Connect with us

تازه خبرونه

حنیف اتمر د دوه اړخیزو همکاریو د پراختیا لپاره ازبکستان ته دوه ورځنی سفر کړی

Ariana News

خپور شوی

 په

(Last Updated On: August 28, 2020)

د بهرنیو چارو وزارت چارسمبالی حنیف اتمر د دوه اړخیزو همکاریو د پراختیا لپاره د یوه لوړ پوړي حګومتي پلاوي په مشرۍ ازبکستان ته رسیدلی دی.

د بهرنیو چارو وزارت په یوه تویت کې څرګنده کړې؛ ټاکل شوې، چې د هېواد د بهرنیو چارو وزارت چارسمبالی حنیف اتمر به له خپل ازبک سیال، لومړي وزیر او د هغه مرستیال سره وګوري.

دغه وزارت پرون په ډاګه کړې وه، چې اتمر به د ازبکستان د لومړي وزیر د مرستیال او د سوداګرۍ او بهرنۍ پانګونې د وزیر عمراکوف سردار اکتوموویچ په رسمي بلنه تاشکند ته دوه ورځنی سفر وکړي.

د دېژ وزارت د څرګندونو له مخې؛ د دې رسمي لیدنې په بهیر کې به خبرې د دوه اړخیزو اړیکو پر پیاوړتیا په ځانګړي توګه د ترانسپورت، ترانزیت، پانګوونې، سوداګرۍ، انرژۍ او د برښنا د لیږد د لس کلن تړون پر لاسلیک او همکارۍ راوڅرخي.

دغه وزارت ویلي، چې د بهرنیو چارو وزارت له چارسمبالي سره په دې سفر کې د ولسمشرۍ د دفتر مشر محمد شاکر کارګر، د ترانسپورت او فواید عامې وزیر یما شمس، د سوداګرۍ او صنایعو وزارت مرستیال عبدالکریم ملکیار، د برښنا شرکت مشر احمد داوود نورزی او د افغانستان د اوسپنیزې کرښې مشر عبدالباري صدیقي مل وي.

تازه خبرونه

د تاوتریخوالي د ډېرولو له کبله امریکا پر طالبانو فشار راوړي – راس ویلسن

Ariana News

خپور شوی

په

توسط

(Last Updated On: November 30, 2020)

په کابل کې د امریکا سفارت چارسمبالي راس ویلسن ویلي، چې هېواد یې پر طالبانو؛ ځکه فشار راوړي، چې تاوتریخوالی یې ډېر کړی دی.

په افغانستان کې د جګړو او تاوتریخوالی د ډېریدو له کبله د امریکا سفارت چارسمبالي راس ویلسن اندېښمن شوی او او ټينګار کوي؛ پر طالبانو به فشارونه راوړي، چې تاوتریخوالی کم کړي.

ویلسن ويلي، چې طالبانو د تاوتریخوالي د کمولو په برخه کې د نړیوالې ټولنې او امریکا سپارښتنې په پرلپسې توګه بابیزه ګنلي او په افغانستان کې هدفي وژنې هم  د طالبانو کار دی.

ویلسن له آریانا نیوز سره په ځانګړې مرکه کې پر طالبانو نیوکه کړې، چې د دوحې له هوکړې سرغړوي.

راس ویلسن وایي: طالبان پر هغه ژمنه ندي ولاړ، چې د فبرورۍ پر نهه ویشتمه یې له مونږ سره کړې ده. مونږ په کراتو له طالبانو غوښتي، چې تاوتریخوالی کم کړی؛ خو له بده مرغه  طالبانو زمونږ او ملګرو ملتونو غوښتنې ندي منلي. اوس مونږ پر طالبانو ډېر فشار راوړو. دا د سولې د بري لپاره مهم دي.  

ویلسن د افغانستان په اړه د امریکا د نوې ادارې پر کړنلاره څه ونه ویل؛ خو دا یې ویلي، چې امریکا د افغانستان شرایطو ته په کتو خپل سرتېري وباسي.

هغه زیاته کړې؛ امریکايي او د نړیوال ائتلاف سرتېري دلته د ذخیرې په توکه ساتل کیږي. د وتلو موضوع له هغو شرایطو سره تړلې ده، چې امریکا مخکې اعلان کړي دي.

ویلسن ويلي، چې په افغانستان کې له اداري فساد سره مبارزه داسې هڅو ته اړتیا لري، چې مطلوبې پایلې ولري.

دا په داسې حال کې ده، چې نړیوالې ټولنې د ژنیو په غونډه کې له افغانستان سره د میلیاردونو دالرو مرسته له اداري فساد سره پر مبازره مشروطه کړې ده.

هغه په دې اړه وایي: مونږ له چارواکو سره ګډ کار کوو او هغه پیسې، چې ځينو کسانو په فساد کې ټولې کړي بېرته تر لاسه پر سمه لار ولګول شي.

ویلسن وايي، چې د سولې لپاره د خبریالانو، سوداګرو، د شورا له غړیو او د مدني ټولنې له استازیو سره خبرې کوي او نظرونه یې راټولوي.

Continue Reading

تازه خبرونه

مونږ له افغانستان څخه په وتلو کې دوه زړه شوي یو- ناتو

Ariana News

خپور شوی

په

توسط

(Last Updated On: December 1, 2020)

د ناتو سرمنشي ينس ستولتنبرګ ویلي؛  بهرني سرتېري نه غواړي په افغانستان کې له اړتیا پرته ډېر پاتې شي.

نوموړي نن یوې خبري غونډې ته ویلي؛ هیڅوک نه غواړي، چې له اړتیا ډېر په افغانستان کې پاتې شي.

د ناتوعمومي منشي څرګنده کړې، چې په افغانستان کې د امریکايي ځواکونو د کمولو له اعلان سره سره د دې سازمان ښوونیز ماموریت به روان وي.

د امریکا ولسمشر دونالد ترمپ پرېکړه کړې، چې په افغانستان کې د ځواکونو شمېر له شاوخوا ۴۰۰۰ څخه ۲۵۰۰ ته راکم کړي.

ینس ستولتنبرګ زیاته کړې، چې دا بنسټ به په راتلونکیو میاشتو کې له افغانستان څخه د خپل پوځي شتون په اړه پرېکړه وکړي.

هغه زیاته کړې په راتلونکیو میاشتو کې به مونږ د شرایطو پر بنسټ خپل پوځي شتون ارزولو ته دوام ورکړو.

نوموړي ویلي؛ مونږ له یوه مشکل ناورین سره مخ یو. یا به مونږ له دې هېواده وځو، چې افغانستان یو ځل بیا د نړۍ د ترورستانو ځاله شي او یا باید پاتې شو او له تاوتریخوالي سره اوږد ماموریت ولرو.

د دوحې د هوکړې له مخې، د امریکا سرتېري باید د راتلونکي کال د می په میاشت کې له افغانستان څخه ووځي.

دا په داسې حال کې ده، چې تېره اوونۍ ، د امریکا بهرنیو چارو وزیر مایک پامپیو فاکس نیوز ته ویلي، چې د امریکایي ځواکونو وتل د دې هېواد له وضعیت تړاو لري.

Continue Reading

تازه خبرونه

ولسي جرګې ۶ نوماند وزیرانو او د ملي امنیت مشر ته د باور رایې ورکړې

Ariana News

خپور شوی

په

توسط

(Last Updated On: November 30, 2020)

ولسي جرګې د اطلاعاتو او فرهنګ او ښځو چارو وزارتونو نوماند وزیرانو ته د باور رایې ورنکړې؛ خو ۶ نورو نوماند وزیرانو او د ملي امنیت عمومي مشر د باور رايې ترلاسه کړې.

ولسي جرګې د دوشنبې ورځې( د لیندۍ ۱۰) په غونډه کې هغو نوماند وزیرانو ته د رایو صندقونه کيښودل، چې خپل کاري لومړیتوبونه یې تشریح کړي وه.

شپږ نوماند وزیران بریالي شول، چې د ولسي جرګې د باور رایه ترلاسه کړي، خو د اطلاعاتو او فرهنګ او ښځو چارو وزارت نوماندان بریالي نه شول.

ملي امنیت مشرتابه ته احمد ضیا سراج ۲۲۰، کرنې، اوبو لګولو او مالدارۍ وزارت ته انوارالحق احدي ۱۸۹، د کډوالو او راستنیدونکو چارو وزارت ته نور رحمان اخلاقي ۱۶۵، د ترانسپورت وزارت ته قدرت الله ذکی ۱۶۵، ښار جوړونې او استوګنې وزارت ته محمود کرزي ۱۵۴، د کانونو او پترولیم وزارت  ته هارون چخانسوري ۱۵۴ د باور رایې ترلاسه کړې او بریالي وپېژندل شول.

اطلاعاتو او فرهنګ وزارت ته نوماند طاهر زهیر د ۷۸ او د ښځو چارو وزارت ته نوماندې حسینه ساپۍ د ۱۱۹ رایو پخپلولو بریالي نشول، چې د ولسي جرګې د باور رایې تر لاسه کړي.

د رایو په بهیر د جرګې ځينې غړیو نیوکې وکړې، چې ګواکي د رایو بهیر روڼ نه و او دې کار دا بنسټ تر پوښتنې لاندې راوستی دی.

د ولسي جرګې غړي محمد عارف رحماني ویلي؛ بهیر روڼ نه و او رایې ناقانونه شمېرل شوي او دې کار د ولسي جرګې باور زیانمن کړی دی.

د ولسي جرګې غړی رمضان بشردوست وایي: قانون باید پلی شي؛ خو دوه ځله د رای اچونې له قانونه سرغړونه شوې او په ښکاره د کمپاین هڅې شوي او د خلکو ډېري استازي له قانونه سرغړونه کوي.  

د ولسي جرګې مشر میر رحمان رحماني له حکومت وغوښتل، چې دغو دوه وزارتونو ته دې نوي نوماندان راوپېژندل شي.

په پام کې ده، چې په راتلونکیو ورځو کې د پاتې ۴ وزارتونو نوماند وزیران او د افغانستان بانک سرپرست ولسي جرګې ته کاري لومړیتوبونه وړاندې کړي.

Continue Reading
Advertisement

Trending