Connect with us

بی بی سی پښتو

جاپان کې د خطر زنګ؛ ولې د ښځو ځانوژنه په ډېرېدو ده؟

Avatar

خپور شوی

 په

(Last Updated On: March 6, 2021)
رسم

BBC

جاپان د نړۍ تر بر هر هېواد او سیمې خپله خاوره کې د ځانوژنو دقیقې او چټکې شمېرې خپروي. په دې هېواد کې د ځانوژنې اړوندې شمېرې د نړۍ د نورو هېوادونو برعکس د هرې میاشتې پای کې خپرېږي.

خو د کورونا وېروس وبا پرمهال په جاپان کې د ځانوژنې پېښې ډېر اندېښمنوونکې وې.

په ۲۰۰۲ کې، په وروستیو ۱۱ کلونو کې لومړی ځل و چې جاپان کې د ځانوژنې پېښې لوړې شوې دي. خو د پام وړ ټکی دا دی چې د سړیو ځانوژنې شمېرو کې په لږ کمښت راتلو سره، په ښځو کې د ځانوژنې پېښې په سلو کې ۱۴ ډېرې شوې دي.

په دې هېواد کې د ښځو د ځانوژنې پېښې د ۲۰۲۰ تر اکتوبر میاشتې د وړم کال د همدې مودې پرتله تر ۷۰ سلنې لوړې شوې دي.

ویل شوي چې تر سړو ښځې ډېرې د کورونا وبا له کبله زیانمنې شوې دي. خو اصل کیسه څه ده؟

خبرداری:‌ ښايي د ځینو لپاره ددې رپوټ منځپانګه ځوروونکې وي

له یوې ځوانې ښځې سره مخامخ کتنه چې څو ځله یې د ځانوژنې هڅه کړې ده؛ چندان ښه تجربه نه ده. دا کار ددې. لامل شو چې د ځانوژونکو د مخنیوي لپاره د فعالانو ډېر درناوی وشي.

د یوکوهاما ښار د رد لایت سیمې یوه روغتون کې وم، دا روغتون د “بانډ پراجکټ” خیریه بنسټ له خوا چې د ځانوژنې د مخنیوي برخه کې فعالیت کوي، اداره کېږي.

Banner

BBC

که د ځانوژنې فکر درځي:

په ایران کې له ۱۲۳ شمېرې یا د مشورې له ۱۴۸۰ شمېرې سره اړیکه ونیسئ

افغانستان کې ۱۱۹

امریکا او کاناډا کې ۹۱۱

بریتانیا کې سماریټن خیریه ۱۱۶۱۲۳

Banner

BBC

د مېز بلې غاړې ته ۱۹ کلنه ښځه له لنډو وېښتانو سره بې حرکته ناسته وه.‌

خپله کیسه یې پیل کړه. وايي داستان یې له ۱۵ کلنۍ پیل شو. هغه وخت یې مشر ورور ځوروله چې په پای کې له کوره وتښتېده. خو په دې کار یې هم له ځور او رنځ ځان خلاص نه کړای شو.

هغې له دې ټولو ستونزو د خلاصون لار په ځانوژنه کې موندلې وه.

دا وايي: “له تېر کال راهیسې په دې روغتون کې څو ځله بستري شوې یم. څو ځله مې د ځانوژنې هڅې کړې دي، خو بریالۍ نه شوم. نور فکر کوم چې د خپل ژوند پای ته رسولو هڅه مې پرېښې ده”.

خو د بانډ پراجکټ مؤسسې همکارۍ هغه له ځانوژنې راوګرځوله. دوی هغې ته یو خوندي ځای چمتو کړ او د مشورې ډېرې اسانتیاوې یې ورته برابرې کړې دي.

جون تاچیبانا

BBC
جون تاچیبانا د بانډ پراجکټ مؤسسې بنسټګره ده او هیله لري له اړمنو سره مرسته وکړي

تاچیبانا د بانډ پراجکټ خیریه ټولنې بنسټګره او ډېره مثبت اندې ښځه ده، چې اوس د ژوند څلورمې لسیزې ته ورګډېږي.

دا وايي: “کله چې نجونې له جدي ستونزو سره مخامېږي او کړېږي، سمې نه پوهېږي چې څه وکړي. موږ دلته ددې لپاره یو چې خبرې یې واورو او دوی ته ووایو چې موږ ورسره یو.”

اغلې تاچیبانا وايي ظاهراً‌ کوویډ-۱۹ ناروغي ددې لامل شوې چې خلک ځانوژنې ته مخه کړي. دا وايي په وروستیو څو میاشتو کې یې مؤسسې ډېرې زړه بوږنوونکې ټیلیفوني اړیکې ترلاسه کړې دي.

لکه: ” ‘غواړم ومرم’ او ‘هېڅ ځای نشته چې ورشم’. دا هغه خبرې دي چې ډېرې یې اورو.‌ دوی وايي ‘ډېره دردوونکې ده، دومره د یوازېتوب احساس کوم چې غواړم ورک/ورکه شم’ ”.

خو د کورونا وبا د هغو کسانو لپاره وضعیت لا ډېر خراب کړی، چې له جنسي او جسمي ځورونو کړېږي.

اغلې تاچیبانا وايي: ”څو ورځې مخکې مې له یوې نجلۍ سره خبرې کولې، ویل یې پلار یې پر هغې جنسي تېری کړی. خو اوس یې پلار د کورونا وبا له کبله ډېر کار نه شي کولی او ډېر وخت په کور کې وي. له همدې کبله هغه اوس له خپل پلاره د تېښتې لار نه لري”.

یوه ‘ډېره نامعموله’ بېلګه

پورفیسره میچیکو اویدا

BBC
پورفیسره میچیکو اویدا وايي، اوس په ښځو کې د ځانوژنې بېلګې ډېر زیاتې نامعمول دي

په مخکېنیو ناورینونو کې،‌ لکه د ۲۰۰۸ کال بانکي کړکېچ او د ونډو د بازار لوېدو او د استوګنځیو د قېمته کېدو پرمهال، تر ډېره د جاپان د پاخه عمر سړیو ته ډېر زیان ورسېد. په دې موده کې د سړو د ځانوژنې پېښې په ډېرېدو شوې.

خو کوویډ-۱۹ بېل ډول دی او ډېری ځوانان، په تېره ځوانې ښځې ډېرې اغېزمنې شوې دي. دا مسله د پېچلتیا دلایل هم لري.

جاپان په تېر کې د مخ پر وده هېوادونو نوملړ کې د ځانوژنې لوړه شمېره لرله. خو په څو وروستیو لسیزو کې وتوانېد چې دا شمېره یو پر درې راټیټه کړي.

د پوهنتون استاده او د ځانوژنې برخه کې یوه وتلې کارپوهه میچیکو اویدا وايي، په څو وروستیو میاشتو کې د ځانوژنې د بهیر معکوسې شمېرې زړه بوږنوونکې دي.

دا وايي: ”اوس په ښځو کې د ځانوژنې نمونه ډېره زیاته غیرعادي ده. زه د خپل مسلکي کار برخه کې د یوې کارپوهې په توګه د شمېرو د دومره لوړوالي شاهده نه وم. خبره دا ده چې د کورونا وېروس وبا تر ډېره هغه صنعت ته زیان رسولی چې ډېری کارمنانې یې ښځې وې، لکه ګرځندوی، خوراکي صنایع او پلورنځي”.

پېژندل شوې څېرې

یوکو تاکیوچي

Getty Images
یوکو تاکیوچي د جاپان مشهوره هنرمنه او سندرغاړې وه چې ټېر کال یې ځانوژنه وکړه

مای سوګانوما د انې پي او مؤسسې یوه ډاکټره ده. وايي کله چې پېغلوټه وه، پلار یې ځانوژنه وکړه. هغه اوس د هغو کورنیو لاسنیوی کوي چې غړو یې ځانوژنې کړې دي.

اغلې سوګانوما وايي: ”کورونا وبا د ځانوژنې د قربانیانو د کورنیو ژوند لا تریخ کړی دی، ځکه چې د خپلو غړو د ځانوژنې مخنیوي کې ځانونه پړه او ناتوانه ګڼي. زه هم ددې لپاره چې د خپل پلار مړینه مې توجیه کړم، ځان ملامتوم”.

Continue Reading
Advertisement

بی بی سی پښتو

کېم کارداشیان د میلیاردرانو په نوملړ کې راغله

Avatar

خپور شوی

په

(Last Updated On: April 7, 2021)
کیم کارداشیان

Getty Images
کیم کارداشیان د ۲۰۲۰ کال د پاریس د سټایل اونۍ کې

مشهوره تلوېزیوني ستورې کېم کارداشیان وېسټ یو میلیارد ډالرو ته د خپلې شتمنۍ په رسولو سره د شتمنو له کلب سره یوځای شوه.

‘فوربز’ مجلې ویلي مېرمن کارداشیان سوچه شتمي د تلویزیوني عوایدو، سوداګریزو اعلانونو او سینګار توکو، جامو یا کالیو له خرڅلاو څخه تر لاسه کړې.

کارداشیان اوس د هغو ۲۷۵۵ کسانو له ډلې ده چې د فوربز د میلیاردرانو په لړلیک کې راغلي.

د امازون شرکت مشر جف بېزوس د ۱۷۷ میلیارد ډالرو په درلودلو سره د نوملړ په سر کې ځای لري.

د بامبل اپلیکېشن بنسټګر ویتني هرډ (۱٫۳ میلیارد ډالر) فلم جوړوونکی ویتني وولف (یو میلیارد ډالر) او د شیلډن اډلسن کونډه میریاماډ‌لسن د قمار صنعت ( ۳۸٫۲ میلیارد ډالر) په درلودو سره هغه امریکایان دي چې په تېر یوه کال کې دغه نوملړ کې راغلي دي.

د کېم کارداشیان مېړه کانیه وېسټ چې اوس له یو بل سره ژوند نه کوي. له دې وړاندې د ۱٫۸ میلیارد ډالرو په درلودو سره په دغه نوملړ کې راغلی و، خو د کېم کارداشیان خور کایلي جنر په تېره میاشت کې له دغه نوملړه لرې شوه، ځکه فوربز مجلې ادعا کړې وه کورنۍ یې د هغې د شتمنۍ ارزښت له اندازې زیات ښودلی.

کېم څنګه دغې بریا ته ورسېده؟

د فوربز د راپور له مخې، د ۴۰ کلنې کېم ۷۸۰ میلیون ډالرو شتمي په تېره اکټوبر میاشت کې یو میلیارد ډالرو ته رسېدلې ده چې ډېر عواید یې هم د سینګار توکو شرکت (کي کي ډبلیو بیوټي) او د کالیو شرکت ( سکمیز) ترلاسه کړي دي.

کي کي بیوټي په ۲۰۱۷ کال کې جوړ شو او اسکمیز دوه کاله وړاندې کار پیل کړ.

کېم کارداشیان تېر کال د سینګار توکو (کي کي ډبلیو بیوټی) شل سلنه برخه په ۲۰۰ میلیون ډالرو په کوتي شرکت خرڅه کړه. د هغې نوی کار د سکمیز شرکت له خوا د کالیو جوړول دي چې د کور څخه د کار کولو لپاره راحته او مناسب بلل شوي او تر ډېره په غه کار کې بریالی هم وه.

د کورونا وېروس وبا پر مهال کېم کارداشیان په ټولنیزو رسنیو کې فعاله ونډه درلوده چې په انسټاګرام کې ( ۲۱۳ میلیون او تویټر کې ۶۹ میلیون) کسانو څارلې او له همدې لارې یې د خپل شرکت کالیو ته هم بازار موندنه کړې.

کارداشیان ۲۰۱۷ کال کې د یو سریال د ستورې په توګه چې د دې د کورنۍ ریښتینی ژوند پکې انځور شوی و کار وکړ او له همغه وخته یې خپل محبوبیت ساتلی دی.

د راپورونو پر بنسټ، په تېره فبرورۍ میاشت کې مېرمن کارداشیان له خپل مېړه د طلاق غوښتنه وکړه، هغوی ۷ کاله له یو بل سره ژوند کړی او څلور ماشومان لري.

Continue Reading

بی بی سی پښتو

د ښکلا سیالۍ کې اخ و ډب؛ د ګټونکې ښځې سر مات شو

Avatar

خپور شوی

په

(Last Updated On: April 6, 2021)
سري لنکا

AFP

په سري لنکا کې د ښکلا تر ټولو ستره سیالۍ کې پر دریځ یا سټېج د اخ و ډب له رامنځته کېدو وروسته د سیالۍ ګټونکې مېرمن سر ټپی شوی دی.

د یکشنبې پر ورځ د سري لنکا ښکلا ملکې سیالۍ کې پشپیکا ډي سلوا ګټونکې اعلان شوه او دغه سیالۍ د هېواد پر ملي ټلویزیون هم خپرېده.

خو له اعلان څو شېبې تېرې وې، چې د ۲۰۱۹ کال ورته سیالیو ګټونکې مېرمنې د اغلې ډي سلوا له سره تاج واخیست او ادعا یې وکړه، چې نوموړې طلاقه شوې، ځکه باید ګټونکې و نه بلل شي.

د مراسمو منتظیمینو وروسته اعلان وکړ، چې اغلې ډي سلوا نه ده طلاقه شوې او تاج یې بېرته هغې ته سپاري.

دغه سیالۍ د یکشنبې پر شپه د پلازمېنې کولمبو یو تیاتر ننداره کې تر سره شوې، چې منصفه پلاوي اغلې ډي سلوا پکې ګټونکې اعلان کړه.

خو د ۲۰۱۹ کال دغسې سیالیو ګټونکې کارولین جیوري د اغلې ډي سلوا له سره تاج واخیست او له منتظمینو یې د یوه خبره تکرار کړه، چې په سیالیو کې ګډون کوونکې مېرمنې باید طلاق شوې نه وي. اغلې جیوري نندارې ته ناستو خلکو ته وویل:

یو اصول دا دی چې په سیالۍ کې د واده شویو او بیا طلاق شویو ښځو مخه نیسي، ځکه نو زه دا اقدام کوم، چې دا تاج باید د دویم ځای ګټونکې پر سر کېښودل شي.

سري لنکا

BBC
په ویډیويي کلیپ کې لیدل کېږي چې تاج دویم ځای خپلونکې مېرمن ته ور په سروي.

په یوه ویډیو کې لیدل کېږي، چې اغلې جیوري تاج له اغلې ډي سلوا اخلي، د دویم ځای ګټونکې مېرمن پر سر یې ږدي او اغلې ډي سلوا له اوښکو ډکې سترګې له دریځه کوزیږي.

منتظمینو له اغلې ډي سلوا بښنه غوښتې چې وايي، له مېړه بېله شوې، خو طلاق یې نه دی اخیستی. وروسته نوموړې پر فېسبوکپاڼه ولیکل، روغتون ته د سر ټپونو درملنې لپاره تللې وه.

نوموړې زیاتوي، رښتینې ملکه هغه ښځه نه ده، چې د بلې ښځې تاج اخلي. د سري لنکا مېرمن نړۍ ملي سیالۍ مشر چاندي مل جیاسینګ بي بي سي ته وویل، د سې شنبې پر ورځ به اغلې ډي سلوا ته تاج بېرته ورکړل شي. نوموړی وايي:

دا زموږ لپاره یو شرم دی، د نه منلو خبره ده. د مېرمن سري لنکا نړۍ ښکلا سیالي په هېواد کې یوه مهمه سیالي بلل کېږي. په مراسمو کې د لومړي وزیر مېرمنې هم ګډون کړی و.

Continue Reading

بی بی سی پښتو

د دوبۍ پولیسو هغه ډله نیولې چې د هوټل برنډه کې یې لوڅ عکسونه اخیستي

Avatar

خپور شوی

په

(Last Updated On: April 6, 2021)
Dubai marina

Getty Images

په دوبۍ کې یوه ډله کسان په دې تور نیول شوي چې د یوې لوړې ودانۍ پر برنډې یې لوڅ عکسونه اخیستي. پر دوی په عام محضر کې د عیاشۍ تور لګېدلی دی.

په یوې ویډیو کې چې پر انټرنټ خپره شوې ښکاري چې اته بربنډې ښځې پر برنډې عکسونه اخلي.

دوبۍ کې د روسیې قونسلګري وايي په نیول شویو کې اته یې روسۍ دي او “جدي” تورونه پرې لګېدلي.

په دوبۍ کې په عام محضر کې د عیاشۍ سزا شپږ میاشتې بند او ۵۰۰۰ درهمه نقدي جریمه ده چې څه کم ۱۰۰۰ امریکايي ډالره کېږي.

د متحده عربي اماراتو ډېری قوانین شرعي دي او په تېر کې خلک د ځان لوڅولو او همجنسخوښۍ پورې تړلو اړیکو په تور نیول شوي.

د دوبۍ مرینا سیمه کې د کابو لسو ښځو عکسونه خپاره شوي. خو روسۍ رسنۍ وايي چې ۴۰ کسان په دې عکس اخیستلو کې ښکېل ول.

د روسیې قونسلګرۍ ویلي، تورن کسان د مرستې غوښتلو لپاره ورغلي وو، خو ډېره ګرانه ده چې قونسلګرۍ دې څه وکړای شي.

روسۍ نیا ناووستي رسنۍ وايي، د عکاسۍ پر تنظیموونکي ښايي یو نیم کال قید وخېږي.

د دوبۍ پولیسو خبرداری ورکړی چې هر هغه څوک چې پورن مواد او یا داسې څه خپاره کړي چې د عامه خلکو پر اخلاقو ناوړه اغېز وکړي بندي او جریمه کېږي.

د پولیسو په یوه بیان کې راغلی “دا ډول د نه منلو وړ چلن د امارتي ټولنې د ارزښتونو او اخلاقو ښکارندويي نه کوي.”

هر هغه څوک چې په اماراتو کې ژوند او سیاحت کوي د دې قانون تابع دی، د سیلانیانو له پاره هېڅ استثنا نشته.

په ۲۰۱۷ کال کې یوه بریتانیوۍ ښځه یو کال بندۍ شوه ځکه له داسې چا سره يې په خپله خوښه سکس کړی و چې پرې واده نه وه.

خبره وروسته له هغه رسوا شوه چې ښځې چارواکو ته شکایت وکړ چې دا کس له ګواښونو ډک پیغامونه وراستوي.

Continue Reading

Trending

آریانا نیوز: ټول حقونه خوندي دي