Connect with us

تازه خبرونه

جنرال دوستم په ارګ کې د قیصاري د خوشې کولو غوښتنه کړې

Ariana News

خپور شوی

 په

(Last Updated On: زمری ۸, ۱۳۹۷)

د ولسمشر د لومړي مرستیال د دفتر مسوولین وايي، چې عبدالرشید دوستم له ولسمشر سره د نظام الدین قیصاري پر خوشي کیدو، د نوی ائتلاف د جوړښت، ټاکنو او سولې په اړه غږیدلی دی.

ارګ د دوشنبې پر ورځ( د زمري ۸) یوه داسې اووه دېرش دقیقه یي ویدیو خپره کړې، چې په کې د ملي وحدت حکومت رهبران د ولسمشر له لومړي مرستیال جنرال عبدالرشید دوستم سره ګوري او ښايي پر مهمو مسایلو خبرې کوي؛ خو ویډیو غږ نلري.

د ولسمشر د لومړي مرستیال د دفتر رييس بابر فرهمند وایي، هغه له ولسمشر سره له نننۍ لیدنې وروسته دفتر ته راغی. له دې وروسته به د امنیت شورا او کابینې په ناستو کې ګډون کوي او خپل دفتر ته به هم منظم راځي.

ښاغلي بابر فرهمند زیاته کړې، چې ښاغلي دوستم له ولسمشر سره د نظام الدین قیصاري پر خوشي کیدو او د هغه له ساتونکیو سره د ناوړه چلند، د نوي ائتلاف او سولې په اړه خبرې کړي دي.

د افغانستان مدني ټولنې د مجتمع رييس عزیز رفیعي وایي؛ مونږ هیله من یو، چې د افغانستان سیاسیون خپلې ځانګړې موخې پر خلکو ونه تپي او ملي مقدسات ترې قربان نکړي.

جنرال دوستم اوس د پخوا په شان ښايي د حکومت مهم ملګري پاتې نه وي؛ ځکه هغه د یوه داسې ائتلاف غړی شو، چې له حکومت سره په سیاسي مخالفت کې را ټوکیدلی دی.

د ولسي جرګې غړې حبیبه دانش وایي؛ دا ښه خبره ده، چې د حکومتي مشرانو تر منځ همغږي رامنځته او واټنونه رالنډ شي.

د افغانستان د ملي وحدت حکومت رهبرانو د ولسمشر له لومړي مرستیال جنرال عبدالرشید دوستم سره له یو نیم کلن ځنډ وروسته ولیدل؛ خو د دوی د ګډو خبرو په اړه نور څه نه دي په ډاګه شوي.

جنرال دوستم د ملي امنیت له سلاکار او د ملي امنیت له رييس څخه غوښتي وه، چې د نظام الدین قیصاري د تورنو تر سپینیدو پورې هغه د ده کور ته ولیږدوي؛ خو ویل کیږي، چې نوموړی د ملي امنیت په یوه میلمستون کې ساتل کیږي.

خبریال: باعث حیات

تازه خبرونه

عبدالله عبدالله د خپلو نوماندانو نوملړ ولسمشرۍ ته وسپاره

Ariana News

خپور شوی

په

توسط

(Last Updated On: چنګاښ ۲۰, ۱۳۹۹)

په کابینه کې د داکتر عبدالله عبدالله د ونډې نوماند وزیرانو نوملړ ولسمشرۍ ماڼۍ ته رسیدلی دی او عبدالله ته نږدې سرچینې وايي، چې اوس هم د ملي پخلاینې عالي شورا له مشر سره د هغه ملګري د وروستي شوي نوملړ په اړه اختلاف لري.

د ملي پخلاینې عالي شورا د مشر عبدالله عبدالله د کابینې نوماند وزیران له دوه میاشتو خبرو او مشورو وروسته ځانګړي او ولسمشرۍ ماڼۍ ته یې نوملړ استول شوی دی.

مسعود اندرابي د کورنیو چارو، فضل احمدي معنوي د عدلیې، انوارالحق احدي د کرنې، نور رحمان اخلاقي د کډوالو چارو، محب الله صمیم د قومونو او قبایلو چارو وزارتونو لپاره نوماند شوي دي.

مصطفی مستور د سولې په برخه کې د دولت وزارت، معصومه خاوري د مخابراتو، نثار احمد غوریاني د سوداګرۍ، منصور سعادت نادري د اقتصاد، بشیر احمد ته ینج د کار او ټولنیزو چارو، کنشکا ترکستاني د لوړو زدکړو، عباس بصیر د ترانسپورت او نجیب آقا فهیم د شهیدانو او معلولینو په چارو کې د دولت وزارت لپاره نومول شوي دي.

داسې معلومات هم  تر لاسه شوي، چې د عبدالله عبدالله په مشرۍ د نوماند وزیرانو له نوملړ سره د هغه متحدین مخالف دي.

عبدالله ته نږدې سرچینو ويلي، چې ملي جنبش ګوند په کابینه کې د درې وزارتونو غوښتنه کوي. په داسې حال کې، چې په نوملړ کې دوه وزارتونه ونډه ورکړ شوې ده.

دغو سرچینو څرګنده کړې، چې ملي جنبش ګوند، بشیر احمد ته ینج د کرنې ، قدرت الله ذکي د ترانسپورت او کنشکا ترکستاني د کډوالو چارو وزارت لپاره وړاندیز کړي وه.

ځينې نورې سرچینې بیا وايي، چې د نوماند وزیرانو د نوملړ په اړه هیڅ اختلاف نشته.

د سیمه ییزو ارګانونو خپلواکې ادارې ویاند احمد شاه سقیم ویلي، چې ولسمشر محمد اشرف غني د یوولس ولایتونو لپاره والیان معرفي کړي دي.

ولسمشرۍ او سپیدار ماڼیو تر اوسه د دغه نوملړ په اړه څه ندي ويلي.

Continue Reading

تازه خبرونه

د ګمرکونو ټول عایدات د حکومت خزانې ته نه سپارل کیږي

Ariana News

خپور شوی

په

توسط

(Last Updated On: چنګاښ ۲۰, ۱۳۹۹)

په ګمرکونو کې د تعرفو په نوم اخیستل کیدونکې پیسې ټولې د دولت خزانې ته نه لویږي؛ ځکه، چې په ګمرکونو کې اداري فساد بیخي ډېر شوی دی.

تورخم په ننګرهار کې، اسلام کلا په هرات کې، حیرتان په بلخ کې، آقینه په فاریاب کې، سپین بولدک په کندهار کې، شېرخان بندر په کندوز کې او انګور اډه په پکتیکا کې د هېواد له عایداتي سرچینو څخه شمېرل کیږي، چې اوس په دغو ګمروکونو او بندرونو کې د مالي فساد د زیاتیدو ګڼ راپورونه ورکول کیږي.

د بلخ د سوداګرۍ او پانګوالۍ خونې مشر آرش یونسي ویلي؛ په دغو ګمرکونو کې له خلکو د تجارتي تعرفو په نوم اخیستل شویو پیسو ډېره برخه د زورواکو او ټوپکوالو جیبونو ته لویږي.

د افغانستان د شفافیت بنسټ هم په عوایداتي سرچینو کې د شفافیت د نشتوالي او بيځایه ګومارنو له کبله د فساد له ډېروالي خبر ورکوي.

 د افغانستان د رڼښت بنسټ مشر سید اکرام افضلي ويلي، چې په کمرکونو کې بیځایه او غیر شفافو ګومارنو او د اصلاحاتو لپاره جدي ګام نه اخیستو پراخ مالي تنظیم شوي فساد ته لار اواره کړې ده.

د مالیې وزارت مسولین وايي چې د عوایدو راټولول په جدي توګه څاري او هڅه کوي د مالي فساد مخه ونیسي.

د مالیې وزارت ویاند شمروز خان مسجدي ويلي، چې په ګمرکونو کې د مالي فساد مخنیوي او په چارو کې پر شفافیت یې تمرکز کړی دی.

له دې مخکې د هرات والي ویلي وه، چې د اسلام کلا ګمرک ډېره برخه عواید د زورواکو او مافیا جیبونو ته لویږي.

Continue Reading

تازه خبرونه

په پکتيا کې ۱۲ وسلوال طالبان وژل شوي

Ariana News

خپور شوی

په

توسط

(Last Updated On: چنګاښ ۱۹, ۱۳۹۹)

په پکتیا ولایت کې له امنیتي ځواکونو سره په نښته کې د یوه سیمه ییز قومندان په ګډون ۱۲ وسلوال طالبان وژل شوي دی.

د ۲۰۳ تندر قول اردو وياند ايمل مومند آريانانيوز ته څرګنده کړې، چې نن سهار ۵ بجې وسلوالو طالبانو په شاه محمد او شګۍ نومو سيمو کې د افغان ځواکونو پر پوستو ډله ییز بریدونه پیل کړل، چې له امنیتي ځواکونو سره په نښته کې د طالبانو د يوه قومندان آباسين په ګډون لس وسلوال وژل شوي او اووه نور ټپيان دي.

مومند زیاته کړې، چې په دې نښته کې افغان ځواکونو ته کوم ځاني زیان ندي اوښتی.

طالب وياند ذبيح الله مجاهد ويلي، په اريوب ځاځي ولسوالۍ کې جګړه شو؛ خو افغان ځواکونو ته ځاني زیانونه اوښتي دي.

همدارنګه نوموړي په ډاګه کړې، چې تېره شپه ناوخته وسلوالو طالبانو د پکتیا ولایت د څمکنۍ ولسوالۍ اړوند د نوزې خولې په اړوند سیمه کې د ملي امنیتي ځواکونو پر گزمه برید کری، چې د ملي امنيتي ځواکونو لخوا د چمتو قطعی په مرسته له شاتګ سره مخ شول او په پايله کې یې (۲)  وسلوال طالبان وژل شوي او (۲) نور ټپيان دي.

له بده مرغه په دغه نښته کې د ملي امنيتي ځواکونو یو تن هم ټپي شوی دی.

مومند زياتوي، چې په وژل شويو طالبانو کې يو يې پاکستانی دی.

طالبانو د دغې مرګ و ژوبلې په اړه څه ندي ویلي.

Continue Reading

Trending