Connect with us

کوید۱۹

ترکیې ۶ هېوادونو ته الوتنې وځنډولې

خپور شوی

 په

(Last Updated On: چنګاښ ۸, ۱۴۰۰)

ترکیې د کرونا ویروس د خپریدو د مخنیوي لپاره شپږ هېوادونو ته الوتکو پر تګ راتګ بندیز ولګاوه.

د ترکیې د کورنیو چارو وزارت پرون دوشنبه د چنګاښ ۷ ویلي، چې له بنګله دېش، برازیل، سویلي آفریقا، هندوستان، نیپال او سریلانکا سره یې د مسافرینو پر هوایي تګ راتګ بندیز لګولی دی.

د راپورونو له مخې؛ هغه کسان، چې ترکیې ته له یادو هېوادونو وردننه کیږي؛ باید له رارسیدو څخه ۷۲ ګړۍ مخکې یې د پي سي آر کتنه ولري او ۱۴ ورځې په ترکیه کې قرنطین شي.

د ترکیې د کورنیو چارو وزیر زیاته کړې؛ د افغانستان او پاکستان اتباع یا هغه څوک، چې هلته ژوند کوي او ترکیې ته رادننه کېدل غواړي باید په دغه هېواد کې لس ورځې قرنطین شي.

ترکي چارواکو ویلي؛ هغه کسان، چې ترکیې ته له انګلستان، ایران، مصر او سینګاپور څخه راځي باید له سفر څخه ۷۲ ګړۍ مخکې یې د پي سي ق منفي کتنه کړې وي.

کوید۱۹

په چک جمهوریت کې د کرونا ویروس ورځنی شمېر له ۲۰۳۱۵ ډېر ثبت شوی

خپور شوی

په

توسط

(Last Updated On: ليندۍ ۶, ۱۴۰۰)

د چک جمهوریت د جمعې پر ورځ پر کرونا ویروس د ۲۰۳۱۵ کسانو د اخته کېدو راپور خپور کړ، چې په تېرو دوه میاشتو کې د ورځني شمېر د اوونیو لومړنی کمښت ښيي.

دا په داسې حال کې ده، چې روغتونونه یې اوس له خلکو ډک او حکومت محدودیتونه سخت کړي دي.

رویټرز راپور ورکړی ، چې د تېره اوونۍ پهمدې ورځ دغه ۱۰ اعشاریه اووه میلیوني هېواد پر کرونا ویروس د ۲۲۹۵۷ مثبتې پېښې ثبت کړې وې.

که څه هم د تېرې ورځې په پرتله د جمعې پر ورځ په روغتونونو کې د بستر شویو کسانو شمېر ۶۱۶۹ ته راټیټ شو؛ خو په تېرو درې اوونیو کې د درملنې وړ خلکو شمېر دوه چنده شوی او هغو، چې بېړنی حالت نه درلود بستر شوي ندي.

د چک حکومت امر وکړ، چې بارونه او چایخونی باید د شپې پر ۱۰ بجو وتړل شي او د ډېرو پېښو د مخنیوي په هڅه کې د کرسمس پر بازارونه هم محدودیتونه لګېدلي دي.

Continue Reading

کوید۱۹

په هالنډ کې د کرونا پر ضد لاریونونه پر تاوتریخوالي واوښتل

خپور شوی

په

توسط

(Last Updated On: لړم ۲۹, ۱۴۰۰)

رويټرز خبري آژانس څرګنده کړې؛ تېره شپه (جمعه د لړم ۲۸) سلګونه کسانو د هالنډ په پلازمېنه روټرډام کې  د کرونا ویروس پر ضد لاريون وکړ.

مظاهره چیانو د کرونا د محدودیتونو پر ضد لاریون وکړ، چې له کبله یې اووه تنه ټپیان او له شل ډېر نیول شوي دي.

د راپورونو له مخې، سختې نښتې د روټرډام بندر په مرکز کې رامنځته شوې دي.

عکسونه ښیې، چې لاریون کوونکي د پولیسو موټرو ته اور اچوي.

پولیسو ویلي، چې دوی د هالنډ له ګوټ ګوټ څخه روټردام ته سرتېري لیږلي، وضعیت تر څارنې لاندې ونیسي.

په دغو نښتو کې پولیسو ته هم مرګ و ژوبله اوښتې ده.

د هالنډ پولیسو ويلي، چې د لاریونونو مخنیوی نکوي؛ خو د ښار ویجاړول، پر پولیسو برید او موټرو ته اور اچول یوه لویه سرغړونه ده.

د یادونې ده، چې دمګړۍ د کرونا ویرس خپریدل په دې هېواد کې ډېر شوي دي.

Continue Reading

کوید۱۹

په امریکا کې پر کرونا ویروس د اخته کسانو شمېر او مړینه ډېره شوې

خپور شوی

په

توسط

(Last Updated On: لړم ۲۳, ۱۴۰۰)

د جان هاپکنز پوهنتون د څرګندونو له مخې؛ په امریکا کې د جمعې پر ورځ پر کرونا د اخته کسانو شمېر له ۴۶ اعشاریه ۹۴ میلیون زیات شوی او د مړینې شمېر یې له ۷۶۱ زره ډېر دی.

د سرچینې د څرګندونو له مخې د جمعې پر ورځ په امریکا کې پر کرونا ویروس د اخته کسانو شمېر  ۴۶۹۴۳۶۸۱ پورته شو او د مړینې شمېر یې هم ۷۶۱۴۰۴ ته ورسید.

که څه هم د امریکا ورمونټ ایالت د واکسین کولو ترټولو لوړه کچه ښیي؛ خو پر کرونا ویروس د اخته کسانو شمېر په کې له نورو ایالتونو ډېرثبت شوی دی.

سرچینې زیاته کړې؛ په ورمونټ ایالت کې نږدې ۷۲ سلنه اوسیدونکي کرونا ضد واکسین شوي؛ خو بیا هم  په کې د تېرې اوونۍ تر سې شنبې پورې پر کرونا د اخته کسانو د شمېر ډېروالی ښودل شوی دی.

کارپوهانو ویلي؛ د کرونا ویروس نوي پړاو د سرراپورته کولو په حال کې دی؛ خو د خلکو ډېره برخه، چې واکسین شوې، په ډاډه زړه محدودیتونه او روغتیایي سپارښتنې په پام کې نه نیسي.

دا په داسې حال کې ده، چې امریکا له کرونا څخه رامنځته شویو ستونزو ته د حل لارې لټوي؛ خو په یو شمېر ایالتونو په ځانګړي توګه د یوټا او ټکزاس ایالتونو کې روغتونونه اړوند تجهیزاتو ته د بسپنې غوښتنه کوي.

Continue Reading

Trending

آریانا نیوز: ټول حقونه خوندي دي