Connect with us

تازه خبرونه

جنرال مکینزی، د امریکايي ځواکونو په وژلو کې د روسیې پر لاس لرلو شکمن شوی

Ariana News

خپور شوی

 په

(Last Updated On: چنګاښ ۱۸, ۱۳۹۹)

یوه لوړ پوړي امریکایي جنرال ویلي، چې په افغانستان کې د امریکایي عسکرو د وژلو لپاره طالبانو ته د روسیې  ډالۍ ورکول د اندېښنې وړ دي؛ خو هغه شک لري، چې دا کار به په دې هېواد کې د امریکایي سرتېرو د وژنې لامل وي.

دا په داسې حال کې ده، چې واشنګتن پوست تېره میاشت څرګنده کړې وه، چې روسیې طالبانو ته د امریکایي او ائتلافي سرتېرو د وژلو په بدل کې پیسې ورکړي او له همدې کبله په تېرو څو میاشتو کې ډېر بهرني سرتېري وژل شوي هم دي.

 د واشنګتن پوست د څرګندونو له مخې؛ دغه معلومات په وروستیو څو میاشتو کې له نیول شويو وسلوالو څخه د امریکایي ځواکونو له څېړنو وروسته په ډاګه شوي دي.

همدارنګه پنتاګون هم پرلپسې ویلي، چې د دغو ادعاوو د ملاتړ لپاره هیڅ اړین شواهد نلرو او مسکو هم دغه تورونه رد کړي دي.

 د امریکایي ځواکونو د مرکزي قومندانۍ  لوی درستیز جنرال فرانک مکینزي د سه شنبه پر ورځ خبریالانو ته وویل، چې سره له دغو معلوماتو امریکا په افغانستان کې د خپلو سرتېرو د ساتنې لپاره کوم  اړین ګام ندی پورته کړی؛ خو  خپلو استخباراتي کارمندانو ته یې سپارښتنه کړې، چې په دې اړه خپلې پلټنې بشپړې کړي.

هغه ویلي: ما استخباراتو کارمندان د پلټنو لپاره استولي دي. زه باور لرم، چې دمګړۍ یې پلټنې روانې دي.

نوموړي زیاته کړې: زه  له دې موضوعاتو پوره خبر یم. زه د پېښې په ځای کې یو قومندان یم او ما دا له نږدې لیدلي  او په دې اړه اندېښمن هم یم. ما یوازې دې ته پام ندی کړی، چې هلته دې د علت او معلول کومه اړیکه وي.

امریکا په تېرو وختونو کې روسیه طالبانو ته د وسلو پر برابرولو او ملاتړ تورنه کړې؛ خو  روسیې تل له طالبانو  ملاتړ رد کړی دی.

جنرال مکنزي څرګنده کړې‎ که روسیه له دوی سره مرسته کوي یا نه؛ خو طالبانو پوره هڅه کړې، چې زمونږ په وړاندې عملیات ترسره کړي.

ویل کیږي، چې په  ۲۰۱۸ کال کې ۱۰ ، تېر کال ۱۶ او سږکال ۲ امریکايي سرتېري وژل شوي دي.

تازه خبرونه

Ghani condemns attack on yet another government official

Ariana News

خپور شوی

په

توسط

(Last Updated On: وږی ۲۹, ۱۳۹۹)

President Ashraf Ghani has condemned the attack on Ayub Gharwal, deputy head of Paktia Provincial Council, who was gunned down on Saturday in Gardez city. 

In a statement issued by the Presidential Palace (ARG), Ghani reiterated his call to the Taliban to call for a humanitarian and lasting ceasefire to ensure the security of civilians. 

The president also called for an investigation into the killing of Gharwal. 

Paktia officials said the incident happened at about 5.30am in Gardez city while Gharwal was on his way to Gardez University. 

Officials said Gharwal was seriously wounded in the attack and later died in hospital from gunshot wounds. 

Gharwal’s death is another in a string of targeted attacks on high-profile public figures and government officials. 

Earlier this month, Vice President Amrullah Saleh was also targeted in an attack in Kabul. 

Saleh escaped with minor injuries but at least 10 people were killed in the roadside bombing that was intended to kill Saleh. 

No group has yet claimed responsibility for Saturday’s attack on Gharwal. 

Continue Reading

تازه خبرونه

د ملګرو ملتونو امنیت شورا د افغانانو له خپلمنځي خبرو هرکلی څرګند کړ

Ariana News

خپور شوی

په

توسط

(Last Updated On: وږی ۲۸, ۱۳۹۹)

د ملګرو ملتونو امنیت شورا د افغانانو د خپلمنځي خبرو له پیل کیدو هرکلی کړی دی،

امنیت شورا په یوه اعلامیه کې د افغانستان حاکمیت، خپلواکي، ځمکنی بشپړتیا او ملي یووالي ته خپله پوره  ژمنتیا بیا ډاډمنه کړه.

په خبرپاڼه کې راغلي: تلپاتې سوله یوازې د افغانانو په مشرۍ د یو هراړخیز بهیر له لارې ترلاسه کیدلی شي، چې موخه ترې د دوامداره او هر اړخیز اوربند ترلاسه کول او په افغانستان کې د جګړې پای ته رسولو لپاره یوه هراړخیزه سیاسي هوکړه ده.

د امنیت شورا غړیو هم په مذاکره کوونکیو غږ وکړ، چې نه یوازې د باور رامنځته کولو لپاره ګامونه واخلي، بلکې تاوتریخوالی کم او په ښه نیت هڅې تر سره کړي.

د امنیت شورا غړیو په افغانستان کې د سولې او ثبات په وده کې د ملګرو ملتونو د رول پر اهمیت ټینګار وکړ او د افغانانو تر منځ د خبرو اترو د آسانه کولو او د سولې له بهیر سره د مرستې لپاره د افغانستان د ټولو سیمه ییزو او نړیوالو همکارانو له هڅو هرکلی وکړ.

Continue Reading

تازه خبرونه

پاکستان له افغانستان سره ۱۲ سرحدي بازارونه جوړوي

Ariana News

خپور شوی

په

توسط

(Last Updated On: وږی ۲۸, ۱۳۹۹)

پاکستان له افغانستان او ایران سره د خپلو پولو په اوږدو کې ۱۸ بازارونه جوړوي.

د پاکستان حکومت ویلي، چې د بازارونو له جوړولو موخه د درې واړو هېوادونو ترمنځ د سوداګرۍ وده او د قاچاقي توکو مخنیوی دی.

دا پرېکړه تېره ورځ د پاکستان د لومړي وزیر عمران خان په مشرۍ په یوه ناسته کې رامنځته شوې ده.

د عمران خان د دفتر په یوه څرګندونه کې راغلي: په دې ناسته کې ویل شوي، چې له افغانستان سره د پولې په اوږدو کې ۱۲ او له ایران سره پولې ته نږدې به شپږ بازارونه جوړ شي.

د یاد دفتر د څرګندونو له مخې؛ لومړي وزیرعمران خان په بلوچستان کې د دوه سرحدي بازارونو او په خیبر پښتونخوا کې د یوه سرحدي هغه جوړول د یوې ازمایښتي پروژې په توګه منظور کړي، چې د فبرورۍ په میاشت کې به بشپړ او فعال شي.

د عمران خان دفتر زیاته کړې، چې د قاچاقي توکو د مخنیوي لپاره به نورې هڅې هم تر سره شي.

د سرحدي بازارونو رامنځته کولو په اړه د پاکستان لومړي وزیر ویلي، چې دا بازارونه باید په داسې یو ځای کې جوړ شي، چې د سرحدي سیمو اوسیدونکي په ځانګړي توګه ځوانان د سرحدونو له دیوال جوړولو وروسته غوره سوداګریز فرصتونه ولري.

ویل کیږي، چې پاکستان خپلو ځانګړیو موخو ته د رسیدو لپاره له دې مخکې د دیورند د فرضي کرښې په اوږدو کې د خپلې خوښې اغزن تار زغلولی دی.

Continue Reading

Trending