Connect with us

تازه خبرونه

حقوقپوهانو پر بې برخلیکه دوسیو اندېښه ښودلې

خپور شوی

 په

(Last Updated On: وږی ۱۲, ۱۳۹۷)

په عدلي او قضایي ادارو کې د ځینو تورنو کسانو د دوسیو د ساتلو په اړه یو شمېرحقوق پوهانو ویلي، چې په عدلي او قضایي ارګانونو کې د سیاسي مداخلو له کبله لسګونه دوسیې بې برخلیکه پرتې دي.

دا، چې عدلي او قضایي ادارې ولې د دوسیو پر تړلو بریالۍ شوې ندي؛ حقوق پوهان یې په اړه وایي، ځینو دوسیو ته په دې خاطر لاسرسی ندی شوی، چې په دې بنسټونو کې ځینو افرادو سیاسي مداخلې کړي او د شخصي ګټو لپاره یې ورسره خپلې نا قانونه هڅې همغږه کړې دي.

حقوق پوه عین الدین بهادري څرګنده کړې، چې د ځواکمنو او د رسوخ لرونکیو کسانو په امر یو شمېر دوسیې یا تړل شوي او یا هم چوپتیا پرې غوره ګڼل شوې ده.           

د بېلګې په توګه د سید اسحاق ګیلاني دوسیه، چې ویلي یې ول؛ هند د افغانستان له خاورې د پاکستان پر ضد کار اخلي. د نوموړي دغه موضوع د سږکال د وري پر ۱۵ قضایي شوه او دا دی نږدې شپږمیاشتې کیږي، چې دوسیه یې جوړه شوې؛ خو تر اوسه یې برخلیک ناڅرګنده پاتې دی.

دغه راز د مخابراتو د پخواني وزیر عبدالرزاق واحدي دوسیه د ۱۳۹۵ل کال په وروستیو کې د هغه خلاف په نامشخصه نېټه کې پرانیستل شوه. له یوه کال او څلور میاشتو وروسته دغه وزیر له دندې لیرې او محاکمه شو؛ خو پایله یې اوس هم څرګنده نده.

د ښاغلي دوستم سیمه ییز قومندان قیصاري دوه نیمې میاشتې مخکې لویې څارنوالۍ ته ورپېژندل شو؛ خو اوس هم له څېړنو پرته د ملي امنیت په بند کې دی.

د عامه نظم ځواکونو پخوانی قومندان زمری پیکان د ۱۳۹۶ کال په لیندۍ میاشت کې پر اته نیم کلونو بند محکوم شو؛ خو تر اوسه پولیس ندي بریالي شوي، چې هغه ونیسي.

د کورنیو چارو وزارت ویاند نجیب دانش وایي،  یاد کس د پولیسو تر څارنې لاندې دی. کله، چې ونیول شو عدلي او قضایي ارګانونو ته به وسپارل شي.            

دې ته ورته لسګونه دوسیې شته، چې په عدلي او قضایي ادارو کې بې برخلیکه پرتې دي.

حقوق پوه وحید فرزیي پر قضایي او عدلي ارګانونونو نیوکه کوي او وایي، چې له شک پرته اړوند ارګانونه د دغو دوسیو په څېړلو کې خلاص لاس نلري او په خپلو چارو کې ناکام دي.           

راپورونه وایي، چې پولیسو، قضا او څارنوالانو له زورواکانو سره تر ډېره بریده له نرمې لهجې کار اخیستی دی. په داسې حال کې، چې د افغانستان د جزایي کړنو د قانون له مخې د هرې دوسیې برخلیک باید په اته میاشتو کې بشپړ شي.

خبریال: علی اصغري

تازه خبرونه

په بادغیس ولایت کې زلزلې ۳۰ کسانو ته مرګ و ژوبله اړولې

خپور شوی

په

توسط

(Last Updated On: مرغومی ۲۸, ۱۴۰۰)

سیمه ییزو چارواکو څرګنده کړې، چې د دوشنبې پر ورځ د افغانستان په لويدیځ بادغیس ولایت کې زلزلې  ۲۶ کسان مړه کړي، ۴ ژوبل او سلګونه کورونه ویجاړ شوي دي.

رویټرز د سیمه ییزو چارواکو لخوا د خپاره شويو انځورونو له مخې څرګنده کړې، چې د ریښتر پر کچه ۵ اعشاریه ۶ درجې زلزلې له ترکمنستان سره پر ګډه پوله پروت بادغیس ولایت ولړزاوه، چې او له خښتو جوړ شوي سلګونه کورونه یې ویجاړ کړل.

د بادغیس ولایتي ادارې د اطلاعاتو او فرهنګ مشر باز محمد سروري  زیاته کړې: له بده مرغه زمونږ لومړني راپورونه ښيي، چې د پېنځه ښځو او څلور ماشومانو په ګډون ۲۶ کسان مړه شوي او څلور نور ټپیان دي.

نوموړي د اسلامي امارت ځواکونو ته په نغوته کې څرګنده کړې: مجاهدین یو شمېر زیانمنو سیمو ته رسېدلي؛ خو بادغیس یو غرنی ولایت دی ښايي د تلفاتو شمېر له دې هم لوړ شي.

هغه زیاته کړې، چې اوس هم په سیمه کې سخت باران روان دی.

د رویټرز د راپور له مخې؛ د افغانستان د بېړنیو چارو وزارت د بېړنیو عملیاتو مرکز مشر ملا جانان ساقي د وژل شویو کسانو شمېر تائید کړی او ویلي یې دي، چې له ۷۰۰ ډېر کورونه زیانمن شوي دي.

د بادغیس په مرکز کې د مرکزي روغتون د نرسنګ مشر ثناء الله ثابت وایي؛ دوی ته د زلزلې پېنځه ټپیان ورلېږدول شوي، چې د ډېرو یې هډوکي مات شوي دي.

د اروپایي سرچینو د څرګندونو له مخې، یاده زلزله ۳۰ کیلومټره ( ۱۸ اعشاریه ۶۴ میله) ژوروالی لري.

Continue Reading

تازه خبرونه

پاکستان د افغانستان پر ختیځو سیمو ۲۱ توغندي توغولي – چارواکي

خپور شوی

په

توسط

(Last Updated On: مرغومی ۲۸, ۱۴۰۰)

د ختیځ زون پوځي چارواکو آریانا نیوز ته څرګنده کړې، چې د یکشنبې پر شپه ډیورنډ کرښې ته نږدې د کونړ ولایت په سرکاڼو ولسوالۍ کې د اسلامي امارت او پاکستانيو ځواکونو ترمنځ نښته شوې ده.

چارواکو په ډاګه کړې؛ پاکستانيو ځواکونو د افغانستان پر لوري ۲۱ توغندي وتوغول، چې مرګ و ژوبله نلري.

د ختيځ زون د لومړۍ سرحدي لوا وياند حمدالله همدرد ويلي، چې د اسلامي امارت ځواکونو هم پر پاکستانيو ځواکونو يو شمېر توغندي توغولي دي.

دغه راز ویل کیږي، چې د کونړ ولایت په سرکاڼو ولسوالۍ کې د اسلامي امارت او پاکستانيو ځواکونو ترمنځ نښته هم شوې ده.

حمد الله همدرد زیاته کړې، چې جګړه د شپې تر ۹ بجو روانه وه. د نښتې لامل د پاکستانيو ځواکونو برید و، په ځواب کې یې د اسلامي امارت ځواکونو توغندي توغولي او ښايي مرګ و ژوبله یې هم اړولې وي. زموږ ځواکونو او خلکو ته مرګ و ژوبله نده اوښتې.

د اسلامي امارت چارواکو ویلي، چې د ډیورنډ کرښې په اوږدو کې د پاکستانيو ځواکونو د بریدونو د مخنیوي لپاره ۳۲ نوې پوستې جوړوي.

Continue Reading

تازه خبرونه

په چین کې د زیږون کچه ډېره راټیټه شوې

خپور شوی

په

توسط

(Last Updated On: مرغومی ۲۸, ۱۴۰۰)

د چين د احصائې ملي ادارې د دوشنبې پر ورځ ( د مرغومي ۲۷ ) څرګنده کړې، چې په ۲۰۲۱ زېږدیز کال کې د زېږون کچه په هرو زر کورنیو کې ۷.۵۲ راټيټه شوې ده.

چین په ۲۰۱۶ زېږدیز کال کې د څو ماشومانو پالیسي له منځه یوړه او پر ځای یې د دوه اولادونو محدودیت وضع کړ، چې له اقتصادي ستونزو څخه د وګړیو د ژر زړښت مخه ونیسي؛ خو د ښاري ژوند لوړ لګښت د ډېرو ماشومانو د لرلو مخه ونیوله.

له همدې کبله کله، چې د احصائې ادارې په دې اړه د معلوماتو راټولول پیل کړل؛ نو په ‌ډاګه شوه، چې  د زیږون کچه له ۱۹۴۹ کال راپدیخوا ترټولو ټیټه شوې ده.

د چین د وګړیو د طبیعي ودې کچه له کډوالۍ پرته د ۲۰۲۱ لپاره یوازې ۰.۰۳۴ سلنه ده، چې له ۱۹۶۰ راپدیخوا ترټولو ټیټه کچه ده.

د پن پواینټ شتمنیو مدیریت مرکز لوی اقتصاد پوه ژی وی ژانګ ویلي؛ د نفوس ننګونه ښه پېژندل شوې؛ خو د وګړیو د عمر کچه په څرګنده توګه د تمې په پرتله ګړندۍ روانه ده.

دا ارقام ښیي، چې په ۲۰۲۱ زېږدیز کال کې ۱۰.۶۲ میلیون د ۲۰۲۰ کال پر پرتله، چې ۱۲ میلیون ماشومان ول؛ زېږېدلي دي.

د یادونې ده، چې په چین کې د زیږون کچه د ۲۰۲۰  کال له مخې په هرو ۱۰۰۰ خلکو کې ۸.۵۲ سلنه ده.

Continue Reading

Trending

Copyright © 2022 Ariana News. All rights reserved!