Connect with us

کوید۱۹

جاپاني ډاکټرانو د توکیو المپیک ځنډول وغوښتل

Ariana News

خپور شوی

 په

(Last Updated On: May 18, 2021)

په جاپان کې یوې روغتیايي ادارې له جاپاني چارواکو وغوښتل، چې د کرونا ویروس د خبرېدو د مخنیوي لپاره د توکیو اولمپیک لوبې وځنډوي.

دې روغتیایي ټولنې، چې څه نا څه ۶۰۰ غړي لري ویلي؛ جاپاني روغتونونه نور کرونایي ناروغانو ته د روغتیایي پاملرنې وړتیا نلري.

دې سازمان د جاپان لومړي وزیر ته یو سرخلاصی لیک استولی او د دغو لوبو د ځنډولو غوښتنه یې کړې ده.

په دې لیک کې راغلي: پر چارواکو سربېره مونږ غواړو د المپیک نړیوالې کمېټې ته قناعت ورکړو، چې د لوبو له ترسره کولو ډډه وکړي او د ځنډولو پرېکړه یې باید وشي.

په لیک کې زیاته شوې، چې روغتیایي بنسټونه، چې له کرونا ویروس سره مبارزه کوي له دې ډېره وړتیا نلري، چې نورو کرونایي  ناروغانو ته پام راوګرځوي.

دغه راز څرګنده شوې، چې که د ټوکیو المپیک له لوبو سره د مړینې کچه لوړه؛ جاپان به یې مسوول وي.

پر دغه روغتیايي بنسټ سربېره، کارپوهانو هم له حکومت غوښتي، چې د توکیو المپیک وځنډوي.

په جاپان کې د کرونا ویروس خپریدل ډېر شوي او د هېواد روغتونونه د طبي توکو له کمښت سره مخ دي.

د جاپان حکومت د می په پای کې د کرونا ویروس مثبتو پېښو د څارنې لپاره په توکیو کې بېړنی حالت اعلان کړ.

له دې مخکې له ۲۳۰۰۰۰  څخه زیاتو خلکو یو لیک لاسلیک کړی و، چې د توکیو المپیک دې وځنډول شي.

دا په داسې حال کې ده، چې تېر کال هم د ټوکیو المپیک سیالۍ د کرونا ویروس د خپرېدو له کبله ځنډول شوې وي.

تازه خبرونه

د کابل په ګډون په ۹ ولایتونو کې د کرونا واکسین پلي کولو نوی بهیر پیل شو

Ariana News

خپور شوی

په

توسط

(Last Updated On: June 13, 2021)

نن د  کابل په ګډون په ۹ ولایتونو کې د چین سینوفارم کرونا واکسینو د پلي کولو نوی بهیر پیل شو.

 افغانستان د کرونا پر وړاندې د مبارزې تر ټولو په سخت حالت کې دی؛  د هندي اسټرازینکا واکسین په پلي کولو کې له څو ورځو ځنډ وروسته د چین لخوا اووه سوه زره خوراکه واکسین هېواد ته را ورسېدل، چې ور سره سم  د کابل په ګډون په  ۹ ولایتونو کې یې خلکو ته د پلي کولو بهیر بیا پیل شو.

د عامې روغتیا وزارت د ویاند مرستیال عثمان طاهري ویلي، چې چین اووه سوه زره خوراکه واکسین مرسته کړې، چې د ټولنې زیان منوونکیو وګړیو ته پلی کیږي.

 د یاد وزارت معلومات ښیي، چې له تېرو څلیریشت ګړیو راپدیخوا په هېواد کې اووه شپېته ناروغان له کرونا مړه شوي او ۹۷۳ نور پرې اخته شوي دي.

عامې روغتیا وزارت د ځینو نویو محدودیتونو د لګولو تر څنګ په عمومي ځایونو کې ماسک اچول اړین  اعلان کړل.

د اکسیجن کمی اوس بله ستونزه ده؛ خو د بښنې نړیوالې ټولنې او ملګرو ملتونو له افغان دولت غوښتي، چې دا ستونزه ژر تر ژره اواره کړي.

دوی خبرداری ورکړی، چې که نړیواله ټولنه مرسته ونکړي؛ حالات به له څارنې ووځي.

د یادونې ده، چې د افغان جاپان او قصبې په روغتونونو کې د اکسیجن د تولید دستګاوو کار پیل کړی؛ خو خلک اوس هم روغتیایي سپارښتنو ته پام نکوي.

Continue Reading

تازه خبرونه

په کابل کې د امریکا سفارت د ویزو وېش وځنډاوه

Ariana News

خپور شوی

په

توسط

(Last Updated On: June 13, 2021)

په کابل کې د کرونا د درېیمې څپې د مخنیوي لپاره د امریکا سفارت د ویزو د وېش بهیر د جون له ۱۳ نېتې وځنډاوه.   

په افغانستان کې د کرونا د درېیمې څپې له خپرېدو وروسته، د امریکا سفارت څرګنده کړې، چې د ویزو د وېش بهیر به د جون له ۱۳ ودریږي.

د امریکا سفارت ویلي، چې دا کار د کارکوونکیو د خوندیتوب لپاره په پام کې نیول شوی، چې پرکرونا ویروس اخته نشي.

د ویزو یو شمېر غوښتوونکيو ویلي، چې ژوند یې په افغانستان کې له ګواښ سره مخ دی او باید د ویزو د وېش بهیر ونه دريږي.

د امریکا سفارت څرګنده کړې: مونږ منو، چې د ویزو غوښتوونکي به ناخوښه وي؛ خو غواړو، چې د خپلو کارکوونکیو او ویزه غوښتوونکیو ژوند خوندي او کنسولي خدمتونه ډاډمن تر سره کړو.

دوی وایي، چې طالبان د پرمختګ په حال کې دي؛ نو اړتیا ده، چې اړوند افغانان له افغانستان ووځي.

دا په داسې حال کې ده، چې د امریکا د بهرنیو چارو وزیر انټوني بلینکن په دې وروستیو کې د کرونا ویروس د کابو کولو لپاره له افغانستان سره د ۲۶۶ میلیون ډالرو مرسته اعلان کړه.

Continue Reading

تازه خبرونه

په افغانستان کې نوې کرونا ۲۵ ناروغان مړه کړي او ۹۲۹ پېښې رامنځته شوي

Ariana News

خپور شوی

په

توسط

(Last Updated On: May 31, 2021)

عامې روغتیا وزارت په ډاګه کړې؛ له تېرو ۲۴ ګړیو راپدیخوا په هېواد کې له کرونا ویروسه ۲۵ ناروغان مړه شوي او ۲۲۹ کسان پرې نوي اخته شوي دي.

د دې وزارت چارواکو ويلي، چې وضعیت نور له څارنې وتلی او په ځانګړي توګه د پلازمېنه ټولو ښاري اوسیدونکیو ته د ماسکونو کارول اړین شوي دي.

د روغتیا وزارت چارسمبالي وحید مجروح ويلي، چې د اړتیا په صورت کې به په ټول هېواد کې د زدکړې ټول مرکزونه وتړل شي.

وحید مجروح وایي وضعیت له څارنې وتلی دی. د ښارونو استوګن دې روغتیایي سپارښتنو ته پام وکړي او ماسک کارول به له دې وروسته اړین او وبه څارل شي.

په تېرو څلیریشت ګړیو کې ۹۲۹ نوي کسان پر کرونا ویروس اخته شوي او ۲۵ نور ویروس مړه کړي دي؛ له زیانمنو شویو کسانو څخه یوازې ۳۱۳ یې په کابل کې دي؛ خو سره له دې بیا هم ښار له خلکو ډک دی او روغتیايي سپارښتنو ته ډېر پام نه کیږي.

د یادونې ده، چې په هېواد کې د کرونا ویروس له کبله د ناروغانو او مړینو له ډېرېدو سره سم حکومت پرون په کابل، غزني، هلمند، کندهار، لوګر، بلخ، ننګرهار پکتیا، پروان، وردګ، پنجشیر، لغمان، بدخشان ، کاپیسا، کندوز او نیمروز په ګډون د ۱۶ ولایتونو ښوونځي او پوهنتونونه او نورې ښوونیزې ادارې د دغه ویروس د خپرېدا له کبله د دوه اوونیو لپاره وتړلې.

Continue Reading

Trending

آریانا نیوز: ټول حقونه خوندي دي