Connect with us

سوداگري

تېر کال په افغانستان کې نږدې ۳۰۰ ټنه ځمکتوتان تولید شوي – کرنې وزارت

خپور شوی

 په

(Last Updated On: وری ۲۹, ۱۴۰۰)

د کرنې وزارت څرګندونې ښیې، چې په ۱۳۹۹لمریز هجري کال کې ۲۹۹ میټریک ټنه ځمکتوتان تولید شوي.

دې وزارت زیاته کړه، چې هرات له ۳۱ هکتاره ځمکې ۱۵۵میتریک ټنه ځمکتوتان تولید کړي دي. له هرات وروسته کندوز او بلخ ولایتونو هم تېرکال ډېر تولید درلود. د فاریاب، دایکندي، سرپل او میدان وردګ په ولایتونو کې هم ځمکتوتان کرل کېږي.

د یاد وزارت د څرګندونو له مخې؛ په ۱۳۹۹ لمریز هجري کال کې دهېواد په کچه پر ۶۲ هکټاره ځمکه ځمکتوتان کرل شوي وه.

دغه وزارت په ډاګه کړې؛ افغانستان د ځمکتوتانو کرکېلي او پالنې ته مناسبه خاوره، اوبه او هوا لري او په دې وروستیو کلونو کې کرکېله او پالنه دود شوی هم ده.

د یادونې ده، چې هېوادني ځمکتوتان مو ډېر ویټامېنونه او مغذي مواد لري او په بازار کې یې هره کیلو تر ۲۰۰ افغانیو پلورل کیږي.

تازه خبرونه

هند کولی شي افغانستان ته د پاکستان له لارې بشري مرستې ورسوي – عمران خان

خپور شوی

په

توسط

(Last Updated On: ليندۍ ۲, ۱۴۰۰)

د پاکستان لومړي وزیر عمران خان د دوشنبې پر ورځ ویلي، چې هند کولی شي افغانستان ته د پاکستان له لارې خپل ۵۰۰۰۰ ټنه غنم او بشري مرستې ورسوي.

عمران خان دا خبرې د افغانستان له وزارتونو سره د همغږۍ کمېټې ته، چې نوې جوړه شوي کړي دي. د دې کمېته په دې ناسته کې د  پاکستان د پوځ مشر جنرال قمر جاوید باجوه، د بهرنیو چارو وزیر شاه محمود قریشي او دملي امنیت شورا د استازي معید یوسف ګډون کړی و.

دغه راز پاکستان به د هغو افغان ناروغانو د راستنېدو آسانتیا هم برابره کړي، چې د درملنې لپاره هند ته تللي او هلته بند پاتې دي.

پاکستان به سمدستي د ۵۰۰۰۰ ټنه غنمو او ژمنيو سرپناه په شمول د ۵ میلیارد روپیو پر ارزښت بشري مرستې هم افغانستان ته ولېږدوي.

د انډیا ټریبیون د راپور له مخې؛ پاکستانيو چارواکو دا ندي ویلي، چې آیا هندي لاریو ته به افغانستان ته د تګ اجازه ورکړ شي او که به له پولې څخه پر پاکستانيو یا افغان لاریو کې بار یا لېږدول کیږي.

Continue Reading

سوداگري

په تېرو دوه اوونیو کې ۶۹۸ ټنه وچه میوه صادره شوې – اسلامي امارت

خپور شوی

په

توسط

(Last Updated On: ليندۍ ۱, ۱۴۰۰)

د افغانستان اسلامي امارت د ویاند مرستیال په ډاګه کړی، چې د روان کال په وروستیو دوه اوونیو کې (۶۹۸) مټریک ټنه وچه میوه له افغانستان څخه اروپايي هېوادونو، آسیا، آمریکا او آسترالیا ته صادره شوې، چې ۵۸۵ ټنه یې ممیز دي.

د اسلامي امارت د ویاند مرستیال احمدالله وثیق ویلي؛ يادو هېوادونو ته په ټوليزه توګه د ٦٩٨ مټريک ټنه وچې مېوې صادر شوي، چې ٥٨٥ مټريک ټنه يې مميز دي.

احمدالله وثیق له افغانستان څخه بهر د وچې میوې صادرول د هېواد د اقتصادي ودې لپاره مهم ګام وباله او وایي، چې د افغانستان صادرات اوس تر بل هر وخت ډېر لوړ شوي دي.

دا په داسې حال کې ده، چې د ملګرو ملتونو چارواکو په دې وروستیو کې خبرداری ورکړی؛ که د افغانستان بانکي سیستم ته لازمې مرستې ور نکړ شي، ښايي په راتلونکیو میاشتو کې د افغانستان بانکي سیستم له سقوط سره مخ شي.

د ملګرو ملتونو پراختیايي پروګرام (یو ان ډي پي) دوشنبې پر ورځ ( د تلې لومړۍ) یو درې مخیز راپور خپور کړ، چې په کې د افغانستان د بانکي سیستم له احتمالي سقوط خبر ورکوي او د افغان بانکونو د ملاتړ لپاره د بېړنیو نغدي مرستو غوښتنه کوي.

د ملګرو ملتونو د پراختیایي پروګرام د راپور له مخې؛ د افغانستان د بانکي سیستم د احتمالي سقوط پایلې به ډېرې ښې نه وي.

په راپور کې ویل شوي: اقتصادي لګښت د بانکدارۍ سیسټم کمزوری کوي او په پایله کې به یې منفي ټولنیز اغېز پراخه وي.

دا په داسې حال کې ده، چې اسلامي امارت کنګل شوې پولي زیرمه ولسي او د خلکو بولي او د ملي سوداګرو د اقتصادي هڅو لپاره یې د آزادولو غوښتنه کوي او څرګندوي، چې حکومت ترې بله ګټه پورته کولی نشي.

Continue Reading

سوداگري

مالیې وزارت حکومتي کارکوونکیو ته پاتې درې میاشتنی معاش اجرا کوي

خپور شوی

په

توسط

(Last Updated On: لړم ۳۰, ۱۴۰۰)

د مالیې وزارت ویلي، چې د دولتي کارکوونکیو درې میاشتنۍ معاش په یو ځل اجرا کوي.

د دولتي مامورینو لپاره دا ښه خبر دی، چې د مالیې وزارت یې درې میاشتنی معاش په یو ځل اجرا کیږي.

د دغه وزارت د ویاند احمد ولي حقمل د څرګندونو له مخې، د معاشونو د ورکړې بهیر سر له یکشنې( د لړم ۳۰) پیلیږي او د تخنیکي ستونزې له حل وروسته به د دولت د متقاعدو کارکوونکيو د معاشونو د ورکړې بهیرهم له سره پیل شي.

د مالیې وزارت ویاند احمد ولي حقمل ویلي، دا بهیر د یکشنبې له ورځې پیلیږي او دولتي بنسټونه به د معاشونو نوملړ ترتیبوي.

د مالیې وزارت دعوایدو مشر معراج محمد معراج  ویلي، چې د هرې ورځې پر تېرېدو د حکومت عواید د ډېرېدو په حال کې دي او د دولت د کارکوونکیو د معاشونو په اجرا کې د بودجې له کمي سره مخ ندي.

هغه زیاته کړې، چې د متقاعدو کارکوونکیو معاشونه هم اجرا کیږي.

د اسلامي امارت له بیا واکمنېدو او د پخواني نظام له پاشل کېدو وروسته د هېواد اقتصادي نظام له ستونزو سره مخ شو او د دولتي بنسټونو ډېري کارکوونکیو نه یوازې معاش ندی اخیستی، بلکې له هېواده وتلي هم دي.

Continue Reading

Trending

آریانا نیوز: ټول حقونه خوندي دي