول موسوی هم منلې، چې دواړو لوریو پر وروستیو پېښو او دیپلوماتیکو مسایلو خبرې کړې دي.

نوموړي زیاته کړې، چې د هریرود سیند ته د افغان کارګرو د غورزولو او د یزد ښار په ترافیکي پېښه کې، چې په اورلګیدنه بدله شوه او یو شمېر افغانان په کې وسوځيدل، ایراني اتباع ور سره هم مخ کیدونکي دي؛ خو له افغان پلاوي سره به په خبرو کې د دغو مسایلو پر حل او د تکرار پر مخنیوي خبرې وکړي.

هغه افغان پلاوی، چې په ایران کې یې د افغان کارګرانو د وروستیو تلفاتو پېښې څېړلي؛ د افغانستان د بهرنیو چارو وزارت له چارسمبالي غواړي، چې د ایراني چارواکو تر سیاسي فشار لاندې را نشي او دغه پېښې په جدي توګه وڅیړي.

د بشري حقونو خپلواک کمیسیون مرستیال نعیم نظري هم ایران ته له تللي پلاوي غوښتي، چې د افغان کارګرانو د وژنې او سیند ته د غورزولو قضیې له سیاست جلا وڅېړي او د حل لټه یې وکړي.

له دې مخکې ایراني چارواکو د خپلو سرتېرو لخوا سیند ته د افغان کارګرانو غورزول رد کړي، خو افغان چارواکو یې په اړه غبرګون ښودلی و.

تازه خبرونه

پاکستان د افغانستان د مسلې سیاسي حل غواړي – قریشي

Ariana News

خپور شوی

په

توسط

(Last Updated On: February 25, 2021)

شاه محمود قریشي د پاکستان په چارو کې د ولسمشر غني له ځانګړي استازي محمد عمر داوود زي سره په لیدنه کې ویلي چې هېواد یې په افغانستان کې د سیاسي حل لارې په لټه کې دی او ټول لوري باید د سولې په بهیر کې مسوولیت منونکي وي.

په دوحه کې د سولې خبرو د دوه یم پړاو له پیلېدو سره جوخت د افغان حکومت جګپوړیو چارواکو د سیمې هېوادونو ته سفرونه پیل کړي دي.

د پاکستان په چارو کې د ولسمشر ځانګړي استازي اسلام آباد ته سفر کړی او د پاکستان د بهرنیو چارو له وزیر سره یې کتلي دي.

په دې لیدنه کې شاه محمود قریشي د افغانستان پر اوسني وضعیت اندېښنه ښکاره کړې او ټینګار یې کړی ، چې د دوحې خبرې باید په افغانستان کې د سولې د ټینګښت سبب شي.

د پاکستانيو پوځیانو په افغانستان کې د یوې سیاسي احتمالي تشې په اړه اندېښنه ښودلې ده.

د پاکستاني پوځ ویاند بابر افتخار د پوځ په قومندانۍ کې یوې خبري ناستې ویلي، چې پاکستان د طالبانو له بیا واک ته له رسېدو ملاتړ نکوي.

دغه راز د بهرنیو چارو وزیر  حنیف اتمر د خپل روسي سیال په بلنه مسکو ته تللی دی.

بهرنیو چارو وزارت ویلي، چې دا سفر د افغانستان د سولې په اړه د سیمه ییزې اجماع د پیاوړتیا، له ترهګرۍ سره د مبارزې او دوه اړخیزو اړیکو د پیاوړتیا په موخه شوی دی.

د پاکستان پوځ همدارنګه افغان حکومت تورن کړی، چې د هغو ډلو ملاتړ کوي، چې په پاکستان کې ترهګریز بریدونه تر سره کوي. دا هغه  ادعا ده، چې په ځلونو افغان حکومت رد کړې ده.

Continue Reading

تازه خبرونه

هره ورځ شاوخوا زر افغانان پر ناقانونه لارو له هېواد وځي

Ariana News

خپور شوی

په

توسط

(Last Updated On: February 25, 2021)

 د کډوالو او بېرته را ستنېدونکیو چارو وزارت ویلي، چې دا ناقانونه سفرونه د بېکارۍ، بېوزلۍ او ناامنیو له کبله تر سره کیږي.

ناامني او بېوزلي د افغانانو لویې ستونزې دي. له همدې کبله ډېري هېوادوال په ځانګړي توګه ځوانان له سختو او ستونزمنو لارو ځانونه له هېواده باسي.

د غفزني اوسیدونکی عیسی محمد نومی هغه ځوان دی، چې د بېکارۍ له کبله غواړي د نیمروز له لارې په ناقانونه بڼه ځان ایران ته ورسوي.

دی وایي؛ بېکاري او ناامني مو د هېواد پرې ښودو ستر لاملونه دي.

د کډوالو چارو او بېرته را ستنېدونکیو وزارت د ویاند مرستیال رضا باهر د څرګندونو له مخې؛ شپږ میلیون او اووه سوه زره افغانان په بهرنیو هېوادونو کې د کډوالي شپې سبا کوي، چې درې میلیون یې په ایران او دوه میلیون په پاکستان کې ژوند کوي؛ خو اووه سوه نهه زره کسانو په اروپایي هېوادونو او پېنځه سوه زره نورو په آسترالیا کې د پناه غوښتنه کړې ده.

د کډوالو او بېرته را ستنېدونکیو چارو وزارت زیاته کړې؛ هره ورځ شاوخوا زر افغانان د بېکارۍ او ناامنيو له کبله د هرات او نیمروز ولایتونو له لارې بهر ته وځي.

مخکې له دې د عدلیې وزیر نیمروز ته په سفر کې ویلي وه، چې که د انسانانو او کډوالو د قاچاق مخه ونه نیول شي؛ امریکا به پر افغانستان بندیزونه ولګوي.

د عدلیې وزارت ویاند امان ریاضت وایي؛ هڅې روانې دي، چې د انساني قاچاق او ناقانونه کډوالۍ مخه ونیسو او کډوالي قانوني بڼه خپله کړي.

د نوي کال په درشل کې وېره دا ده، چې که تاوتریخوالی ډېر شي؛ نو ډېر افغانان به ځانونه له هېواده وباسي.

د پاسپورټ ریاست د څرګندونو له مخې؛ په وروستیو کې د پاسپورټ ریاست ویلي، چې هره ورځ پېنځه زره پاسپورتونه وېشل کیږي.

Continue Reading

تازه خبرونه

طالبانو د تاوتریخوالي کچه لوړه ساتلې – امریکا

Ariana News

خپور شوی

په

توسط

(Last Updated On: February 26, 2021)

د امریکا د پوځ د مرکزي قومندانۍ قومندان جنرال کنټ مکنزي د پنجشنبې پر ورځ( د کب ۷) ویلي؛ امریکا او ناټو به حالاتو ته په کتو له افغانستان څخه د ځواکونو د ویستو په اړه پرېکړه وکړي.

 د امریکا د پوځ د مرکزي قومنداني قومندان جنرال کنټ مکنزي څرګنده کړې، چې اوس هم په افغانستان کې د تاوتریخوالي کچه لوړه ده او اصلي عامل یې طالبان دي.

نوموړي دا ټینګار هم کړی؛ داسې هیڅ نښه نشته، چې طالبانو دې له القاعده سره اړیکې پرې کړې وي.  

د امریکا د پوځ د مرکزي قومنداني قومندان جنرال کنټ مکنزي د بریوت انسټیټوټ په انلاین ناسته کې ویلي، چې امریکا په افغانستان کې سیاسي هوکړې ته له رسېدو ملاتړ کوي؛ خو طالبانو د دوحې هوکړه سمه پلې کړې نده. 

د امریکا د پوځ د مرکزي قومنداني قومندان جنرال کنټ مکنزي څرګنده کړې: له بده مرغه مونږ تر اوسه هم د تاوتریخوالي له حده ډېره کچه وینو او زه ډېره پړه پر طالبانو اچوم، چې خپل بریدونه او موخه ییزې وژنې یې روانې ساتلې دي. تر اوسه مو له القاعده سره د طالبانو لخوا د اړیکو د پرېکون نښه هم نده لېدلې. په همدې خاطر اوس په دې رښتیني شکونه شته، چې طالبان دې د دوحې هوکړې ته ژمن پاتې شوي وي.

دغه راز د افغانستان د جمهوریت پلوي مرکچي پلاوي غړی آمین احمدي ویلي، چې له طالبانو سره سوله ګرانه ده؛ ځکه دوی تاوتریخوالی ډېر کړی دی.

دغه راز جرمني د لس میاشتو لپاره په افغانستان کې خپل ماموریت وغزاوه او اعلان یې وکړ، چې شرایطو ته په کتو به پرېکړه وکړي.

د افغانستان امنیتي بنسټونو مسوولینو ویلي، چې که طالبان سوله ونکړي؛ وبه ځپل شي.

د ملي دفاع وزارت لومړي مرستیال شاه محمود میاخېل ویلي: د افغانستان خلک او حکومت سولې ته ژمن دي. یوازې هغه کسان سولې ته ژمن ندي، چې جنګ کوي. طالبان غواړي د چاودنو او ځانمرګو بریدونو پر مټ واک و ځواک ته ورسېږي.           

همدارنګه د کورنیو چارو وزیر مسعود اندرابي ویلي، چې طالبانو ته یوازې د سولې لار پاتې ده، پرته له دې به وځپل شي.

که څه هم له درې ورځو راپریخوا د افغانانو خپلمنځي خبرې د اړیکو د ډلو که کچې پیل شوي؛ خو تر اوسه کومې پایلې ته رسېدلي ندي.

Continue Reading

Trending

آریانا نیوز: ټول حقونه خوندي دي